تجمع المسافرات الى لندن شهر 7 وشهر 8 ؟

[شوكلاتة سويسرية]

بنات انا بروح ان شالله 1_8
وبقعد ل 12_8
اللي بتكون هناك بهالوقت خلني اشوفها
>>>الله وناسة
خل نتواعد بهارودز

 

[gurly88]

ايه خلاص ان شاءالله اختي شوكولاته سويسريه الوعد هارودز باذن الله او اي مكان غيرهـ اللي تبون
اهم شي نتلاقى .......

 

[روحي تحب]

بنت الكويت بسالج اذا بتروحين باريس شلون بالقطار؟
اذا اي يجيكون عالجواز يعني في ختم
والفيزا لازم تسوين فيزا فرنسا ولا بس بريطانيه؟

انطر جوابج

حبوبه ضروري تاخذين الجواز آنا طلعت من لندن لفرنسا عن طريق الباخره ختموا على جوازي الفرنسيين علشان الفيزا ولما طلعت من فرنسا الصيف اللي طاف باليوروستار هم ختموا جوازي البريطانيين من محطة باريس علشان يتاكدون من فيزا بريطانيا وموفقه

 

[q8tia27]

هلا حبايبي
العفو اختي الرميحيه حاضرين للطيبين

الي سالوا عن الاماكن باليل انا والله مارد الفندق الا جذي 11 ونص ومرات 12 حسب يعني لان احنا نخلص كلشي وبال 9ونص نروح البيكاديلي غالبا ونقعد نتعشى هناك لان صيحه وعالم رايحه راده لي 2 باليل وناسه بس احنا مانتاخر حدنا 11 وعلى مانرد عاد نقعد بالوبي وكل الكويتيات يتكودون باليل وسهر لي 2 او 3 الفجر لان محد بيقعد من 10 بالغرفه ملل ومانسويها كلش احنا حدنا 1 وننام عشان نقعد الصبح لان بصراحه احلى شي بلندن جوها الصبح يرد الروح وحرام اطوفونه
والي تسال عن كمبرلاند اول ماطلعين جبالج مطاعم فاست فود ووراكم الوادي الاخضر ترا كلشي فيه وكافي مسلمين لبنانين لاتروحين سنزبري لان قالوا صاحبها بوذي مادري يهودي نسيت وصوب الواادي الاخضر اكو مطعم عراقي اسمه منقله واكو مطعم ايراني اسمه مسكوف وفي مطاعم مثل رنوش وفتوش لبنانيه باجورد يعني وراكم مو بعيد مشي لاتحاتين اكثر شي مكود بلندن المطاعم والبلعه ههههه

واخت قيرلي انتي معاي بنفس اليوم رايحه وين ساكنين انشالله؟

 

[SupeR-GirL]

هلا والله supergirl انا اللي اعرفة انه تقدرين تروحين بالكنال تحت البحر من لندن لباريس ب ساعتين او تاخذين سفينه
الفيزا مالت لندن غير فيزة اوروبا كل وحدة بروح
الجوازات ما اظن تحتاجينها لان انا سافرت اول للنمسا و تنقلنا باوروبا عادي بدون جوزات رحنا سويسرا و المانيا ما احد و قفنا و قال وين الجواز اصلا ماكو مراكز الشارع عادي ماشي يدخلج المانيا يطلعج على ايطاليا
حياة سعييييييدههههههههههههههه

اها يعني فيزتين
اي بين دول اوروبا مايجيكون عالجوازات لانها فيزا شنغن فيزا وحده

 

[SupeR-GirL]

حبوبه ضروري تاخذين الجواز آنا طلعت من لندن لفرنسا عن طريق الباخره ختموا على جوازي الفرنسيين علشان الفيزا ولما طلعت من فرنسا الصيف اللي طاف باليوروستار هم ختموا جوازي البريطانيين من محطة باريس علشان يتاكدون من فيزا بريطانيا وموفقه

مشكوووره روحي تحب ان شاء الله اذا نوينا نروح ناخذهم لان ليلحين مو اكيد نروح

 

[مي الصغيره]

احنا كنسلنا السفرة خايفين من المرض
كان ودنا نروح نتونس ونغير جو
مالي خلق اوسوس واحاتي طول السفرة
الله كريم

 

[روحي تحب]

متابعه بصمت بس اذا استدعي الوضع اني اتكلم اقوم انقز وارد لوووووووولحبيت اصحح معلومه للاخت كويتيه 27 مطعم مسكوف عراقي مو إيراني وحبيت ازيد مطعم آلونك ايراني لذيذ وعجييب وبالشارع اللي ورا مجمع الوايت ليز من عند الزاويه غير مطعم هم ايراني اسمه عبادانا بهاي ستريت كنزكتون ودايما تشوفين نواب مجلس الامه الكويتي فيه من كثر مااهو معروف وسلامتكم

 

[..ليالي..]

الله يسلمكم بنات وما قصرتوا


يلا شوكولاته

انا وانتي وgurly88
نتواعد بهارودز لان انا بعد راح اكون هناك بنفس المده

بس انا بعدج راح اكون بلندن 6\8
ان شاء الله

ومشكورين بنات ما قصرتوا على مجهودكم
احس اللحين دليت لندن كلها من قبل لا اروحلها
وحلوه فكرة البيكاديلي والعشا هناك محد قال عنها من قبل

تسلمون خواتي والله يجزاكم خير

 

[q8tia27]

حياج الله حبيبتي ليالي وحسافه ماراح اشوفكم انا برد 1-8 عليكم بالعافيه يارب واذا رحتي اكو مطعم ايطالي اسمه زيزي لايطوفج لذييييذ في له فرعين هناك بالسلامه

 

[gurly88]

هلا حبيباتي كويتيه 27 و ليالي
يوووووهـ كل وحده تاريخ ههههههههههههه بس يا كويتيه لا تحرميني شوفتك يالغاليه انا ووانتي والبنات اللي بوقتنا نتواعد
وبعدين الرد الثاني انا والغاليه ليالي وشكولاته ................. والا شرايكم ؟؟؟ والله صج فكرهـ
اي صح كنت بنسى انا ساكنه في ايلينق !!!!

 

[LA TROO7]

هاي بنات


عندي لسته شطولها ناويه اشتريها مناك

بس بغرف شناوين تتشرون مناك<<<تاخذ افكار منكم

بنات انتوا نفسي اذا جيت لندن تذبحني رجووووولي الم فظيع

 

[انا ودنيتي]

هلا حبوبات
انا للحين ما طلعت الفيزاا ): وسفرتي ان شاء الله
يوم الاربعااااااااا
وياليت احد هناك اتلاقا معه

 

[sha66ora]

هلا حبايبي
العفو اختي الرميحيه حاضرين للطيبين

الي سالوا عن الاماكن باليل انا والله مارد الفندق الا جذي 11 ونص ومرات 12 حسب يعني لان احنا نخلص كلشي وبال 9ونص نروح البيكاديلي غالبا ونقعد نتعشى هناك لان صيحه وعالم رايحه راده لي 2 باليل وناسه بس احنا مانتاخر حدنا 11 وعلى مانرد عاد نقعد بالوبي وكل الكويتيات يتكودون باليل وسهر لي 2 او 3 الفجر لان محد بيقعد من 10 بالغرفه ملل ومانسويها كلش احنا حدنا 1 وننام عشان نقعد الصبح لان بصراحه احلى شي بلندن جوها الصبح يرد الروح وحرام اطوفونه
والي تسال عن كمبرلاند اول ماطلعين جبالج مطاعم فاست فود ووراكم الوادي الاخضر ترا كلشي فيه وكافي مسلمين لبنانين لاتروحين سنزبري لان قالوا صاحبها بوذي مادري يهودي نسيت وصوب الواادي الاخضر اكو مطعم عراقي اسمه منقله واكو مطعم ايراني اسمه مسكوف وفي مطاعم مثل رنوش وفتوش لبنانيه باجورد يعني وراكم مو بعيد مشي لاتحاتين اكثر شي مكود بلندن المطاعم والبلعه ههههه

واخت قيرلي انتي معاي بنفس اليوم رايحه وين ساكنين انشالله؟

ودي اروح هالحزة بس اخاف العالم سكارى و مفاصيخ؟ ماحب جذي مرة طلعت اتمشى باكسفورد بالليل كل شي مسكر والربع topless !!! فما ادري دايما جذي ولا عشان كان يوم سبت ولا شنو بالضبط؟؟!

 

[q8tia27]

هلا شطوره والله شوفي في شوي سكارى لازم ايام العطلة بس اهم اذا ماتعرضتي لهم مايسون شي واصلن اهم مايكونون بالمطاعم تصادفينهم وانتي ماشيه بس غالبا ماندري عنهم وبعدين لاتروحين بدون زوجج او اخوج لازم واحد معاج

 

[رميحيه]

تسلمين اختي mr000 انطر وصف المزرعة لا هنتي

 

[رميحيه]

http://www.visitlondon.com

هلا بنات جوفوا هالموقع وايد عجيب اهم شي المطاعم بتلقون كل المطاعم اللي فلندن ويعطونكم خريطة المطعم و اسعار تقريبية بعد وتقدرون تحجزون عاد اذا تعرفونه لا تفشلوني

 

[mr000]

أختي رميحيه بالنسبه حق مزارع الفراوله في مكاتب سياحيه بأجوررود ينظمون رحلات لها وتكون من ظمن رحلة يوم كامل مع شغلات ثانيه مثلا أماكن ألعاب لليهال فأحسن هم لما تروحون عن طريقهم ينظمون لكم الرحله وفي موقع أسم places to go.org.uK يطلعلج الأماكن السياحيه والحدايق وايد حلو وتستفيدين منه وايد

 

[رميحيه]

عساج سالمة mr000

 

[q8tia27]

ماقصرتوا عالمواقع والافاده رميحيه واخت mr000