تجمع امهات الصف الثاني والثالث ابتدائي 2011/2012

[ام كوثر2007]

الله يوفق سلووم يالله خله لامه يالله ههههههههه

مشكوره حبيبتي ..

 

[نورالقمر24]

بنات منو بنته اب مدرسه ريحانه بنت زيد الي برقه

جاكيت المدرسه اي لون؟؟؟

 

[& شرطان الذهب &]

السلام عليكم بنتي بثانيه ومتلعوزه بالعربي حيييييييييييييييييييييل مدري شسوي الاملاء مصيبببه ماتعرف تتملى

وانا اقول هجي الكلمه حرف حرف لين تكمل

وانصدم انها تلخبط بالحروف والله اني تعبت الله ياجرنا

اختي تقول جيبي لها مدرسه بالبيت تاسسها من جديد وانا مدري شسوي

اللي تقدر تفيدني لا تبخل علي

 

[moltencake]

بنات انا مستغربه اشلون تقولوون في امتحانات قصيره فتره اولي للصف الثاني؟؟؟؟؟؟؟؟


ترا بس العلوم اللى امتحنوه امس .. والا ماكو لا عربي ولا انقليزي ولا هم يحزنون ..



وانا يوم الاحد كنت في اجتماع اولياء الامور مع المدرسات ما يابوا طاري هاللى تقولون عنه .

بالنسبه للعربي يعطونهم املاء بس بدون ما يعطونا خبر في الكتاب الثاني اللي عند الابله.
الانقليزي عطوا ولدي املاء باربع كلمات يكون عباره عن اكمل الحرف الناقص مرتين.
الرياضيات كل اسبوع تقريبا يعطونهم امتحان قصير بجم صفحه من الكتاب.
العلوم كل ما خلصوا جزء امتحنوا فيه.
و طبعا الاسلاميه تسميع الايات المقرره.

 

[أغلى حبيبه]

مدرسه بناتي مريحين بالهم هالسبوع

مسوين لهم الاحد والثلاثه والخميس ايام مفتوحه لعب ووناسه مافي دراسه لي عقب العيد

 

[جروح ودموع]

يمه من العربي واااجبات من الساعه 3 العصر وتونا خلصنا من الواجبات العربي والحين عطييت ولدي بريك عشان يرتاح واحفظه كلمات الانجليزي والله يعين عيالنا ويعينا معاهم

 

[ام كوثر2007]

يمه من العربي واااجبات من الساعه 3 العصر وتونا خلصنا من الواجبات العربي والحين عطييت ولدي بريك عشان يرتاح واحفظه كلمات الانجليزي والله يعين عيالنا ويعينا معاهم

جروح ولدج بثانيه ؟؟؟؟؟؟؟؟


والله اذا بثانيه صج صج ما عندنا وقت للمواد الثانيه كلش


كتابه الدرس مرتين وتجريد الام الشمسيه والقمريه ونلصق صور ورب الكعبه ساعتين بس عربي ..

علي ما يخلص العربي منهد حيله خلاص وين فيه شده يستوعب باجي المواد بالله عليكم ؟

 

[جروح ودموع]

ام كوثر ايه يا وخيتي ولدي بثانيه ووااايد تعبانه معاه واجبات واملاء وحل تمارين الكتاب والله تعبنا

 

[ام كوثر2007]

انا قمت اخليه بالويك اند يكتب الواجب مال يوم الاحد والاثنين عشان افتك يا جروح .. مالنا غير هالشغله عشان يمدينا نحفظهم الكلمات الانقليزيه ونجابل الرياضيااات .. واااااااااي احس جني قاعده ادرس من يد ويديد ههههههههه

 

[جروح ودموع]

خوووش فكره بسوي نفسج على الاقل نقدر نجابل الرياضيات والانكليزي والله ما نلحق تعبنا المنهج دسم بس ما ادري يقولون باجر محد بيداوم لان رفيجاتي بالدوام يقولون من باجر ما راح يودون عيالهم لي بعد العييد

 

[أغلى حبيبه]

والله خووش فكره ام كوثر

ماكو الا جذي نحل الواجب بالويك اند

اقولكم بالخطه الاسبوعيه مكتوب لكم يوم الخميس اجازه سعيده

 

[أم متعب]

لا ياخواتي ليش نغيبهم

الابلات والله ماشين بالمناهج وماعليهم من أحد

ياقلبي قلب ولدي

 

[نورالقمر24]

انغيبهم باجر؟؟؟

 

[ام كوثر2007]

لا والله بالخطه الاسبوعيه مو كاتبين عطله سعيده


وانابودي عيالي باجر بس يوم الخميس ما ا عتقد اوديهم

 

[نور العرب]

يعني الخميس مو عطله ...؟؟؟؟

 

[أم بتول*]

الخميس رح تودو عيالكم المدرسة ولا تغيبوهم

 

[جروح ودموع]

ميته قهر مو قادره انام زوجي حالف ما اودي ولدي المدرسه باجر يقول لي حرام عليج ذبحتي الولد عيال عمه باجر محد مداوم خلاص محد يودي عياله وانتي ماسكه الولد من بعد الغدا تدرسينه لي قبل النوم حرام عليج غثيتيه بالدراسه والمصيبه باجر عنده املاء انجليزي المفروض امس الاملاء بس الابله غايبه والحيين مو عارفه اسوي قلبي ياكلني على ولدي ما ودي يغيب وحتى ولدي لما سمع ابوه يقول لي غيبيه قام يبجي يقول باجر بغيب لا توديني انا تعبان

 

[n.t.almarri]

انا بعد وياكم ولدي بثانيه

 

[ام كوثر2007]

جرووووووووووح ترا الاغلبيه مهم مودين عيالهم يوم الخميس اشفيج .. وشنو يعني املاء انجليزي ..


يا معوده بينجحوون ما لج شغل مافي سقووط .. صلي علي النبي وخلي عيالنا ياخذون الخميس اجازه انا قبل اشوي قطيت عيالي المدرسه والله الطلبه ينعدون علي الاصاابع ...


المري حبيبتي حياج الله بتجمع امهات ثانيه ..

 

[جروح ودموع]

ام كوثر اليوم ما وديت ولدي ابوه ما رضى بس بصرااحه كلامج وااايد خفف علي والله من الصبح قاعده احاتي