تجمع المسافرات الى لندن شهر8 تعااالوا

[q8tia27]

السلام عليكم

مرحبا بنات:68_asmilies-com: شلونكم شخباركم

بدش بالموضوع سيدا
بتروحون لندن هالسنه وشهر 8 ؟
يالله خل نشوف متى تاريخ سفرتكم؟ وشكثر بتقعدون؟ ووين بتسكنون؟ ووين ناوين تروحون؟ واذا حابين شرايكم نجتمع هناك على يوم وبالهايدبارك نتعرف على بعض
انا عن نفسي بروح 7-8-80 ان شاء الله وبسكن في بورتمان ساس
وناوين نروح ميلتون كينز وبستر فيلج وديستريك ليك وورحلات للمزارع واحتمال برايتون والباجي تسوق وتمشي بلندن

ياليت تشاركون بنات وتجاوبون عالاسئلة وكل وحده تقول اذا ودها نتشاوف اهناك وانا اول وحده موافقه وابي تفاعلكم بنات وتروحون وتردون بالسلامه:tek:

 

[rawona]

مو رايحه لندن هالسنه ..بس ماحبيت ادش من غير رد ..

عموما انشالله البنات اللي بيسافرون لندن هالصيفيه يشاركونج ..

موفقه :tek:​

 

[نطوووعه]

هااااااااااااااااي


انا ان شاء الله في نيه ارووووح لندن هالصيييف

بس متى؟؟ مادري .. بس ماعتقد شهر 8 يمكن قبل


و ويين بنسكن موووش عاارفه واللهييي <---- تحسين بس ازهب الجنطه و اركض هيهيهي


ناويه اخلي ولدي عند اهلي عشان افتر بلندن عدل واستانس


ابي الماركات الغريبه مالت لندن نفسخا مو العالميه وابي البوتيكات المدعووسه اللي هدووومها و اشياءها غريبه


علموني يا بنيات ترى خبري بلندن عتييييييييييييييييييييييج من قلب الالفينات هيهيهي

 

[tofy]

انا توني يايه قعدة اسبوع كنت مسافرة ديرة ثانية وخليت لندن ترانزيت

بالروحة قعدة بفندق كمبرلاند ضيجة الغرفة بس الموقع حلو

و بالردة قعدت بفندق ثسل ماربل ارج

وبالنسبة حق الشوبنغ مالقيت شي مميز حقي لاحظت اغلب المحلات نفس الي عندنا

بس استانست على primark بجاماتة حلوه ورخيصة

ونصيحة الي تبي تتسوق عدل لا تاخذ ياهل معاها

<<ماخذة ولدي معاي عمره سنتين وطفرني

 

[LaDyA]

انا انشالله بروح لندن اول 8 :ggdw:


بنروح انشالله على الطيران الاماراتي واحتمال كبير نسكن بكيمبرلاند وبنقعد 22 يوم بس لاحظو اول مرة برووووح لندن فمنكم استفيد يا بنات :gathering:

الا صج احنا لين الحين ما قصينا التذاكر ولا سوينا الفيز !:tomato2:

بس انشالله يارب تسههههل الامور وتيسر لنا سفرتنا يااارب

 

[brettey]

الفال لي ان شاء الله

 

[toot^o^mishmish]

ياحلات لندن وياحلات طاريها ....
النيه موجوده بس للاسف الظروف حدها ما تسمح ......
بس اي شي تبون انا حاااااااضرة وبالخدمه
ونصيحة الي بيقعدون هناك اكثر من عشر ايام ليش ما ياخذون شقق وايد اوفر

 

[q8tia27]

مشكوريين بنات عالمشاركه ماقصرتوا

وان شاء الله نشوفكم هناك

ladya بقولج شغله كمبرلاند مكانه حلو بس شوي الغرف مو شي صغار دام ماحجزتوا
عندج ثستيل ماربل ارج و بورتمان ساس شوي اكبر الغرف مع ان لوبي مال ماربل ارج لووويه هههه بس يونس حق الطماشه
وقريب حيل حيل على اكسفورد صاير وبورتمان وراه
وصح الشقق شوي اوفر بس مو قراب من السوق وبولج ترا الفيز تاخذ وقت يعني سرعوا شوي بالحجز لان لازم تبصمون
ويالله خل نشوف باجي البنات الي مسافره هالصيف والي توه راده تقولنا وين سكنت وشنو رايها وشنو احلى لقيتوه هناك
وموفقين

 

[LaDyA]

مشكورة q8tia27 حبيبتي انشالله احاول اغير السكن بس الفيز ما سويناها ..!!!:0bee2e8d89:

الا صج بنات جم ميزانيتكم للتسوق:080402ask_prv: ؟؟ واشلون تدفعون كاش ولا كنت ؟؟ وجم تشيلون معاكم كاش ؟؟؟


بنات صج !! سمعت ان بمطار هيثرو اذا لابسة جاكيت يفصخونج اياه حتى لو كان تحته حفر !!!! انا ناوية البس تريننق بس تخيولو حفر وحجااااب :cxxxp:

 

[شيهانه]

انا توني يايه قعدة اسبوع كنت مسافرة ديرة ثانية وخليت لندن ترانزيت

بالروحة قعدة بفندق كمبرلاند ضيجة الغرفة بس الموقع حلو

و بالردة قعدت بفندق ثسل ماربل ارج

وبالنسبة حق الشوبنغ مالقيت شي مميز حقي لاحظت اغلب المحلات نفس الي عندنا

بس استانست على primark بجاماتة حلوه ورخيصة

ونصيحة الي تبي تتسوق عدل لا تاخذ ياهل معاها

<<ماخذة ولدي معاي عمره سنتين وطفرني

نفسي توني راده من لندن وقعدت بالكمبرلاند وااايد حلو وغرفت امي اكبر من غرفتنا لن احنا دبل واهم توين فالي يبي الكمبرلاند ياحرص على التوين بيد اوسع دار.. وكافي القرب الصراحه ايهبل ومجدد .. بس المشترا ميييييييييييييح ما حبيت سوقهم كل شارع الاكسفورد ستريت نفس الكويت بالعكس الكويت محلاتنا ارتب وتشوفين اللبس احسن اهناك زحممممممممممممة شنو هذا وطاااااااابور على القياس الي تلوع جبدك وتهونين .. وسلفردجز عيزت طاحت ريلي ما غير من فوق لي تحت ومن تحت لي فوق ابي لبس حلو وسعره مناسب مااااكوووو !!!!! ابيه يا غاااااااااااااااالي يصلخ يا لوعه .. يمكن الهارفي نيكلز احلى شي عندهم وحتى هارودز مو زووود وزحمممممممممة

 

[مهااا]

خبيرات لندن متعرفوون شقق كبيره وقريبه من السوق واسعار زينه ونظيفه


حق 6 اشخااص


بليززز ردووو علي ماكوو وقت

 

[q8tia27]

انا سمعت عن شقق باجورود وجنه اكو اسمهم الددلي وكلها كويتين بس مادري عاد تكفي حق جم سالي السفريات عن الشقق وانصحج سفريات السيد 2400100 اتصلي وشوفي

 

[q8tia27]

والله يا ليديا انا العام صرفت بروحي 1300دك انا بنت بروحي كله مشترى وخرابيط وهالسنه ناويه نفس الشي يعني حول 1500دك بس شنو يعني شريت والله كله ماركات من جذي يعني تسوا عرفتي الي اشوا للحين جناطي وساعاتي ماكو بالكويت منهم مع ان صارلي سنه وللحين مانزلوهم هذي الميزه وادفع بالكنت ومورات اسحب وادفع لهم لان بطاقتي الخليج وكانت اتعلق مليقه
وشوفي سويت فيزا بحدود 1000دك عشان اذا بخاطري شي وتوهقت اشخطها هههه
وعلى سالفه هيثرو ماسمعت هالشي اشدعوا يفصخون ليش شصاير؟ بس عن التوهق لبسي قميص بدون جاكيت ولاشي سبحان الله ماتسوا علينا بعد جدام خلق الله حجاب وحفر هههههههههههه تخيلي

 

[مهااا]

مشكوره حياااتي بس ما ابي عن طريق سفريييات ابي موقع انااا احجزه اوفر لي

 

[caramella]

آنا والله بالصيف اللي فات وآنا راجعه الكويت بمطار هيثرو كنت لابسه قميص طويل جنه جاكيت ولابسه تحته جم طويل وجينز بس مرصرصين فقالي فصخي الجاكيت قلت له لا آنا متحجبه ولبسي من تحت ضيج وثانيا هذا مو جاكيت تالي طوفني عادي

 

[May81]

انا رايحه لندن بتاريخ 29\8 الى 3\9
واحنا رادين من امريكا وان شاء الله بنسكن في كمبرلاند
بس للاسف راح يصيدنا رمضان اهناك مالقينا حجز الا بهلوقت + مانبي نترك اخوي يقعد بروحه واحنا نرد ...
لانه يدرس اهناك
خبري بلندن من 2001 ... مااحبها وايد ... ناسها غثيثين


بالنسبه حق الجاكيت اذا كنتي لابسته وبتمرين من الجهاز ... السنه اللي فاتت كنا نازلين ترانزيت بالمطار
كان علي ترينر اول ماشفت الناس اللي جدامي يفصخونهم .. قمت صكيته فماقالوا لي شيء بس وانتوا بالكرامه الجواتي لازم تفصخونهم حتى ولدي اللي عمره سنتين قالوا لي لازم تشيلينه واهوا خااف انه يأخذونه وقعد يصييييييح ويصرخ مايبي والريال اللي واقف عن الجهاز هندي متفلسف يقووولي شيليه .. اقول له شووف اليهاااال الا يقول لالالالالالالازم بط جبدي بط الله جبده

 

[LaDyA]

بنات انا قاعدة احاتي ان يكون علينا وزن زايد واحنا رادين خبركم كويتيات والمشترى :klhfl:

بس قالو لي عن شركات شحن !! بنات منو جربت تشحن اغراضها من لندن لي الكويت ؟؟

 

[q8tia27]

احنا شحنا من قبل بس نسيت اسم الكارجو بس لاتحاتين شكثرهم هناك تلقينهم والا سالي الفندق يعلمونج خاصه ي شركات شحن عربيه

 

[caramella]

بنات انا قاعدة احاتي ان يكون علينا وزن زايد واحنا رادين خبركم كويتيات والمشترى :klhfl:

بس قالو لي عن شركات شحن !! بنات منو جربت تشحن اغراضها من لندن لي الكويت ؟؟

ديري باج من سافت الوزن خصوصا إذا كنتي رايحه عالكويتيه_03BA:
ترى الكيلو ب 10 دنانير من لندن لي الكويت آنا توني رادة بنص مارس اللي فات كان عندي وزن إزيادة تقريبا 12 كيلو بس طوفوهم ما خذوا علي فلوس من كثر ما أذوني إلا بيشوفون ريلي قبل ال check in وريلي رايح إرد السيارة اللي مأجرينها وتأخر لإعيزت أترجاه سولي الcheck in ما رضى لمى ييه ريلي على آخر دقيقه من تسكر الكاونتر ف مشوا سالفة الوزن ما يندرى عشان ما يمدي ولا عشان خاطر عيوني :eh_s(1):
يا معودة رب ضارة نافعة ولا دفعت 120 دينار :yaaaaaarb:
بس وايد ناس إشحنون من لندن مرة وآنا امجابله الدريشه بشقتي أبحلق بالشارع وأخوزز بالياي والرايح:wqedqw:
جكيت ناس قاعدين بالهلتون قاعدين إشحنون أغراضهم من شركة arab cargo ركضه زخيت موبايلي وكتبت الرقم للعازة وهذا رقمهم 02073731034
إنشالله تستفيدين منه:hjy5jewf:

 

[مخروووشة]

مشكورة ياحياتي

عاد انا شهر 8 رادة

بنات سكنوا باواتر قاردن يهبل اكسن من ددلي كوت وبارك وست لا اتقربون منة ويع

اوي شي انا حاضرة لاني بلندن