تجمع امهات الصف الثاني والثالث ابتدائي 2011/2012

[دانة الدنيا@]

مرحبا انا بعد معاكم .......حبيت اسال عيالم وين واصلين بالعربي انا بنتي بالدرس الثالث مستغربه من الابله احسها تركض

 

[جمالي ماله حدود]

انا ولدي بثانيه وملعوزني موراضي يدرس ، ابي مدرس رياضيات وعربي وانجليزي
بليز بنات الي عندها ارقام مدرسين زينين وتاسيس ياريت تحط الارقام عشان يبلش معاه قبل لايتعمقون بالمنهج

 

[أم بتول*]

دانة الدنيا عفوا بنتك باي مدرسة كتير ماشين بالعربي انا بنتي للحين ما بدو بالدرس الأول لسه بالتدريبات يلي قبل الدروس

 

[JANAA]

انا بنتي بتاني معاكم ويوما بشغلها بحل ريضيات على طول ما بعتمد على الكتب والمدرسات والعربي انا بجيبلها كلمات خارجيه وبخليها تكتب وبخليها تقرا علشان تتعود على الكتابه والقراءه

 

[فطووومة]

السلام عليكم
انا بنتي بثالث
للحين ماشي الحال
بس الرياضيات احس يركضون اول امس عطوهم اللقيمة المكانية للالف
وامس للمئة الف.

ان شالله يستوعبون. *

 

[ma3boocha]

الرياضيات الله يسلمكم واااجب اليوم للصف الثالث الابتدائي كان


اكتب الاسم اللفظي للارقام

٩٠٥١٤
٩٢٠١
٢٤٣٥٠




طبعا بنتي غصت بعشرات الالوف


ما الووومها

 

[مارون جلاسيه]

شلونكم انا بنتي بثانيه
للحين مااحس بدو بالمنهج عدل
الله ييسل عليهم ويوفقهم يارب

 

[جروح ودموع]

امهات الله يوفق عيالكم اذا تعرفون مدرسة عربي ممتازه وتأسيسها قوي لا تبخلون علينا

 

[د.شريفة]

انا ولدي بعد ثانيه ابتدائي الله يوفقهم ان شاءالله

 

[<<لمار>>]

انا بنضم لكم ولدي بثالثة ومعنة اخوة قبلة ودرستة هالمرحلة لكن مغيرين المناهج يعني بحتاس وهم ضايفين مواد جديدة مثل الاجتماعيات والحياتية جنةناقصين احنا غثا

 

[الرياش]

معاكم ولدي بثالثه .. وللحين مابدوا بالدرس الاول لا العربي ولا الرياضيات .. مادري شالسالفه :bbbiu:

 

[love kuwait72]

انا بنتي بثالثه العربي بالدرس الثالث والعلوم في الدرس الرابع والانجليزي كله اوراق عمل ومانشوف شي غير انه اصلا اغلب الكتب في المدرسه. شنو ندرس ما ادري؟؟

 

[أم عبووووود]

الله يوفقهم ان شالله ويسخر لهم مدرساتهم

 

[nadiare]

السلام عليكم

انا معاكم ،،، بنتي 2 ابتدائي :eh_s(15):

 

[**(فـيـلا دانـتـيـل)**]

دانه الدنياااا >> مدرستكم حييييييييل طايرين

احنا ليلحين بالدرس الاول !!

انا نظامي حق بناتي اولي وثانيه
اخليهم يحلون صفحتين من الكتاب وبعدين امليهم الدرس كل يوم ..

موفقيييين

 

[الكوويت]

انا ولدي بثانيه وعنده الرياضيات شوي صعب عليه...
الانماط مو راضي يفهم وان شاءلله الاقي مدرسه زينه تفهمه لاني تعبت معاه
والله يوفق عيالي وعيالكم ان شاءلله

 

[سلاسل ذهبيه]

انا عندي بنتين وحده بثاني وحده بثالث
وشلون اعرف مادة الاجتماعيات من الحياتيه وكلهم مكتوب على الغلاف مهارات الحياه شلو افرق بينهم طبعا 4كتب

 

[LiL MaMa]

السلاااااااااااام عليكم

بصراااحه التجمع يه بوقته

انا ولدي اب 2 و الله يعيني عليه

السنه الي طافت كان متفوق

بس هالسنه مادري شنو صار فيه
العربي ممسوح من مخه
و المدرسه مالته الله خير تحط صح و بس ما تقرى
لما يردج البيت و اراجعله شنو كتب مع الابله

القى الكلمات نصهم غلط
حدييي متأزمه

 

[أغلى حبيبه]

اللي بثالثه

توها بالدرس الاول بالعربي

والرياضيات توها ماخذه الالوف

والانقليزي الاسبوع اللي طاف عطوها ١٠ كلمات

واللي بثانيه

ابله العربي بس درستهم حصه وحده وباجي الاسبوع غابت

والانقليزي لي الحين مافي ابله

والله يعييين

 

[أم بتول*]

انا بنتي بثانية بس الانكليزي للحين ما عطوهم كتب بس غجت الابلة وخلتهم يكتبو الأحرف
الرياضيات ماشيين فيه
والعلوم كمان