** تجمع الي مسوين جراحة الفك**

[fa6amy_uae]

مرحبا اسرااء ودي اجوف صورج قبل العملية انتي منزلتنهن قبل بس مايظهرن في الصفحة مادري ليش و يلا يلا قدرت اجوف صورج عقب العملية

ابا اجوفهن و اتحمس اكثر :eh_s(9):

 

[فستان أحمر]

بنات تكفون ابي رقم موبايل دكتور عادل العصفور اللي مكتوب بكرته
ادق ع المستشفى عندهم عطل بخطوطهم

 

[التوت المحروق]

:eh_s(7):
مشكوره أختي على الرد .. يعطيك العافيه

طبعاً أني رحت اكثر من مستشفى ومراكز الاسنان والكل أجمع على انه لازم عمليه ترجيع الفك السفلي ..

سنتين وبعدها عمليه :eh_s(16): واااااااجد ...

راح ابتدي علاج من هالاسبوع ان شاء الله .. واشوف شنو يقول الدكتور الجراح لاني لسه ما رحت الموعد ..

والأخت khubar girl ما قصرت معاي صراحه كفت ووفت ..

اتمنى انه ما يكون وقت طويل قبل العمليه لاني فعلاً محتاجه اني اسويها ..:eh_s(11):​

لا ما أظن التقويم ياخذ سنتين الا لو كان في مستشفى حكومي يطول
كل فترة العلاج على بعض في الخاص ماتطول بحدود السنتين الى 3 سنوات (التقويم والعمليه)

بالتوفيق

 

[قوة قلب]

إذا تبين رايي


انا أنصح فيها وبقووووووووووه ,, خصوصا إذا شكل الفك مأثر عليج نفسيا



بالنسبه لي
إذا بقارن بين حاجة شخصين للعمليه

الأول مشكلته بالفك بسيطه ..لكن يعاني من مشكله نفسيه << يعني الفك مأثر عليه نفسيا ومأثر على ثقته بنفسه


الثاني مشكلته كبييييره بالفك لدرجة إنه شكل الفك مشوه شكل الوجه .. لكن عايش حياته طبيعيه ومتكيف مع الوضع وهالشي ما مأثر على نفسيته ولو ذره




لو أنا دكتوره تكون الأولويه عندي بالعمليه حق الشخص الاول


تدريييييييين شنو حجم المشاكل النفسيه وعواقبها على الشخص نفسه وعلى ثقته بنفسه ؟؟

تدريييييييييييين شنو يعني إذا انعدمت الثقه بالنفس ؟؟


يعني يكون الشخص عايش ومش عايش على قولة عمر دياب

عايش بس جسم بلا روح


الكثير من اللي يعانون من مشاكل بالفك يعتزلون المناسبات الاجتماعيه والحفلات والاحتكاك بالناس ,,يكرهون التصوير و يشيلون من بالهم فكرة الزواج بالاضافه إلى احساسهم بالنقص وانعدام ثقتهم بنفسهم ,, يعني الشخصيه تكون مهزوزه بالأخص إللي من يعانون من صغرهم >> الفك بهالحاله كلما تكبرين كلما تكبر مشاكله لأنه يكون في مرحلة النمو ,, وإذا اهو بالاساس مقاساته غلط أو وضعيته غير سليمه من الصغر ,, راح ينمو بشكل غلط مع الكبر وطبعا راح يأثر على الوجه والنواحي الجماليه فيه
واحنا يا معشر البنات نبحث عن الجمال بغريزتنا
:wqedqw:

طبعا شعور انعدام الثقه بالنفس ما يا من فراغ
اكيييييييييييد سمعتوا تعليقات جارحة على الفك أو الأسنان .. وترى التعليقات هذي تترسخ بالذاكره وما تنمسح بسهوووله
واحنا بمجتمع بالأخص الشباب الله يحفظهم أبداااا ما يحبون الطنازه والضحك على خلق الله :eh_s(4):


يمكن البعض والأهل على وجه التحديد يعتبرون جراحة الفك عمليه حالها حال أي عمليه تسوينها اليوم وتطلعين عقب كم يوم وانتهينا

لااااااااااااااااااااااااااااا ،، يمكن هالشعور لأغلب العمليات باستثناء جراحة الفك


جراحة الفك لها آثار مستقبليه نفسيه >> طبعا آثار ايجابيه
سواء بالحياة العامه ,, بالعمل ,, بالزواج ،، بالمناسبات الاجتماعيه

عقب ما تسوينها راح تعيشين حياة طبيعيه حالج حال غيرج ,, الشعور بالنقص وعدم الثقه بالنفس راح يزول بعد العمليه
العقد النفسيه والأمراض النفسيه اللي جلبها لنا شكل الفك ومقاساته الغير طبيعيه .. راح نودعها بإذن الله بمجرد ما نطلع من غرفة العمليات ويرجع فكنا لوضعيته الطبيعيه بالمقاسات المثاليه

أو بالأصح نودعها بعد 6 شهور عالأقل من العمليه:eh_s(8):






السؤال اللي يطرح نفسه


داااااااااااااااااام إنه العلاااااااااااااج موجووووووووووود

لييييييييييييييش نهمل نفسها :bbbiu:
ليييييييييييييييييييييش نييب حق نفسنا الأمراض النفسيه على المستوى البعيييييد :bbbiu:
ليييييييييييييييييييييييييييييييييش ما نحاول نرجع ثقتنا بنفسنا ونعيش حياة طبيعيه حالنا حال غيرنا :bbbiu:

كل ماقرا اللي كتابته إسراء ارتاح الصراحة وكلامها صح أنا ف البرنز تشين خاصه ما عندي ثقه يوم ارمس وكل مايقولون ارفعي صوتج ارتبك اكثر
هل العمليه. تعدل ف الصوت لان كل ما أتكلم ماينسمع صوتي الا اذا حاولت أصرخ صوتي وايد رفيع
ومشكوره إسراء على هالتشجيع :eh_s(7):

 

[المهـآ]

السلام عليكم بنات
بعد مانقل البارقي رحت لأحمد يماني
سوالي الاشعة والقياسات ومشكلتي بس في الذقن
يبيلي 5mm يتقدم عشان يكون طبيعي بس ودي بأكثر تتوقعون يطلع حلو؟

نجي للمهم
الدكتور اقنعني نسوي العملية على بنج موضعي وفي العيادة :eh_s(2):
شرايكم انتوا اقدر اتحمل كسر عظم وكذا على بنج موضعي ؟
اللي خلاني اقتنع ان الوالدة خايفة من البنج الكامل ورافضته اساسا :eh_s(2):
ودكتور احمد قال نصيحتي سويه بنج موضعي شكل قلبك قوي ويتحمل القص والهز < ابد ما اخترعت :eh_s(2):

ردولي بنات العملية بعد اسبوعين :eh_s(2):

 

[شتآآت]

^

عمليه الذقن برا يسونها ببنج موضعي ماعتقد بيقص لك العظم شكله بيحط لك عظم صناعي
بس قولي له يعطيك منوم عشان ماتحسين باللي حولك

 

[التوت المحروق]

المها اول مره اعرف انها ممكن تصير ببنج موضعي
صعب لو كان فيه حراجه وفتح من داخل الفم
يمكن نص تخدير
يعني ماتكوني واعيه وعي كامل

الله ييسر لك

 

[المهـآ]

^

عمليه الذقن برا يسونها ببنج موضعي ماعتقد بيقص لك العظم شكله بيحط لك عظم صناعي
بس قولي له يعطيك منوم عشان ماتحسين باللي حولك

الا قص عظم أنا منبهة عليه مابي سليكون ولا غيره

المها اول مره اعرف انها ممكن تصير ببنج موضعي
صعب لو كان فيه حراجه وفتح من داخل الفم
يمكن نص تخدير
يعني ماتكوني واعيه وعي كامل

الله ييسر لك

باقي اسأله إن شاء الله بس ابي اعرف من تجاربكم هل هي تحتمل ولا بيغمى علي من صوت الشغل!
كلمة قص عظم لوحدها تجيب الدوخة :d

+ بعد العملية شكثر يقعد التورم والألم ؟

 

[shahad13]

السلام عليكم ورحمة الله وبركاته ​

انا من زمان كنت اتابعكم من 8 شهور في البدايه كنت مره خايفه بس مصره لازم اسويها لانه حل لمشكله .. وأنتو الله يكتب اجركم أفدتوني كثير وريحتوني ​

الزبده أنا عمري 19 اولى جامعه مشكلتي "ضمور الفك العلوي وميلانه ميلانه جاي نص نازل فهمتو مو ميلان بالاتجاه " وتقدم بالفك السفلي وبرضو ميلان لليمين ​

انا كنت اراجع بالعسكري متابعه عادي وبعدين يوم وصلت للتقويم اكتشفو مشكلتي انا ابدا ما كنت حاسه فيها لأنو مو واضح على شكلي الخارجي بس بعدين يوم قالو لي انتبهت ​

والحمدلله تيسرت وعالطول بدينا بخطة العلاج ​

أول شي ركبت تقويم جراحي بالفك السفلي من حوالي 3 شهور وبدا يتغير فكي شوي خرب يعني بس مو مشكله هي فتره ويرجع وقبل اسبوعين ركبو لي جهاز توسيع بس لسى ما فتحوه ​

وعطوني موعد عمليتين أول عمليه اللي هي فك الفك مدري اذا كذا اسمها بس قالي نفكه عشان يتوسع لانه مرا ضيق والعمليه الثانيه ترجيع الفك السفلي ويلفونه لليسار شوي ​

اول عمليه في 8\5 بعد 12 يوم في العسكري والدكتور الجراح اسمه خالد العيد ​

كان عبدالله العتل بس حولوني على ذا لان عبدالله ماكان موجود​

انا الحممدلله متفائله خير ومرتاحه لأني ببدأ بالجد وهي أكيد فتره وبتعدي ​

بس اللي شوي موترني الدكتور ماشفته الا مره وحده والباقي مع دكتورة التقويم والدكتوره ايمان مشرفه
وبحثت عنه مالقيت له شي بس هو شكله كبير وفاهم وماخذ الموضوع ببساطه ويسهله علي وشجعني ​

وحابه اسألكم أذا فيه وحده قد سمعت عنه ؟
واذا في وحده سوت عملية فك الفك أو التوسعه تقولي تجربتها الله يجزاها خير ​

والله يشفينا جميعاً ونعدي هالمرحله على خير و تتغير حياتنا بأذن الله .​

 

[التوت المحروق]

المها
والله اشوف مدام فيها قص صعبه تكون بنج موضعي وكمان بعد العمليه لازم راحه يعني تجلسي في المستشفى يوم او يومين يعطوك مضادات ما أظن سمايا مجهزة للتنويم

شوفي كلام الدكتور لو عملها قبل كذا والاهم انتي تقدري تتحملي كل هذا
الله يوفقك وتختاري الاحسن

شهد
ما اعرف عن توسيع الفك بس ماشاء الله واضح انك فاهمه خطة العلاج مع انك بمستشفى حكومي
الدكتور ماسمعت عنه شوفي بنفس المستشفى لو احد عمل عنده
وكمان انتبهي في المستشفيات الحكومية مافيه متابعة لخطةالعلاج
يعني قبل العمليه شوفية وافهمي منه كيف يعملها

الله ييسر لك وترتاحي

 

[ahoud]

السلام عليكم .. كيفكم حبيباتي اتمنى تكونون بخير

اليوم صار لي عشرين يوم من سويت العمليه .. اختي المها مستحييييل تسوينها ببنج موضعي العمليه جداا صعبه قص عظم الجمجمه وهذي اقوي عظمه بجسم الانسان مستحيل تتحملينها الا ببنج كامل ويادووب خصوصا ان وقت العمليه لايقل عن ثلاث الى ٧ او ثمان ساعات يعني انسي الموضوع

بالنسبه للتطورات الحمدلله احس الانتفاخ خف بس باقي حوالين خشمي وشفتي اللي فوق ومنطقة الشنب للحين مااحس فيهم ولاادري متي يرجع الاحساس ياليت اللي سوو العمليه قبلي يفيدوووني متى يرجع الاحساس للشفه العليا
ابتسامتي مو باينه بسبب ارتخاء الشفه العليا وهالشعور قاهرني

واسناني بديت احس فيهم الم زي الشد حق التقويم مدري وش سببه


المهم حبيت اصحح معلومه بالنسبه لوقت العمليه كنت كاتبه ٨ ساعات بمووضوعي الي قبل لكن بوضحلكم انو ٤ ساعات شغل الدكتور بالفكين و٤ ساعات في غرفة الافاقه

اسراااء بعد اذنك اضيفي اسم المساعد للدكتور بدر عبدالله الحركان للقائمه الحديديه


​

 

[شتآآت]

السلام عليكم ورحمه الله
كيفكم
ابغى استشيركم وخصوصاً المجربااات

انا لي سنتين وشوي بالتقويم ولازلت احتاج ,طبعاً المده طووولت ومأجله اشياء كثيره وحاليا عندي بعثه وصعب أأجلها زياده "

وقدامي خيارين
يا اكنسل موضوعها 3 سنوات وهالشيء مابيه لاني حابه اعدل ابتسامتي واطلع الموضوع من مخي
والخيار الثاني اسويها هناك بامريكاا بس بنفس الوقت خايفه عشان الغربه والبعد عن الأهل وحتى التكاليف ماعندي فكره عنها هناك

وشرايكم بنات :eh_s(2):

 

[فستان أحمر]

مرحباااا بنات .....
انا بسوي العملية باذن الله عند عادل العصفور وبيرفع الفك العلوي ويقدمه عاد بسالكم اهو
من الدكاتره اللي يربطون الخشم عشان مايفرش؟؟؟؟

شكرا

 

[فستان أحمر]

السلام عليكم ورحمه الله
كيفكم
ابغى استشيركم وخصوصاً المجربااات

انا لي سنتين وشوي بالتقويم ولازلت احتاج ,طبعاً المده طووولت ومأجله اشياء كثيره وحاليا عندي بعثه وصعب أأجلها زياده "

وقدامي خيارين
يا اكنسل موضوعها 3 سنوات وهالشيء مابيه لاني حابه اعدل ابتسامتي واطلع الموضوع من مخي
والخيار الثاني اسويها هناك بامريكاا بس بنفس الوقت خايفه عشان الغربه والبعد عن الأهل وحتى التكاليف ماعندي فكره عنها هناك

وشرايكم بنات :eh_s(2):

شتات اطب بامريكا متطور انا اقول سويها هناك احسن

 

[fa6amy_uae]

السلام عليكم ورحمه الله
كيفكم
ابغى استشيركم وخصوصاً المجربااات

انا لي سنتين وشوي بالتقويم ولازلت احتاج ,طبعاً المده طووولت ومأجله اشياء كثيره وحاليا عندي بعثه وصعب أأجلها زياده "

وقدامي خيارين
يا اكنسل موضوعها 3 سنوات وهالشيء مابيه لاني حابه اعدل ابتسامتي واطلع الموضوع من مخي
والخيار الثاني اسويها هناك بامريكاا بس بنفس الوقت خايفه عشان الغربه والبعد عن الأهل وحتى التكاليف ماعندي فكره عنها هناك

وشرايكم بنات :eh_s(2):

استغلي هالفرصة و دوريلج على دكاترة هناك و شلي ملفج و روحي هناك الطب مطور عندهم اكثر بوااايد من الشرق .. اهم شي صلاة الاستخارة و ربي بيسيرلج ان شاء الله


ياليت انا اقدر اسويها برع والله ماكنت بتردد ولا ثانية والله انتي لو تجوفين الاجانب اللي مسوين هالعملية قبل و بعد بتتخبليين من النتايج

 

[fa6amy_uae]

السلام عليكم بنات
بعد مانقل البارقي رحت لأحمد يماني
سوالي الاشعة والقياسات ومشكلتي بس في الذقن
يبيلي 5mm يتقدم عشان يكون طبيعي بس ودي بأكثر تتوقعون يطلع حلو؟

نجي للمهم
الدكتور اقنعني نسوي العملية على بنج موضعي وفي العيادة :eh_s(2):
شرايكم انتوا اقدر اتحمل كسر عظم وكذا على بنج موضعي ؟
اللي خلاني اقتنع ان الوالدة خايفة من البنج الكامل ورافضته اساسا :eh_s(2):
ودكتور احمد قال نصيحتي سويه بنج موضعي شكل قلبك قوي ويتحمل القص والهز < ابد ما اخترعت :eh_s(2):

ردولي بنات العملية بعد اسبوعين :eh_s(2):

والله انا سويت جراحة ضرس العقل ببنج موضعي و كنت بموت من الصوت و قلت الباقي بسويهم ببنج كامل انتي كيف بتتحملين قص العظم ببنج موضعي .. القرار راجعلج بس سوي ببنج كامل و فكي عمرج اريحلج لاتسمعين اصوات و لا تجوفين شي .. اصلن من بتجوفين ادوات اللي ف ايد الدكتور بيغمي عليج من الخوف وااايد صعب
حاولي تقنعين الوالدة ببنج كامل

 

[شتآآت]

تسلمون على الردود
الله يكتب اللي فيه الخير صراحه كنت حابه اسويها بالبلد لكن الحمدلله على كل حال
اللي عندها فكره عن الاسعار هناك ياليت تفيدني

 

[كوكب ..]

دعواتكم أخواتي عمليتي الخميس القادم الظهر بإذن الله.

 

[شتآآت]

الله يقومك بالسسلامه طمنينا عنك

 

[fa6amy_uae]

دعواتكم أخواتي عمليتي الخميس القادم الظهر بإذن الله.

الله يقومج بالسلامة ان شاء الله