تجمع الي بيروحون المانيا شهر7

[$$مذهلة$$]

علييييييييييييييييييييييييييييج بالعافية والحمد الله على السلامة
اي والله قوليلنا ابي شقة بزل ام سي او كابرون وقوليلنا وين رحتي بالضبط وشنو الاماكن الي ما تستاهل العنوه نبي تقرير صغيروووووووووونه بعد ما عندها الا انتي الحين بنذبحج بالاسئلة

أولا الحمدلله على السلامة

ثانيا نفس الاسئلة والله يعينج علينا​

 

[ام فويزان]

بعد عمري تستاهلون
زلمسي قعدنا بقراند و هو ارقى فندق عندهم و الي تبي شقه بكابرون عندج كريستال رفيجتي دايما تسكن فيه وورتنا الصور امبين نظيف و حلو
الي ماعجبني سالزبورج كان حر موت اطريت ادخل محل و شتري ملابس و بدل دخلنا متحف موزارت هناك و سوقها زين بس نفس المحلات بزلمسي و في مطعم مأكولات بحريه كان اكله لذيذ بس غالي
وايد حبيت منجم الملح بمنطقة هلاين اونس و بعد حبيت القمه الثلجيه بكابرون وناسه مع الثلج و التلفريكات
بالمانيا قعدنا بفندق كورت يارد ماريوت موقعه حلو يم كل شي استانست على المارينا بلاتز و الماكسميليان شارع الماركات و بعد في مجمع بشارع كارل بلاتز عنده كافيه فوق السطح الدور الخامس تقعدين و حاطين ثرو تتغطين فيه حده ريلاكس وعدل النفسيه و رحنه مصنع شوارفسكي كانت خوش رحله و اي سؤال بعد انه حاظره وايد شغلات في بالي بس مادري شكتب

 

[بنفسج]

ابي الله يعافيك اسامي اماكن اليهال في ميونيخ اول مرة اروح وابي اونس عيالي ومشكورة

 

[فراشة لكويت]

:hjy5jewf::hjy5jewf::hjy5jewf:
قوة بنات انا بسافر بتاريخ 1/7 ... نبي معلوووووومات :yaaaaaarb:

 

[زيزية سمره]

هاي بنات... بالنسبة لزلمسي وكابرون ... تقدرون تحصلون وايد شقق وأسعارها وايد حلوة ...السكن بشقة وايد أوفر من السكن فندق وخصوصا اذا معاكم يهال... ميونخ ما أنصح تقعدون فيها و تقدرون تروحون لها من الصبح ليما الليل حتى وانتو ساكنين بزلمسي او كابرون..أذا تبون شقق بزلمسي أو كابرون دشو على قوقل و حطو apartment in kaprun ويطلع لكم شكثر سايتات وبالصور بعد.. بس لازم تدورون قبل فترة من موعد سفركم لان يبيلكم وقت تراسلونهم و تاكدون الحجز و تدزون لهم عربون أو بعضهم يطلب المبلغ كامل... واذا تبون تحجزون عن طريق شركة دخلو على سايت INTERHOME وحددو المدة و جم شخص و يعطيج شكثر خيارات بس مشكلتهم انهم يحجزون حجز اسبوعي.. اما اذا حجزتو من المالك مباشرة تقدرون تحجزون بالليلة.

واذا تبون ي استفسار انا بالخدمة

 

[^^ ريان^^]

احلي الاماكن بميونج
ليقولاند تبعد ساعه عن ميونخ بالسياره
اولمبيك بارك حديقه حلوه ومرتبه معرض البي ام زوجج بيستانس عليه

شارع المارين بلاتز والماكسميليان حق التسوق
ولا تنسون تركبون الباص السياحي يفر فيكم ميونج واي منطقه تعجبج نزلي فيها تمشي ونطري الباص الثاني

 

[دفي قلبي وحنيني]

ليقولاند
شنو فيهااااااا طبيعه
انشاللله سفرتي 26-6
لميونخ 5 ايام وفينا 5 ايام وعندي يومين ماقررت لين لحين

 

[دفي قلبي وحنيني]

انا لحين من المعلومات اللي عرفتها
انه بفينا شارع استفنز اهو الونــــــــــــاااسه -الاوت ليت ديساينر في فيينا -
من أماكن التسوق المشهورة في فيينا ما يلي :
1- شارع الماريا هيلفر Mariahilfer Strasse
طريقة الوصول له بالمترو :

Metro: U2 --- Station: Museums-Quartier
أو
Metro: U3 --- Station: Neubaugasse / Zieglergasse / Westbahnhof
أو
Metro: U6 --- Station: Westbahnhof

مطاعم فينا
ومطعم Turkiy
وهو مطعم تركي اكلة لذيذ جدا
وهو في shoping city sud
.
.
ومطعم NAYEB
نايب مطعم ايراني
وعنوانه gumpendorfer strasse 22 A 1060 Wien
رقم الهاتف : 208 70 99 (01)
ويغلق يوم الاثنين
عموما المطاعم مثل كهنور ونايب وجبة الغداء تنتهي الساعة 3
ووجبة العشاء تبتدي الساعة 6 الى منتصف الليل
وفيه مطعم اسمه تاج محل اول مطعم هندي في فيينا
فتح سنة 1972 وهو في المنطقة التاسعة ما اعرف عنوانه
بالضبط
وطبعا كوفي شوب aida المنتشر في فيينا
.




وبميونخ شارع المكسميليان و المارينا بلاتز كله مشي



اتمنى اني افيدكم وابي بعد معلومـــــــــــات اكثر عن ميونخ ووسالزبورخ:ggdw::ggdw:


:ggdw::ggdw:

 

[دفي قلبي وحنيني]

بنــــــــــــــــــــــــات طبعاااا
جمييع الأماكن السياحية تسكر الساعة 4 ونص

ذا عندكم معلومــــــات منطقه حيل يمدحونها
منطقة خارج فيننا بها تلفريك منطقة حلووو حيل اسمها سيمارنك جنة الله بأرضه

 

[دفي قلبي وحنيني]

بنــــــــــــــــااات اللي بتسكن بشقه
معاهااا عيااالها
في سوبر ماركت مشهور BILLA وله فروع كثيرة بصراحة حلو واسعاره مقبولة بالنسبة لسوبرماركت اسمه OKAY بمحطة الأندرجراوند كان غالي نوعا ما طبعا مقارنة بBILLA واللي أحسن منهم كلهم ال dm منتشرة ورخيصة وكبيرة

اتمنـــــــــــــــــــــي انى فدتكم

ابي معلوووووووومات عن ميونخ بليــــــــــــــــــــــــــــــــــــــــــــــــــــز

 

[Loving Stella]

انا معاكم بهالتجمع يديدة باذن الله هالسنة ان شاء الله النمسا و المانيا

 

[أم عزيـز]

انا بعد راح اكون بألمانيا تاريخ 20/7 وبالتحديد ميونخ

وطبعا احنا رايحين مع قروب بس لين الحين ما عطونا جدوا الرحلات
لكني مسويتلي جدول سياحي احتياط

عندهم كذا مدينه ملاهي بكتب لكم اساميهم ووين موجودين :

الحديقه الأولمبيه Olympic Park
الحديقه الاولمبيه تضم أعلى برج و حديقه جميله و ملعب رئيسي ..
يمكنك الوصول لها بالمترو Olympic Park
وتقام فيها في شهر 8 مدينة العاب مؤقته وتضم العاب وفعاليات وموسيقى والعاب نارية وسوق ومطاعم وكافيهات

وفيها البرج وفيها معرضbmw وبالقرب منه مجمع الالومبيك
لدخول للحديقة مجانا وسعر ركوب القطار 3 يورو والبرج 5 يورو(طبعاً لا تنسون تاخذون التذاكر العائلية تكون ارخص).


مدينة العاب ليقو لاند LEGO LAND
ساعه ونص بالسياره
المدينة عبارة عن تركيبات رووووووعة وبها العاب جميله ومرحه


انجليش غاردن
Englisher Garten
12 دقيقة
من أجمل حدائق ألمانيا و هى فى وسط المدينه
حديقة خيالية للاسترخاء و التنزه و تعتبر أكبر حديقة في العالم في وسط مدينة (لأنها تقع في وسط ميونخ) و تضم الحديقة غابات خضراء و تخترقها أنهار و جداول صغيرة و يوجد بها بحيرة صغيرة للبط و للتنزه بالقوارب اليدوية ، تصميمها العام قريب من الهايد بارك في لندن .. و لكن لا أنصح بها يوم الأحد لأنه يوم العطلة عندهم و تكثر فيها المناظر الغير لائقة للمسلمين .


BAD TOLZ
طريق سالزبورع توجهنا الى نطقة بادتولز
الطريق مايقارب 50 كيلو 46 دقيقة
يوجد بها الزحليقه + حدائق الفراولة



حديقة الحيوان Hellabrunn Zoo
12 دقيقة الحديقة تقع عند محطة (Thalkirchen)
و هي صغيرة ولا توجد بها جميع الحيوانات .. أسعار الدخول الكبار 9 يورو والصغار اقل من 14 سنة 4.5 يورو و الأطفال اقل من 4 سنوات مجاناً و أوقات الدخول من 8 صباحا إلى 6 مساءً .. و لو كانت إقامتكم قصيرة في ميونخ لا أنصح بها لأنها عادية و لكن ممتعة للأطفال لأن الحيوانات فيها من دون اقفاص (في احواض تحيط بها المياه)


هيرشينغ HERRSCHING
نصف ساعة
منطقة ريفية تبعد بالقطار حوالي نصف ساعة او اقل عن ميونخ ريفية فيها مقاهي ومراكب صغيرة للتاجير وسفن كبيرة تاخذكم في جولة

 

[$$مذهلة$$]

أم عزيز

الليقو لاند تصلح لأي عمر؟؟

عندي 14-12-4

ولدي العود مايعجبه شي سن مراهقة وكله يتحلطم تسوى العنوة؟؟

 

[دفي قلبي وحنيني]

:hjy5jewf::hjy5jewf::hjy5jewf:
قوة بنات انا بسافر بتاريخ 1/7 ... نبي معلوووووومات :yaaaaaarb:

حبيبتي شيكي علا موضوعى عن فينا وميونخ راح يفيدج

 

[سنعة مسنعة]

بنات اللي سكنت في فندق هوليدي إن سيتي سنتر بميونخ
شلون الفندق؟ وشبعده عن المارين بلاتز والماكسيميليان؟؟
لازم بالاندر قراوند ولا مشي؟؟

 

[شاليمار]

حبيبتى ( دفا قلبى وحنينى ) عندى سؤااال اذا تقدرين تفيدينى ؟؟
وين احصل بميونيخ مجمع للالكترونيات والهواتف النقاله ودى بتلفون مو موجود بالكويت او من عائلة البلاك بيرى حتى لو معرب بس شى ما شفتوووه هههههه

وسلامتج

 

[الاحاسيس المبهمه]

حتى انا راااح اسافر بتاريخ 28-7 اروح المانيا و راح ناخذ جوله في سويسراا و باريس و يمكن نرووح بلجيكيا و إلي يمهم

يـــبـــيــــلـــه نــتــــيـــمــــع << ااموعد بيورو باارك>>> حدي متفااءله لووووووووووووووووووووووووووووووول


نروووح و نرد بالسلاامه << ولكم مثلهاااا

 

[louraa]

سنعة مسنعة
احسنتي الاختيار اذا اهو الفندق اللي بالي اللي تحته اندرقراووند عجيييب
هذا ميزته ويقطج على طووول على المارين حق التسوق
بس عيبه الهلوليد ان كله عرب وويصخون اللوبي يفشلوووووووون بس وناسه

 

[سهارا]

انا بروح يوم الاثنين ميونخ وعقب باريس

اذا قدرت اشبك هناك راح اتواصل معاكم

انا رحت المانيا قبل سنتين بس اول مره اروح ميونخ تحديدا

 

[أم@الحلوين]

انا بروح يوم الاثنين ميونخ وعقب باريس

اذا قدرت اشبك هناك راح اتواصل معاكم

انا رحت المانيا قبل سنتين بس اول مره اروح ميونخ تحديدا

واحنا بانتظارج تروحين وترجعين بالسلامه :ggdw: