تجمع امهات ((طلبة بطيء وصعوبة التعلم))

[هدفي الجنة]

انا بنتي فيها صعوبات تعلم وكانت لي ثالثة ابتدائي في مداس حكومية وبعدين نقلتها لمدرسة امريكية متخصصه في صعوبات التعلم انا تخوفت في البداية من مسالة الانجليزي كان عندهم منهج الحكومة باللغة العربية والتربية الاسلامية والعلوم والتربية الوطنية والباقي بالانجليزي وبفضل من الله جابلتها ومشت والجمد لله من احسن ما يمكن بالعكس وايد مستانسة ومتفوقه والسنة اشوفهم خلوا العلوم بعد انجليزي بس والحمد لله شفت تحسن وايد الله يتمم عليها الحين اهي بخامس

 

[الصابرة المحتسبة]

ماشاء الله تبارك الرحمن يعل ربي يوفقها ويحفظها

 

[مشاعل الشمري]

حبيبتي ممكن تسألين بالمجلس لاعلى عن مستقبل بطيء التعلم

انا الحين حاطته بالحكومه وحاطه مدرسين بكل المواد

احاول ادزه مني مناك

والله يوفقه يارب لو حتى على الحفة

السلام عليكم فوفو حبيبتي انا قبل أسبوع سألت الاخصائيه بمدرسة يويو وتقول يكملون لرابعه ثانوي ما في اي مشاكل

 

[shjoon]

مشكوره يا الصابره للرفع

بالنسبة لي ما صار شي جديد

الى الحين لم اتخذ الخطوه الاولى

لاني مسئول كبير حذرني من عواقبها

وهي

بما ان تصنيف ولدي بطيء التعلم مع العلم بانه ناجح ووصل الى خامس ولله الحمد بفضل الله ثم متابعتي له اول باول

ولكن من خلال تدريسي ونسيانه للمعلومات

عمملت له مرتين فحص لاختبار الذكاء

الاولى بالطب التطوري بمستشفى الصباح وتصنيفه بطيء التعلم

والثانية د فاطمه العوضي بميدان حولي وتصنيفه بطيء التعلم


*************

كما تعلمون صعوبه التعلم يدرون بمدار ويتخرجون كالاطفال الكبيعين تماما

المفاجأة اللي عرفتها بعدين

ان بطيءالتعلم مستواهم الى العاشر فقط

ومن ثم يكملون تعليمهم بدون شهاده كالدورات الخاصة وغيرها

ولو جابوا شهاده جمهية من بره فلن يعترفوا بها بالكويت لانه مصنف بطيء التعلم

المسئول نصحني

اترك ولدي بالحكومه كغيره من اطفال وكثيرين يعانون نفس المشكله ولكن اهلهم لا يعلمون

ونصحني ايضا بان اكمل تعليمه بالحكومه ومساعده المعلمين الخاصين

حتى اضمن مستقبله بتكملة دراسته الجامعية سواء بالكويت او الخارج

وبالنهاية اعترف ان بطيء التعلم مصيرهم الاعدام بالتعليم بالكويت

فلا تعترفي لاحد ان ابنك بطيء التعلم ما دام هو ناجح ومستواه جيد

والحين انا محتاره جداجدا

لم اجد منكم اجابه تنورني لطريق الولد

وخاصة ان المدارس بقى لها شهر وتفتح

الاخت العزيزه فوفو ,, سالفتج جت على الجرح ... انا عشت هالمعاناه ولدي ما يعرف يقرا ويكتب مشيته بالابتدائي بالدز

لما وصل السادس بدت المعاناه سقووووووووووط بجميع المواد تخيلي اخليه يروح امتحانات اخرالسنه يقولي يما لورقه مااعرف اقرا


ولاعرف السؤال شنو ويخلي الورقه فاضيه ويبقى للعاده واخليه يداوم وانا عارفه نفس النتيجه اجيبله مدرسين يعلمونه

وهو مافيه دافعيه للتعلم والتطور بطئ ,,, كل هذا ماابي اسجله صعوبات تعلم ,,, لكن الولد مامشى بالمدرسه ولابد من حل؟؟؟

الحل,,, قلت ادخله على حسابي ( الله يعين قروض) على ماينقبل,, وللحين مابلشت حتى بالاختبار الله العالم هالسنه على حسابي

السالفه مو سالفة فلوس ,,, بس هل اختياري صحيح ادخله احتياجات خاصه ,, احس في قلبه غصه ,,

اطلعه ادخله خاص نورمل والبدز ينجح ,,, للحين ضايعه ومو عارفه ,,, خلونا بالتجمع نسمع تجاربكم ,,,

اللي خلته يستمر وين وصل وشلون وضعه واللي طلعته وودته احتياجات شنو صار عليه

واللي للحين تشاور نفسها ,,

انا سعيده بالتجمع واتمنى يكون تجمع خير واشكر الاخت فوفو على هالتجمع ,,,, في امان الله

 

[الصابرة المحتسبة]

رفع

 

[فوفو22]

شكرا للرفع اختي الصابرة

بالنسبة لي

مازال بالحكومه بالمستوى الخامس

وحاطه له بالاسبوع

حصتين خاصين عربي

وحصتين رياضيات

وحصتين انجليزي

وانا ادرسة دين وعلوم وطنية واجتماعيات

النتايج

الله والعالم حاليا امتحانات

ولاحقة على صدمة النتايج

تذكرت شي كوميدي:dddds:

امس اسم الله عليه ادرسة دين

واقوله ابو سلمه تركته زوجته وعياله وهاجر الى المدينه

واعيد وازيد بهالسالفة

وعقب شوي

اسأله

منو هاجر من مكه الى الى المدينه؟؟؟؟

رد عليي وقال

ابو رمّية:dddds:

 

[shjoon]

سبحان الله

 

[كندية]

في تقدير عمري للعقل فديتج سألي عنه وعلى أساسه تتعاملين
يعني أنا ولدي حالته شلل دماغي وقالي الأخصائي مرة التقدير العقلي له
والتقدير اللفظي والسلوكي ..... الخ

بطئ التعلم اللي أعرفه يظهر من البدايه ؟؟!!
وأنا أعتقد اللي فيها صعوبه ... الأهم من هذا كله تتأكدين من التشخيص وتعملين لها
1)ملف في المجلس الأعلى
2) تقدمين أوراقها للجنة التعليم حتى تنقلين أوراقها .

فديتج لا تهملين الموضوع .. لازم تمشين بالأوراق من الحين عشان الأمور تطول ومو سهله
والله يعينج إن شاء الله وحنا خواتج بالقسم حاضرين باللي تآمرين فيه

تصدقيين اول مره اسمع بساالفه؟؟؟ ان في قسميين؟؟ كنداا مااعندناا غير ld


والله شووفي اختي اناا من فيئة بطء التعلم ....واللي اسويها شغلات صغيره تسااعد....اول شيء لازم تعرفيين ولدج بشنوو قوي يعني شنوو يحب مثلا....يحب النظري او العملي او الشفوى.....
وقت القرااه تقسميين القرااه وكل ماقرا شيء ساليه عن شنو قرا ...شووفي المساله بس تبي طوولة باااال والمدرسيين اللي يعرفوون شلون يتعاملوون مع هذي الفئه .....

 

[كندية]

حبيبتي ممكن تسألين بالمجلس لاعلى عن مستقبل بطيء التعلم

انا الحين حاطته بالحكومه وحاطه مدرسين بكل المواد

احاول ادزه مني مناك

والله يوفقه يارب لو حتى على الحفة

لا تحااتييين حبيبتي المستثبل ان شااءالله كبيير...وانا اكبر مثاااال...توني متخرجه من الجاامعه وقااعده اكمل ...
اذا تجاابلين من الحين وتعلمينه على طرق تسااعده حق الدرااسه ان شااءالله مااعليه خووووف....هو بنفسه رااح يتعلم شلوون يمشي شغله برووحه وماايحتاااج حق احد

 

[q8iaSaMrA]

السلام عليكم خواتي

انا بعرض عليكم مشكلتي يمكن تلقون لي حل حق ولدي احس ان سنين بتروح من عمره وانا قاعده اطالعه

في البدايه ولدي من عمره سنتين حسيت ان عنده صعوبه بالكلام على طول وديته المستوصف وحولني لي مركز سالم العلي اسويله فحوصات للسمع واللسان والحمدالله مافي شي

بس عقب حسيت ان الولد في تصرفاته شي غريب يعني مايهتم اذا انا يمه او لأ وساعات يروح يمشي وما يهمه ان انا اكون يمه او لأ

على طول وديته الطب التطويري ومع علاج لمده سنه وتعرفون مواعيدهم شلون طويله اخر شي لين وصل عمر 4 سنوات سووله اختبار وطلعت نتيجته نسبه الذكاء 45% ويفيد التقرير ان عمره العقلي اصغر من عمره الزمني بسنتين


ويت حزت الروضه وقتلهم عن مشكلته اول سنه قالوا لي مانقدر نستقبله لانه مايتكلم ولا يقدر يعبر عن اللي يبيه روحي دخليه حضانه وراح نعتبره انه عندنا طبعا هذي سنه راحت من عمره بالدراسه


ودخلته حضانه وشوي شوي مشت اموره وقام يتأقلم مع اليهال اللي بعمره

يت السنه الثانيه وقبلوه بالروضه بس قعدوه 3 سنوات بالروضه بدال سنتين عشان يكون مهيئ حق الابتدائي

يعني هذي سنه ثانيه راحت من عمره

ودش الابتدائي وقلت لهم عن كل اموره وعندهم ملف بكل هالامور طبعا بما ان الصف الاول والثاني والثالث ملف انجازي فكان

ينجح

اما الحين لما وصلنا لي الصف الرابع وفي امتحانات وعقب ماتغيروا المدرسات وشكلهم مايدرون عن حالته او مايعرفون له مادري


وانا كلمت الوكيله وقتلها وين بالله الاخصائيه النفسيه اللي تتابع حاله الولد تقولي ماعندنا اخصائيه نفسيه الوزاره مو قاعده تطرش لنا


قتلها والحل ولدي مايقدر يستمر على هالحاله ودرجاته متدنيه حيل

اذا الوكيله تقولي لحقي على ولدج

انا قتلها زهبيلي ملفه وكل الاوراق اللي فيه وامتحاناته وملاحظات مدرساته باخذهم واركض فيهم لان حرام مو ناقص بعد سنين تضيع من عمره


بس شنو تنصحوني وين اروح بأوراق

اوديه مركز تقويم الطفل ؟؟؟

ممكن يفيدوني هناك


الله يخليكم شوروا علييي شسوي

 

[فوفو22]

السلام عليكم خواتي

انا بعرض عليكم مشكلتي يمكن تلقون لي حل حق ولدي احس ان سنين بتروح من عمره وانا قاعده اطالعه

في البدايه ولدي من عمره سنتين حسيت ان عنده صعوبه بالكلام على طول وديته المستوصف وحولني لي مركز سالم العلي اسويله فحوصات للسمع واللسان والحمدالله مافي شي

بس عقب حسيت ان الولد في تصرفاته شي غريب يعني مايهتم اذا انا يمه او لأ وساعات يروح يمشي وما يهمه ان انا اكون يمه او لأ

على طول وديته الطب التطويري ومع علاج لمده سنه وتعرفون مواعيدهم شلون طويله اخر شي لين وصل عمر 4 سنوات سووله اختبار وطلعت نتيجته نسبه الذكاء 45% ويفيد التقرير ان عمره العقلي اصغر من عمره الزمني بسنتين


ويت حزت الروضه وقتلهم عن مشكلته اول سنه قالوا لي مانقدر نستقبله لانه مايتكلم ولا يقدر يعبر عن اللي يبيه روحي دخليه حضانه وراح نعتبره انه عندنا طبعا هذي سنه راحت من عمره بالدراسه


ودخلته حضانه وشوي شوي مشت اموره وقام يتأقلم مع اليهال اللي بعمره

يت السنه الثانيه وقبلوه بالروضه بس قعدوه 3 سنوات بالروضه بدال سنتين عشان يكون مهيئ حق الابتدائي

يعني هذي سنه ثانيه راحت من عمره

ودش الابتدائي وقلت لهم عن كل اموره وعندهم ملف بكل هالامور طبعا بما ان الصف الاول والثاني والثالث ملف انجازي فكان

ينجح

اما الحين لما وصلنا لي الصف الرابع وفي امتحانات وعقب ماتغيروا المدرسات وشكلهم مايدرون عن حالته او مايعرفون له مادري


وانا كلمت الوكيله وقتلها وين بالله الاخصائيه النفسيه اللي تتابع حاله الولد تقولي ماعندنا اخصائيه نفسيه الوزاره مو قاعده تطرش لنا


قتلها والحل ولدي مايقدر يستمر على هالحاله ودرجاته متدنيه حيل

اذا الوكيله تقولي لحقي على ولدج

انا قتلها زهبيلي ملفه وكل الاوراق اللي فيه وامتحاناته وملاحظات مدرساته باخذهم واركض فيهم لان حرام مو ناقص بعد سنين تضيع من عمره


بس شنو تنصحوني وين اروح بأوراق

اوديه مركز تقويم الطفل ؟؟؟

ممكن يفيدوني هناك


الله يخليكم شوروا علييي شسوي

حياتي عيدي له اختبار الذكاء سواء بالطب التطوري او عند دكتور خاص

واذا طلع من فئة بطيء التعلم او صعوبة التعلم

روحي افتحي له ملف بالجلس الاعلى

وابتدي رحلة طويلة روحات وجيات

الى ان يقبلوه بمدارس خاصة على حسابهم

 

[q8iaSaMrA]

السلام عليكم

انا اليوم رحت المنطقه التعليميه وعطيتهم اوراق ولدي وتقاريره القديمه وقتلهم دخلوه مدرسه فيها صفوف بطيئي التعلم تبع الحكومه

ووعدتني رئيسه قسم الخدمه الاجتماعيه والنفسيه جزاها الله خير ان اخصائيه نفسيه تبعهم بتطلع له مدرسته وتسوي له اختبار ذكاء

وان شاء الله خير ادعولي مابي تروح عليه هالسنه وان شاء الله يصدقون بكلامهم

 

[الصابرة المحتسبة]

هلا ياكويتية سمرا
اذا طلعت النتائج ان الولد من بطيء التعلم مهم تستخرجين شهادة اثبات اعاقة علشان ياخذ على الأقل حقوقة من تعليم بمدارس خاصة لهم على حساب الدولة ومساعدة مالية وهوية فلا تخلين.وعندج مدرسة المنارات حيل ممتازو والحياة العالمية للدكتور الخليفي هم روعة.

 

[*محــبـــه *]

السلام عليكم

تحيه مني للأمهات الواعيات بتعليم ابنائهن واهتماهن بمشكلاتهم التعليميه دمتم ذخرا لجيل سيأتي بعدكم ,,

وعندي استفسار ارجو من الاخوات الرد عليه لاني في امس الحاجه لمعرفه الاجابه

اريد ان اعرف الحين الاولاد اوالطلبه اللي عندهم صعوبات تعلم يتعلمون في مدارس خاصه فيهم ؟ ام فيا لمدارس الحكوميه وهل حقا المدارس الحكوميه في الكويت ليس عندهاامكانيات اوفصول خاصه بالطلبه صعوبات التعلم وبطيئ التعلم

لانه ايضا استفسرت من رئيسه احدى الجمعيات كجمعية كالد لاختلافات التعلم واجابت ان مركز تقويم الطفل هو من يهتم بمشكلات الاطفال الي عندهم صعوبات

ولكن خلال قرائتي لهذا الموضوع

http://www.q8yat.net/showthread.php?t=323060

اجابت احدى الاخوات بقولها لانه لاوجود لفصول صعوبات التعلم في المدارس الحكوميه فهل هذا صحيح وهل كل طفل يكتشف اهله انه عنده صعوبات او بطئ تعلم يتم تحويله لمدارس خاصه ؟

فعندي اسئله هل مركز تقويم الطفل هو الوحيد اللي يهتم بطلبة الصعوبات وكم اعمار الطلبه اللي يستقبلها المركز ؟ هل يقشمل الثانوي والمتوسط ؟

ارجو الاجابه وافهامي حول هذا الموضوع


جعل مثوانا ومثواكم الجنه

 

[*محــبـــه *]

من خلال قرائتي للردود لاحظت انه في فصول خاصه لبطئ التعلم هذي الفصول وين مكانها بالضبط بمدارس خاصه ولا بمدرسه عاديه ؟ وهل فيه فصول لطلاب صعوبات التعلم ولايتعلمون بالمدرسه العاديه ولاكيف ؟

ومين الاختصاصين القائمين على تدريس الطلاب في هالفصول ؟

بلييييز اتمنى القى رد على استفسارتي الله يجزاها الجنه اللي ترد

وانا ماعندي مانع اتوال مع اي احد يفيدني سواء بالايميل او الخاص او حتى الموبايل

الباحثه الحائره ><

 

[مشاعل الشمري]

من خلال قرائتي للردود لاحظت انه في فصول خاصه لبطئ التعلم هذي الفصول وين مكانها بالضبط بمدارس خاصه ولا بمدرسه عاديه ؟ وهل فيه فصول لطلاب صعوبات التعلم ولايتعلمون بالمدرسه العاديه ولاكيف ؟

ومين الاختصاصين القائمين على تدريس الطلاب في هالفصول ؟

بلييييز اتمنى القى رد على استفسارتي الله يجزاها الجنه اللي ترد

وانا ماعندي مانع اتوال مع اي احد يفيدني سواء بالايميل او الخاص او حتى الموبايل

الباحثه الحائره ><

السلام عليكم الله لا يحط ابقلبج الحيره حبيبتي
فعلا فصول بطء التعلم في بمدارس حكوميه وتبدأ من الصف الثالث وفي مدارس خاصه من اول ابتدائي
وفي ثنائية اللغه وهي منارات اللي هالسنه بس اعتمدت شهادتها التربيه
انا ولدي حبيبي يويو بالمدارس الاهليه وهو مصنف ضمن بطء التعلم
ارجو اني اكون افدتج:eh_s(6):

 

[*محــبـــه *]

انا بحثي عن صعوبات التعلم

فيه مركز تقويم وتعليم الطفل يتم فيه تدريس ذوي صعوبات التعلم وابغى اعرف هالاجابات

بالنسبه لمركز تقويم الطفل كم هي اعمار الفئه التي يستقبلها المركز في حدود كم لكم ؟

هل فيه امكانيه من تحويل طالب صعوبات التعلم من المركز للمدرسه العاديه ام يبقى في المركز الى ان يتخرج والى أي سنه دراسيه يتكفل المركز بتعليمه

وبخصوص المناهج الدراسيه هل هي نفسها مناهج الدراسيه الكويتيه وتختلف فقط في طريقه الاستراتيجيات وتقديمها



بخصوص الكادر المسئول عن عمليه التعليم في المركز هل معلم عادي متخصص بالماده مع معلم صعوبات تعلم ؟ وماهي شروط مؤهلات معلم صعوبات التعلم في المركز ؟



(ابغى الاجابه بالتفصيل )



هل يوجد فصول خاصه بصعوبات التعلم في المدارس الحكوميه الكويتيه أي هل يوجد برامج خاصه بصعوبات التعلم تطبق في المدارس الحوكوميه ام انها مقتصره فقط على المدارس الخاصه والجمعيات ؟



دوامهم الصباحي يبتدي من 7-3

والمسائي من 4-7



انا حاولت اتصل بس مايرضى يقلي الامكالمه غلط قلت يمكن عشانهاا خطوط محليه مجانيه
وهذه هي الارقام اللي لقيتها بالمركز

فريق العمل بالخط الساخن

نيفين سند
اختصاصي خط وطني ساخن - هاتف: (183) 1832000

عبد العزيز الشمري
اختصاصي خط وطني ساخن – هاتف: (181) 1832000




فريق العمل بالبرنامج التربوي المسائي

سالم الحطاب
مدير البرنامج التربوي المسائي
هاتف: (270) 1832000


سمير الملاّح
رئيس قسم اللغة العربية بالبرنامج التربوي المسائي
هاتف: (200) 1832000


سامر قصّار
رئيس قسم الرياضيات بالبرنامج التربوي المسائي
هاتف200) 1832000


أكرم الكردي
رئيس قسم العلوم بالبرنامج التربوي المسائي
هاتف: (200) 1832000


طلال البكور
رئيس قسم اللغة الإنكليزية بالبرنامج التربوي المسائي
هاتف: (200) 1832000


سيد عميش
مشرف البرنامج التربوي المسائي
هاتف: (200) 1832000


ثابت خصاونة
مشرف البرنامج التربوي المسائي
هاتف: (200) 1832000


محمد ثروت
مشرف البرنامج التربوي المسائي
هاتف: (200) 1832000


رامي صلاح مصطفى
محاسب البرنامج المسائي
هاتف: (107) 1832000


وداد الحطّاب
سكرتيرة البرنامج التربوي المسائي
هاتف: (200) 1832000


دانه الهنداوي
سكرتيرة البرنامج التربوي المسائي
هاتف: (200) 183200


حييل ابي اعرف الاجابه خصوصوصا بالنسبه لأختصاصات المعلمين اللي يدرسون ذوي صعوبات التعلم وهل فيه فصول خاصه لصعوبات التعلم بالمدارس الحوكيه زي ماهو موجود لبطيئي التعلم ؟ فمدري مين ممكن يساعدني منكم الله يجازيها الجنه

 

[*محــبـــه *]

انا بنتي فيها صعوبات تعلم وكانت لي ثالثة ابتدائي في مداس حكومية وبعدين نقلتها لمدرسة امريكية متخصصه في صعوبات التعلم انا تخوفت في البداية من مسالة الانجليزي كان عندهم منهج الحكومة باللغة العربية والتربية الاسلامية والعلوم والتربية الوطنية والباقي بالانجليزي وبفضل من الله جابلتها ومشت والجمد لله من احسن ما يمكن بالعكس وايد مستانسة ومتفوقه والسنة اشوفهم خلوا العلوم بعد انجليزي بس والحمد لله شفت تحسن وايد الله يتمم عليها الحين اهي بخامس

السلام عليكم

طيب اختي اسمحيلي سؤال الحين بنتك الله يخليها لك يوم كانت بالمدارس الحكوميه كان لها برنامج خاص بالصعوبات ولا عادي يدرسونها مع الطلاب العاديين في نفس الفصول ؟ والمدرسه الامريكيه المتخصصه مين المعلمين فيها ايش شهاداتهم ومين هم الكادر اللي مشرفين على تدريس بنتك ؟ حيل اجاباتك حتفيديني اي واحد يعرف الاجابات ياليت يرد علي

جعل مثوانا ومثواكم الجنه

 

[الصابرة المحتسبة]

للنقاش

 

[هدفي الجنة]

ما اعتقد ان مدارس الحكومة فيها صفوف لصعوبات التعلم بس صفوف لبطيء التعلم اما صعوبات التعلم فلهم مدارس خاصة ومنها مدرسة فوزية السلطان اللي خرجت اول دفعه من طلبة صعوبات التعلم والحين بعض منهم في الجامعة اما بطيء التعلم فالدراسة لي تاسع او عاشر