:::تجمع امهات روضه وحضانه عالم الطفل:::

[ام الحنان]

اشلونكم

 

[ام الحنان]

اليوم بنتى مستوى حضانه بالزهراء عطوها جنطه باسمها على باربى شسالفه ليش والجنطه قديمه وممزقه

 

[om_maria05]

هلا ام الحنان دقي عالابله سإليها
اليوم بنتي غابت امس كانت يايه معاي حفلة التخرج بالجامعه ورحنا احتفلنا عقبها ببيت يدتي و مانامت الا الساعه 2
اشخذوا اليوم و ماكو اوراق او اي شي يديد؟

 

[al7noona]

هلا ام الحنان دقي عالابله سإليها
اليوم بنتي غابت امس كانت يايه معاي حفلة التخرج بالجامعه ورحنا احتفلنا عقبها ببيت يدتي و مانامت الا الساعه 2
اشخذوا اليوم و ماكو اوراق او اي شي يديد؟

اليوم بنتي قالت لي ماريا غايبه ههههه :krkrkr:
لا ماعطوهم شي

 

[al7noona]

هلا ام الحنان دقي عالابله سإليها
اليوم بنتي غابت امس كانت يايه معاي حفلة التخرج بالجامعه ورحنا احتفلنا عقبها ببيت يدتي و مانامت الا الساعه 2
اشخذوا اليوم و ماكو اوراق او اي شي يديد؟

اليوم بنتي قالت لي ماريا غايبه ههههه :krkrkr:
لا ماعطوهم شي

 

[om_maria05]

حياتي الله يبارك فيج يا قلبي انا متخرجه من سنه بس جامعة الكويت دايخين توهم يخرجونا ) الفال حق عيالنا يارب

 

[حبوبه]

مبروك ام ماريا .. عادي التكريم كله عقب سنه ..

 

[al7noona]

ايي الجامعه كله جذي عقب سنه يخرجون


بتشركون عيالكم بحفلة التخرج؟؟؟ انا بشركها خل تستانس

 

[om_maria05]

هلاااا بنات شخباركم
اي انشالله انا اكيد بشرك بنتي و حاليا ابيها تشترك بمسابقة حفظ القرآن و بدينا بسورة المسد الحين و بنخلص المرحلة الثالثه و المرحلة الرابعه بحفظها سورة قريش و الفيل الحمدلله حافظتها ..

 

[حبوبه]

هلا بنات ..
اي دفعت حق الحفله من فتره ..
ام ماريا مسابقه حفظ القرآن وين بالروضه ولا بره ؟؟

 

[om_maria05]

هلا حبوبه اي المسابقة بالروضة وزعوا عليهم اوراق من فتره و المسابقة عباره عن 10 مراحل لتحفيظ القرآن
اول اربع مراحل كل مرحله فيها سورتين قصار وباجي المراحل سورة وحده بس اطول طبعا سور كي جي 1 غير عن كي جي 2
و بنتي حاليا وصلت المرحله الرابعه قاعده احفظها سورة قريش
و يبقبى لها الماعون و التكاثر و الزلزلة و القدر و الشرح و اخر مرحله سورة العلق الى الايه رقم 10
العام بحفلة التخرج كانوا مكرمين اللي حافظين قرآن و وزعوا عليهم هدايا و كانت لهم فقره تونس عشان جذي بنتي مستانسه و تبي تحفظ

 

[&& قيثاره &&]

السلام عليكم شلونكم بغيت اسال عن حضانة عالم الطفل شلونها وشلونهم بالعربى ياسسون الطفل ولا كله انجليزى لان ولدى بيروح كجى ون ووده اسجله بس حابه تفيدونى عن شغلات :
1. الابلات شلونهم سمعت انهم فلبينيات وهنديات شلون ياسسون عربى احنا بننحاش من الخدم؟
2.رحت بشوف الحضانه مارضو قالو لازم نهاية الدوام ليش يعنى خايفين من شى ولا شنو؟
3. الامهات اللى مسجلين اعيالهم هل استفدوا وحسو انهم فرق مستوى اطفالهم عن قبل الحضانه؟
وياليت تردوين على باسرع وقت ومشكورين وجزاكم الله خيييييييييير

 

[ورد وردي]

بنات توني ادري ان من الحين تدفعون حق حفلة التخرج انا كتبت بالورقة الي وزعوها اني موافقة عالحفلة 15 دينار حق الي مو خريجين بس مادري الحين ندفع؟؟؟؟؟؟؟

هونغا بونغا انا ولدي حضانة مادري عن الروضة بس البنات ماراح يقصرون معاج ان شاء الله

 

[om_maria05]

السلام عليكم شلونكم بغيت اسال عن حضانة عالم الطفل شلونها وشلونهم بالعربى ياسسون الطفل ولا كله انجليزى لان ولدى بيروح كجى ون ووده اسجله بس حابه تفيدونى عن شغلات :
1. الابلات شلونهم سمعت انهم فلبينيات وهنديات شلون ياسسون عربى احنا بننحاش من الخدم؟
2.رحت بشوف الحضانه مارضو قالو لازم نهاية الدوام ليش يعنى خايفين من شى ولا شنو؟
3. الامهات اللى مسجلين اعيالهم هل استفدوا وحسو انهم فرق مستوى اطفالهم عن قبل الحضانه؟
وياليت تردوين على باسرع وقت ومشكورين وجزاكم الله خيييييييييير

حياج الله هونغا بانلسبه حق الروضه ممتازه و زينه انا اتكلم عن فرع القصور مو جنوب السره لاني بنتي من الحضانه عندهم
ابلات الانجليزي هنديات و اهم اللي يدرسون انجليزي و في ابلات كويتيات و قبل مصريات اهم اللي يدرسون العربي
يعني بنتي ماسكه صفها ابلتها الباكستانيه لكن كل يوم الساعه من الساعه8 الى ال9 عندهم حصة العربي يومين يدرسون لغة عربيه و يعلمونهم الاحرف قراءة و كتابة و يومين رياضيات بالعربي و يوم مادري شيسوون فيه و الله نسيت
تأسيسهم الانجليزي وايد زين بعد ..
انا مادري انتي اي فرع رايحة و انا ما جربت الصراحه ادش عليهم حزه دوامات و اطل بس ماعتقد راح يمنعوني جم مره ادرعم لي داخل لم اخذ بنتي ..
و بالنسبه لي و الله اشوف مستوى بنتي وايد قوي و زين بس مشكلتها وايد تغيب
يعني من ناحية الانجليزي ماشالله بسرعه تعلمت و الحين تعرف تتكلم و تقول جمل حتى الخدامه فلبينيه توها يايه بنتي دايما تحاول تكلمها انجليزي طبعا البدليات لازم و اذا في كلمه ما عرفتها تسألني ماما اشلون اقولها جذي
و الرقام تعرف تعد من ال 1 لي 30 بالانجليزي و العربي
الالوان بالعربي و الانجليزي و الاشكال بالعربي و الانجليزي و يحفظونهم قرآن و حاليا مشركتها بمسابقة حفظ القرآن
و القرآن اللي ياخذونه تقريبا نفس اللي ياخذونه بأولى ابتدائي بالحكومة و واجبات اسبوووعيه مرات يوصلون الى 5 او 6 واجبات بالاسبوع عربي و انجليزي
عموما انا اشوف بالنسبة حق مستواها كي جي 1 تأسيسها وايد زين و قوي ومستواها احسن من بنات خواتي اللي بأولى ابتدائي حكومة .. و اكيد انشالله بكي جي 2 تتقوى اكثر لان يكون عندهم املاء و يقرون الكلمات
و البنات انشالله يقولون لج تجاربهم من عيالهم اللي بكي جي 1 عشان انتي تستفيدين و احنا نستفيد بعد

 

[om_maria05]

بنات توني ادري ان من الحين تدفعون حق حفلة التخرج انا كتبت بالورقة الي وزعوها اني موافقة عالحفلة 15 دينار حق الي مو خريجين بس مادري الحين ندفع؟؟؟؟؟؟؟

هونغا بونغا انا ولدي حضانة مادري عن الروضة بس البنات ماراح يقصرون معاج ان شاء الله

ورد شخبارج من زمان عنج و بالنسبة حق فلوس الحفلة لازم تدفعين الحين على ما يشترون اللبس حق اليهال و يجهزون للحفلة
انا كل يوم اقول حق ريلي ادفع لم تودي ماريا و ينسى لووووول بس المفروض من الحين تدفعين

 

[al7noona]

شلونكم بنات

اليوم الصبح انا حدي انقهرت

الاربعا بنتي غابت لما امي ودتها الخميس ولا تدق علي تقولي ترى في يهال لابسين لبس شخصيات اكيد عندهم شي واحنا اخر من يعلم حز بخاطري لان مااحب بنتي تقعد بلبس المدرسه وكل اليهال لابسين شخصيات راح تنحرج ويصير بخاطرها

دقيت على الروضه وقلت لها قالت موزعين اوراق قلت لها بس بنتي كانت غايبه المفروض الابله تدق علي تبلغني او تدز لي مسج ولا يصير بخاطر بنتي حرام تقعد بروحها مو لابسه وكان النشاط عن المزرعه فارم دي



والي ريحني ان عندنا لبس القطوه وامي طرشته مع السايق ولبسوها ياعمري

لما خذيتها تقولي اول شي البنات يقولون لي ليش ماتلبسين @@ انا احتريت قلت الحمدالله ان عندي لبس ولا ياحياتي بنتي انحرجت
والحمدالله استانست



تقولي ماريا لابسه تنوره عاد قاعدين نتمشى بالسوق دخلنا اج ام ولا تيب لي تنوره منفوشه تقولي ماما هذيي نفس تنوره ماريا هههههههههههه

 

[al7noona]

السلام عليكم شلونكم بغيت اسال عن حضانة عالم الطفل شلونها وشلونهم بالعربى ياسسون الطفل ولا كله انجليزى لان ولدى بيروح كجى ون ووده اسجله بس حابه تفيدونى عن شغلات :
1. الابلات شلونهم سمعت انهم فلبينيات وهنديات شلون ياسسون عربى احنا بننحاش من الخدم؟
2.رحت بشوف الحضانه مارضو قالو لازم نهاية الدوام ليش يعنى خايفين من شى ولا شنو؟
3. الامهات اللى مسجلين اعيالهم هل استفدوا وحسو انهم فرق مستوى اطفالهم عن قبل الحضانه؟
وياليت تردوين على باسرع وقت ومشكورين وجزاكم الله خيييييييييير

انا اشوفها زينه ماشالله بنتي ادخلت الروضه واهيا ماتعرف تكتب ولا شي والحين الحمدالله قامت تكتب الحروف ولما اوريها الحرف تعرفه والارقام بعد بالانجليزي والعربي

والابلات الهنديه حق الانجليزي بس الهنود الكشخه مو مثل الخدم عاديين اكيد هالابلات دارسين واهما ذربين
والعربي تدرسهم ابله كويتيه

ماادري ليش مايخلون احد يدخل وقت الدوام يشوف المدرسه انا قبل بعد جذي لما بغيت اسجل بنتي قلت لها بدخل اشوف قالت تعالي عقب الدوام ؟؟!!!!

والمدرسه سمعتها زينه الحمدالله لا تخافين انتي افتري على الروضات وشوفي شنو الي ترتاحين لها

 

[om_maria05]

هلااااا الحنونه و الله عادا اانا امس ما شفت الورقه الا المغرب و قلت بكتب عنها اهني بالتجمع و نسيت و حتى بنتي ما كان عندها لبس حيوانات كان عندها واحد على بقرة بس شتوي و حر عليها و الله الساعه 9 طلعت من البيت قلت خل اروح البيرق في تحت محل متخصص باللبس التنكري حق اليهال و لم رحت و الا ماكو على اي حيوان تخيلي و اروح سنتر بوينت و هم ماكو و رديت البيت توهقت قلت ياربي شالبسها عندها تنكريات وايد بس ولا واحد على حيوانات جان البسها مايووو و تنوره كشكش من اتس اند ام نفس اللي ورتج ياها بنتج لووول و قلتلها قوليلهم يعني انتي الورده لووووووووووووووووووول و حاولت اسويلها تاج على اذون ارنب بس حسافه ماكانت عندي جم شغله
و عشان ما يضيق خلق بنتي لانها ما بتكون لابسه لبس حيوانات لم اقعدت من النوم فاجأتها بشي عشان توديه معاها و تستانس )
سهرت طول الليل اسويه لها و الحين بحط صورته الحنونه اكيد بنتج خذت منه

 

[om_maria05]

[/url][/IMG]





لحسن حظي كان عندي اجياس على شكل ارانب من زمااااان شاريتهم
فقمت عبيت كل جييس بنفيش حق اليهال و حطيتهم بسله و خليت بنتي توديه معاها عشان توزع عاليهال استانست فديتها





و هاذي صورتها مع الارانب

[/url][/IMG]

 

[ورد وردي]

تصدقون انا بعد ولدي كان غايب قبلها فمالبس اهو توة صغير ماقال ان ليش مالبس بس انا كسر خاطري لان اكييد يصورونهم واهو راح يكون مو مثل اليهال بيكون بلبس الحضانة..............هذا عيب الغياب لان مو معقولة المدرسة تدق تقول يهال وايد وعندهم شغل بالحضانة وبرا الحضانة خلاص بيتها وعيالها حياتها مو كلة حضانة ..........

انا ماوديتة لان صاير يبط الجبد ومايبي يلبس الصبح وانا وراي دوام خفت اتأخر .......