:::تجمع امهات روضه وحضانه عالم الطفل:::

[وقف لله]

ابي خبراااتكم عن معسكرهم الصيفي منو جربته من س2 الى 8 وايد بس تقول كلش فيه عفيه فيدوني

 

[al7noona]

بنات اشضار على الصور مارحتوا خذيتوا شي؟؟؟

انا للحين ماخذيت شي ناطره الصور تخلص واخذ اغراضها كلهم مره وحده

 

[al7noona]

ماجربت النادي الصيفي وموناويه ادخل بنتي خل ترتاح بروحها ملت من الروضه ههه

 

[al7noona]

????????

 

[ورد وردي]

هلا الحنونة

حتى انا ماخذتهم ولا خذت اغراضة هم مخليتهم مرة وحدة ان شاء الله اهم قالوا اذا خلصت الصور ندق عليكم

 

[حبوبه]

هلا بنات شلونكم .. مافقدتوني:eh_s(8):
ماتوقعت الحفله جذي كانت لويه وتأخروا مابدوا بالوقت ومثل ماقلتوا الصوت كلش مومسموع حتي المديره لما قالت الكلمه ماسمعنا شي .. اليهال ماشاء الله عليهم شحليلهم ..
الحنونه حتي بنتي فقرتها قطوره :eh_s(15): واهيه كانت قطوره مع صديقتها حور .. انا بعد مااستلمت شي من اغراضها لاني سافرت علي طول ..

 

[ام الحنان]

اشلون النادى بنات مال الحضانه

 

[al7noona]

هلا حبوبه وااي ياحلات البنات

انا بنتي يعني البذره ملبسينها لبس الشجره واول شي تطلع تغني انظر انظر ماذا ترى وردُُ شجرُ مااحلاه كانت بذره صارت ساقا تحمل اغضانا واوراقا ههههههه


والحين ذابحتني كل يوم تقولي ماما حطيلي اغنيه قطوره افتح اليوتوب واحط لها قطوره ياحلوها

 

[al7noona]

وايد طولوا للحين مااستلمنا شي شفيهم جذي؟؟؟

 

[al7noona]

اشلون النادى بنات مال الحضانه

ماجربته :tek:

 

[ورد وردي]

شلونكم بنات

بنات ماتدرون مستوى ثالث بالحضانة هم يعطونهم كتب وجذي نفس اولى روضة والا لا؟؟؟؟؟؟؟ لان فرق ايام مستوى ثالث عن اولى روضة ؟؟؟؟؟

وشلون عيالكم بالمحادثة؟؟؟؟؟ اوكي الطفل ممكن يتعلم من الحضانة كلمات انجليزية لكن المحادثة يتروالي مايتعلمها الياهل الا اذا يخالط ناس تتكلم انجلليزي وهذي لغتها؟؟؟؟؟؟؟

 

[al7noona]

هلا ورد الكتب بس حق الروضه وبالنسبه لي بنتي وايد صارت احسن قبل حيل خجوله الحين عادي تروح تطلب مثلا من المطعم ماينيز واول مادشت الروضه ماكانت تعرف انجليزي ولا تعرف تتحجى ماشاءالله الحين وايد احسن من قبل ماكنت متوقعتها راح تصيرجذي تبارك الرحمن

 

[ورد وردي]

اهلين الحنونة

ما شاء الله تبارك الرحمن الله يتمم عليهم

بنتج عندها محادثة ؟؟ ككلمات اوكي لكن المحادثة ان الطفل يركب جملة عالاقل بالانجليزي؟؟؟؟؟ وانتي تكلمينها انجليزي ؟؟؟ لان انا لا ماحب وحتى خدامتي ماتتكلم انجليزي

 

[al7noona]

قبل ماكانت تعرف شي بالانجليزي الحين قمت اعلمها الاشياء بالانجليزي مثلا الشمس اقولها بالانجليزي سن بعدين عقب قامت تتحسن وقامت تعرف تنطق وتتكلم ماشاءالله

 

[om_maria05]

قوااااا بنات شخباركم
ورد مستوى ثالث مالهم كتب بس يعطونهم واجبات و تمارين و يتعلمون كلمات و احرف و ارقام و ممكن الياهل يتعلم جمل بسيطه يحفظها مثل اي لوف يو ماي نيم از فلان مثلا بس ما يألف جمل بروحه .. بس بنتي ماشالله من دشت الروضه صارت تتكلم و تألف جمل بروحها اسمالله عليها قوية بالمحادثه تفهم اللي جدامها و تركب جمل صج في منهم خواره بس انشالله ب ثانيه روضه تتحسن اكثر .. اهم شي اشتغلي على ولدج من الحين بتعلم كلمات بالانجليزي و خليه يشوف قناة ديزني بالانجليزي اذا عندج وااايد فادتني ..
و ما صارت ما قالولنا تعالوا اخذو الصور او السي دي ؟؟؟؟؟ غريبه

 

[ورد وردي]

هلا ام ماريا شلونج

مشكورين بنات طمنتوني لان انا تحسفت ان مادخلتة هالسنة حضانة بريطانية ولاني دفعت فلوس التسجيل فماكو تراجع بس الحمدلله اهم زينيين

وترة الصور والسي دي خلصوا غريبة مادقوا عليج روحي استلميهم ومعطين هدية لليهال بعد خل تستانس بنيتج

 

[حبوبه]

صباح الخير بنات ..
شلونكم مع العطله .. لا جديد علي الساحه

 

[al7noona]

السلام عليكم
امس بالصدفه دقيت سالت عن الصور قالت خالصين رحت خذيتهم وعطونا اغراضها وهديه
بس ماعطونا سي دي صورهم الي مصورين بالانشطه والرحلات

والصور وسي دي الحفله وايد حلوية

 

[al7noona]

النادي الصيفي بس بالزهرا.
القصور مومسوين

 

[N0oNa]

هاي شلونكم بنات
دخلت ولدي النادي من امس لمده شهر صارله يومين حده مستانس و عاجبه الوضع لان اخر الايام مل منكثر ما دربوهم على الحفله ملوا و كان تعب حقهم حلو بالاسبوع مرتين سباحه و كرتيه و يوم رحله و الباجي تعليمي
عربي انجليزي رياضيات كمبيوتر وايد حلو بس الوقت طويل من الساعه 2 لي 8
قمت اقعد مبجر الصبح يعني على العشر عشان اقعد معاه ليمن يروح لان الوقت طويل
ادري بتقولون 10 يعني مبجر لووول بالنسبه حق 12 و 1 اي مبجر لوول النوم حلو شسوي
منو شركت اعيالها ؟؟؟