تجمع المصابات بنقص فيتامين د

[futooosh]

السلام عليكم
انا طلع فيني نقص فيتامين د اخذت ابرتين وباجي وحده الله يستر وما احتاج بعد ابر
بس لما اخذت الابره الاولى في مستشفى طيبه طحت عليهم هناك وما قمت اتنفس وصار رقعه بالقلب
وعوار بالظهر والبطن قوي جنه عوار الدوره الشهريه لدرجه انه نزل علي شوية دم
طبعا الدكتور مال الطوارئ اخترع حطولي دريب ومعاه مسكن وشفت الدنيا تلف فيني وكنت ابي ارجع
حطولي اكسجين تقريبا نص ساعه بعدين صرت احسن

ابي اعرف ليش صار فيني جذي
مع العلم الابره الثانيه ما حسيت فيها وباجر اخذ الابره الثالثه الله يستر

 

[futooosh]

بنااات

اذا بفحص حق نقص فيتامين د اروح وانا صاايمه ؟؟

ولا عاادي ؟؟

وجم يووم على ما تطلع النتيجه ؟؟


الله يوفق الي ترد علي ويشاافيناا اجمعين

انا سويت التحليل في طيبه كلينك بالليل وما كنت صايمه عادي اطلعت النتيجه
فيني نقص فيتامين د

 

[om MaRyooM]

futoosh

سلامات ماتشوفين شر

بس غريبة على فكرة وايد ناس تصير معاهم

مابي اخرعج بس وحدة اعرفها قعدوها يوم بالمستشفى لأن ضربات القلب صارت وايد سريعه
وعلى فكرة الابرة موجودة بالحكومة وبلاش

واانا خوافة لو شنو مارح اخذها
قاعدة اخذ حبوب الكالسيوم اللي معاها vit D

 

[futooosh]

futoosh

سلامات ماتشوفين شر

بس غريبة على فكرة وايد ناس تصير معاهم

مابي اخرعج بس وحدة اعرفها قعدوها يوم بالمستشفى لأن ضربات القلب صارت وايد سريعه
وعلى فكرة الابرة موجودة بالحكومة وبلاش

واانا خوافة لو شنو مارح اخذها
قاعدة اخذ حبوب الكالسيوم اللي معاها vit d

الله يسلمج حياتي
بس الحمدلله اليوم اخذت الابره الثالثة وتمت العمليه بنجاح ههههههههههه

صارلي 10 سنين اخذ حبوب فيتامين د وهم صار فيني نقص يعني ماكو فايده من الحبوب

 

[jo0mana]

ربي يمن عليكم بالصحة يعسولات

 

[بنت أمها 2]

والله متعب مره
الله يكون بعونا ويشفانا يارب

 

[ABEER FLOWER]

ربي يشافي جميع المصابات

وألف شكر لصاحبة الموضوع​

 

[رزه مرتزه]

بناااات انا اطق الابره كل ١٦ الشهر

هالمرة صادف هالتاريخ عطله عادي اخذ الابره الحين ما يضر ؟!

 

[رتو الكيوت]

بنات القطرات افضل من الحبوب !!

انا عشرين نقطه يوميا

وقبل اكل اوميغا وكالسيوم مع د وماحس استفدتت الا الم العظام راااح

بس مازال فيني ارهاق وخمول وساويس

 

[رجوى وصالك]

انا حللت و طلع معاي 14

و صرف لي الطبيب حبوب فيتامين دال قوتها 400
و قطرات كالسيوم يقول يساعد العظام انه يستفيد من الفيتامين

اعراضها كثير مزاجي متقلب دائما
لوني شاحب احط اقنعه ولا ما احط مصفر
شعري يتساقط بس مو بشكل قوي
عظامي توجعني
خمول فظييييييع على الرغم اني احاول ابذل طاقه اتحرك و اشتغل بالبيت
هبوط بالضغط دايم و دوخه
قال لازم اكل بحريات
قلت ما احب السمك قال تونة تكفي مرتين بالاسبوع و البيض 3 مرات بالاسبوع
ولازم اتعرض للشمس يا مبكر يا بالعصر

حاليا الحمدلله خفت بس مارجعت حللت

و سلامتكم

 

[امـ خــزامـى]

انا عندي نقص اكتشفته لي حوالي سنه
من حملي وانا حسيت فيه صارت مفصل ايدي يعورني
وطول الوقت ماسكه اعبط يديني من الالم
ورحت للمستوصف قالت يمكن نايمه عليه
وعطتني كريم يخفف الالم وربطة اربط ايدي
بس مافادني بشي
وبعد الولاده زاد علي وصرت اتعب بسرعه ومكتئبه على الاخر ومافيني حيل اسوب اي شي وبس اصيح

ورحت حللت صار عندي نقص 7
وكتبت لي حبوب الفا قوتها 1000 قالت كل يوم لمدة سنه
وكثري تونه وسمك السردين
وتعرضي للشمس اهم شي

والله يشفيكم ويعافيني

 

[دار الإبداع]

الله يشفيج ويشفي جميع المرضى

 

[دار الإبداع]

لن شاء الله عادى ما يصبح مشكلة ..

 

[إيمــآن الكويت]

انا فيني نقص وآخذ ابر ​

 

[عروس2013]

بنات وش افضل نوع حليب يحتوي على فيتامين دال بنسبه عاليه؟

 

[رجوى وصالك]

بعض انواع الحليب مكتوب عليها مدعم بفيتامين دال

مثل المراعي مثلا

 

[عروس2013]

المراعي قليله نسبة الفيتامين فيه يبي لي اشرب خمس مزازت عشان احصل على كفايتي اليوميه
ابي حليب اشرب منه كوب واحد بس باليوم

 

[الواثقه33]

نفس المشكله بس ماخذت العلاج

 

[الغلا غلاكـ]

نفس الشي خمول والم فضييع في العظام والمفاصل وخفقان وكتمه في التنفس ولون شاحب وشعر باهت
وطلع نسبت الفيتامين 6

وعطاني الدكتور علاج حبوب واحد-الفا //وكبسولة فيفول // حبوب أدكال

طبعا مع التعرض لشمس صباح وعصر

,,, الله يشافينا يارب,,,

 

[123789]

السلام عليكم،
انا سجلت بالمنتدى عشان هالسؤال؟
وين احصل ابر فيتامين د قوة 60000 وحده؟
انا من السعودية ، والابر مو متوفره عندنا،
وين احصلها بالكويت، وجم السعر،
جزاكم الله خير