ممرحباااا بنات
لازم يكون الطفل وجبتين الاولى و اهي الوجبة الرئيسية الساعه 9 بالنسبه ل كي جي و الثانيه الوجبه الخفيفة الساعه 12
الوجبه الاولى انا احطها بقوطي الوجبات اسويلها توسته و اشيل اطرافها و احط فيها لبنة و زيتون اسود شرايح .. هاذا اللي بنتي تحبه و احطلها عصير منجا صغير او حليب .. و الوجبه الثانيه احطلها بسكوت مرات اوريو او كوكيز او اي بسكوت تحبه او فاكهة يا اما موز او تفاح او برتقال او اقصص لها فراوله و كيوي وعنب .. و احطلها ميني كرواسان ككاو و احطلها يا عصير او حليب .. و مرات احطلها ذره مقطعه مع قفشه او روب فراوله او جلي او كيك صغار .. حاولو تنوعون .. و ما ننسى مطاره الماي بالجنطه ..
بنتي تشوف رفيجتها امها تحطلها توست و نوتيلا تقول تبي .. عاد بسويلها باجر بحطلها نوتيلا و زبدة فول سوداني حيل مفيده بيضيع طعمها مع النوتيلا .. يعني اليهال بيتعلمون ياكلون اشياء يديده عليهم لانهم يشوفون ربعهم
و هالاسبوع بيبدون هوم ووركات انجليزي و عربي و بيوزعون الكتب عشان نجلدهم .. بس في وحده من الامهات اشتكت و قالت انهم يعطون الكفل معلومات وايد و الطفل ما يستوعب ... بس انا طبعا ضد هالشي .. الام هاذي ماكانت مدخله بنتها حضانه فتشتكي ان بنتها ما تستوعب و ان لازم يخفون عاليهال .. بس بالنسبه لي انا بنتي احس للحين ما عطوها شي يديد عليها الا الاحرف العربيه بس .. بس بعض الامهات الله يهديهم ما يقتنعون ان القدرات تتفاوت من ياهل لي ياهل و فوق هاذا يطالبون بالتخفيف على اليهال !!!!!!!!!!!!!!!!!!! يعني المفروض الام من قبل تكون مدخله بنتها حضانه او اذا ما اسمحت لها الظروف عالاقل تجابلها و تدرسها عشان تقدر تلحق مع اليهال .. ما تروح و تطالب ان يخففون المعلومات !!! بالعكس احنا ما دفعنا فلوس و دخلناهم خاص الا عشان يشلخونهم بالدراسه لووووول ..))
خيرها بغيرها انشالله
فكانوا يقولونلي اشهالعبط ياهل و ما تعرف .. اسمالله عليها من صار عمرها سنه و نص احفظت كل الاغاني و صارت تفهمني لم اكلمها و تحاول ترد علي بس للحين تطقطق و بتنصدمين لم تشوفين بنتج تلقط كلمات من الببابايات و تسإلج عنهم و ادعيلي لووووول
الحنونة الله يسامحج اشدعواااا جان ييتي عرفتيني بنفسج اصلا اتشرف بمعرفتج يا حياتي
زين تسوين و كيب قونق
تدرين انا بنتي من عمرها 4 اشهر كنت اشتريلها سيديات من مذركير اغاني اليهال واحطهم تسمعهم و احطلها بارني و اكلمها انجليزي لان كان تخصصي قبل و منها اعلم بنتي و منها اقوي الاكسنت
بس اهمممممممممم شي لم تشترينلها ببايات ديزني و هالسوالف ممنووووووووووووع العربي دايما خليهم بالانجليزي و خلي الصوت عالي عشان بنتج تسمع
ان شاء الله بروح بشوف شلونها ياحلاتها مع الدراسه :ggdw:
لما كانت في الحضانه كانت المدرسه تقول وايد تسولف مع اللي يمها :gathering:
ماأدري الحين شمسويه
بناااااااااااات اشلونكم و شخباركم ؟؟ هاااا ماعطوا احد الكتب او اوراق ؟؟
انا ملاحظه شي ..
العام لم بنتي كانت بمستوى ثالث كانت ما ترد البيت الا و بيدها شي من الاشغال اليدوية اللي اليهال يسوونها تقريبا يوميا يعطونهم .. هالسنه كلش @@! هل معناته انهم ما يسوون نشاطات يونسون اليهال او انهم مشلخين الدراسه و ماكو وقت لووووول انشالله يكون الاحتمال الثاني اهو الصح
