تجمع المسافرات لتركيا بعطله عيد الاضحى و عطله الربيع (عطله 15) .. حياكم الله

[eng.jacvara]

اوزنقول بعييييييييييييييييييييييييده حيل عن اسطنبول وبورصه!!!
انتي خليج باسطنبول وروحي يوم كامل بورصه
او يومين في بورصه لان ترى مافيها شي بس جبل وشلالين ومطاعم عالجبل بس يقولون ان الحين الجبل يكون مثلج فهم حلو تغيير
وفيها مجمعين
اسطنبول بالشتا احلى
روحي المتاحف وجزر الاميرات باسطنبول

 

[SoSo88]

المشكله انه بتركيا ال 4 نجوم يعادل 3 نجوم او نجمتين بره تركيا
فلازم 4 نجوم او 5 نجوم علشان تحصلين شي حلو ونظيف

وهذي اول مره لي بتركيا

وترى بورصه مافيها شي اغلب شي طبيعه
بس فيها جبل اولوداغ هذا بروحله يوم واحد بس وبرد اسطنبول وفي مدينه ملاهي لونا بارك اذا مداني بروحلها وفي شلالات و شجره مادري شنو يعني مو اشياء تونس وايد

بس الجبل يمدحونه

 

[@@نينارتشي@@]

بنات انا حجزت على التركيه ب 130
ونشالله الرحله تاريخ 20/11
بس شلون على اللبس انا متوهقه اشتري ربيعي ولا شتوي

 

[¤§ زيتونة §¤]

سلام يا حلوين




شخباركم







الحين تركيا باردة بس عاد مو بررررد مووت لا برد حلو


اخذو جاكيت حق فوق الملابس لي بردتو عشان ما تتوهقون باللبس الشتوي


شوقتوووووووني اروح حدي حدي متحمسة للسفر




عليكم بالعافية ان شاءالله

نينا ريتشي انتي بس 130 ؟؟؟
غالي حسافة العروض وقفت الحين ما فيه حق تركيا

 

[@@نينارتشي@@]

ايه زيتونه انا بروحي 130
الطيور طارت بأرزاقها بعد شسوي حجزت متأخر
لي شهر ونص وانا احن على زوجي احجز احجز يقولي تو الناس == انواع البرود

 

[@@نينارتشي@@]

سوسو انا مثلج اول مره اسافر تركيا
شلون نسقتوا برنامجكم من مكتب سياحي ؟؟

 

[SoSo88]

لا والله لامكتب سياحي ولاشي انا بروحي سالت واستفسرت وكتبت يمكن ست مواضيع في منتدى خاص بالسفر وماقصرو معاي افادوني وسالت اهني كذا بنت وهم فادتني غير رفيجاتي الللي رايحين واهلهم هم كلمتهم وبالنهايه طلعت بعالخطه

الخميس 26-11-2009
- نصل المطار الساعه 6 صباحا ونكون ان شاء الله في الفندق الساعه 9
- من 10 الى 1 في منطقه لافنت (مجمع مترو سيتي و اك مركز)
- من 1 الى 3 في منطقه غيرات تبه (مجمع استريا )
- من 3 الى بلليل في منطقه شيشلي ( مجمع جواهر )

الجمعه 27-11-2009
- منطقه بكر كوي ( منطقه بحريه جميله اذا تبين تشوفين شنو فيها قوليلي عندي خريطتها)

السبت 28-11-2009
- من 9 الى 4 في منطقه سلطان احمد ( المسجد الازرق - متحف ايا صوفيا - متحف توب كابي (الاثار الاسلاميه) )
-من 4 الى بلليل البازار والسوق المصري

الاحد 29-11-2009
- من الصباح الى المساء بورصه جبل اولوداغ مع مرشد سياحي

الاثنين 30-11-2009
- من 10 الى 2 في عصمان بيك
-من 2 الى 5 الذهاب الى المطار
- 8 تطير الطائره
-11 نكون في الكويت ان شاء الله


ويمكن يصير تغير بالايام يعني يمكن اول يوم وثاني يوم يمكن نبدل الجدول اذا شفنه روحنه تعبانين من الطياره

وان شاء الله اكون فدتج

 

[swear]

انا ان شاءالله رايحه اسطنبول بتاريخ 62-10
الي 1-12
حجزت بفندق 5 نجوم اسمه swissotel يطل علي مضيق البسفور
​

 

[SoSo88]

قصدج 26-11 لي 1-12 ؟؟
اي هالفندق وايد حلو ويمدحونه يعتبر من الفنادق الاولى بتركيا بكبرها من كشخته

 

[SoSo88]

سوير اي طيران رايحه؟

 

[eng.jacvara]

soso

حلو برنامجكم السياحي


احنا هالاماكن كلها بنروحلها ما عدا جبل بورصه شكلنا ماراح نروحله لان شفناه اول وعادي
بس بنروح بورصه ويلوا اشتقنا ليلوا وااااااااااااااااااايد حلوة ومنطقة شعبية وبنمر يوكشجره كنا ساكنين فيها المرة اللي طافت بالصيف

بس اكثر شي بنفر باسطنبول

بس لسالج منطقة بكر كوي شنو هذي ؟ منو قالج عنها؟ وشنو فيها؟

 

[swear]

سوسو ان رايحه علي التركيه - 26 -11 الي 1-12
الفندق امدحوه واايد وقالوا راقي
انا حجزته بالنت طلع واايد ارخص من مكتب السفريات​

 

[eng.jacvara]

سوير
الفندق اللي بتسكنين فيه وايد حلو
خالي كان ساكن فيه بالصيف ومدحه حيل

 

[swear]

eng.jacvara احلي شي بالفندق انه يطل علي البسفور
طمنتيني كنت احاتي​

 

[SoSo88]

سوير انتي وياي وناسه انا عالتركيه تاريخ 26-11 تطير الطياره 3 الفير

انزين من المطار لي الفندق اشلون بتروحون بتكسي ولا باص علشان نقلدكم دامكم معانه :q

 

[SoSo88]

الله يسلمج منطقه بكر كوي منطقه صايره جنها اوروبا شوارعها كبيره ومباني وهذي خريطتها وتقدرين تروحينلها بالمترو (شوفي الخريطه اللي حاطتها انا بالصفحه رقم2 وشوفي اشلون تروحينلها من اسطنبول الى بكر كوي )

 

[SoSo88]

بنات للامانه الخرايط للمناطق والمترو كلها من منتدى اخر اتوقع اسم العضو يمون

 

[eng.jacvara]

سوسو
والله جنه مارينها هالمنطقة بس ما كنت عارفه اسمها بحطها من ضمن مخططاتنا

واااااي انا حدي ناطرة السفره
ابي اتسوق فيها
انتو بعد؟؟؟

 

[SoSo88]

والله انا حاليا عندي امتحانات باجر اول امتحان
عندي امتحان تاريخ
15-11
17-11
19-11
23-11
يعني حده ناطره السفره علشان ارتاح نفسيا

ومن ناحيه التسوق انا غرامي التسوق بس اول مره اروح تركيا وخنشوف شعندهم


يالللللله متى السفره معنه ليلحين باقيلي كذا شغله ماسويتهم شكله بس اخلص امتحاني تاريخ 23-11 بروح اكمل الشغلات الاخيره

 

[eng.jacvara]

انا بعد حدي ناطرة السفرة
وناطرة السوق حدي
اي سوقهم شوية عليه كلمة عجيب ورخيص