تجمع المسافرات الى ميونخ وزيلامسي...حياكم

[وافية*]

:68_asmilies-com:
شخباركم انشاللة مرتاحين
حبيت اسوي هالتجمع عشان نستفيد من افكار بعضنا
الطريقة شلون
تحددين اول شي الشركة الناقل للطيران اللي بتروحين عليها
ثانيا سعر التذكرة جم خذيتيها
ثالثا مدة السفرة
رابعا الاماكن اللي حاطتها في بالج هناك بتزورينها انشاللة
وياللة شدوا حيلكم


أنا ببدأ بسم اللة الرحمن الرحيم
الناقل الرسمي لنا في هالسفرة القطرية

أسعار التذاكر كانت عرض صراحة مايتطوف 507 دنانير انا وزوجي وعيالي 2 (6سنوات و 4سنوات)

مدة السفرة انشاللة 20 يوم

الاماكن اللي حاطتها ببالي للزيارة كثيرة

داخل ميونخ...(المارين بلاتز/حديق الحيوان tier park وعرض الكلاب البحرية/بافاريا لصنع الافلام/الحديقة الاولمبية والمجمع الاولمبي/مجمع ريم اركاديا)

خارج ميونخ مدينة قارميش تبعد 90كم من ميونخ والطبيعة عجييييييييبة فيها غيرميونخ وفيها شلالات قارميش مرتفعات zugspitze(

وممكن مدينة ميتن فانت تبعد 20دقيقة من قارميش.

وطبعا الحدايق كثييييييييييييرة عندي بس للحين ماقررت ازور جم وحدة فيهم مثل

sky line park
erlebnis park-steinau
maerchenwald-isartal
wunder land
jimmys-fun park
ravensburger
وطبعا اهم حديق هي الليقولاند(legoland)في مدينة gunzburg تبعد عن ميونخ 115كم

وعندي واللة معلومات شكثر عن ميونخ من مطاعم عربية وغيرها بس تعبت من الكتابة اللي تبي شي عنهم تسال وانا حاظرة
هذا بالنسبة لميونخ وماحولها

راح اتكلم لاحقا عن زيلامسي وماحولها انشاللة​

 

[remoo_007]

هلا حبيبتي انا ان شاء الله بروح فينا .. كابرون.. ميونخ نظام قروب على الخطوط الاولبيه اليونانيه
انا قاعده اجمع معلومات وانت سوي كوبي اذا تقدرين عشان هم نستفيد ومشكووووره

 

[وافية*]

هلا فيج انا بطلع على زيلامسي وكابرون وسالزيورغ بس ماراح اروح فينا بعيدة على خصوصا ردتنا انشاللة من ميونخ

 

[Catherine zeta-jones]

السلام عليكم
احنا حاجزين عالقطريه التذكره للشخص 160 يعني 320 انا و زوجي
انا بروح زلمسي 6 ايام و بعدها ميونخ 4 ايام
ماراح اطلع من زلمسي بعيد ولكن ميونخ راح اطلع اروح قارمش.

يا ليت دام عندج معلومات عن ميونخ تعطينا خصوصا المطاعم اللي اكلها حلال و تكون قريبه من السنتر .

 

[وافية*]

ليش ماتطلعين من زلامسي حرام تطوفين كابرون يمها كلش مابنهم شي 10 دقايق وكل المتعة بكابرون

وبالنسبة للمطاعم بميونخ
نياوزان ايراني
كسارة لبناني
بارس ايراني
شاليزار ايراني
swagat هندي
mugat هندي
lemar
pamir

 

[وافية*]

up up up

 

[reyad_academy]

اخواتي هذه الاماكن التي ذكرتها اختنا
1- مدينة الملاهي ( sky line park ) هذا موقعها ( http://www.skylinepark.de )

2- مدينة الملاهي( erlebnis park-steinau ) بعيدة عن ميونخ بـ 4ساعات وصغيرة
هذا موقعها( http://www.erlebnispark-steinau.de )

3- مدينة ( maerchenwald-isartal )
موقعها ( http://www.maerchenwald-isartal.de )

4- مدينة ( wunder land ) ما اعرف عنها شي بس اعتقد انها في برلين

5- مدينة ( jimmys-fun park ) تبعد ساعة من ميونخ موقعها ( http://www.kindererlebnis.de/jimmy.htm )

6- مدينة ( ravensburger ) ماعرفت عنها شي

7- مدينة ( legoland ) تبعد ساعة من ميونخ موقعها ( http://www.legoland.de )

وسامحوني على القصور

 

[الحـــلوه]

خوش تجمع انا ناويه وزوجي نروح المانيا والنمسا وودي اعرف معلومات لااتوهق انا وزوجي اهناك لانه اول مره نروح




ودي اعرف الاسواق اول شي ابي شنو الشي اللي شد انتباهج وغريب موموجود بالكويت من بضايع جناط جواتي ملابس اي شي؟؟ودي لنفسي وابي الهدايا شنو احسن مكان اشريتي منه لحبايبج والاسعار تكون زينة؟؟





والاماكن السياحيه بألمانيا والنمسا شنو بالضبط؟؟؟



شنو تنصحيني فيه بألمانيا نسكن بميونيخ واالا برلين والنمسا نسكن في زلمسي والا كابرن؟؟؟


والفنادق ابي فندق نظيف سعره زين بالدولتين؟؟؟

 

[بندولة]

انا بعد اول مرة بروح المانيا انشالله ودي تفيدونا اكثر عن الاماكن وشاكرتلكم

 

[همامة]

هلا بنات تروحون و ترجعون بالسلامة يا رب

ادخلوا بحث بالمنتدى اهنيهو اكتبوا ميونيخ او الدول اللي تبون تروح لها
في بنات كاتبين تجاربهم و الفنادق اللي سكنوا فيها و ساعات يحطون صور للي تبي تستفيد

الله ييسر لكم الخير

 

[3e6er alwrd]

حبايبي انا بعد وياكم بروح انا وزوجي وبنتي على القطريه حصلنا التذاكر بسعر خيالي 160 حقنا و140 حق بنيتي الله يخليها
انشاء الله ناوين الغابات السوداء وكابرون وميونخ
من الغابات السواء راح نروح اليوروبارك واستالزبوغ الفرنسيه
طبعا من كابرون راح نروح مناطق ورحلات واهمها سالزبوغ والبحيرات السبع
ومن ميونخ بروح قارميش وليقولاند وفوسين الي فيها قصر ديزني
مدة الرحلة 17 يوم تقريبا ما حددنا كل منطقة جم يوم بس راح ناجر سيارة ونفتر

 

[قطريه30]

انا يوم الثلاثاء طيارتي ع مينويخ ع القطريه...منو معاي؟

بنقعد بميونخ 3 ايام وبعدها سالزبورغ ليلتين وبعدها زيلامسي 4 ليالي وبعدها ميونيخ اسبوع

 

[um jojo]

هااي __ شكرا لصاحبة الموضوع و يعطيها العافية

انا بعد مسافرة لميونخ و كابرون بعد اسبوعين و خذيت تذاكري بعرض على الامارتية اطلعت علينا لنفر 138 بس عيبها انها تطب ترانزيتين بس قلنه ميخالف احنا شباب و تغيير ...

و بروح اول شي من ميونح كابرون 4 ليالي و ميونخ 4 ليالي يعني سفرتي كلها 10 ايام لان ماعندي اجازه الصراحة

و قلت بكن في ميونخ بالنوفوتيل و بكابرون ليلحين ما قررت بس كابرون متشابه تقريبا الفنادق و قلنا بنخلي كابرون اول 4 ليلي بس طبيعة و استجمام و في ميونخ سوق ومدينة ملاهي يوم و بس و سلامتكم

 

[الحـــلوه]

انا ماحجزت ليلحين ومادري الصراحه على اي سفريات احسن نحجز والتاريخ 24-7؟؟؟؟



انا 15 يوم بقعد فيها كافيه اعتقد وان شاء الله بجمع هالفترة هذي اللي ناقصنا من معلومات

 

[وافية*]

انا تخطيط الرحلة باذن اللة كالتالي
اول يوم ميونخ يوم الوصول
ثاني يوم نطلع ستراسبورغ ومنها زيارة اليوروب بارك ( انشاللة لان زوجي متردد يقول درب 380كم بالسيارة ادعولي يرضى)ونقعد فيها يومين بس كفاية عليها
العودة لميونخ ونقد فيها 3ايام
التوجة الى قارميش 3 ايام
اخر شي بطلع زلامسي 11 يوم راحة واستجمام
واليوم الاخير العودة للوطن

 

[بندولة]

اختي قطرية30 لوسمحتي ماعليج امر بجم حصلتو التذكرة حق المانيا اللي اهي سفرتكم الثلاثاء ؟؟

 

[قطريه30]

هلا بندوله تذكرتنا طلعت 3560 ريال تقريبا عندكم 280 دينار

وع فكرة القطريه نحجزها من عندنا غاليه بس عندكم ارخص وايد ناس يشكون من هالشي مع ان احنا اهل البلد:eh_s(14):

بنات ادعولي بكرة سفرتنا ان الله يسير امورنا ويسهل علينا ويحفظنا وان شالله راح اتواصل معاكم من هناك:klhfl:

 

[كعكوعه]

انا ان شاء الله طالعه مع قروب الفضاء تاريخ 25/7 لمدة 14 يوم

طلع علينا 630 دينار الكبار تذاكر وسكن وافطار ومواصلات

 

[الحـــلوه]

مرحبا بنات





وافيه



جمعتي معلومات كافيه الحين عن سفرتج بليز اذا عندج لاتقصرين معاي انا احس نفسي ضايعه





وبغيت اعرف اذا الانجليزي الزوج مايعرف كلش ومخلي كل شي علي اتفاهم معاهم وهو ماله شغل





شسوي



انا بالانجليزي زينه افهم الكلام اللي يدور بس بالمحادثه بيني وبينهم مش ولابد انصحوني ناخذ مترجم لانه بعضهم مايتكلمون انجليزي الماني شرايكم؟؟

 

[أم الغلا كله]

عادي إذا انتي تعرفين انجليزي راح تمشين اهم شي انج تعرفين لو الكلمات مو شرط بلبل انجليزي ماراح تحتاجون مترجم بس يبيلج جرأة شوية وممارسة اول يومين وبعدين رح تنطلقين واهم هناك حتى لو ما يعرفون كلهم بس لازم تلقين منهم احد يتكلم لو من الزباين ولا تحاتين ماراح تضيعين حتى كلش كلش عرب شكثر هناك بيساعدونكم وربج يسهل سبحانه