:::تجمع امهات روضه وحضانه عالم الطفل:::

[al7noona]

والله ذكرتوني بايام حلوه انا كنت اشتغل فيها في 2003 فرع القصور وكنت اموووووووت باليهال وكنا ما نمل من اللعب والانشطه وطبعا التحضير يومي وشغلات وااااااااااااايد .

اهلييين حبيبتي


مدرست بنتي فاطمه وابله عايشه بس هنديه تعرفينهم

والله انا اشوفهم زينين وشطار والروضه وايد زينه وماشالله بنتي تعلمت واييد


سولفي لنا عن المدرسه وبنظرج شنو سلبياتها وايجابياتهاا؟

 

[al7noona]

ام ماريا انا كنت مفكره ادخلها خاص الابتدائي بعدين قلت لا بس خلاص حضانه وروضه خاص يأسسونها عدل والابتدائي تدش حكومه يكون مستواها قوي وطبعا ادخلها بعد نادي علشان تتعلم اكثر

 

[om_maria05]

ام ماريا انا كنت مفكره ادخلها خاص الابتدائي بعدين قلت لا بس خلاص حضانه وروضه خاص يأسسونها عدل والابتدائي تدش حكومه يكون مستواها قوي وطبعا ادخلها بعد نادي علشان تتعلم اكثر

و انا نفسج بودي تكمل بالححكومة الحين مناهجهم حيل قويه و اهم شي التأسيس على قولتج كلنا تخرجنا من مدارس حكومة و الحمدلله نهبببل و شطااااار بس ابوها الا يبيها تكمل خاااص الله كريم كل شي بوقته حلووو خل تخلص كي جي 2 و يصير خير

 

[ورد وردي]

شلونكم بنات

ام ماريا انتي استخيري بموضوع الابتدائي انا نفس راي زوجج ابي خاص بس هم بستخير ........

بسألج ام ماريا التكامل امريكية؟؟؟؟؟ والا نفس الرؤية ثنائية اللغة ؟؟والاسلامية قوي؟؟؟

 

[حبوبه]

شلونكم بنات :eh_s(21):
خلصت الاجازه مستعدين حق الدوام ..
بنات اذا تقدرون ادخلون عيالكم خاص دخلوهم لان طريقه تدريسهم غير .. بنت اختي في مدرسه التكامل لما تسولف وايد في اشياء حلوه يسوونها حق الياهل مفيده وتخلي المدرسه تونس علي سبيل المثال لما ياكلون تفتر الابله تشوف اكلهم اذا صحي وتعطيهم نجمه او درجه وتخلي الاطفال يتنافسون علي اكل الفواكه والخضره احسن من الكاكاو والخرابيط .. وماشاء الله من kg2 يقرون قصص ويتناقشون فيها ..

 

[al7noona]

والله انا للحين مفكره ادخلها حكومه

 

[om_maria05]

هلااااا بنات شخباركم و الله ولهت عليكم من اليوم و رايح خلاااص ماكو بر بطيح عندكم بالتجمع لوووول
ورد حياتي هاذا اللي راح يصير بستخير انشالله و اعرف وحده اختبارات قدرات عيالها بالتكامل يوم الاثنين بتسألي عن الكي جي لان عيالها ابتدائي و ناقلتهم من الكويت انجلش سكول فبتدخلهم التكامل لان منهجها امريكي و الدراسه عموما اسهل من مدرستهم
و الرؤية هم قوية بس الميزة الحلوة فيها ان كل كورس او كل سنه اعتقد يحفظونهم جزء من القرآن و بسأل اكثرلا و اقولج حياتي

حبوبه صاجه الخاص طبعا احسن بس مو اي مدرسه طبعا انا اشوف ان الياهل اذا تأسس صح يمشي بالحكومة و يصير شاطربعد و على حسب اهتمام الاهل و تدريسهم مو شرط اليهال ما يصير ذكي و شاطر الا اذا درس بخاص وايد ناس يعتقدون جذي و انا مع الحنونه هم شلي بدخلها حكومة انشالله اذا ابوها رضى و نعطي خوانها اللي يمكن ايوون بيوم من الايام فرصه نفس اللي اهي خذتها لووووول

 

[al7noona]

لوول ام ماريا نفس كلمت ريلي

يقولي اختها ادخلها مثلها يعني مثلا اذا حور ادرست بخاص مايصير ادخل اختها حكومه

اذا حور كملت لي الروضه خاص اختها نفس الشي هههههههه

 

[al7noona]

انا كنت مفكره ان تكمل كله بخاص بس لما داومت شفت البنات ولا وحده مدخله عيالها خاص كله حكومه حتى الروضه فعلشان جذي قلت خلاص شفيها الحكومه لوووول بس انا اهم شي عندي الحضانه الورضه خاص بس الابتدائي حكومه

 

[ورد وردي]

شلونكم بنات

بنات انا رايي يمكن يختلف عن رايكم ..... لان في ناس عيالهم حكومة لان اهتماماتهم بس كشخة وماركات ويبون يسافرون كل صيف فمايقدرون عالخاص ......... لكن انا صج احب اللبس وجذي لكن هم اقول رسالتي بعيالي ليش اعيش عمري كلة افكر بنفسي ..... صح ياما شطار بالحكومة انا معاج ام ماريا بهالنقطة لان اهلهم مهتمين والله ماشاء الله انا مدرسة وشفت بنات بالانجليزي الي اهو اهم شي توب بالحكومة......... لكن هذي قدرات ان الياهل نبيه ساعات وانا اشرح قبل لا اوضح الفكرة القى ماشاء الله وحدة خلاص تلقطها وهي طايرة مع ان توني وباقي وايد على ماتوصل الفكرة للكل......... لكن بشكل عام احنا نتكلم.........ان الخاص احسن...الروضة اختي تروح وترد ماكو شي مع انها من النوع النبيه والذكي........الخاص يخافون انهم مايرضونج وغيرج وغيرج فطيح سكتهم فيهتمون ومناهجهم خلط بين الامريكي والخاص بالمدرسة نفسها ووو.....

تخيلوا ان ياهل بثانية ابتدائي تقولي ليش مايحطون بالبراحة حمام سباحة شنو هذا؟؟؟؟؟؟؟ طاقتها الغلقة .....والخاص فيه حمام سباحة معروف ....ومو بس جذي ....نفسهم التربية قالوا بنحط حمام سباحة وكمبيوترات بالصف لكل مدرسة لانهم عارفين انهم دون المستوى ((((ما افي جهدهم ولا ابي اخذ اثمهم لكن هذا شي ينقال بكل مكان وهم عارفين .......لكن وين هالاقتراحات؟؟اذكر ياتنا نشرة ان لاب توب لكل معلم وكمبيوترات بالفص ووووالخ .....من جم سنة ؟؟

بس انا ترددي وخوفي ان الواحد مايقدر يخلي عيالة على طول خاص ويظطر يحولهم حكومة خاصة اكثر الناس يسوون جذي لما يطلع لهم بيت ويصير عندهم الترامات ثانية........وهني الياهل يفرق عليه النظام ويمكن مايتأقلم؟

بالنهاية انا هم بستخير ان شاء الله وقتها ..........وناطرة رايج وشعرفتي عن المدرستين .........والتوفيق من رب العالمين

 

[حبوبه]

شلونكم ينات ..
كل عام وانتو بخير .. اليوم المدرسه زحمه عكس الاسابيع اللي طافت ..
الله يعينكم الواحد لما يصير محتار يضيق خلقه بس كل شي خيره ان شاء الله علي ما يدشون عيالنا الابتدائي كل شي يتسنع ..

 

[om_maria05]

ورد حياتي لا شك ان الخاص وايد احسن من الحكومة بس طبعا مو اي مدرسه !! بنات خواتي كانوا بمدرسه خاصه لي 4 ابتدائي و بس انقلتهم حكومة متوسط كل وحده زفتت اثاري الخاص على بو تدفعين لهم فلوس ينجحونهم و لا بامتيازات بعد و اهي عبالها ان عيالها شطار وووايد فرق عليهم بالحكومة .. يعني الواحد لم يختار الخاص يا يختار مدرسه توب و الا يدخل عياله حكومة ابرك .. و بالعكس هالايام اللي عنده و اللي ما عنده قام يدخل عياله الخاص عيل الحكومة منو يدشها ليش ادفع بالسنه 2000 و 3000 دينار حق واحد من عيالي عشان يدرس و البديل موجود .. ادخلهم حكومة مدرسه نموذجيه اليهال شطار و الابلات تدريسهم قوي .. و انا بصراحه ما احب نقصر على عمرنا و على عيالنا علشان ندخلهم مدارس خاصه بالعكس هالفلوس نسفرهم وونسهم و نخشهم حق مستقبلهم .. انا اعرف وحده مدرسه و ريلها يشتغل بالترول تدفع حق عيالها 3 كل سنه 7000 ديناااااااااار @@! مقصره على روحها و للحين ما عندها بيت بسبه المدارس .. بالله ايهو احسن عيالنا يدرسون بخاص و نحكرهم بشقه و الا نخليهم بحكومة و الله يسهل عليهم و نبنيلهم بيت يضفهم و يلمهم لي كبروا !!!!!
و انا اشوف اني لو بدخل بنتي خاص يا اخليها تكمل طول عمرها بالخاص او أأسسها بخاص و تكمل بحكومة .. و فكرت ان اذا خليتها ابيداءي بخاص و نقلتها حكومة بيتغير عليها كل شي طريقة التدريس الاهتمام المناهج و اهم شي اصدقائها مادري احس حرام احرم بنتي من ربعها و تروح تدورلها ربع يدد .. و الله يكتب اللي فيه الخير و يوفق عيالنا و يصلحهم يا رب ..
و انشاللله باجر ارفيجتي بتودي عيالها التكامل عندهم اختبار و بتسألي و بقولج شيصير على فكره اهي عيالها بكويت انجلش سكول اقوى من هالمدرسه ماكو بس تقول تعبت معاهم وااااااااااايد صعبه و مستواهم فيها جيد تقول بدخلهم الحين التكامل لانها ارخص اشوي و مناهجها اسهل و بعدين بتنقلهم حكومة و حتى تقول ان عيالها مو راضين ينقلون مكان عشان ربعهم و يبون يكملون بمدرستهم لم يتخرجون بس طبعا مو بكيفهم لوووول

 

[ورد وردي]

هلا ام ماريا صح صاجة المدارس الحكومية النموذجية زينة وتلاحظين الناس تحاول تدخل عيالها خاصة المدرسات والي عندهم معرفة بالمدارس والناظرات .........وفي مدارس غالية وايد مثل رفيجتج وفي مدارس ينجحون عشان الفلوس اعرف واحد جذي مانجح بثانوية الحكومة دش مدرسة خاصة نوعها تنجحك عشان الفلوس........ بس هم اهم عليهم رقابة من وزارة التربية والوحدة لازم تسأل عدل قبل لاتدخل عيالها...... عشان جذي انا حاطة ابالي الرؤية لنهم ماخذين شهادة الاعتماد الدولي ..... وحتى اذا طلعتة من الخاص مثلا على 3 او 4 ابتدائي يمكن مايتأقلم بالبداية بعدين يتكيف والله الهادي.............. اما بسالفة الربع ياما نقلوا صديقات لنا بالحكومة اذا غيروا سكنهم او انتي نفسج ممكن تنقلين عادي يتعرفون على ربع يدد مافيها شي ........


بالنهاية تبقى وجهات نظر وهذا مايعني ان ممكن ادخلهم حكومة ابتدائي حسب ظروفي وعقب الاستخارة خاصة ان المدارس الخاصة تسوي اختبار قدرات ومايقبلون اي احد خاصة اذا كان حركي والوحدة ماتدري الاخوان واحد عن الثاني يختلف مو حلو يقبلون واحد والثاني ماينقبل هذي صارت لاخت رفيجتي


الله يعين لكن انا عاجبني الخاص لان مخرجاتهم اقوى بكل الي بعايلتنا اهم اقوى من عيالنا الي بالحكومة الا مثل ماقلت لج الي اهو مميز وفلتة ووين ما تقطة تلقاه ماشاء الله يطلع قوي حتى من الحكومة..........ولانقط كل شي عالمدرسةالاهل لهم دور

 

[om_maria05]

نستخير على قولتج و الله كريم و الله يوفق عيالنا و يصلحهم و يجعلهم قرة اعين لنا يا رب

 

[om_maria05]

بناااااات نسيت اسألكم عن اول يوم شلون كانت الاوضاع و عيالكم استانسوا و الا لأ؟
بالنسبه لنا بنتي ما نامت امس الا الساعه 1 و نص بليل مختربه نومتها بس لم قعدتها مسكينه كانت دايخه بس متحمسه وولهانه عالر وضة و طرشت معاها شغله توزعها عاليهال عشان يستانسون اول يوم

[/url][/IMG]
و هاذا شكله بعد التغليف سويته عالسريع قبل ما تروح و يقول ابوها انها طيحته كله بالسياره لووول

[/url][/IMG]

 

[حبوبه]

صباح الخير ..
ماشاء الله عليج ام ماريا شغلج فناتق :rerrerek:
بنتي مستانسه تقول صديقاتي كلهم داوموا .. اليهال نومتهم معتفسه امس تغدوا وداخوا ناموا ..

 

[al7noona]

ام ماريا ماتقصرين على السوالف الحلوه الي توزعينها بس بنتي ماخذت لان امس غابت نومتها معتفسه واليوم الحمدالله اقعدت وراحت

 

[al7noona]

ام ماريا ماتقصرين على السوالف الحلوه الي توزعينها بس بنتي ماخذت لان امس غابت نومتها معتفسه واليوم الحمدالله اقعدت وراحت

 

[ورد وردي]

اي انا يوم خذت ولدي شفت بنية معطينها وتوري امها يحليلها ....... ماشاء الله عليج ام ماريا عاد الابلات يحبون الي امها تسوي فناتك انا مدرسة واقولج لان يفيدهم ويصورون الشغل وحتى اهي نفسها تستانس وتحس انها مميزة

 

[ورد وردي]

اي انا يوم خذت ولدي شفت بنية معطينها وتوري امها يحليلها ....... ماشاء الله عليج ام ماريا عاد الابلات يحبون الي امها تسوي فناتك انا مدرسة واقولج لان يفيدهم ويصورون الشغل وحتى اهي نفسها تستانس وتحس انها مميزة