تجمع المسافرات لتركيا بعطله عيد الاضحى و عطله الربيع (عطله 15) .. حياكم الله

[SoSo88]

صج يعني شنو مثلا حلو عندهم؟؟ ووين الاسوقه اللي تبين تتسوقين فيها اكثر شي؟

 

[eng.jacvara]

وايد اماكن
مجمع جواهر وايد حلو في محلات مو موجوده عندنا وحيل حلوة من جواتي تكرمين وجناط وقمصان وطبعا الحين اشتا جاكيتاتهم حلوة
وباجامتهم ولا احلا زووووووووغه اتيننننن
وفي استنيا بارك وايد حلو وكله ماركات والكولكشن ينزل عندهم قبلنا من فندي وبيربيري وال في وجوتشي كله ينزل عندهم قبلنا
وفي مجمع كانيون شكله حلو مكشوف سقفه وقعدته نوعا ما حلوة
وبتقسيم في محلات موزعه بالشارع هم حلوة هذي ما تسوقنا فيها بس انشالله بهالسفره بنمرهم
وايد مجمعات واغلبهم نفس المحلات بس انتي عاد دشي المحلات اللي مو موجوده بالكويت واهم وايد لان تركيا بضاعتهم منهم وفيهم وعندهم محلات محلية من صناعتهم وهالشي حلو

 

[¤§ زيتونة §¤]

الله على تركيا



اليوم مطررررر عندهم وبرد




تونا مكلمين رفيج ريلي راعي المكتب يقول الجو رهيييييييييييييب برد ومطر وغيم يوميا



بروووووووووووووح بروووووووووووووووح


الحين ريلي اقتنع وقال لي دوري حجز وطبعا لقيته كللللللللللللللللللله غالي نار



5 اشخاص ب800 وشي




ان شاءالله الاقي على خطوط ثانية

انقذوني ما تعرفون خطوط فيها تركيا واسعارها معقولة

 

[SoSo88]

انزين بنات اشلون بتروحون من مطار صبيحه لي الفندق بتكسي ولا باص

 

[¤§ زيتونة §¤]

حبيبتي


لازم تتفقون ويا سايق من مكتب اهو ينطركم ويوديكم


التكاسي نهيبة والله ديري بالج دبلات اسعارهم

واذا انتو مجموعة طلبو منهم باص اوسع واحسن لكم



وان شاءالله بالسلامة

 

[SoSo88]

انا ماحجزت من المكتب انا حجزت فندق بالنت

بس يقولون في باصات تودي من مطار صبيحه لي تقسيم وبعدين انا بروحي اروح لي الفندق واهوه قريب من مكان الباصات

 

[eng.jacvara]

زيتونة
شوفي عالقطرية جنه رخيصه او الخليج

سوسو

لا تروحون بتكاسي المطار غالية ترى
احنا اتفقنا مع سايق طبعا ايي ياخذنا بميني باص على قدنا لان عددنا كبير اذا تبين اعطيج رقمة من امي مادري اختي

بس انتو على ما اظن عددكم 3 يبيلكم سيارة من سياراتهم جنه باص بس حيل صغير اكيد زيتونة عارفته عشان تكفي جناطكم معاكم

 

[¤§ زيتونة §¤]

سوسو انتي بروحج؟؟؟

محد وياج؟؟؟







اذا بروحج اخذي تكسي عيل بس ترى بيطلع غالي


والله يعينج



بجرب طيران الخليج ولا القطرية

وعلى الله الاقي

 

[SoSo88]

لا انا ويا اختي واخوي وقالولنه في باصات اول ماتطلعون من المطار ب 11 ليره توصلكم لي ميدان تقسيم واهناك تروحون لي فندقكم يامشي يعني خمس دقايق او اربع دقايق اذا اغراضكم شويه او تكسي بس مايسوى لانه ثواني بس الطريج بالسياره

 

[queen Oof girls]

سلام
بنااات اسطنبول روحوا لها اذا كنتوا تبون السوق وهالشغلات هذي وانصحكم بشارع تقسيم روووعة فيه محلات روعة اما بورصة روحوا لها اذا كنتوا تبون المناظر الطبيعيه انصحكم تروحين حق الشجرة التاريخية اللي في بورصة يقولون عمرها 700 سنة تقريبا وكبيييرة ومطاعمها حلوة وفي مطعم عجبني بس ماذكر اسمه اهوه يكون وسط الشجر يعني بالغابات وناسه يخلونج تشوين اكلج بنفسج يعني ونااسة وخلي معاج مترجم يتكلم عربي لان الاتراك مشكلتهم انهم مايعرفون لا عربي ولا انجليزي !!!

 

[SoSo88]

لا انا ببورصه بروح مع مرشد سياحي بس باسطنبول راح اكون بروحي بس سهالات ان شاء الله

 

[حضاره]

مساء الخير بنات00 اشلونكم

يارب اللي مسافرين كلهم يتوفقون بسفرتهم ويستانسون ويروحون ويردون بالسلامه

اختي صار لها فتره تحن تبي تركيا وانا ماني مقتنعه00بس صراحه كلامكم عنها يشوووووووووووق

انا بسيف موضوعكم عندي واروح وارد عليه00يمكن اضبط سفره من خبرتكم00

الظاهر تركيا مالها فيزا00ولا انا غلطانه؟!

 

[SoSo88]

لها فيزا بس تاخذينها بمطار تركيا ب 20 دولار

 

[جورية كويتية]

eng.jacvara
مرحبا
شكلج اتدلين بتركيا عدل
امي مكلفتني اطلعلها اماكان بتركيا
اهي بتقعد اسبوع وبتأجر سياره وهم عندهم نفيجيشن
بتروح مع ابوي بس
وانا متوهقه كل الاماكن حاطين اساميهم بالعربي
وانا ابيهم بالانجليزي مع العنوان عشان يقدرون يروحون

سوو
بليز اذا تقدرين اتساعديني باسامي المناطق الحلوه اللي قريبه من اسطنبول
مع اساميهم بالانجليزي وابي الاماكن السياحيه اللي هناك
وهي تبي تروح بورصه وتبي منطقه فيها ثلج

طلبات وايد بس بليز اللي تقدر يساعدني لا اتقصر
ويعطيكم العافيه

 

[¤§ زيتونة §¤]

جورية كويتية

حياج الله حبيبتي بهالتجمع

وان شاءالله اهلج يروحون ويردون بالسلامة مستانسين



حبيبتي بورصة منطقة عالجبل وحلوة واااايد

تقدرين تخططين لهم رحلة سياحية فيها :

مجعات تسوقية راقية
جبل اولداغ روووووعة الحين فيه ثلج وجو بورصة الحين مطر وغيم والمناطق الجبلية كلها ثلج
عندج بعد منطقة مودانيا هذي عاد روووعة للتمشي عالبحر وفيها نفس كورنيش ومحلات ومطاعم سمج وتتمشين والهوا البارد يهفهف عليج
في بعد الحديقة اللونا بارك طبعا فيها قهاوي واااااااااااااايد طبي وتخيري وفيها الالعاب يقدرون اهلج يقعدون يتطمشون عالناس فيها تالي الليل
في سوق الثلاثاء نفس سوق اليعة بس حلو للتمشي ووايد تلاقين شغلات غريبة هناك ورخيصة


الصراحة هذا اللي ببالي الحين


والله يسهل طريجهم ويردون لكم بالسلامة

 

[eng.jacvara]

حورية الكويت

هلا فيج

انا بزيد على كلام اختي زيتونة

انا ودي اكتلبج الاماكن بالانجليزي بس خايفة يكون السبيلينق مالي غير عنهم
عموما ترى عادي كتبي نفس ما نقولج ويبين عندهم هناك يعني لا تحاتين واضح كل شي هناك ولان اهما بعد احرفهم شوي غير عن الانجليزي
يعني اعطيج مثال
مجمع جواهر عندهم ينكتب بالاجليزي
civaher
ال c تنطق عندهم ch
فاهمة علي
وال v تنطق عندهم w
بس عموما كل شي سهل هناك ويتراوالي ماله داعي ياجرون سيارة لان اسطنبول كبيرة وزحمة وفيها ميني باصات ومترو اسرع وارخص يقطهم عالمكان اللي يبونه
رايي الشخصي يرورحون وياخذون معاهم ورقة كاتبين فيها كل الاماكن الحلوة ويرتبونها بشكل برنامج سياحي يومي وانشالله كلنا بنساعدج بهالشي

بس قوليلنا جم يوم بيروحون عشان نقدر نضبطلج برنامج كامل

 

[eng.jacvara]

نسيت اقولج بعد
اذا يبون رقم سايق تركي يتكلم عربي يوديهم بورصه او يوديهم الاماكن البعيده حاضرييين

 

[SoSo88]

انا عندي مرشد سياحي اسمه يوسف هذا بيودينه بورصه يوم واحد وبيردنه بياخذ 300 دولار من فندقنه بتقسيم ياخذنه يودينه بورصه لي جبل اولوداغ ويردنه

 

[قمر^خالد]

واي بنات شوقتوني بروووووووووووح....

وحده أتبرع وتاخذني معاها................؟؟؟لووووووووووول


بنات أبجم أحجز على الجزيرة أو التركيه ؟؟؟؟؟؟ مع الفندق

 

[SoSo88]

عالتركيه 130 للشخص روحه ورده