تجمع المسافرات لتركيا بعطله عيد الاضحى و عطله الربيع (عطله 15) .. حياكم الله

[eng.jacvara]

سوسو بس قوليلي بليييز
شلون طريقة كرت المترو
من وين اشتريتوه وبجم وشلون طريقته؟

 

[eng.jacvara]

سوووسووو
الجو شلونه برد؟

 

[بنت بابا جابر]

اهداااااء منى هالراااابط حق اللي ناويين يروووحووون تركياااا

http://wwww.q8yat.net/showthread.php?t=425390

 

[SoSo88]

سوري انج على التاخير

شوفي الله يسلمج الكرت مال المترو مو كرت اهوه نفس مفتاح و الخريطه مالت المترو موجوده بالصفحه الاولى اهني بهالموضوع انا حاطتها طبعيها وودوها وياكم

اول ماتوصلين ميدان تقسيم اللي كله حمام تلقين وين يوقفون الباصات صوب المطاعم ماكدونالدز وهالماطعم تلقين كشك لونه ابيض مكتوب عليه akbil روحوله قولوله اكبل اهوه الاكبل 6 ليره وعبوه على حسب انتو اشكثركم احنه 3 تقريبا بيومين استخدمناه 10 مرات حق كل شخص فينه وبما انه احنه 3 فستخدمناه 30 مره ( مثلا: بتروحين من تقسيم الى كاباطاش هذي مره تنزلين من كاباطاش بتروحين القطار القديم هذي 2 وبتروحين من القطار القديم لي بكر كوي هذي الثالثه ) طريج الرده مثل الشي بس من العكس

بيومين تقريبا مواصلات طلع علينه 40 ليره يعني 8 دنانير

وانصحكم اذا انتو بمطار اتاتورك وفندقكم بتقسيم اول ماتطلعون من الباب اخذو يمين تلقون جدامكم مكان يوقفون فيه الباصات بالطول ورى الرصيف علامه مكتوب havas (يسمونه هاواش)اوقفو تحتها تلقون رياييلهم يتكلمون انقليزي قولولهم اذا هالباص اللي يودي حق تقسيم ونطروه وركبو على الشخص 10 ليره وكبير الباص ومريح وشغل سنع مو الباصات اللي بديرتنه وحتى مطار صبيحه فيه بس مادري وين يوقفون تقدرون تسالون الشرطه ملوت المطار ( هاواش نرده) يعني وين باصات هواش ويدلونكم بس راح ياخذون عالنفر 12 ليره حسبوها اذا طلع اوفر من تكسي ركبوه

 

[* أم دودي *]

هلا سوسو الله يهنيكم وتستانسون وتردون بسلامه ان شاء الله

بسال شلون الجو باسطنبول ؟ بالنهار برد ولا دفا وبالليل شلون صاير بعد ؟

 

[SoSo88]

نفس جو الكويت بالشته بس الشمس قويه قريبه منج صايره وبليل يصير بارد الجو وانصحكم تلبسون ملابس شوي ثقيله وغطو راسكم لانه الهوه يكفخ بالراس يخليج تصدعين

 

[eng.jacvara]

ما من تاخير سوسو

لا احنا لان عددنا وايد ومعانا ياهل وجناطنا وايد فبناخذ تاكسي خاص يوصلنا لي الفندق اتفقنا مع سايق ياخذنا

قبل شوي كنت اقول حق اهلي
وانشالله بناخذ الاكبل لان وايد وايد وايد ارخص
السنة اللي طافت انلعب فينا وايد بالتكاسي بس هالمرة عددنا قليل فينقع مع المترو
عليج بالعافيه
وروحي نامي وراج قعده
ووباجر يايينكم انشاءالله على خير انشاءالله

 

[¤§ زيتونة §¤]

قوة بنات

شلونكم
شخباركم



الله ....على تركيا وجو تركيا وكل شي في تركيا



عليكم بالعافية وان شاءالله رحلة سعيدة للكل



انا بالنسبة لي الامارات حلوة بس مادري ليش كل يوم اتحسف انه ما رحنا تركيا حتى لو بالسيارة

ابيييييييييييييييه مو متقبلة اسافر ديرة ثانية غير تركيا ابد بالمرة

حتى ريلي كل ما يصير موقف معين ولا شي ما يعجبنا يقول لي لو رايحين تركيا لو الحين ببورصة لو الحين بالجبل


يالله الحمدلله على كل حال


رحنا الامارات مول ودخلنا مدينة الثلج تهبل رووووووعة

ورحنا سوق التنين ( الصيني ) ابييييييييييييييييييييييييييه عجيب شكبره وفيه كل شي


وبنروح له باجر بعد لانه ما خلصناه وبشوف اذا الاقي شغلات زينة حق سيارتي بكشخها



وسلامتكم


بكمل لكم بعدين ان شاءالله

 

[eng.jacvara]

زيتونة ميخالف قولي بقلبج ان خيرة انشاءالله لج ولعيالج
واليايات اكثر


استناسي عليج بالعافية

انا انشاءالله باجر سفرتي
تامرين على شي؟؟

 

[SoSo88]

نورت تركيا فيج انج هههههههههههههههههههههههه

عسى بس عرفتو حق الاكبل

اذا ضعتو ولا صار شي قوليلي انا بتركيا الاثنين بلليل ارد الكويت

 

[Tantoshah]

بنات بليز بغيت اعرف شكثر ميزانية تركيا عشان انا اول مرة ارووح يعني جم اخذ معاي حق اسبوع او اقل من اسبوع ممكن تساعدوني الله يجزاكم خير

 

[صلي على النبي]

بسم الله الرحمن الرحيم

اللهم صلي وسلم على نبينا محمد

استغفر الله العظيم واتوب اليه

سبحان الله وبحمده سبحان الله العظيم

لاحول ولاقوه الابالله

لا اله الا الله وحده لاشريك له له الملك وله الحمد وهو على كل شي قدير

سبحان الله والحمدالله ولا اله الا الله والله اكبر

بنااااااااااااااااااات عفيه دشو هنا



http://www.q8yat.net/showthread.php?t=507184
















--------------------------------------------------------------------------------


السلام عليكم ورحمه الله وبركاته

بنات الله يهديكم

كلمه إن شاء الله تكتب كذا (((( إن شاء الله ))))

موووو ,,,,,,,وليس,,,,,,,, وحرام تكتبين كذا ((( إنشاء الله ))))))

لانه في الأولى بمشيئه الله

والثانيه والعياذ بالله إنشاء أي أنه ينشئ رب العباد والعياذ بالله

فهمتوا الله يرفع قدركم

أنتبهوا .... أنتبهوا















تروحو وتردو بالسلامه والله الله بالصلاه لاتنسونها وتنشغلون عنها

 

[ايمان80]

عدنا والعود احمد
ها عيال تركيا وصلتو والا لأ؟؟؟
انا وصلت امس الاثنين بليل

الديرة عجبتني ...نفس الكويت ..بس حلاتها جذي بالشتا والجو البارد
وحدها ل شهر 2 لأن بالصيف اتوقعها موحلوةومولاتها حلوة
بس شوارعهم وسواقتهم ذبحتني ..كله طايرين
وخسنا من الحر من الهيتر(التدفئة) اللي بكل مكان

انا قعدت بس باسطنبول..
بس يبيلها روحة ثانية علشان نكتشف اكثر 4 ايام ما تكفي

 

[المالديف]

اناالحين بتركيا باسطنبول حدها عجيبة والجو حلو الصبح وبالليل شوي باردالصراحة اسطنبول بالشتا حلوة بس بالصيف حارة واللي حاب اييها بالصيف يروح بوصة ويلوا واللي تبي اي استفسار انا حاضره وتوهم فاتحين مجمع صارله 15يوم تقريبا اسمة فورم استنبول كبير حيل

 

[teenaa]

يوم الثلاثه الصبح انا رديت
الجو خيالي
رحنا بورصه فوق الجبل ثلج ثلج وناسه


سكنا بتقسيم ورحنا بورصه
وناسه

بس شعبهم خايس حشاكم وريحتهم ارف الله لا يوريكم
وتكاسيهم حرااااااميه
يعني 19 دينار 20 دينار عالماشي الي اهوا 100 ليرا
بس الجو والطبيعه مو صج

 

[ايمان80]

لا حبيبتي
بالعكس ماشفنا منهم الا كل خير بتعاملهم معانا
من المطار للفندق وبالاسواق
حتى تكاسيهم من نركب يشغل العداد ومن يمر بمكان زحمة يستأذنا يروح مكان ثاني اقل زحمة

وحتى اللي يشتغلون بالمحلات صج يططقون بالانجليزي بس وايد راقيين بتعاملهم ويتغشمرون معانا

االظليمة شينة ماشفنا منهم الا كل خير

 

[al3ethri]

مرحبا انا توني الثلاثاء الفير رديت من اسطنبول رحنا من يوم الوقفه 26 6ايام
قعدنا باسطنبول واي عليها اتينن والجو ماشاء الله كان خيال وبالعكس تكاسيهم زينه
والريحه ماادري اللي شفته انهم شعب نظيف والديره امان تسمعين صوت الاذان بكل مكان
واللي يعيبهم الصراحه اللغه مو كل الشعب يتكلم انجليزي فالتفاهم معاهم صعب شوي
وسكنه في فندق اسمه مرمره خطير موقعه بوسط الديره بتقسيم يم شارع الاستقلال واعجبتني مجمعاتهم وايد حلوه وكبيره
الحمدلله الرحله كانت موفقه جدا المشكله كانت بطيران التركيه الطياره حاره وايد ويوم السفر المفروض نطير من الكويت الساعه 3
لكن للاسف تاخرنا لين الخمس لكن الحمدلله رحنا وردينا بالسلامه

 

[eng.jacvara]

انا بااااااااااااك
رديت اليوم الصبح من اسطنبول
الجم مادري انا عندي نفس الكويت ويمكن الكويت ابرد بعد لان مثل ما تدرون بردنا يدش بالعظم واهما لان وايد يشغلون التدفئة داخل الاماكن المغلقة فنحس شوية بالحر داخل المجمعات

بالنسبة لي قعدنا تقريبا 6 ايام ويوم واحد بس رحنا المتاحف وباجي الايام مطاعم وسووووووووووووووووووووق فصراحة صراحة صج سوقهم عجيب بس ما طلعنا وايد اماكن سياحية
عموما
اسطنبول مافيها وايد اماكن سياحية مافيها الا المتاحف
وما تصلح بالصيييييف كلششششششششش
لان لما رحنتا لها بالصيف ما قدرنا نقعد فيها يوم واحد من الحر
بس بالشتا وايد حلوة تعتبر وهم لما تمشين بشوارعها وسوقها المكشوف والمحلات اللي بالشوارع بحسين بالبرد
سكنا بفندق بمنطقة لالالي اسمة كنت هوتيل
انا كان عبالي بتقسيم بس طلع بمنطقة لالالي
المنطقه وايد حلوة وتحتج كله محلات وسوق وقهاوي ومطاعم حيل حلوة المنطقة
رحنا تقسيم طبعا وايد حلوة وامي وخالاتي راحة يلوا طبعا يلوا تعتبر حلوة بس بالصيف احلى

باختصار
السفرة كانت ممتعة وحلوة وكلها سووق تسوقنا فيها عدل الحمدلله

سوسوووووووووو
قوليلي شسويتييييي؟؟؟
شلون سوق تركيا معاج وشنو خذيتي معاها؟؟؟؟

 

[swear]

أنا رديت من تركيا واااايد استانست صج رووعه الجووو والمكان وحتي شعبهم
بس الطيران التركي وايييد يوهق

سوسو شلون السفره معاك

 

[حضاره]

الحمدلله ع السلامه يابنات00

بما ان توكم رادين من تركيا فرش00

محتاجه تضبطون لي برنامج حق 10 أيام مع العلم ان وجهتنا اسطنبول00

احنا حابين نشوف اسطنبول والمناطق اللي حولها00يعني طبيعه00 والاماكن المهمه00ومانحب نقضي السفره اسواق وبس!!

لاتخلوني عفيه00وبعدين الجو شلون صاير بعطلة 15 00اول اسبوعين من فبراير؟؟

ناطره ردودكم