تجمع امهات دسمان :)

[Um Saud]

مرحباااا بنااااات .............. شلونكم بدينا اللويه و الامتحانات و البروجكتس........ الله يعينا .... عندي سؤال منو مجرب الحضانه لاني سجلت ولدي بس مادوام لي الحين.......انا مجربه الروضه و الابتدائي وايد زينين ...........
خلونا نسولف عن المدرسين هالسنه ردو حق نظام الهوم روم يدرس ماث وساينس وانجلش.... انا ولدي لما كان اولى وثانيه كان نفس النظام بس ثالثه ورابعد لا والحين خامس ردو على الهوم روم وااااااااااايد احسن لان المدرس يعرف الطالب عدل وعلاقته اقوى معاهم

 

[دلوعة البريسم]

السلام عليكم

انا توني مسجلة بناتي اسم الله عليهم بدسمان

وحطيتهم بصفين غير غير

ماحبيت ان خوات يكونون بنفس الصف

خصوصا ان توهم بكي جي ون

حبيت اسالكم عن المدرسة ونظامها

خصوصا اني مااشوف عندهم لا اوراق ولا اقلام ولا واجبات ولا شي

يعلمونهم كتابة وقراءة بكي جي ون؟؟؟؟

 

[kitten-85]

كيتين فايف

اي حجز المقعد ب 200 دينار حق الطلاب اليدد بس يدخل بضمن رسوم السنة فلا تحاتين

والله اصعب شي بالمدرسة ارابيك ماث ( رياضيات باللغة العربية )

مشكورة حبيبتي ماقصرتي عالرد الله يوفق عيالنا اجمعين يااااارب

 

[Um Saud]

بالنسبه للرياضيات فاحسن ابله هي مس نبيهه وااااايد زينه انا مجربتها 2و 3 و4

 

[دلوعة البريسم]

افا

محد رد علي

 

[مشرومه]

السلام عليكم

انا توني مسجلة بناتي اسم الله عليهم بدسمان

وحطيتهم بصفين غير غير

ماحبيت ان خوات يكونون بنفس الصف

خصوصا ان توهم بكي جي ون

حبيت اسالكم عن المدرسة ونظامها

خصوصا اني مااشوف عندهم لا اوراق ولا اقلام ولا واجبات ولا شي

يعلمونهم كتابة وقراءة بكي جي ون؟؟؟؟

هلا وغلا فيج ... سامحيني حبوبه مارديت عليج بسرعه بس تدرين لاهيييين دوامات ودراسه ... بس الحمدلله والشكر على كل حال..

بالنسبه حق اولى روضه ما اتوقع عندهم واجبات وايد يعني كل شي يصير بالصف لانه بعدهم صغار وشوي شوي تشوفين كل شي يتغير خاصه الكورس الثاني يبلشون معاهم بشغلات عشان يستعدون حق كي جي تو
والله يوفقهم ياربي ...
منو يدرسهم ؟؟؟ مس جيهان ؟؟ على قولت ولدي مس جي جي

 

[nouna82]

up up up up up up

 

[Um Saud]

upupuuupupu

 

[Um Saud]

وينكم مالكم حس ........... منهو عندها g1 انا وايد فرق على صار وايد صعب خصوصا الساينس

 

[الحليوه]

هلااختي Um Saud الله يعينج بس والله راح تتعبين شوي لأن g1 تأسيس بس بعدين راح ترتاحين انا وايد تعبت مع بنتي اسستها صح وطبعاً كنت على اتصال دايم مع المدرسات والحين الحمد لله اشوي ارتحت والله يعينج على الساينس بس ترى سهل لا تحاتين بس كثر ما تقدرين خلي عيالج يقرون سواء E او عربي والله يوفقهم.... منو مدرسة صفهم

 

[Um Saud]

مدرستهم ياسمين الي كانت تدرس kg2

 

[nouna82]

واااي باجر امتحان ساينس قريد 1 الله يعيينا والله

 

[Um Saud]

اي والله الله يعيننا مادري شلون بيكون و شلون بيحلون الله يوفقهم و يستر

 

[مشرومه]

يعطيكم العافيه
الله يستر اليوم قدمو الامتحان والله يستر .. وباجر ان شاءالله عندهم يوم رياضي ..
بس بعرف يوم الاربعاء في اجتماع اولياء الامور .. يداومون عيالنا ولا شنو باللضبط

 

[سمبوسه2]

اشلونكم أمهات حبيت أسالكم اشلون أبلة KG2 RED مس ميري قوية ؟؟ولا لا ومنو أقوى أبله حق kg2 عفية اللي عندها معلومات تقولي؟

 

[زيي الهوى]

حبيبتي سمبوسه 2 الي اعرفه عن مدرسات kg2red
اجانب ووايد زينين وولد صديقتي وياكم هم تمدح المدرسات تقول عجيبين انا ولدي كي جي فايلت مادري عادي مدرساته بس مس ندى العربي وايد قويه واسلوبها حلو كنها اردنبه واذا عصبت على احد تقول " على الحيط" على قولة ولدي وايد منبهر بالكلام المصري والاردني واللهجات الثانيه ويحفظهم بسرعه ويطبق بالبيت ولاكلمة" ولاء" يعني ولد طبعا مصري من هالاولادلاقط الكلمه منه بس اذا بغناه يتكلم انجليزي يعل كبدي معنه يعرف وادري انه يعرف بس مادري شفيه ؟

 

[فورلا]

السلام عليكم
أمهات طلاب دسمان
بأسألكم ليش غيروا موعد عطلة منتصف السنة ؟
السنة الماضية كانت مع موعد عطلة الحكومة!! وكنا مرتاحين ؟
هل تدرون عن تغيير الموعد والا لأ؟ لأن اليوم دزوا ورقة مع اليهال بموعد العطلة!
وتفضلونها مع الحكومة والا قبلهم؟
عن نفسي ضاق خلقي اتمنى عطلتهم مع الحكومة علشان نسافر مع بعض وعطلتنا وحدة!
فاذا ممكن كل أم تكلم الادارة تغير الموعد يمكن يحنون علينا ويغيرونه أكون شاكرة لكم

 

[فورلا]

up
------------------

 

[مشرومه]

فورلا :: اي صح كلامج السنه الي فاتت العطل مع الحكومه بس هالسنه معطينهم العطله من تاريخ 24 \ 12 .. صح كلامج قبل احسن بس مستحيل يغيرون وقت العطله .. حتى لو نكلمهم ؟؟؟

 

[فورلا]

أنا كلمتهم قالولي انت اول وحدة تكلمنا عن موضوع الاجازة ومتوقعين احتجاج اولياء الامور فياليت اللي مو عاجبهم وقت الاجازة يكلمونهم يمكن يغيرونها باذن الله
وأكون شاكرة لكم