تجمع الي مسوين ابتساامة هوليوود ........ فيدي واستفيدي

[مربى و قيمر]

ان شاء الله ابرووح واشووف
وماقصرتي والله

 

[ملقوووفة]

مربى وقيمر ..

ما اتوقع يخلصهم لان انا موعدي كان تاريخ 1 - 10 و 3 - 10 حطلي المؤقت والدائم تاريخ 21 - 10 راح يحطلي ياهم مادري ليش واااايد طول انا قلتله ابي اقرب شي عاد مادري اذا راح يخلصهم حقج ولا لا ..

بس العوار موطبيعي الحين صارلي اكثر من اسبوع حاطه المؤقت وكل يوم لازم اخذ مسكن..
اخاف اذا حطيت الدائم يعور بعد بس مليت من العوار ..
منو عنده فكره الدائم شكثر الفتره اللي راح يعورني فيها يعني نفس حالتي الحين صارلي اكثر من اسبوع وللحين العوار موجود ..

 

[ranzi]

بنات انا سويت ابتسامه هوليود من سنتين تقريبا بس اللون الي اخترته بمساعده الدكتور افتح من لون اسناني بدرجه لان الدكتور قالي ان مش حلو لو وايد ابيض بس الحين اشوف الممثلات كلهم يحطون ابييييييض مادري خاطري اغير واختار اللون الابيض الفاقع بس اخاف اندم خصوصا ان مكلف وايد

 

[مربى و قيمر]

مربى وقيمر ..

ما اتوقع يخلصهم لان انا موعدي كان تاريخ 1 - 10 و 3 - 10 حطلي المؤقت والدائم تاريخ 21 - 10 راح يحطلي ياهم مادري ليش واااايد طول انا قلتله ابي اقرب شي عاد مادري اذا راح يخلصهم حقج ولا لا ..

بس العوار موطبيعي الحين صارلي اكثر من اسبوع حاطه المؤقت وكل يوم لازم اخذ مسكن..
اخاف اذا حطيت الدائم يعور بعد بس مليت من العوار ..
منو عنده فكره الدائم شكثر الفتره اللي راح يعورني فيها يعني نفس حالتي الحين صارلي اكثر من اسبوع وللحين العوار موجود ..

ياهلا وغلا

مارحت دقو علي العياده وقالولي بيسافر واجلتها بعد العيد ان شاء الله

 

[ملقوووفة]

^
^
ويي ما قالولج متى راح يسافر شلون انا موعدي 21 - 10 لا مابي ابي احط الدائم قبل العيد ..

 

[زبــــــــدة]

من صجج
انتي موضوعج وصورج ماشالله سببت ضجه بالمنتدا والكل حاب يسويها من بعد صورج

ماشالله يهبلون
لل تفكرين حتا تغيرينها واطن مو زين ع اللثه بعد

لوووووول حبيبتي تسلمين

ايي مادري ساعات اشوف صور فنانات يشوقوووووون ودي اسوي نفسهم


الطمع شين :eh_s(4):

 

[فيروز خانوم]

ايي والله زبده حرام اسنانك حلوه حيييل وفعلا سوت ضجه
الله يهنيك باسنانك ولاتغيرينهم حلويين

 

[Anestazya]

بنات انا ودي اسوي اسناني فنيرز اللي يضعفهم ويلبسهم عند ابراهيم بس شلون طريقه الدفع عندهم يعني اعطيهم كاش ٣٠٠٠ ؟؟ واللي جربها ماحسيتوا بالم عقب ماركبتوهم بفتره

 

[إيمــآن الكويت]

بنات الومينيرز نبي تجارب عنه تكفون ​

 

[ملقوووفة]

انا بكتب تجربتي ..

انا سويتها في بيلا كلينك عند الدكتور ابراهيم غساني ..

اول شي البدايه دقيت عليهم خذيت موعد ورحت وبنفس اليوم خذا القياسات وكل شي وقالي انه اسوي ال10 اللي فوق و 8 تحت وانا عندي سن كنت مسويتله جراحه وصاعد لي فوق لي اللثه فقالي راح يغطيه راح يحطلي شي مثل اللثه عشان تكون لثتي متساويه ..

وحسبلي كل س 120 وطلع كله 2320 ..

بعدها بإسبوعين حطلي المؤقت والله لا يوريكم عوار مو طبيعي ما كنت اقدر انام من العوار وطول اليوم انا رايحه راده عالمسكن حتى امي قاعده تقولي مايصير جذي صج صج وايد عورني الؤقت وحتى بالاكل يضايق وكنت احسهم كبار بس كشكل الكل لاحظ بالمؤقت وقالولي انه صايرين مرتبين اسناني وحلوين ولونهم بعد ..

وبعدين هم عقبها بإسبوعين حطيت الدائم طبعا ماكو عوار كللللش ملللش والنتيجه كانت واايد احلى من المؤقت بس كان عندي شويه ملاحظات وعطاني موعد بعد اسبوعين قالي عشان اللثه تاخذ مكانها وبعدين شوفي اي شي مو عاجبج انشالله له حل ..

والاسبوع اللي طاف كان موعدي وعدل اللي كان مو عاجبني والحين كل شي تمام واوكي ..

انا من اول ما حطيتهم كل ما آكل شي على طول اروح افرش اسناني بس خايفه مع الايام يتغير لونهم وسألت الدكتور يصير ابيضهم يعني بعد مرور سنييين وجذي قالي لا بس قالي تعالي كل 4 اشهر يسويلي تنظيف بس ماكو تبييض فهذا الشي خايفه منه مهما كان الاهتمام وحتى لو تفرشين اسنانج 10 مرات باليوم بس ماراح يكون لونهم مع الايام نفس اول ما حطيتهم وانا مابي يتغير لونهم وقاعده احافظ عليهم كثر ما اقدر ..

وبس هذي كانت تجربتي ..

انا ما امدح الدكتور وااااااايد ولا اقول عنه مو زين بس النتيجه عجبتني والحمدلله بس امي تقولي وايد بيض واختي تقولي بالعكس لونهم حلو هههههه وانا اشوفهم لونهم واايد حلو ..

 

[فيروز خانوم]

ماشالله الله يهنيك بابتسامتج واكيد بتطلع حلوه دامك سويتيها عند
بيلا كلينك والدكتور ابراهيم يستاهل المدح شاطر وطيب ويهتم جدا بمرضاه
وصح كلامه لازم كل ٤ شهور تسوين لهم تنظيف عادي بس عشان الجير وكل احد يحتاج هالتنظيف عشان يحافظ علي اسنانه مو بس احنا اللي مسويين فينير

 

[دانة البحيرة]

انا مسويه زيركون
وتقصير لثة

ووايد مستانسه عليهم

احلى شي مع الروج الاحمر او المايل للعنابي يطلع وااااو

ومن فرحتي مع كل طلعة لازم افرشهم احسهم يبرقون

حتى التهاب اللثة افتكيت منه الحمدلله

 

[BlackRose]

بنات انا مسوية لومينيرز من شهر ٤ اللي طاف

كل شي كان اوكي

صار لي اسبوع ملاحظة اكو ريحة باللثة

رحت الطبيب شافتي قالي كل شي اوكي

بس حدي مو مرتاحة شسوي

ابي دكتور شاطر بهالسوالف بليز

 

[ببي جونسون]

بنات تنصحوني اسوي ابتسامه هوليولد ولا الانه حيل بخاطري اسويهم:eh_s(15):

 

[الجليله22]

بنااااات موعدي باجر عند رويال كلينك بسوي 6 اسنان اللي فوق بس مع تبييض اللي تحت والسعر مفاجأه 840 بس لكني خايفه اجازف وارقع باسنلني لان بس اللي فوق شرايكم حبوبات؟*

 

[فيروز خانوم]

شنو بتسوين بالضبط

 

[Brjwazya]

بناات انا. حاطه تقويم في بنيد القار من اول ما دشيت عاشر الحين انا ثانيه جامع و ليلحين حاطته:eh_s(2): الصرااحه ملييت و تعذبت وياهم اول شي شالولي 5 و قلت مو مشكله اهم شي يتعدلون سنوني :eh_s(2): و قالي لازم عمليه عشان يطلع ضرسج سويتها و شقوا لثتي و فعلا طلع بعدين قالي ضروسج بارزين لازم نشلع 4 ثنين فوق و ثنين تحت وافقته قلت ما عليه اهم شي النتيجه ابي ضروسي حلوه و كل شهرين او ثلاث اشهر يحطلي موعد و الي تحت بدوا يتعفسون و الحين ضروسي فيهم فجات اخخخخخخخخخخخ ببجي واللله لعوزووني مو قعد يشدلي الصراحه مليت و قالي يبيلج اكثر من سنه عشان يردون بعد كل هل سنين و انطر بعد..........ابي حل سرييع ابي اشيل التقويم مابي تقويم صار فيني عقده انا ضروسي شوي فيها بروز و فيها فجات و الفراغ شكبره من شيلة الضروس الله يسامحه دكتور هندي ابي اسوي ضروسي بس مابي ابردهم مادري محتاره انا شفت تجربه الاخت خانوم تشجعت و شفت تجارب ثانيه بغيت اسئلج الاخت خانوم لمن سويتي الفينير الدكتور برد ضروسج صاروا ضعاف؟ يا ريت تساعدني حبيبتي حيييييييييل محتاره :eh_s(2): :eh_s(2):

 

[beba girl]

Brjwazya حبيبتي غيري الدكتور لازم تشوفين اخصائي يكشف على اسنانج ويقولج الحل وان شاء الله اسنانج يتعدلون

 

[فنار الكويت]

مرحبا بنات ،، ياريت أحد يفيدني برفع اللثة يعور ولا لأ وطبعا بنج ،،، وجم يوم بتعورني

 

[فيروز خانوم]

هلا اذا رفعه بسيطه عادي عوار خفيف
يقدر يسويلج بدون بنج بس انا ماتحملت وحطيت بنج