تجمع امهات الروضه (اولى وثانيه ) 2011/2012

[عيون سارة]

عاد انا بدوا مع بنتي بa
,وشكل الدائرة
ورقم 1
وحيل مستانسه بروضتها

 

[توتاتوتا]

و انا بعد ارسلوا لي ورقه من الاسبوع الجاي بيبدون مراجعة الفاتحه و رقم 1 و بعض الحروف و المهارات
و كل اسبوع بيرسلون لنا شراح يعطونهم

 

[سفرجل]

سئلت ابلة بنتي متى يبدون قالت من اسبوع الياي لانه توهم يمعوا الفلوس
بسئلكم كل المدارس طبقوا وولا لا

 

[عيون سارة]

سفرجل انا روضه خاصه ما ادري عن الحكومه

 

[نورالقمر24]

صارلها من الاربعه تبجي كل يوم تسال متى مدرسه
مابي اروح
كرهت الروضه ابسبتهم شسوي شريتلها هدايا
اوهم حرمتها من الطلعه موراضيه اتقول خليني بلبيت مابي منكم شي

 

[توتاتوتا]

صارلها من الاربعه تبجي كل يوم تسال متى مدرسه
مابي اروح
كرهت الروضه ابسبتهم شسوي شريتلها هدايا
اوهم حرمتها من الطلعه موراضيه اتقول خليني بلبيت مابي منكم شي

ماعليش من دلعها طنشيها و وديها غصب و اطلعي لا تقعدين تساحلينها سلميها للابله و خلاص و لو تحطينها بباص احسن تتقبل الروضه اكثر انا سوت بنتي نفس الشي و كان هذا كلام ابلتها و سويناه و الحمد لله ارتحنا من الدموع الصباحيه بالتوفيق

 

[miss_heathrow]

السلام عليكم

يعكيم العافيه اللي فتحتوا هالتجمع

انا بنتي كانت بروضه خاصه باولى روضه نقلتها حكوميه وايد الحين مرتاحه احسن من قبل
ومدرستها جبال بيتنا واول الايام كل شوي اروح اطل عليها يننت الابلات


عطوها ورقه الطلبات اللي اهي :-

ادوان النظافه : فرشاة ومعجون وفوطه وصابون سائل ومطهر ديتول وعطر وانت خذيت لها زياده مشط صغير من بدي شوب
الادوات العمليه : صمغ مقص قص ولزق الوان شينيه الوان اصابع كراسه وصلصال اللي اهو الطين الابيض اللي يصير فخار

وان شاء الله راح احط لكم صور مشترياتها

والحمدلله الابلات وايد زينين احسن من الخاص بوايد وما توقعت نفسيتي مرتاحه لي هالدرجه حتى بنتي قامت تحب المدرسه



سفرجل انا بنتي بصباح السالم بعد بس بقطعه 10 روضه الدانه

 

[نورالقمر24]

توتا توتا مشكوره حبيبتي
انشالله بحاول معاها
اهي اول ايام تبي الروضه بعدين اقلبت صارت تكره الروضه

 

[كريتوز]

يعطيكم العافيه على التجمع الحلو والمفيد
انا ولدى ثانيه روضه
بس عيبه انه يخاف من صراخ الجهال
روضه الجداول ب صليبخات
تهبل من اول اسبوع سوووا اجتماع
وتكلمت فيه الناظره وكان كلامها حلو ويشجع حيل
طلبت منا
10 دنانير واهم يوفرون لهم
السدريه وادوات القرطاسيه والملابس الشعبيه
واذا ماتبين تدفعين انتى تجيبين الطلبات كلا واحد
المهم شجعتنا على اللى ولدها او بنتها عنده موهبه ينمونها
وشجعونا بعد على ان الام تكون ابله لمده يوم
تكونين ابله رياضه او تقولين لهم قصه او تشرحين درس لهم مع هدايا للاطفال
عشان ولدج يحب الروضه ويتشجع يداوم كل يوم
وهم بعد عندهم خدمه مسجات نتواصل وياهم
كل اسبوعين يعلمونهم
رقم
و شكل وحرف
واحنا بدورنا نعلمه بالبيت
وكل طفل نظيف بشكله وبملابسه واظافره وريحته بغض النظر عن سلوكه
يختارونه من الاطفال المميزين عشان يودونهم رحله كل شهر
وهم بعد شجعونا على مسابقه عندهم مسابقه القران
هم يحددون السوره واحنا انحفظه ويفوز بالمسابقه على مستوى المحافظه
بصراحه روضه تجنن وكل الابلات والاداريين فيهم يهبلون ونظيفه
يابختها اللى بنتها او ولدها يداوم بروضه الجداول
اختكم كريتوز
​

 

[سفرجل]

روضة بنتي بقطعة 6
واهلين نورتي التجمع حبيبتي بس غريبه اول وحده اتقول انه الخاص موشئ

 

[حبة جالكسي]

من وين احصل لبس شعبي حق بنتي ماخليت شبر في المباركية وماحصلت شي
انقذووووووووووووووووووووووووووووووووووووووووووووووووووووووني

 

[عيون سارة]

مس هيثو
بنتك كنت ببلي قوب

 

[توتاتوتا]

يعطيكم العافيه على التجمع الحلو والمفيد
انا ولدى ثانيه روضه
بس عيبه انه يخاف من صراخ الجهال
روضه الجداول ب صليبخات
تهبل من اول اسبوع سوووا اجتماع
وتكلمت فيه الناظره وكان كلامها حلو ويشجع حيل
طلبت منا
10 دنانير واهم يوفرون لهم
السدريه وادوات القرطاسيه والملابس الشعبيه
واذا ماتبين تدفعين انتى تجيبين الطلبات كلا واحد
المهم شجعتنا على اللى ولدها او بنتها عنده موهبه ينمونها
وشجعونا بعد على ان الام تكون ابله لمده يوم
تكونين ابله رياضه او تقولين لهم قصه او تشرحين درس لهم مع هدايا للاطفال
عشان ولدج يحب الروضه ويتشجع يداوم كل يوم
وهم بعد عندهم خدمه مسجات نتواصل وياهم
كل اسبوعين يعلمونهم
رقم
و شكل وحرف
واحنا بدورنا نعلمه بالبيت
وكل طفل نظيف بشكله وبملابسه واظافره وريحته بغض النظر عن سلوكه
يختارونه من الاطفال المميزين عشان يودونهم رحله كل شهر
وهم بعد شجعونا على مسابقه عندهم مسابقه القران
هم يحددون السوره واحنا انحفظه ويفوز بالمسابقه على مستوى المحافظه
بصراحه روضه تجنن وكل الابلات والاداريين فيهم يهبلون ونظيفه
يابختها اللى بنتها او ولدها يداوم بروضه الجداول
اختكم كريتوز
​

ماشاء الله باين الروضة زينة

 

[عيون سارة]

ماشاء الله كريتوز ياليت كل الروضات مثلها كان ماتخسرنا بالخاص

انا الروضه التابعه لها بنتي عليها صيانه وهدموها
وحولنا لثانيه
وبعيده علي حيل
يعني عشان اطلع من دوامي واخذها وارد اقل شي يبي لي نص ساعه
لا يبا
وكل يوم خليها بالخاص تتعلم وانا ارتاح واهي ترتاح


اشرايكم احنا نسوي لعيالناا منهج وندرسهم
نتفق على حروف وارقام واشكال معينه مع سورة صغيرة كل اسبوع
واخر الاسبوع نشوف نتايج عيالنا

 

[آهات الليل]

قوه شلونكم شخباركم
عيالكم متى ينامون للروضه؟
يارب عاد باجر يعطون بنتي ورقة طلبات ولادراسه مليت كله العاب وهدايا ابي شي يفيدها؟

 

[توتاتوتا]

اهات انا ارقدهم 6:30 - 7 بالكثير لان ما خليهم ينامون الظهر

 

[وحده من الناس]

مرحبا بناااااااات وانا مثلكم ولدي بروضه الرقه وشريت طلباتهم بس مستغربه مو حاطين من ظمن طلبات فرشه ومعجون اسنان ماادري ليش ؟؟

 

[ورد و ريحان]

معاكم بنات
انا بنتي بروضة ابن بطوطه
وهذي ثاني سنه لها بهالروضه
بنات بنتي حيييييل حبت الروضه
واذا عصبا منها بس اقولها بكره مافي روضه
تخاااااف وتترجاني لا ماما بروح الروضه
يعني الحمدالله حيل مستانسه
بس درااسه ابدا مافيها تبين تاسسين عيالج
شوفيلهم شي ثاني
اناصراحة انا اعلمها عالخفيف

 

[زوغه طلال]

السلام عليكم

انا ولدي سنه اولي روضه ..... دخلته نموذجيه بس استغربت من شي ان ولدي كل ماراح الحمام يرجع البيت هدومه وصخه :eh_s(2): مو متعود علي جذي ولا انا لان كان في حضانه خاصه والحفاظه قاطعه عنهااا حتي في نومه الليل "الحمدالله"
باجر اجتماع الامهات وقاعده افكر اشلون اصيغ اسلوب اكلم فيه المدرسه ولا الوكيله منووو بالضبط الي لهااا مسؤليه مباشره مع الخدم ؟؟؟؟؟ وهل اهم يتغيرون ولا لكل صف خدامه ؟؟؟؟؟
​

 

[توتاتوتا]

السلام عليكم

انا ولدي سنه اولي روضه ..... دخلته نموذجيه بس استغربت من شي ان ولدي كل ماراح الحمام يرجع البيت هدومه وصخه :eh_s(2): مو متعود علي جذي ولا انا لان كان في حضانه خاصه والحفاظه قاطعه عنهااا حتي في نومه الليل "الحمدالله"
باجر اجتماع الامهات وقاعده افكر اشلون اصيغ اسلوب اكلم فيه المدرسه ولا الوكيله منووو بالضبط الي لهااا مسؤليه مباشره مع الخدم ؟؟؟؟؟ وهل اهم يتغيرون ولا لكل صف خدامه ؟؟؟؟؟
​

الله يحفظه كلمي أبلته قولي لها نفس كلامش لنا واطلبي يودونه الحمام بدون مايطلب يعطونه وقت كافي فالحمام و تأكد على الخدامة تنظفه عدل