تجمع المسافرات لتركيا بعطله عيد الاضحى و عطله الربيع (عطله 15) .. حياكم الله

[هاديهـ&مطيعهـ]

انشالله تروحون وترجعون بالسلامه وهالله هالله بالتقاري والصور الحلوة حياكم بتقريري يمكن تلاقون شي يفيدكم ,,, دعايه

 

[eng.jacvara]

سوسو
ترى وايد 300 دولار يوديج الجبل ويردج
لا يقص عليكم
خلوه يوديكم بورصه كلها
الجبل وبعدين تغدون وبعدين طلعو مرو مجمع كنت ميداني في بورصه وايد وايد حلو كبير مادري جم دور جنه 6
وتعشو فيه

 

[تاجرة شاطرة]

انه بعد رايحه بس بعد عطلة العيد تاريخ 30/11 الى7/12 بس قوولولي هناك برد وااايد لانه باخذ بناتي وياي صغار

 

[حضاره]

سوسو

مشكووووووووووووره حبيبتي 00وياليت البنات اللي مسافرين يحطون تفاصيل الحجوزات من طيران وفنادق والاسعار والاسماء

عشان اللي رايح يستفيد00واللي بيروح بعدين00يصير عنده فكره وتصور 00

 

[SoSo88]

لا بالعكس 300 دولار من اسطنبول تقسيم لي الجبل ويفررنه طول اليوم ببورصه وتذاكر العباره روحه ورده وبانزين وسياره بروحنه واهناك طول اليوم يكون معانه وايد زييييييييييييييييييييييييييين اهوه ياخذ 400 بس لانه اهلي كله يروحون وياه بياخذ 300

-اول شي انا حجزت على الطيران التركي التذكره ب 130 (رحت مكتب الطيران التركي بالديره خلف مجمع المثنى وحجزت)
- حجزت فندق تقسيم جونين غرفه ثلاثيه كبيره ويم دوار تقسيم بالضبط اليله ب 50 بس اذا غرفه نفرين اتوقع 25 او 30 ( booking.com)
- ان شاء الله راح نستخدم باص havas ب 12 ليره للشخص توصيل من المطار لي ميدان تقسيم الطريج ساعه او اقل (بس ننزل بالميدان بنروح مشي فندقنه لانه بس شارعين عن الميدان)
-طريقه المواصلات كله ميترو نشتري akbil من المحطه (شكله نفس المفتاح ب 6 ليره وتخشين الوصل علشان بس تخلص وقت اجازتج تردينه ويرجعونلج ال 6 ليره وتعبينه 20 ليره او 10 ليره على كيفج) وكل ما تركبين المترو للشخص 1.2 ليره ولازم تكونين ماخذه خريطه الطريج منهم علشان ماتضيعين ( مثال من تقسيم لي سلطان احمد للشخص 1.2 ليره ينزلنه يم ايا صوفيا بعد المرور بعده محطات بس ماننزل من القطار نضل قاعدين )
- بورصه يوم واحد راح يكون معانه مرشد سياحي ايينه من الصبح الفندق ياخذنه ونروح الميناء ونركب عباره لي ميناء بورصه ومن ميناء بورصه نصعد الجبل بالسياره لانه التلفريك يمكن يكون مسكر فتره الثلوج والشتا وبعدين بنروح لونا بارك ونرد ( 300 دولار)


واي استفسار انا حاضره بس ترى مو وايد خبره يعني جذي اطقطق ههههههههههه

 

[@@نينارتشي@@]

قوه بنات شلونكم
سوسو حبيبتي اسفه مارديت عليج.. ومشالله مشالله عيني عليج بارده تصلحين
مرشده سياحيه الله يعطيج العافيه ويوفقج بدراستج
وفي شغله بقولها لكم زوجي سأل الحلاق ماله تركي.. قاله انه بيسافر لتركيا قبل العيد
قاله الحلاق انت مجنون الجو الحين كله برد ومطر ماتقدرون تتمشوان ؟؟؟ بنات صج ولا لا
تكفون بنات اللي رايحه لتركيا بالشتا ترد علي اخاف تخرب السفره وكله قاعدين بالفندق

 

[Ana Ahwak]

أنصحكم بفندق ايليت يديد مرة والغرف نظيفة... موقعه وااايد حلو دقايق لشارع الإستقلال والمترو وعلى آخر الشارع اللي فيه الفندق في مطعم يسوي فلافل اسمه أعتقد فلافل وحمص شي جي بس والله أحلى فلافل كلتها فحياتي لذيـــــــــــــــــــــــــــذ أنصحكم فيه.

 

[Ana Ahwak]

أنصح كل اللي بيروح بورصة ان يوم وااااحد مايكفي فيها أقل شي يبالكم 3 أيام....فييها أماكن واااايد حلوة مثال عندكم :

1) يووم عسب تروحون للشجرة الكبيرة، قرية المختار ومجمع سوق القطن
2) يوم عسب تروحون لجبل أولداغ
3) يوم عسب تروحون للمغارة، قرية ايلات( الحمامات الحارة) ويودونكم مزرعة الفواكه

طبعا نحن كنا نحجز مع جروب سياحي الشخص ب 100 لين 150 دولار وساعات شخصين ب150 دولار .
لا يقصون عليكم وياخذون أكثر عن 150 دولار للشخص.

 

[eng.jacvara]

سوسو
اي اذا جذي واااااااااااااايد زين
عبالي بس يوديكم الجبل ويردكم


تصدقين عجبتني فكرة الباس اللي يوديكم من المطار لي تقسيم وايد احسن
احنا اول العام رحنا من المطار لي تقسيم ب 250 دولار قصو علينا قصه قوية لان كان عدندنا تقريبا 13 شخص ويابولنا باص كبير
بس طريقتكم حلوة ووايد رخيصه ولان احنا بعد فندقنا بتقسيم بمكان التجمعات فوايد ارخص لنا


بالنسبة لنا
حجزنا التذاكر عالجزيرة وكان وقت حجزنا وايد رخيص طلعت علينا التذكرة ب 71 دينار وحتى كراسي الطيارة نقيناها

الفندق حجزنا بكنت هوتيل وايد حلو ونظيف ومكانه بتقسيم بوسط السوق والزحمة وايد مكانه حلو وحيل رخيص تقريبا اليوم ب 27 دينار ومع هذا حييل ظيف وراقي

احنا ماراح نروح بورصة لان شايفينها من قبل وبالنسبة لي عادية بس احلى مافينا سوق القطن السوق القديم بس ما يسوى نروح لها عشان سوق والجبل ما نقدر نروحله لان طريجه كله مرتفعات واختي حامل اذكر لما رحناله اول طول الطريج بطونا يعورنا لوووول

بنروح يلوا عن طريق عبارة طب جالار تبعد عن اسطبنول العبارة تقريبا نص ساعة والعبارة حدها تونس خلال 20 دقيقه انتي بيلوا
وايد حلوة المنطقة شعبية وسوقها حلو وفيها منطقة اسمها يوك شجره وايد وايد وايد حلوة مطقه صغيرة عبارة عن شارع وفيه مطاعم وجممحل وكلها بالصيف خليجيين عاد يقولون بالشتا ما تكون زحمة بس جوها وايد بارد كنا بالصيف ننام من غير تكييف فيها

اكثر شي يتكون قعدتنا باسطنبول لان رحلتنا 6 ايام بنروح جزر الاميرات والمتاحف والقهاوي والمجمعات طبعا وفيها كل المطاعم الحلوة والذربة

واي استفسار حاضرييييييييييين

 

[SoSo88]

انا اهواك ( انا مابي اروح غير الجبل ببورصه و سويت سيرج على كل الاشياء ماعجبوني بس الجبل وايد عجبني ومدينه الملاهي فقلت بس بروحلهم ويوم سالت المرشد قالي يكفي يوم واحد من الصبح لي بلليل يودينه المكانين نتغدى بالجبل وبعدين ننزل نروح الملاهي ونرد)


اي بنات احسن طريقه البااااااااااااااااااص اذا تبون صورته عندي بس اول ماتطلعين من المطار تلقينهم كل ساعه باص يروح وباص يرد والتذكره مرات تصعد مرات تنزل يعني بحدود (9-12) ليره للشخص يعني يابلاااااااااااااااااااااااااااش والباص ازقرت مو بوطقه وفيه اماكن يحطون جناطكم وشغل عدل وتضمنين مايقص عليج لانه دافعه خالصه و تضمنين مايروح يمين ولا يسار لانه من شركه كبيره


وبعدين احسن طريقه تتنقلون فيها باسطنبول المترو و الترام والقطار القديم بس يبيله احد يعرف بالقطارات والنزول والصعود منهم بس انا حطيتلكم خريطه المواصلات وايد زينه

وانصحكم اذا بتركبون المترو والترام والقطار تشترون الakbil لانه تقدرين تدفعين فيه للمترو والقطار والترام والباص والسفينه كلها تقبل الدفع بالakbil وفيه خصم بعد عالتذاكر بس بسييييط حيل يعني الترام 1.2 لحاملين الakbil ولغير حاملين الakbil يكون 1.4

 

[Ana Ahwak]

ما تسوى الروحة لجزر الأميرات.... يلف الحنطور فيج ع الجزيرة مال نص ساعة وانتهى المشوار
والله كرهت حياتي لما رحت لها مللللللللللل يلسنا ساعتين بس نتريا العبارة تيينا ما نعرف شنسوي ما فيها شي الجزيرة.

 

[SoSo88]

هههههههههههههههههههه اي وايد قالولي جزيره الاميرات بس طبيعه وتمشي مافيها شي يونس انا ما راح اروحلها

 

[eng.jacvara]

جزر الاميرات احنا لما سافرنا المرة اللي طافت ما رحنا لها لان الناس عيبت عليها وقالو حر وشمس
بس خالي راح لها بالصيف وكان الجو حلو ومدحها قال فيها جم قهوة ومطعم واكيد جوها بالشتا بيكون حلو
احنا بنمرها عشان لا تصير حسرة بقلوبنا لوووووووووول

 

[SoSo88]

انج اذا معاكم يهال راح يستانسون لانه في قواري وحصان يفتر فيهم وحديقه والعاب يعني يستانسون بس حق وحده مثلي تحب سوق ولويه وحوسه ماينفعلي كلش

 

[eng.jacvara]

لووووول
ما معانا ولا ياهل بس بنت اختي صغيرة عمرها سنة

حتى انا احب شي اسمه سوووووووووووق
اصلا تدرين؟
سألنا واحد هناك يقول السوق ما يفتح الا رابع يوم العيد !!!!!
بس مو معقولة !!!! اهما نفس طريقتنا مجمعاتهم فيها مطاعم ومحلات
معقولة بصكرون؟؟؟؟
انا ودي من اول يوم اروح السوق

 

[حضاره]

سوسو

حبيبة قلبي مشكوووووره ع التفاصيل المهمه00

انا معاكم ع الخط00متاااااااااااااااابعه00يارب اتهنون

 

[ايمان80]

حورية الكويت

هلا فيج

انا بزيد على كلام اختي زيتونة

انا ودي اكتلبج الاماكن بالانجليزي بس خايفة يكون السبيلينق مالي غير عنهم
عموما ترى عادي كتبي نفس ما نقولج ويبين عندهم هناك يعني لا تحاتين واضح كل شي هناك ولان اهما بعد احرفهم شوي غير عن الانجليزي
يعني اعطيج مثال
مجمع جواهر عندهم ينكتب بالاجليزي
civaher
ال c تنطق عندهم ch
فاهمة علي
وال v تنطق عندهم w
بس عموما كل شي سهل هناك ويتراوالي ماله داعي ياجرون سيارة لان اسطنبول كبيرة وزحمة وفيها ميني باصات ومترو اسرع وارخص يقطهم عالمكان اللي يبونه
رايي الشخصي يرورحون وياخذون معاهم ورقة كاتبين فيها كل الاماكن الحلوة ويرتبونها بشكل برنامج سياحي يومي وانشالله كلنا بنساعدج بهالشي

بس قوليلنا جم يوم بيروحون عشان نقدر نضبطلج برنامج كامل

قوة حبوبة
ممكن تسويلي جدول باهم الاماكن باسطنبول نقضيها انا وريلي
راح اوصل 26-11 ساعة 5 المغرب والردة 30-11

سؤال اذا احنا 2 هل ناخذ تكسي من المطار للفندق والا مني باص؟
وجم ياخذ التكسي تقريبا؟
مشكوورة وايد:eh_s(6):

 

[SoSo88]

الاسوقه راح تكون مبطله سالت انا واحد بمنتدى ثاني اهوه تركي يقول تبطل بس السوق المصري يسكر ومادري نشوف


ايمان انصحج بالباص الكبير اسمه havas اذا انتي بتسكنين بتقسيم واذا بتسكنين بمكان ثاني قوليله وين صاير وانا اعلمج ارخص الطرق ..

و قوليلنه انتي تحبين طبيعه واماكن تمشي ولا سوق ولا اثار قوليلنه وان شاء الله احاول اسويلج جدول حلو وهم قوليلي اول يوم تبون تبلشون متاخر الطلعه ولا اول ماتوصلون تريحون بوساعه بالفندق وتطلعون؟؟

 

[eng.jacvara]

الاسوقه راح تكون مبطله سالت انا واحد بمنتدى ثاني اهوه تركي يقول تبطل بس السوق المصري يسكر ومادري نشوف


ايمان انصحج بالباص الكبير اسمه havas اذا انتي بتسكنين بتقسيم واذا بتسكنين بمكان ثاني قوليله وين صاير وانا اعلمج ارخص الطرق ..

و قوليلنه انتي تحبين طبيعه واماكن تمشي ولا سوق ولا اثار قوليلنه وان شاء الله احاول اسويلج جدول حلو وهم قوليلي اول يوم تبون تبلشون متاخر الطلعه ولا اول ماتوصلون تريحون بوساعه بالفندق وتطلعون؟؟

معاها ونفس كلامها

 

[¤§ زيتونة §¤]

بنات مافيه تذاكر رخيصة الحين حق تركيا؟؟؟

خلاص انا ببجي من القهر يوم كانت رخيصة ما رضى ريلي نحجز والحين ميتين ونلاقي حجز زين

كل يوم يقرر شي ليما طافنا الحجز وكل شي







المهم يالله عليكم بالعافية ان شاءالله ورحلات سعيدة للجميع



وادعو لي الحقكم