تجمع امهات العالمية الامريكية /uas 2011-2011

[jolie_q8]

صباح الخير امهات ,,

حبيت اذكركم ان هالاسبوع كله امتحانات للغة العربية بالنسبة للابتدائي

موفقين

 

[اثمان]

السلام عليكم

شلونكم امهات

بسألكم شلون المدرسه من ناحية الالتزام دينيا واخلاقيا؟؟

يعنى ماسكين الطلبه والا فرى؟؟

 

[jolie_q8]

وعليكم السلام

ما فهمت شنو تقصدين دينيا

بس منهج الدين نفس الحكومه بالضبط

وانا عيالي بالابتدائي,, اشوف الاداره حازمه وقويه

 

[اثمان]

وعليكم السلام

ما فهمت شنو تقصدين دينيا

بس منهج الدين نفس الحكومه بالضبط

وانا عيالي بالابتدائي,, اشوف الاداره حازمه وقويه

هلا حبيبتى

انا ولدى بالابتداى بعد

بس انا ابى انقله بمدرسه وما ابى اطلع منه لين يتخرج ان شاء الله

فسال عن الصفوف الاعلى ومن ناحية الاختلاط شلون الاداره معاهم

لان شفت مدرسه بحولى بنات كبار تنانير قصيره وشورتات

 

[jolie_q8]

اتوقع للهاي سكول الفصول مختلطه ,, والبنات الكبار اشوفهم لابسين بنطلونات

ان شاءالله اللي عيالهم بالهاي سكول يفيدونج اكثر

 

[اثمان]

مشكوره جولى على ردج

وان شاء الله اللى اعيالها بالصفوف العليا ترد

 

[umhomood]

السلام عليكم امهات اثمان بخصوص استفسارك عن المدرسة والتزامها دينيا واخلاقيا

انا ولدى فى هاى سكول غريد 9 بدوا الدراسة 4 سبتمبر وما عندى فكرة اذا يقبلون طلبة جدد والله يوفق ان شاء الله بخصوص الالتزام من ناحية المدرسة والمدرسين وايد زينين ومتعاونين مع اولياء الامور اذا تابعتى معاهم بس فى طلبة لك عليهم وهذا حسب التربية والمتابعة من الاهالى مع عيالهم والعمر له تاثير بعد لانهم مراهقين وهذا فى اى مدرسة مو بس هالمدرسة وسلام حبيبتى

 

[اثمان]

مشكوره ام محمد

 

[*Toota*]

السلام عليكم شلونكم امهات .. ها مستعدين حق حفلة الهالوين ؟ انا عن نفسي ولدي بيلبس لبس القراصنه و بحضر الparade عشان اصوره .

 

[jolie_q8]

السلام ,,

محد يدخل التجمع؟

 

[سويت فانيلا]

هذه المدرسه كله مافيها كراسي حتى كرسي واحد

 

[ليلى رمضان]

حبيباتي أولياء الأمور بس مسائل متحيرة فيها بخصوص هالمدرسة
بنتي عالسنه اليايه أولى إبتدائي انشالله
بس بعرف ليش وديتو عيالكم هالمدرسة بالذات مع انه واااااايد غالي اشدعوه الإبتدائي 3130 دينار تقريبا وكل سنه يزيدون 100 دينار طبعا !!!
عموما اشلون منهج اللغه العربية والإسلامية عندهم يعني باختصار اذا اضطريت اني أنقل بنتي مدرسة حكومية من الصف السادس المتوسط هل تتوقعون البنت بتضيع وخاصة في مادة اللغة العربية ؟؟ يعني اشلون تأسيس هالمدرسة باللغة العربية والقرآن عليها درجات ولا مهمشة ..؟؟؟

 

[N0oNa]

انشالله البنات يفيدونج
انا ولدي توه ب كي جي 1
بس المدرسه وايد زينه و قويه من كل النواحي و الكل يمدحها و ماشفت احد ذمها

 

[ليلى رمضان]

Up Up حبايبي

 

[toto2006]

شنو الزين اللي فيها و شلون تدريس العربي ؟؟ و الاسلاميه؟؟

 

[jolie_q8]

حبيباتي أولياء الأمور بس مسائل متحيرة فيها بخصوص هالمدرسة
بنتي عالسنه اليايه أولى إبتدائي انشالله
بس بعرف ليش وديتو عيالكم هالمدرسة بالذات مع انه واااااايد غالي اشدعوه الإبتدائي 3130 دينار تقريبا وكل سنه يزيدون 100 دينار طبعا !!!
عموما اشلون منهج اللغه العربية والإسلامية عندهم يعني باختصار اذا اضطريت اني أنقل بنتي مدرسة حكومية من الصف السادس المتوسط هل تتوقعون البنت بتضيع وخاصة في مادة اللغة العربية ؟؟ يعني اشلون تأسيس هالمدرسة باللغة العربية والقرآن عليها درجات ولا مهمشة ..؟؟؟

بالنسبه لسؤالج عن الاسعار,, في ثلاث مدارس امريكيه ويعتبرون التوب اسعارهم تقريبا نفس الشي

منهج العربي والدين ,, نفس الحكومه

وما يصير تنقلين بنتج حكومه بصف سادس,, لان راح تضيع كل المناهج انجليزيه,, شلون تنقلينها حكومه

اللي بدخل عياله مدارس اجنبيه لازم يكمل للاخير

 

[Miss_Tiger79]

بنات شلونكم

الله يوفق عيالكم وعيالي

بس انا حبيت انقل عيالي لي هالمدرسه

ابي اعرف نظامهم شنو
ومدرسينهم يعتبرون نفس المستوي حق كل مرحله

لان انا اعاني ان بمدرسه عيالي بكل مرحله مدرستين او ٣ اهمه التوب والباجي حيل عاديين

 

[Hello_kitty]

بنات ليش التجمع رجع لي ورا؟؟

حيل مفكره بهالمدرسه بس بسال اشلون اللغه العربيه والإسلاميه عندهم تحسون اعيالكم ضعاف بالعربي والدين؟؟

وبالنسبه للرسوم المدراس الخاصه ما في عقود او قوانين تحكمهم لأني اشوفهم بدعوا بالزيادات

كل شوي زايدين الأسعار ويسعرون على كيفهم على اي اساس؟؟

 

[شيخه28]

المدرسه وايد حلوه بس غاليه بنتي من الحضانه هناك والحين بقريد1 و كل سنه زايدين الاسعار عربي دين انجليزي البنت مشاءالله ممتازه بس لو إوقفون زيادة الاسعار ذبحونه

 

[سمبوسه2]

السلام عليكم اختي شيخه28 حبيت أسالج أشلون ينتج بالانجليزي قويه من حيث المحادثة يعني طليقه بالانجليزي ؟؟؟؟؟والقراءه والكتابة اشلونها وشكرا