:::تجمع امهات روضه وحضانه عالم الطفل:::

[ورد وردي]

للرفع

سبحان الله وبحمده سبحان الله العظيم

 

[al7noona]

اليوم بنتي داومت و عطوها الواجبات و بليل دقت علي ابلتها تسألني عن التوست الملون مال بريد توك مستانسه عليه لاني دايما اشتريه حق بنتي
اشوف اليوم بنتي تغني اغاني عن الكويت الظاهر يدربونهم من الحين حق العيد الوطني .. طبعا العام سوو مسيره و طلبوا من كل ياهل يسوي لوحة يمسكها بيده حق المسيره عن الكويت و يلبسون لبس الاحتفال طعبا .. اعتقد كانوا مودينهم الابراج و الله ماني ذاكره بس وااااايد استانسوا وابلاتهم صوروهم و اعتقد كانوا حاطينهم بالجرايد بعد

ويي مسكينه جان وديتها الرحله انا بنتي بعد صايره مليقه كله ماتبي تنام وماتبي تروح المدرسه ملت ماتبي تدرس لوووول

حور تغني الاغاني الي معطينهم بالورقه
واليوم بالقصب كتبت الواجب لبستها علشان نروح نزور وقلت لها كتبي الواجب الحين كله علشان اوديج لووول كتبته كله وبسرعه ولا امس العياره تكتب خرابيط وارد امسح مالها خلق :cxxxp:بس حق الزواره كتبت بسرعه علشان تروح لوووووول




عطيني افكار عن اللوحه الي نسويها حق العيد الوطني ترى مااعرف هذي بجري ولا مره سويت لها شي قبل بالحضانه ماكانوا يطلبون منها فابي افكار علشان اعرف اذا اطلبوا منها :tek:

 

[al7noona]

حور توه تقولي قبل حضانتي احسن من الحين عالم الطفل قلت لها ليش
قالت قبل كله نلعب وناسه الحين مانعلب وايد لوووول قلت لها خلاص كبرتي والحين لازم تدرسين تتعلمين تلعبون بس شووي



اليهال بس يبون اللعب مايبون يدرسون كلش ملش هههههههه من الحين ماله ماتبي تدرس الله يعين بالابتدائي شيبون يسون

 

[om_maria05]

ويي مسكينه جان وديتها الرحله انا بنتي بعد صايره مليقه كله ماتبي تنام وماتبي تروح المدرسه ملت ماتبي تدرس لوووول

حور تغني الاغاني الي معطينهم بالورقه
واليوم بالقصب كتبت الواجب لبستها علشان نروح نزور وقلت لها كتبي الواجب الحين كله علشان اوديج لووول كتبته كله وبسرعه ولا امس العياره تكتب خرابيط وارد امسح مالها خلق :cxxxp:بس حق الزواره كتبت بسرعه علشان تروح لوووووول




عطيني افكار عن اللوحه الي نسويها حق العيد الوطني ترى مااعرف هذي بجري ولا مره سويت لها شي قبل بالحضانه ماكانوا يطلبون منها فابي افكار علشان اعرف اذا اطلبوا منها :tek:

انتي ما تدرين انا هالايام اهدد بنتي بالارنب اللي شاريلها عمها .. اقولها حلي الواجب عدل و الا اعطي الارنب حق يارنا يسويه مرق ارانب تخترع لوووووول
و بالنسبة حق اللوحة مادري اذا هالسنة بيطلبون منهم او او انا العام سويت حق بنتي بورقة اي فور علم الكويت باللمااااع على كبر الورقة و صوب الاسود حطيت فرووو اسود كانت لوحتها حلوة و بسيطة و احلى لوحة لووووول الباجين مسوين على علم الكويت و صور شيووخ اذا هالسنة بيطلبون منهم اعطيج افكار حزة الحزة و لو ان افكاري تطلع باخر لحظه لوووول ..

 

[al7noona]

لووووووووووووووول مسكينه قبل جم شهر بعد ابوي شرى حق بنتي ارنبين خليناهم جم يوم بعدين عطيناهم مصري عامل لوووووووووووول لانهم وصخين ويطلعون ريحه

بس اليهال ماايون الا بالتهديد ههههههههه


وحلوه فكرتج بسيطه وخل نفكر من الحين احسن

 

[om_maria05]

تلاقين المصري سواهم ملخية مساكين
تو الناس عالعيد الوطني الحريم من الحين يدورون حق عيالهم مادري ليش لوووول
و الله انا قبل الحفلة بيوم او يومين اروح السوق و اشتري شي ناعم و بسيط الا اهو عيد وطني و البدلة ما تنلبس الا مره وحده

 

[ورد وردي]

شلونكم بنات

بصراحة انا نفسج ام ماريا حزة الحزة اشتري والموجود بالسوق ماعندي هذا عجبني وهذا لا

 

[كوكا كولا زيرو]

السلام عليكم بنات اشلونكم وشخباركم

من وين تشترون ملابس حق العيد الوطني العام شريت لها من الاوقاف والله غالي خذيته ب12 عاد قلت ابي مكان رخيص لان ما يسوى لبسه وحده وكل سنه اشتريلها يديد

اللي تعرف مكان رخيص وحلو تقولي عفيه

 

[ورد وردي]

والله ماعرف مكان معين بس اتوقع المباركية والمحاميد وكل الاسوقة الشعبية تنترس وقت العيد الوطني وكلها لبسة

 

[al7noona]

اي على قولتج المباركيه مكودين هناك وارخص من اماكن ثانيه

انا شفت بسوق السالميه فراشه تلبسها على ظهرها على علم الكويت مع تاجها عجبتني وخذيتها ب2دينارين ورحت المباركيه ولا بدينار لووول

 

[al7noona]

هذي الفراشه الي شريتها حق العيد الوطني بس اللبس ماادري للحين ماادري يا اشتري نفنوف او بنطرون مع بلوزه يصير خير بعدين

 

[om_maria05]

قوة بناااااات الحنونه حلوة الفراشه و لسيها نفنوف احمر ناعم و ليقنز اسود تطلع حلوة
كوكاكولا زيرووو شفتي النفانيف اللي بالاوقاف نفسهم انا اشتريهم من مجمع النمران بالفروانيه على 8 او 7 دنانير و حتى نفانيف الحفلات اللي بالاوقاف على 30 و 40 حق اليهال اسوي حق بنتي من النمران على 10 بالكثير تخيلي لان اهم اللي يخيطونهم و يوزعونهم على المحلات اللي بالاوقاف .. و العام خذيت حق بنتي مثل بلوزه على نفنوف طويله على الوان علم الكويت حلوووة و ذربه انا ما احب الخبه و لبستها مع هلهوب احمر بنزلكم صورتها بعد اشوي .. خذيتها من محل بالشامية مول فوووق ب 8 دنانير اعتقد .. و حتى لبستها يااه كذا مره مو بس بالعيد الوطني لانه حلو

 

[om_maria05]

حسافة ما لقيتلكم صورة النفنوف و مادري وينه و شكلي ان لقيته و طلع قد بنتي بلبسها هالسنة بعد لووووول محد يدري و لا تفتنون

 

[حبوبه]

هلا بنات شلونكم ..
سوق السالميه والمباركيه محلات بواميه كلها اغراض العيد الوطني تونس .. انا عندي بنتي العوده متروسه واتعب علي ماألقى قياسها تهقون اروح النمران اللي تقولون عنه ؟؟

 

[om_maria05]

اي ورد وردي حبيبتي روحي حتى لو ما تلاقين قياسها تفصلين لها بنفس السعر و يخلص بيومين و التفصال احسن لان مرات تكون النفانيف فيها اشياء و سوالف خبة و مالها داعي و انتي تسوين اللي تبيه و الالوان اللي تبينها بذوقج بس كاسريهم .. و لاي سؤال انا حاضره لان يتلي فتره طيحت اهناك كانوا يووصني اهلي من الامارات على نفانيف حفلات حلوة حق عيالهم فكنت اروح اسويلهم اهناااااك ويطلعون وااايد حلويييييييين

 

[om_maria05]

اليوم غيبت بنتي حايشه اسهال مسكينه ما خليتها تداوم بس الحين الحمدلله احسن .. الحنونه عفية اذا معطينهم ورقة او اي شي بلغيني
ما يندرى شنو نشاطهم هالخميس انشالله يكون البجاما بارتي ناطرينها لوووول

 

[ورد وردي]

شلونكم بنات

ماريا شكلج ضيعتي الي تبي النفنوف حبوبة انا ماعندي بنات......... بس الله يسمع منج وتيلي بنية حلوة

 

[om_maria05]

اي و الله ضيعت لوووول الله يرزقج حياتي درزن بنااات حق الخساير لووووول

 

[al7noona]

هلا ام ماريا سلامت بنتج ماتشوف شر

اليوم ماعطوهم شي وبنتي متذمره وتتحلطم تقول ماابي اروح مليت مانلعب شنو هذا مايلعبونه لوووووووول على بالها للحينها بالحضانه تبي كله تلعب ابوها يقولها ميخالف بالبيت لعبي وبالمدرسه بس دراسه خلاص انتي الحين كبرتي هيهيهيهي




صاجه النمران عجييب انا طحت عليه برمضان هذا
وفصلت حق بناتي حق العيد نفنوف ذرب وراقي
ورخاااص كاسريهم بعد هههه

بروح اشوف نفنوف ناعم حق العيد الوطني اكيد عندهم النمران عجيب

 

[om_maria05]

الله يسلمج الحنونه
الظاهر بنتج متعوده عاللعب شنو كانت حضانتها ؟؟؟
بنتي ما اتشكى وايد عادي لان من قبل كانوا يدرسونهم بممستوى ثالث بس هالايام تتشكى من الصبيان بصفها تقول واحد ينقف و انتوا بكرامه و يطفرهم لوووول و الله لاعت جبدي بس ضحكت قلتلها ان سوى جذي قولي حق الابله
و النمران انا فصلت عنده نفنوفين حق عروس حق بنتي و حلوين و ارخاااص حيل
بس شكلي بلبسها مال العام حق العيد الوطني لانها العام كانت لابسه فوقه جاكيت و اصلا مو مبين لوووول اذا قدها بلبسها و لا من شاف و لا من درى