السلام عليكم..
1)اشكر لكم هالتجمع.. واخص بالشكر .. اسراء
استفدت حيل .. بالرغم من الاهل معارضين الا انكم شجعتوني.. واصريت اسويها..
2) مشكلتي بروز ونزول الفك العلوي وقيمي سمايل ومشكلتي بالفك السفلي انه مايل شوي بس م هتميت فيه كثر الفك العلوي..ومسويه تقويم قبل سنتين.. الصفه اوكي والعضه شويات يبيلها. تضبيط
3) رحت لدكتورين
عبدالله الحركان وبشار رجب الا اني كملت مع بشار رجب .. واستغربت انه م خذا حقه بهالتجمع لاني اشوفه دكتور متمكن جدا جدا وشاطر وخبره 13 سنه .. و كلامه مريح .. وواثق من شغله وروحه حلوه م شالله ... طبعا هو في عياده اسنان كلينك وطبعا هالعياده معروفه .. وسمعت انه بالعدان
4) اللي قاله لي دكتور عبدالله الحركان ..
ان عنده 3 حلول... جراحه او تنزيل الشفه او اذا م خاب ظني اللي تنحط بالذقن م عرف اسمها عشان تبرزه
قال الحل الاخير م انصحج فيه
والحل الثاني انزال الشفه راح يحل فقط القيمي سمايل وراني صور لناس مسويه هالشغله
صراحه فررررررررررررق .. وصاروا احلاااااا وقال هذا بنج موضعي بس نص ساعه...
ومو مكلف .. بس250 تقريبا
وقال الحل الاول جراحه اللي ينفع لج اكثر شي
سالته عن العوار والاسعار.. قال العوار يروح مع الوقت والاسعار 1900 فك علوي 750
مااذكر قال ذقن او فك سفلي
والمستشفى1500 وماجاب لي طاري التقويم...
قلت خلاص افكر وارد لك خبر... اللي م حبيته ان العياده لازم كاش..
5) رحت لد. بشار رجب قالي نفس الكلام لكن قال لاززززززم تقويم يساعدني بالجرااحه قال كم شهر وبعدها اسوي لج العمليه قلت لاااااااا ابي بعد العيد. عشان عندي مناسبه كبيره شهر11
قال عادي حطيه بعدها باسبوع اسوي لج العمليه استغربببببببت هالسرعه لكن قلت اهو فاهم شغله.
سالته عن البنج العام لاني خايفه منه حيل وسالت عن وزني شبيكون لان انا ضعيفه فخفت اختفي
وسالت بعد عن القريشات هههههه ..
الفك العلوي3000 اللي تحت قال احتمال احركه احتمال لا لكن ولله م ثبت كان يقصد فك او ذقن
1500 والتقويم1700 والمستشفى 350 ..
رجعت البييت فكرت وحاولت اقنع اهلي طبعا حدا محد راضي وزعلانين من هالموضوع ...
لكني صليت استخاره .. ودعيت وبعدها حسيت براحه وتيسير لاموري ..
المهم.. دقيت عليهم خذت موعد للتقويم عند د. خالد الخياط
وشافني قال التقويم 6 اشهر بعدها احولج على بشار قلت لااااااااا شنو 6 اشهر د. بشار قالي عادي قبل باسبوع شاف اسناني بعدين قال اوكي مو مشكله وبعد العمليه يظل التقويم 5 اشهر او6 .. خذوا قياسات
وعطوني موعد للتقويم... للاسف دكتوري بشار اجازه وبعد 10 ايام من تركيب التقويم بيرجع
ووقعت الاوراق ودفعت2000 وخليت الباقي اقساط .. طبعا من غير المستشفى
انتظر دكتوري .. يرجع اناقشه باللي بسويه .. وبسويها احتمال كبير 17/8
ي رب تتيسر لي ... بدون تعب او خوف ..
اسفه جدا عالاطاله....
ما شاء الله .. الله يسهل عليج أمورج
د.بشار رجب ما أخذ حقه لأنه محد سوا عنده من بنات التجمع >> وانتي عارفة أغلب المشاركات تجارب
بس ما شاء الله عجبني سعر د.عبدالله الحركان بالنسبه للفك العلوي 1900 .. الغالب يسوونها ب 3000
بس انتبهي التقويم مهم جداااا قبل العمليه وعقب العمليه .. وإذا انتي تعانين من بروز التقويم مهم لج التقويم قبل العمليه
6 أشهر - سنه ونص قبل العمليه
و6 أشهر عقب العملية
في أغلب الحالات
لكن كل دكتور له خطة علاج معينه تختلف عن غيره حسب وجهة نظره
بس نصيييحه بجراحة الفك بالذات تأني وصبري
" في التأني السلامة وفي العجلة الندامة"
وأغلب تجارب البنات الفاشلة كانت بسبب العجلة ( مستعيلين يسوون العملية) وأتوقع قريتي تجاربهم بالتجمع
الله يكتب لج للي فيه الخير يااارب
وبالنسبة للمناسبة اللي عندج شهر 11 >> ما راح يمديج !!
انتي شهر عقب العملية ما تقدرين تطلعين من البيت من الاعراض اللي بتصير لج عقب العمليه من تورمات وانتفاخات بالوجه والأسنان راح تتقفل بسيور وما تقدرين تاكلين والنطق راح يكون غير سليم ... إلخ
وحسبي حسابج انه خشمج راح يفرررش (بما انج فك علوي) خصوصا اول الأيام من التورمات
علشان جذي تأني و ردي استخيري .. عالأقل تحضرين المناسبة بشكلج حاليا ولا ما تحضرينها نهائيا
وبالنسبة لنتايج جراحة الفك النهائية >> تطلع من بعد 6 أشهر إلى سنه من الجراحة على ما يلتئم العظم وتروح الانتفاخات ويرجع كل شي لوضعه الطبيعي :eh_s(15):
