تجمع المسافرات الى لندن شهر 7 وشهر 8 ؟

[@شمس الضحى@]

حجزنا تاكد بتاريخ27/6 بأذن الله منو معنا بنفس التاريخ؟؟
ان شاء الله اشوفكم هناك ونجتمع بالهايد بارك والغداء شي اساااسي بالسلفردج كالعاده

 

[انا ودنيتي]

الله يسهل
انا بكرا ماشيه
بنات ياليت نتلاقاا هنااااااااااك انا اول مره اروحها

 

[كريستال]

انا ودنيتي

توصلين بالسلامه ويارب تستانسين

 

[OmRashed]

انا بعد بروح لندن مع عيالي اول شهر 7 الى نص شهر 8 وحاجزه كلشي

اسمع اخبار تطمن وساعات اسمع اخبار تخرعني وتخليني اتردد

 

[بنت بن فهد]

يحليلكم بنات والله تونسون
جنى سافرت معاكم

انا ان شاء الله الاسبوع الياى مسافره
وربى الحافظ بس محطتى الاخيره لندن بتاريخ 17/7
الى 27/7

بالسلامه لكم جميعا ان شاء الله

 

[@شمس الضحى@]

الله يحفظكم ويسهل عليكم ياخواتي

 

[..ليالي..]

الله يسلمج شمس الضحى وكل البنات

والله يكتب لنا الخيره

وان شاء الله مافي الا الخير لان احنا اللحين نحاتي الانفلونزا

انا من ناحيتي عادي
بس زوجي الله يهديه يقول اذا ما تحسنت الاوضاع ماراح نروح
مع ان حجزنا التذاكر وظبطنا امورنا وكل شي

بس ما اقول الا الله يكتب لنا الخيره

ان شاء الله

واتمنى اشوفكم هناك

انا سفرتي من 6\8 الى 14\8
بأذن الرحمن

 

[مخروووشة]

واي حدكم شيشتوني

شكلي بحجز لانة توني دقيت على السفريات في اماكن في ناس وااايد امكنسلين

 

[حبيبة فهودي]

لله يحفظكم ويسهل عليكم

 

[mr000]

سلام بس حبيت أقول للخوات اللي موجودين بلندن أو بيروحون لندن وصلني توه أيميل من سيلفريجيز أنه باجر تبتدي التزيلات!!وهم في محل موجود في كوفنت غاردن أسمه ديفيد آند غولياث يبيع بجامات نسائيه وبناتيه وشغلات حلوه حق البيت يعني تيشيرتات حفر وعلاق وشورتات آنا كنت بلندن شهر 4 وشفته وألحين مسوي تنزيلات!

 

[mr000]

بنات آنا توني جيكت على عنوان محل البجامات هو في كوفنت غاردن والفرع الثاني في كارنابي ستريت اللي متفرع من ريجينت ستريت وفي فرع في كنت وهذي طبعا بره لندن!

 

[همسة فرح]

هاي بنات انا الحين بلندن صارلي شهرين الجو روعه ولا في اي اثر للانفلونزا انصحكم تيون الايام هذي بدت التنزيلات والجو ممطر ومشمس بس هم ثقلوا بالملابس ترى فيها برد ساعات وخصوصا لليهال:ada:

 

[كريستال]

مروو تسلمين حبيبتي

ياليت تكتبين اسم المحل بالانجليزي فديتج

 

[ام فويزان]

السلام عليكم بنات انه انشالله رايحه اول 7 مع امي علاج الله يحفظها بس حدي امغلقه ماني عارفه اشلون الاوضاع وايد قعد احاتي ولدي من الانفلونزا و عفيه الي عندها خبره بلندن المستشفى موجوده اب ويلينقتن ستريت اشلون المكان

 

[mr000]

كريستال حبيبتي آسفه تأخرت عليج بالرد المحل أسمهDavid @ Goliath ! وعلى فكره ترى لاسنزا هناك أرخص من الكويت وقت التزيلات بشهر 4 كانوا حاطين البجامتين ب12 دينار طبعا غير الملابس الداخليه 5 قطع ب5 باوند!! وهم لاتطوفون برايتون ترى سهله مايبيلها شي بالقطار 45 دقيقه من محطة فكتوريا تروحين الضحى وتردين قبل المغرب لأن سوقهم يسكر 5 بس الأسعار حلوه عندهم وفي مجمع أسمه تشرشل شوبينغ سنتر!!

 

[! FABULOUS]

احنا ان شالله بنروح لندن على نص 7 ونقعد اسبوعين انا وامي وابوي !

بس امي الله يهداها متصروعه من المرض وعلى طريف انه تكنسل قبل ما نحجز وانا اهديها واقول ماكو شي وكل العالم بيروحون !

جان تقول ويه عيل ماكو حجز ! جان اقولها لا ناس وايد بيكنسلون عشان انفلونزا الخنازييير ! جان ترد تخترع لوول

بكحلها عميتها :$

بس الله الخير حافظ وان شالله ماكو الا العافيه بس بغيت اسأل !
احنا ان شالله عقب لندن بنروح لبنان شنو اللي احسن بالنسبه حق حجز التذاكر والاسعار
نروح لندن وبعدين لبنان ولا لندن الكويت لبنان ؟
ياليت اللي يعرف يفيدني ومشكورين p;

وسؤال داش عرض شوي ! منو يعرف اذا كانت خدمة البلاك بيري تشتغل بلندن ولا لاء ؟ انا خطي دولي !

 

[mr000]

والله أختي الوالد موجود بلندن من أول شهر6 وبيقعد لي أول رمضان يقول ماكو ألا العافيه والجو حلو ووناسه وشاف ناس حتى مايبون يرجعون بيصومون هناك!!

 

[انا ودنيتي]

هلا بنوتات انا وصلت لندن
الجووووووووو خيااال
وبالنسبه للمرض عااديه الاوضااع ماكو خوف
اليوم الفجر مطر والحين شمس

 

[كريستال]

مرووو

تسلمين فديتج ماقصرتي على الرد

الله يعطيج العافيه حبيبتي

 

[mr000]

العفو حبيبتي كريستال وأي شي تبين آنا حاضره