تجمع الي عيالها ب kg 1 - مدرسة التكامل ----> حياكم

[um 3li]

السلام عليكم حبيباتي وكل عام وانتوا بخير على بداية العام الدراسي الجديد :gathering:

يا امهات كل وحده تقولنا ولدها / بنتها بأي صف ومنو المدرسات الي عليهم

شلون عيالج مع اول اسبوع دراسه ؟؟

شنو قاعدين ياخذون ؟؟

بالنسبة لي :- ولدي بصف E ومدرسته ( ايما )

الحمدلله ولدي منتظم وحاب المدرسه ( مع اني توقعت العكس ) بس احس انه مو قاعد يتعلم شي كلش !!!

اشوف باجي الصفوف متجاوبين مع المدرسات ، ومدرساتهم يعلمونهم مهارات وانا كل ما اروح حق ولدي القاه قاعد وبس ؟؟؟!!!!!!!!!!

وكل ما اقوله شنو خذيت يقولي لونت او لعبت !!!!!!!!!!!!!!!!!

والله يا بنات ما ادري هل هالشي طبيعي ولا انا احاتي وايد خصوصا ان هذا اول ولد عندي يدخل مدرسه

فيدوني يا بنات وكل ام تقولنا تجربتها مع عيالها :gathering:​

 

[نونا حبيبتي]

هلا والله
اولا مشكورة حبيبتي على التجمع وانشاء اللة نستفيد من بعض
انا ولدي بkg1 d عند مس انالون والي عرفتة انهم يوصلون المعلومة للطفل عن طريق اللعب يعني بالاغاني وولدي يقول ان معطينة كلر يلووووو ونمبر ون كلمات تيجر وباثروم و يخلونهم يلونون
بس انتي اذا رحتي تاخذينة سألي المس عن مستوى وتفاعلة وياها وشنو قاعدة تعطيهم
بس انا مشكلتي بولدي كل يوم الصبح يفج حلجة مايبي يروح والسبة مس العربي الي تييهم يقول ماااااااحبها ماتحط ريحة وتعلمني مصري
مااااااااااادري شسوي وياااااااااة

 

[um 3li]

نونا حتى ولدي عطوه نمبر ون
ونفس الكلمات تقريبا

ومدرسته تقول انه متجاوب معاهم ... ومدرسته العربي ابله مروة شكلها حليوه وما اشتكى منها ولدي الحمدلله

جربي نقلي ولدج صف ثاني اذا يصير ؟؟؟

 

[Baby^Bop]

ام علي الحمدلله على السلامة حبيبتي ومبروك ما ياج ولو انها متأخرة شوية بس ميخالف سامحيني

ومشكورة على التجمع الحلو واحسن عشان نستفيد من بعض وانا نفسج اول ولد يدش الروضة فاحس اني ضايعة وياه

ومشكلتة ولدي ما يتحجي انا اسحب الحجي منه بالغصب اسم الله عليه وما ادري شي عن مدرسة العربي

 

[um 3li]

الله يسلمج حبيبتي مشكورة .. الله يبارك فيج

عندي وعندج خير حتى ولدي ما يتكلم ولا يقول شي بس يقولي انه لعب ولون

بس احنا نسأل الابله لما نروح ناخذه

ومدرسته العربي دايما اشوفها موجودة بالصف مع مس ايرما

وامس وزعوا عليهم جدول الحصص

ولدج اي صف ؟؟؟

 

[كوكو لاتي]

اب اب اب اب اب اب

 

[سيدة الكويت]

بسألكم بنات فى كيجى الطفل ....ممكن يكتب بدون نقط ؟؟؟

انا اشوف فى كلمات صعبه على الطفل,,,,والأطفال قدرات

 

[كوكو لاتي]

ما اعتقد تبدي الكتابه من كي جي 2 مو 1

 

[ام ابرار]

up up up

 

[um 3li]

بسألكم بنات فى كيجى الطفل ....ممكن يكتب بدون نقط ؟؟؟

انا اشوف فى كلمات صعبه على الطفل,,,,والأطفال قدرات

كي جي 1 يكتبون على النقط او الأحرف المفرغه من الداخل

بس تقول ابلته ان من السنة الياية ان شاء الله راح يكتبون و يقرون وان شاء الله خير

شلون عيالكم مع المدرسة ؟؟؟؟

منو ولدها / بنتها راحوا الرحلة ؟؟

انا ولدي الخميس رحلته

 

[um 3li]

up up up

أم ابرار شخبارج وين هالغيبة ؟؟؟

شلون عيالج ؟؟

 

[باونتى]

أمهات شلونكم .. أنا ولدى بكى جى 1 سى عند مس جاكى واهيا وااايد حبوبه .. بس المشكله فى ولدى ما يتكلم شالع قلبى وتونى دريت من التجمع ان فيه امتحان آخر السنه بالاحرف والارقام والالوان والاشكال واذا ما نجح ما يروح كى جى 2 او ما يقبلونه فى كى جى 2 :0bee2e8d89: وووااااى بنات ببجى .. واليوم ابلة العربى تقول ما يسمع الآيات ما يتكلم وااايد خجول بنات واللى يعافيكم شنو اسوى اوديه حق اختصاصى نفسى ولا هالشى عادى ؟؟؟

 

[um 3li]

حبيبتي باونتي الله يعينج والله

لا تودينه عند احد بس من رأيي انج تستشيرين اخصائي بهالموضوع

ولاتحاتين ترا شي طبيعي ان الياهل يكون خجول

انا ولدي بالمدرسة عااااااااااااااااااااااااااااااااااااااااااااااااااااااااااجل سمله عليه الي استغرب لما يقولون عنه جذي بس تعالي شوفيه بالبيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماشاء الله عليه ما يقعد من شطانته والله مينن اخته من الطق

طمنينا عليه

 

[shimo]

بنات سوووووووورى اتطفلت عليكم لآن ابنى فى كى جى 1 بس صراحة كدة استغرررررربت جداااااااااا.
من المناهج بتاعه اولادكم.

انا ابنى فى هندية الآحمدى(faips)

بس لو زى ما بتقولوا كدة يبقى ابنى بيدواله منهج تووووووووووووووو ماتش.

هو فى كى جى ون ودلوقتى اخدت لغاية نمبر 30 ثلاثون

قراءة وكتابة.

وبدون نقط كمان.

والأحرف .تقريبا اخدت 18 حرف E.

قراءة وكتابة.

لآ وكمان كانت المعلمه مسوية اجتماع لآولياء الآمور الآسبوع اللى فات وعرفت منها انهم فى الفصل .واخدين لغاية رقم 50.

بصراحة احس كتييييييييييييير عليه.

دة هما مجرد كام شهر اللى بدأ فيهم تعليم .


على ما اعتقد كدة منهجهم تقيل اوى.

هما طبعا ما بدأوش العربى لسة السنه الجاية ان شاء الله.

 

[um 3li]

والله الكمية كبيرة عليهم حيييييييييييييييييل بس المدارس الهندية جذي مستواها قوي وايد

مدرسة ولدي ماشين بالعربي والانجليزي مع بعض يعني الألوان والأحرف والأرقام والأشكال باللغتين

وخذوا سورة الفاتحة والصمد والكوثر

بالاضافة الى السلوكيات الي يعلمونهم مثل البسملة قبل الطعام والحمد لله بعد الطعام وغسل اليدين والصداقات ..

يعني كل اسبوع عندهم خبرة جديدة يتعلمونها باللغتين

بالاضافة الى انهم كل اسبوع يعلمونهم دعاء جديد

وهم عندهم حصص المكتبة والموسيقى والرياضة والفيديو والكمبيوتر

وان شاء الله من السنة القادمة راح يخلونهم يقرون و يكتبون

الله يوفق عيالنا يارب وعيالكم

 

[ام حسون وفطومه]

صباح الخير
انا بنتي بكي جي1جي عند مس مريم ومس لين في بداية الدوان منت وااايد متخوفة من مس مريم بس البنات اللي بالموقع الله يعافيهم ويوفق عيالهم طمنوني وخليت بنتي بالصف ولا غيرتها لها وبنتي وااااااايد حابه المدرسة بس ما تقولي ولا شي وشنو خذو ولا ترضى ادرسها والابلات يقولون انها شاطرة بس انا اشوف لازم انها تراجع اللي تاخذه بالمدرسة في البيت واليوم وديتها وقالولي ان باجر رحلتهم وان 12الا ربع راح يطلعونهم.....بس يا امهات ما تلاحظون ان عيالنا مايغنون انجليزي انا بنتي تغني مالوت الحضانة اللي ماخذتهم واحس انه مهتمه بالعربي اكثر انتو شرايكم

 

[كوكو لاتي]

انا ولدي رحلته يوم الثلاثه الياي تاريخ 22

ولدي حافظ الالوان والاشكال والارقام بس الاحرف يتخربط فيهم مادري شلون اخلي يحفظهم عدل ؟؟؟؟؟؟؟؟؟؟؟

 

[um 3li]

صباح الخير
انا بنتي بكي جي1جي عند مس مريم ومس لين في بداية الدوان منت وااايد متخوفة من مس مريم بس البنات اللي بالموقع الله يعافيهم ويوفق عيالهم طمنوني وخليت بنتي بالصف ولا غيرتها لها وبنتي وااااااايد حابه المدرسة بس ما تقولي ولا شي وشنو خذو ولا ترضى ادرسها والابلات يقولون انها شاطرة بس انا اشوف لازم انها تراجع اللي تاخذه بالمدرسة في البيت واليوم وديتها وقالولي ان باجر رحلتهم وان 12الا ربع راح يطلعونهم.....بس يا امهات ما تلاحظون ان عيالنا مايغنون انجليزي انا بنتي تغني مالوت الحضانة اللي ماخذتهم واحس انه مهتمه بالعربي اكثر انتو شرايكم

والله هم انا كنت متخوفه من ميس ايرما وهم بنات المنتدى مدحولي اياها الحمدلله

وابلة فوزية ابلته الثانية واااااااااااااايد حبوبة تهبل ماشاء الله عليها

ولدي ما يغني الا head shoulder tees and nose

وبس ؟؟؟؟!!!!!! والله حتى ما ادري اذا علموه شي غير @@

بس انا اتابع معاه القرآن والأحرف والالوان من الأوراق الي يعطونهم

وانصحج انج تراجعينله اول بأول عشان ما ينسى لأن عندهم امتحان آخر السنة شفوي بالأرقام والأحرف والأشكال والألوان

 

[um 3li]

انا ولدي رحلته يوم الثلاثه الياي تاريخ 22

ولدي حافظ الالوان والاشكال والارقام بس الاحرف يتخربط فيهم مادري شلون اخلي يحفظهم عدل ؟؟؟؟؟؟؟؟؟؟؟

انا بشتري بطاقات وكل بطاقة بكتب عليها حرف من الأحرف الي خذوهم واركز على حرف واحد باليوم اروح وارد عليه والزقه على الطوفة الي يم العابه عشان يشوفها كل ساعه وكل ما مر جدام الحرف يشوفه عدل ويقراه و يمشي فوق الحرف بصبعه

لان عندهم امتحان شفوي آخر السنة

وراح اشتري ستيكرزات على نجوم ملونه وكل ما جاوب صح الزق نجمه واذا صار عنده نجوم وايد اكافأه واذا جاوب غلط اشيل نجمه وراح يضيق خلقه فيشد حيله عشان ما ينسى مرة ثانية الحرف

والله كريم ان شاء الله هالطرية تنفع !!!