- إنضم
- 14 يونيو 2009
- المشاركات
- 10,222
- مستوى التفاعل
- 0
- النقاط
- 0
بسم الله الرحمن الرحيم
السلام عليكم ورحمة الله وبركاته
انا عودتكم من اول ما يبت بنتي وانا ادرس الكتب الخاصه بالتربيه واستعين احيانا بالدكاتره واحيانا ارتجل من عندي عشان اقدر اربي بنتي بطريقه صحيحه احط لكم كل تجاربي الفاشله والناجحه
ولله الحمد الله وفقني لان نيتي سليمه ولاني اجتهدت <<<<<<<< طلعي برا
المهم الحين بنتي راح تكمل سنه ونص واحس انها قامت تفهم وتستوعب وعندها استعداد للتعلم وهالشي معطيني باور اني اعلمها كل شي على اصوله
وحطيت هالتجمع عشان اساعد اللي مو قادره او مو عارفه شتسوي مع بنتها بهالعمر خصوصا ان مو كل الامهات مكرسين وقتهم حق عيالهم وجانب الارتجال هو الطاغي عالتربيه وهالشي غلط مليونين بالميه
وهذا الشي اللي خرب ناس وايد
مرحلة الطفوله هي مرحلة التحصيل ( البذره ) عشان تشوفين ولدج ولا بنتج يكبرون جدام عينج متأسسين صح ولي كبرتي تفتخرين انج ربيتي وعطيتي من نفسج وماخليتي عيالج عالبركه وعالتلفزيون واجتهادات الخدامه
انا راح عطيج علامات تبين لج ان بنتج وصلت مرحله تقدرين تغرسين فيها اللي تبين وتبنين شخصيتها وراح اعطيج الطريقه اللي تخليج تستغلين هالمرحله من عمرها عدل
عموما الحين راح احط لج علامات من خلالها تحكمين اذا بنتج نموها سليم
- حصيلة الكلمات اكثر من خمسه
- استيعاب الادوات وتصنيفها ( مثلا : تعرف ان الجوتي تكرمين ينلبس بالريل وحق الطلعه )
- التقليد ( تحاول تقلدج وقت الصلاة مثلا تكبر او تنسدح بالارض تحاول تسجد )
- الرغبة بالانتماء ( اذا كنتي قاعده مع ناس تيي وتقعد بينكم او قاعده مع ابوها تحاول انها تلفت الانتباه )
- الرغبة بتحمل المسؤليه ( تحاول تساعدج او تشيل اغراضها )
حطي هالاشياء وشوفي اذا توافرت ببنج او بعضها او ولا شي منها وحاولي تدورين عالسبب اللي خلاها تتأخر عن اللي بعمرها
اما اذا توافرت فيها العلامات فابتدي فورا باستغلال شخصيتها وفرغي طاقتها بامور ايجابيه
- الكلمات بدال ما يكون عندها خمس كلمات ضاعفي لها كمية الكلمات
ولكن باللعب مثال
تحطين لها لعبة تحبها وتعلمينها اجزاء جسم اللعبة ( عيون - اذن - يد ) انجليزي وعربي او بصور حيوانات خصوصا الملونه تنمين عندها النظر وتعودين عيونها عالالوان
حطي خطه اسبوعيه بكل اسبوع تخصصين 5 كلمات وتوفرين صورهم وتعلمينها وتكررينها طول اليوم على مدار الاسبوع ولكن نوعي بالكلمات يعني خلال شهر تكونين علمتيها حصيلة كلمات محترمه بعدين راح اعلمج شلون تخلينها تركب جمل
الاستيعاب :
اشتري لها اللعبة اللي يكون فيها اشكال هندسية مفرغه ومجسمات تركب المجسم بالمكان المناسب طبعا لا تقولين لها تعالي نلعب لا انتي فتحي اللعبه وفجيها وركبيها راح تلاقينها بروحها تنتبه لج وتيي تسوي اللي انتي تسوينه
وانتي تركبين اللعبه قولي هذا مثلث وهذا مربع مع ذكر اللون عشان التركيز
اخذي لها العاب التركيب ونفس الطريقه ركبي ولعبي انتي بعدين هي راح تقلدج
اشتري لها لعبه ( دميه ) وعلميها تنومها وتغير لها ملابسها وتمشطها
التقليد
هني منطقتج اللي تعلمينها فيها كل شي تبين مثل
ربطي الاشياء ببعض من غير كلام مثل
لما يأذن أذني بصوت مسموع مع المؤذن وقولي بصوت عالي انا بروح اصلي عشان الله يحبني
وتوضي وصلي نفس الطريقه بصوت مسموع وبخشوع
ربطي الساعه 8 بموعد النوم فرشي اسنانج وهي تلاقينها تلحقج تبي تعرف شنو تسوين قولي لها افرش اسنانج وخليها تمسك الفرشاة بروحها وتفرش على كيفها
قصة قبل النوم وايد مهمه لبناء شخصيه الطفل قولي قصص مفيده حتى لو ما قعدت تسمع لج هي تكون سامعتج وبعدين راح يرتبط عندها هالشي بالنوم وبمجرد ما تقولين لها قصة راح تنام
لا تحطين لها قرآن بالمسجل وقت النوم لان جذي راح تربطين لها ان القرآن هو شي حق النو بالعكس اقري لها انتي بنفسج قران بنبرة واطيه ولا تحطين مسجلات كللللللللللش
تعليم البسمله قبل الاكل انتي كوني قدوتها سمي واكلي وهي راح تقلدج
الرغبة بالانتماء
علميها لما تدش معاج مكان انها تسلم عالموجودين وانتي تسلمين عشان تشوفج وتعرف ان هاالشي لازم
قعديها مع اليهال اللي بعمرها وخليها تتعرف وتستكشف بروحها اذا احد طقها ويات تشتكي لج سوي روحج مو فاهمه عشان تحل مشاكلها بروحها
لا تخلينها بروحها بمكان وانتي بمكان يعني مو انتو تتغدون عالطاوله وهي عند الخدامه لا بالعكس خليها تقعد معاكم عالسفره وتاكل بروحها مثلكم حتى لو ماكلت الا 10 بالميه من الكميه الي انتي حاطتها خليها تعفس وتنثر وتاكل براحتها علميها انها ما تقوم من الاكل الا لما تخلص ولما تخلص تشيل صحنها مثلكم وتحطه بالمكان المناسب
تحمل المسؤليه علميها لما تفصخينها هدومها عطيها هدومها خليها تشيلهم بايدها تحطهم بسلتها
علميها عقب ما تلعب تشيل العابها وتردهم مكانهم شلوووووون قعدي وقولي انا شاطره وانتي تشيلين الالعاب رددي هالكلمات انا كبيره انا شاطره اشيل الالعاب
وهي راح ترز الوي تسوي نفسج ويمكن حتى تبي تنافسج سوي روحج مو قادره تغلبينها واذا خلصت صفقي لها وبوسيها
يلا سوي جدول يومياتكم وشوفي شنو قدرتي تعلمينها خلال يوم واحد وبعدها خلال اسبوع وبالنهايه شوفي نتيجة اهتمامج وشوفي بنتج شنو تعلمت
ضيفي على انها راح تتعلم اشياء وايد انها راح تكون صديقتج فالبيت وتحس انها لها مكانه عندكم وهالشي بحد ذاته يرفع عندها الثقه بالنفس وحب الانتماء تلاقينها تصير بهالفتره حنووووووووووووووونه
واي مساعده انا حاضره
السلام عليكم ورحمة الله وبركاته
انا عودتكم من اول ما يبت بنتي وانا ادرس الكتب الخاصه بالتربيه واستعين احيانا بالدكاتره واحيانا ارتجل من عندي عشان اقدر اربي بنتي بطريقه صحيحه احط لكم كل تجاربي الفاشله والناجحه
ولله الحمد الله وفقني لان نيتي سليمه ولاني اجتهدت <<<<<<<< طلعي برا
المهم الحين بنتي راح تكمل سنه ونص واحس انها قامت تفهم وتستوعب وعندها استعداد للتعلم وهالشي معطيني باور اني اعلمها كل شي على اصوله
وحطيت هالتجمع عشان اساعد اللي مو قادره او مو عارفه شتسوي مع بنتها بهالعمر خصوصا ان مو كل الامهات مكرسين وقتهم حق عيالهم وجانب الارتجال هو الطاغي عالتربيه وهالشي غلط مليونين بالميه
وهذا الشي اللي خرب ناس وايد
مرحلة الطفوله هي مرحلة التحصيل ( البذره ) عشان تشوفين ولدج ولا بنتج يكبرون جدام عينج متأسسين صح ولي كبرتي تفتخرين انج ربيتي وعطيتي من نفسج وماخليتي عيالج عالبركه وعالتلفزيون واجتهادات الخدامه
انا راح عطيج علامات تبين لج ان بنتج وصلت مرحله تقدرين تغرسين فيها اللي تبين وتبنين شخصيتها وراح اعطيج الطريقه اللي تخليج تستغلين هالمرحله من عمرها عدل
عموما الحين راح احط لج علامات من خلالها تحكمين اذا بنتج نموها سليم
- حصيلة الكلمات اكثر من خمسه
- استيعاب الادوات وتصنيفها ( مثلا : تعرف ان الجوتي تكرمين ينلبس بالريل وحق الطلعه )
- التقليد ( تحاول تقلدج وقت الصلاة مثلا تكبر او تنسدح بالارض تحاول تسجد )
- الرغبة بالانتماء ( اذا كنتي قاعده مع ناس تيي وتقعد بينكم او قاعده مع ابوها تحاول انها تلفت الانتباه )
- الرغبة بتحمل المسؤليه ( تحاول تساعدج او تشيل اغراضها )
حطي هالاشياء وشوفي اذا توافرت ببنج او بعضها او ولا شي منها وحاولي تدورين عالسبب اللي خلاها تتأخر عن اللي بعمرها
اما اذا توافرت فيها العلامات فابتدي فورا باستغلال شخصيتها وفرغي طاقتها بامور ايجابيه
- الكلمات بدال ما يكون عندها خمس كلمات ضاعفي لها كمية الكلمات
ولكن باللعب مثال
تحطين لها لعبة تحبها وتعلمينها اجزاء جسم اللعبة ( عيون - اذن - يد ) انجليزي وعربي او بصور حيوانات خصوصا الملونه تنمين عندها النظر وتعودين عيونها عالالوان
حطي خطه اسبوعيه بكل اسبوع تخصصين 5 كلمات وتوفرين صورهم وتعلمينها وتكررينها طول اليوم على مدار الاسبوع ولكن نوعي بالكلمات يعني خلال شهر تكونين علمتيها حصيلة كلمات محترمه بعدين راح اعلمج شلون تخلينها تركب جمل
الاستيعاب :
اشتري لها اللعبة اللي يكون فيها اشكال هندسية مفرغه ومجسمات تركب المجسم بالمكان المناسب طبعا لا تقولين لها تعالي نلعب لا انتي فتحي اللعبه وفجيها وركبيها راح تلاقينها بروحها تنتبه لج وتيي تسوي اللي انتي تسوينه
وانتي تركبين اللعبه قولي هذا مثلث وهذا مربع مع ذكر اللون عشان التركيز
اخذي لها العاب التركيب ونفس الطريقه ركبي ولعبي انتي بعدين هي راح تقلدج
اشتري لها لعبه ( دميه ) وعلميها تنومها وتغير لها ملابسها وتمشطها
التقليد
هني منطقتج اللي تعلمينها فيها كل شي تبين مثل
ربطي الاشياء ببعض من غير كلام مثل
لما يأذن أذني بصوت مسموع مع المؤذن وقولي بصوت عالي انا بروح اصلي عشان الله يحبني
وتوضي وصلي نفس الطريقه بصوت مسموع وبخشوع
ربطي الساعه 8 بموعد النوم فرشي اسنانج وهي تلاقينها تلحقج تبي تعرف شنو تسوين قولي لها افرش اسنانج وخليها تمسك الفرشاة بروحها وتفرش على كيفها
قصة قبل النوم وايد مهمه لبناء شخصيه الطفل قولي قصص مفيده حتى لو ما قعدت تسمع لج هي تكون سامعتج وبعدين راح يرتبط عندها هالشي بالنوم وبمجرد ما تقولين لها قصة راح تنام
لا تحطين لها قرآن بالمسجل وقت النوم لان جذي راح تربطين لها ان القرآن هو شي حق النو بالعكس اقري لها انتي بنفسج قران بنبرة واطيه ولا تحطين مسجلات كللللللللللش
تعليم البسمله قبل الاكل انتي كوني قدوتها سمي واكلي وهي راح تقلدج
الرغبة بالانتماء
علميها لما تدش معاج مكان انها تسلم عالموجودين وانتي تسلمين عشان تشوفج وتعرف ان هاالشي لازم
قعديها مع اليهال اللي بعمرها وخليها تتعرف وتستكشف بروحها اذا احد طقها ويات تشتكي لج سوي روحج مو فاهمه عشان تحل مشاكلها بروحها
لا تخلينها بروحها بمكان وانتي بمكان يعني مو انتو تتغدون عالطاوله وهي عند الخدامه لا بالعكس خليها تقعد معاكم عالسفره وتاكل بروحها مثلكم حتى لو ماكلت الا 10 بالميه من الكميه الي انتي حاطتها خليها تعفس وتنثر وتاكل براحتها علميها انها ما تقوم من الاكل الا لما تخلص ولما تخلص تشيل صحنها مثلكم وتحطه بالمكان المناسب
تحمل المسؤليه علميها لما تفصخينها هدومها عطيها هدومها خليها تشيلهم بايدها تحطهم بسلتها
علميها عقب ما تلعب تشيل العابها وتردهم مكانهم شلوووووون قعدي وقولي انا شاطره وانتي تشيلين الالعاب رددي هالكلمات انا كبيره انا شاطره اشيل الالعاب
وهي راح ترز الوي تسوي نفسج ويمكن حتى تبي تنافسج سوي روحج مو قادره تغلبينها واذا خلصت صفقي لها وبوسيها
يلا سوي جدول يومياتكم وشوفي شنو قدرتي تعلمينها خلال يوم واحد وبعدها خلال اسبوع وبالنهايه شوفي نتيجة اهتمامج وشوفي بنتج شنو تعلمت
ضيفي على انها راح تتعلم اشياء وايد انها راح تكون صديقتج فالبيت وتحس انها لها مكانه عندكم وهالشي بحد ذاته يرفع عندها الثقه بالنفس وحب الانتماء تلاقينها تصير بهالفتره حنووووووووووووووونه
واي مساعده انا حاضره
