تجمع المصابات بنقص فيتامين د

[om MaRyooM]

الاكل الغني بفيتامين دال
http://www.q8yat.com/t1085984.html

 

[قاعدة على الشط]

السلام عليكم ورحمة الله وبركاته
من عمري 15 سنه لمده 20 سنه وانا اعاني من هذا المرض
الحمدالله على ما جا من ربي
اللهم اجعله تخفيف ذنب ورحمه
اكتشفته من التنميل اللي كان في ايدي واعظامي احسها تعورني وظهري
طبعا الحليب ما احبه اكرهه
بس مع الحمل غصب عني صرت اشربه واتغصب فيه عشان خوفي ع الجنين لا ياخذ المرض مني
بالبدايه كانت الحبوب اهيه العلاج الوحيد
ومؤخرا صارت الابرهاهي العلاج المنتشر وانا اشوفها افضل من الحبوب لان في حالتي جدا مهمله وما استمر على الحبوب ابد
كنت اخذها في عياده خاصه وكانت غير منتشره نفس اللحين
كنت احرص عليها اثناء الحمل ومن اولد اطنش
تقريبا تعودت على الاعراض وتعودت على الالام
لكن اكثر شي يزعجني الشحوب اللي ببشرتي وكلامكم حمسني اني اهتم بنفسي
نصيحه لا تهملون نفسكم بنات لان اهم شي نفسيتج وبهالناحيه ياثر حيل حيل حيل
شكرا لصاحبة الموضوع واسفه ع الاطاله​

 

[om MaRyooM]

السلام عليكم ورحمة الله وبركاته
من عمري 15 سنه لمده 20 سنه وانا اعاني من هذا المرض
الحمدالله على ما جا من ربي
اللهم اجعله تخفيف ذنب ورحمه
اكتشفته من التنميل اللي كان في ايدي واعظامي احسها تعورني وظهري
طبعا الحليب ما احبه اكرهه
بس مع الحمل غصب عني صرت اشربه واتغصب فيه عشان خوفي ع الجنين لا ياخذ المرض مني
بالبدايه كانت الحبوب اهيه العلاج الوحيد
ومؤخرا صارت الابرهاهي العلاج المنتشر وانا اشوفها افضل من الحبوب لان في حالتي جدا مهمله وما استمر على الحبوب ابد
كنت اخذها في عياده خاصه وكانت غير منتشره نفس اللحين
كنت احرص عليها اثناء الحمل ومن اولد اطنش
تقريبا تعودت على الاعراض وتعودت على الالام
لكن اكثر شي يزعجني الشحوب اللي ببشرتي وكلامكم حمسني اني اهتم بنفسي
نصيحه لا تهملون نفسكم بنات لان اهم شي نفسيتج وبهالناحيه ياثر حيل حيل حيل
شكرا لصاحبة الموضوع واسفه ع الاطاله​

لاتهملين نفسج
مع العمر بيأثر وتزيد حالتج

ظروري تاخذين مكملات غذائية اللي اهيا فيتامينات متعددة اي نوع
والابر استمري عليها لأنها تنفع مع مرور الاشهر

واذا ماتحبين الحليب في اكل يعوض
نفس السبانخ والروب و السمك
والشمس مهمة وايد


ترا حتى لو عندج اطفال طلعيهم بالشمس بأوقات الامان خل يتعرضوون شوي احسن

 

[رزه مرتزه]

بنااات

اذا بفحص حق نقص فيتامين د اروح وانا صاايمه ؟؟

ولا عاادي ؟؟

وجم يووم على ما تطلع النتيجه ؟؟


الله يوفق الي ترد علي ويشاافيناا اجمعين

 

[متحديه ومتاكده]

اي لازم تكونين صايمه قبلها

انا صمت قبلها ب12 ساعه وسويته بخاص وطلع نفس اليوم

مادري عن الحكومه بس اتوقع اسبوع مو اكثر

 

[متحديه ومتاكده]

انا سويت تحليل وطلع نسبه فيتامين د. ١٣ 

الطبيعي او المعقول من ٨٠ الى ١٢٥

ورحت المستوصف وقالت لي الدكتوره ان حالتي لازم ابره لمده ٣ شهور
كل شهر ابره ..

وقالت لي اذا ارتفعت النسبه شوي تعالجين بالحبوب

ولازم مع الابر او الحبوب تتعرضون للشمس سواء الشروق او قبل الغروب بشوي لان الشمس بهالحزتين مفيده ..


الله يشفينا يارب ..

 

[رزه مرتزه]

متحديه

مشكوووره حبيبتي وعسى الله يشفينا يارب

 

[أم لطووف]

يشافيكم ويعافيكم رب العالمين
أنا بعد بس نسبت النقص عندي مو وايد أهوا لازم مو أقل من 100
أنا بالثمانينات
خنت حيلي أنا بالثمانينات وحيييييل تعبانه وكسل وخموووول مو صج
عيل أشلون أنتو إلي 2 ألي 4
ربي ياجركم جميعاا

أنا أدري من زمان أن فيني نقص وكلسترولي مشللللل فووق
بس ما أهتميت إلا لما زاد التعب

باذن الله بروح باجر أخذ تحاليلي وأروح أغز الابر بالمستوصف الدكتور قالي يبيلي من 4 إلا 6 أبرر

والله يعين الجميع ..

 

[خلطات المذهله]

حبايبي ماي مغلي مع ملعقه من الكركم الاصفر مع نصف ملعقه زيت زيتون
مع اخذ حبوب الكالسيوم مع فيتامين دال

 

[متحديه ومتاكده]

متحديه

مشكوووره حبيبتي وعسى الله يشفينا يارب

العفووو ي الغاليه :eh_s(17):

اللهم امين يارب .. :yaaaaaarb:

 

[سيدة بيتي]

اختي شافاك الله وعافاك انا من خمس سنوات صارت مع الالام بالعظام والعظلات وخمول ونفسيه زفت وتعب وهن من ابسط مجهود سويت تحليل وطلع معي نسبة ترسبات الدم 60 والرمتزم 80 ومااخذت اي علاج واستمرت معي الاعراض نفسها وزاد الم في الارجل وخصوصن الاصابع الكبيرة والم في اصابع اليدين وعظام اليد ين لدرجه حتى كوب الماء اتعب من شيلة وسويت تحليل طلبت الدكتوره تسويلي تحليل نقص الفتامين لاني قريت عنه وتعبت من كثر ماراجع المستوصفات دون حل لمشكلتي وفعلن سويت التحليل وطلع نسبة الفتمين عندي 14 وعطتني دواءروكالترول بس للحين تعبان بعدين تقول رمتزم مافيه واول كان فيه وشلون راح بدون ماخذ اي دواء له انا عظامي تاعبتني واذا جلست ماقدر اقوم من رجولي وعظامي .الله يعين

 

[Florence]

انا بعد فيني نقص حاد بفيتامين دال

لازم نتعرض للشمس ونكثثثر الحليييييييييييب

 

[فرس بيضا]

صدمتوووني بناات
مااهقيت انه يأثر ع النفسيه

معاي ضيقه وكسل و وساوس غير الخموووول
وسويت تحليل
طلع عندي نقص د
٥٩. والطبيعي من ٧٥ و فووق

 

[فرس بيضا]

الله يشافيينااا ياارب
وأجر و عاافيه خوااتي

 

[گـروزه]

اب
اب
اب

 

[LaDantel]

سويت تحليل و طلع نسبتة عندي 12 :_(

عطاني الدكتور حبوب فيتامين دال و قال لي تعالي بعد ماتخلصين الكورس كامل 3 اشهر

 

[سحابة امل]

انا كان عندي نقص فيتامين د

وطقيت بالمستوصف ابرة كل شهر لمدة 3 شهور

وراجعت عقب شهر من اخر ابرة والحمدلله صرت احسن

وفعلاا كان النقص يلعب بالنفسية والم شديد بالعظام وكسل وخمووول

بس مع مممارسة الرياضه والاكل الصحي

صرت احسن شوي

مع اني ماحب الحليب بس احاول اعوض بالاجبان

 

[Qatwoo]

وانا بعد طلع عندي نقص في فيتامين د ..
والحمد الله من 4 شهور قاعدة اكل الحبوب..
حبة وحده كل 7 ايام..

وقالتي الدكتورة تكفي هذي الحبوب اذا ما كنتي حابة تقعدين ع الشمس..

واللي حاب يقعد ع الشمس لازم ((بداية طلوع الشمس اونهاية الغرووب.)).لمدة ربع ساعة او 20 دقيقة..
مب زين وقت الظهيرة ويوم تكون الشمس حارة لانها تسبب سرطان الجلد.. >>>> هذا كله كلام الدكتورة اللي اتعالج عندها

 

[futooosh]

السلام عليكم
انا اخذت الابره الثانيه وباقي وحده
وسعرها 6 دنانير في طيبه كلينك

 

[Ahlam Al]

انا فيني نقص بـ فيتامين د ،

قبل لا اسوي التحاليل ، كانت عظامي تعورني حيل و فيني كسل مو طبيعي
و كله اروح للمستشفى بس اسوي اشعه و يعطيني بروفين و بنادول
و يقول توكلي ! و طبعا مافي حل نهائي و اخرتها حولوني لمنطقة الصباح الطبيه ،

و طلبوا اني اسوي رنين مغناطيسي و تخطيط للاعصاب و مجموعة تحاليل
و سويت الرنين المغناطيسي و سحبت عليهم لانه مواعيد و الوضع خايس
بالمستشفى ،

بعد سنه تقريبا خذيت الاوراق مالت التحاليل و رحت سويت
هالتحاليل بـ مختبر رويال الانجليزي و طلعت نسبة فيتامين د
عندي 5.76 ! ناقص طبعا و الحمدلله ،

رحت للمستوصف و شاف التحاليل كلهم و قال عندج نقص فتامين د
و نقص حديد و بالعربي دمج ناقص ! و الحمدلله على كل حال ،

عطاني حبوب فتامين د Pure Health - 5000 IU و للحديد و فقر الدم
عطاني Haemovit Plus ، و خلصت Haemovit و باقي لي الفتامين
و جدامي مشوار لاني خلصت الشهر الاول بس !

و بالنسبه للابر ، ما خذيتهم لانه يقولون ممنوع بدول و لها عوار
و اول ما اخذها راح تسبب دوخه و ما ادري شنو ! فـ رفضتهم : )
​