:::تجمع امهات روضه وحضانه عالم الطفل:::

[ام الحنان]

اشلونكم بنات انا بنتى بالزهرا ثانى حضانه الورشه كانت يعنى مو وايد اوكى بس بنتى بتروح مستوى ثالث حضانه جم ادفع

 

[ورد وردي]

تدفعين 100 حجز مقعد و100 حق شهر 9 و20 ملابس

 

[al7noona]

انا بعد للحين مادفعت حق الحفله يمكن اهما قبلها يبلغونا

 

[ورد وردي]

شلونكم بنات

شكلها ام ماريا لايعة جبدها من التدريس مالها خلق تدش النت الله يعينج واحتسبيه اجر

 

[al7noona]

هلا ورد شخبااارج



هههههههه انتي حاسه فيها الله يعينكم يالابلات

 

[al7noona]

اليوم اطلبوا من بنتي حق باجر

علبه كلنكس وكلنكس رول وفرشه ومعجون

 

[حبوبه]

هلا بنات شلونكم ..
اليوم بنتي عندها تصوير حق الحفله ومن الصبح صراع مع شعرها ابي جذي ماأبي جذي صيحه لما اقتنعت بتسريحه ..

 

[G!RLY-PAci]

والله محد ظايق خلقه غيري انا
انا بنتي كانت اشطر وحده بالحظانه والله من غير مجامله
حتى الابله اصرت الا ندخلها الحفله كانت تقولي بتصير نجمه الحفل
لانها لسان وتتكلم وتاشر وتسولف اسمالله عليها بسوالف اكبر منها
من يوم ابوها خطب مرة يديده واهيا شافتها
مثل اللي صار عندها رده فعل قويه
قمت من اقعدها الصبح ح الحظانه تقولي ماما بطني يعوري
تتعذر وايد عشان ماتروح الحظانه
حسافه راح تطوفها
والابله تحن علي عشان اييبها بس البنت ماتبي ترووووووح كلش

 

[G!RLY-PAci]

اب
اب

 

[al7noona]

هلا حبوبه ياحلوها سمالله عليها شنو سويتي بشعرها علشان اقلدج لووووول احنا اليوم عطوها ورقه الاسبوع الياي التصوير



غيرل الله يعينج حاولي فيها ساحليها شجعيها لما تروح

 

[ورد وردي]

شلونكم بنات

اي صح حتى انا طلبو من ولدي كلنكس رول وعادي ورطب من جم يوم ونسيت........ بس غريبة ماطلبوا معجون ولا مرة؟؟؟

غيرلي حبيبتي عليج بالدعاء وفترة وتعدي ان شاء الله

 

[حبوبه]

هلا الحنونه شفتي حكم القوي ..
الله يسلمج سويتلها عناقيص من فوق والباجي مفلول فهمتي علي ؟؟ شكلها حلو ويا عناقيصها ..
الله يعينج غيرل اشتريلها حلاو ولا هديا توزعهم علي اليهال ولاخلي ابلتها تكلمها يمكن تقنعها الحضانه احسن لها من البيت .. حبيبتي تأثرت كلميها شوفيها يمكن خايفه من شي ..

 

[al7noona]

اهلين بنات شخباااركم

حبوبه اي عرفت قصدج بس بنتي شعرها قصير ماينفع ههههه شعرها تقريبا لي جتفها مفكره اسوي لها ستريت سيده والبسها تاج بشتري لها تاج حلو حق التصوير




بنات امس دقيت على ابله فاطمه سالتها عن التصوير قالت مو فيديو هذا تصوير فوتوغرافي راح نصورها صوره فرديه وصوره جماعيه بس الجماعيه مو اكيد يوم الاثنين نصورهم لان اذا غاب ياهل واحد ماراح نصورهم جماعيه فانتي سوي شعرها طول الاسبوع حق الصوره الجماعيه

بس انشاءالله يصورونهم يوم الاثنين فرديه وجماعيه ونخلص لا تغيبون عيالكم الاسبوع الياي ههههههه

وقالت الحفله راح تكون اول شهر 6

 

[ورد وردي]

شلونكم بنات


بنات عفية ذاك اليوم رحت مجمع دسكفري في واحد يبيع برنامج تعليم انجليزي حلو وايد عبارة عن كتب وسي ديات وجذي والصراحة انا محتاجة مثل هالبرامج لاني ملولة وماحب برامج الكبار هذا للأطفال ينفعني وعيالي ...............بس غالي ب 363 بعد الخصم ياليت الي تعرف اسمة تعطيني اياة ادورة بالنت يمكن ارخص..........المشكلة ماعطاني كتالوج مادري ليش؟

 

[سبوكه]

وين فى عالم الطفل

 

[أم حمودي]

عالم الطفل
في بمنطة الزهراء وفي بمنطقة القصور

 

[al7noona]

ورد
هذا ايميل وحده تسوي سي دي تعليمي وعلى صور ولدج
الياهل راح يستانس ويتشوق اكثر لان فيه صورته شوفيها

[email protected]

 

[ورد وردي]

حبيبتي الحنونة مشكوووووووووووووووووورة وايد حلوة الفكرة بدزلها ايميل واشوف

 

[al7noona]

العفو حبيبتي ولو

 

[ام الحنان]

بسال بنات ما فمهت طريقه الدفع يعنى اذا ادفع 200 متى ادفع بعد مره ثانيه حج السنه اليديده