تجمع المسافرات فينا_زلمسي لشهر 8

[(*_*)]

:tek:السلام عليكم ورحمة الله وبركاته



حبيت اسوي لنا موضوع عن ميونخ

وانا عن نفسي بسااافر شهر 8

على الامارتيه
تطب بالامارات وعقب سيده ميوونخ


بغيت اسألكم شلون اسعار تكاسيهم
والديره غاليه ولا لا ؟
ولا تقريبا نفس الكويت؟:tek::tek::tek:

 

[.. مـــلاكـ ..]

مي تووووووو نفس اسالتي ..

 

[(*_*)]

حياج الله

اتمنى يفيدونه خبيرات النمسا

 

[.. مـــلاكـ ..]

up up

 

[باونتى]

أنا رحت لها أولت العام .. وااايد حلوه .. كانت الرحله على الاماراتيه فى شهر 7 . اول شى طبينا فى فيينا وااااااااااااى تهبل انا وااايد حبيت فيينا .. تنقلاتنا كلها بالاندر غراوند .. رحنا :
* مغارة هتلر .
* قصر الشنبرون .
* السنتر .
* نهر الدانوب .
* بحيرة لكسمبورغ .
* مدينة الملاهى .
وبعدين رحنا بالباص لمدينة سالزبورغ تقريبا لمدة 5 ساعات . ورحنا فى سالزبورغ بحيره سن جلجن . وماقعدنا فيها وااايد بس ليلتين .

وبعدين خذينه باص ورحنا زل ام سى وقعدنا فيها اسبوع وااايد حلووووووووه بس كلها خليجين .. فيها البحيره والشلالات و رحلة الثلج والتلفريك والزحلاقيات واااااااااااو رووووووووووووعه . والجو ايننن .

وبعدين خذينا باص ورحنا ميونيخ وقعدنا فيه 5 ليالى . . ورحنا ستيديو بافاريا .. متحف سيارة بى ام دبليو .. وبس باجى الايام كله بالسوق .. وميونيخ فيها رحلة حق قارمش يقولون حلوووووووووه ..

 

[(*_*)]

حلوووو والله

ان شاء لله استانستوا

والصراحه معلوماتكم كنز وباخذ الاب توب وياي عشان اكلمكم من هناك

ملاك منوره مواضيعي

ويعطيج الف الف عافيه باونتي
منورتني

 

[اميرة الغيد]

عزيزتي بالنسبه لفيينا وميونخ التنقل فيهم بالاندر جراوند مو بالتكاسي ، وزلمسي اسهل شي الباص يوديج لكل مكان ، وعموما الاندر جراوند والباصات اسعارهم رخيصه . بفيينا وميونخ اخذي تذكرة الاندرجراوند اللي حق اليوم كله او الاسبوع كامل تطلع ارخص بعد ، اتمنى لج رحله سعيده

 

[باونتى]

حلوووو والله

ان شاء لله استانستوا

والصراحه معلوماتكم كنز وباخذ الاب توب وياي عشان اكلمكم من هناك

ملاك منوره مواضيعي

ويعطيج الف الف عافيه باونتي
منورتني

الله يعافيج يا قلبى واى سؤال انا حاضره

 

[(*_*)]

سالمية
بااونتي


يعطيكم ربي الف عافيه
مشكورين وايد على الافاااده

 

[بازوكه]

مرحبا اختي..


حتى انا بعد ابي معلومات تفيدني انا رحلتي نهاية شهر 7

على الاردنيه فيينا زلمسي ميونخ واتمنى احد يفيدنا

والله يعطيكم العافيه..

 

[(*_*)]

حياج الله بالموضوع
واتمنى الكل يستفيد من المعلومات

 

[Love \ Hate]

خبيراتنا حق اسبوع اذا بروح جم يبيلي مصرف وتنقلات واكل ؟؟ يعني بوكيت موني بدون الفندق والتذاكر

 

[باونتى]

خبيراتنا حق اسبوع اذا بروح جم يبيلي مصرف وتنقلات واكل ؟؟ يعني بوكيت موني بدون الفندق والتذاكر

شوفى على حسب انت شلونج مع السوق ؟؟

 

[باونتى]

اى صج تذكرت .. روحوا شوفوا فى فيينا مغارة الملح أنا مارحت لها انتوا شوفوها

 

[galaxey12]

نصيحة الي يبي يروح من ميونخ لي زلمسي يروح بتكسي
خذا علينا تقريبا 200 - 250 يورو
يعني نفس القطار إذا حسبناها او اقل
القطار ما يروح زلمسي على طول لازم يروح سالزبورغ
يعني بتشقلون وتنقلون جناطكم صعبة شوي
احنا كنا 7 اشخاص خذينا باص صغير
وبهذا تستفيدون من الوقت لأنه تقريبا ساعتين الى ساعتين ونص
والطريج عجيب ماراح تحسون فيه



اما الأسعار فهي اغلى من الكويت
يعني حتى الماي بيفرق عليكم

اي استفسار انا حاظرة

لأني كنت مسافرة ميونخ وزلمسي وسالزبورغ وجنيف وباريس اول العام

 

[أم خالد]

هلا حبيباتي أنا رايحة انشاء الله بشهر 8 فيننا 4أيام سالزبورغ 3 أيام زيلامسي 5 أيام ميونيخ يومين والاخت جلاكسي ما قصرت نصحتني آخذ لبس شتوي لليهال اليوم مريت zara منزل شتوي وخذيت للبنات كل وحدة تريننج سوت شتوي وبنطلون جينز طويل وطلعت من الخزانة لكل وحدة تريننج سوت ثاني وبلوزتين خفاف مع الجينز وجاكيت ثقيل شوي مطري مع بجامة شتوية خفيفة لكل وحدة وسكرت الجنطة وخلصت منهم وشريت حق خلودي منهم 3 تريننج سوت وبشوف اشعندة لبس شتوي بالكبت وقياسه وبحط له بس مادري عندهم هناك حليب سيميلاك وحفاظات libero ؟؟؟ إلي تعرف ياليتها تفيدني لأني ما أحب أشيل أغراض وايد بالسفر
وبعد عندي سؤال ثاني هل بسهولة أحصل على أماكن لغسيل الملابس بزيلامسي أو اشلون أسعار الدراي كلين عندهم ؟؟

و

تروحون وترجعون بالسلامة​

 

[ملاك-77]

انصحكم بالباص والقطار احسن شي وانا كل تنقلاتي بالاندرقراوند القطار

واحنا ساكنين قريب من محطة القطار الرئيسية هوف بان هوف ننزل لها بالاندرقراوند

وحسب خطوط المناطق نختار القطار المناسب والطريقه سهله جدا

 

[اللولو الحلوه]

يعطيج العافيه حبوبه ، انا ان شالله رايحه فيينا وألمانيا الأسبوع الياي ، بس حبيت أعرف أماكن الأندرقراوند سهل الوصول لها ومن وين ناخد التذكره الشامله أو الكامله . مع الشكر ،،،