تجمع امهات طلبة مدرسة الرؤية ثنائية اللغة

[ورد وردي]

شلونكم بنات

ماشاء الله تجمعكم حلو وبس جذي داشة ان شاء الله اكون وحدة منكم بالمستقبل لاني ناوية ادخل ولدي فيها من الروضة ......... بس ج بنات ممكن يقبلون واحد من عيالج ومايقبلون الثاني ؟؟؟؟ انا عندي 2 وقايلة اذا بدخلهم بدخلهم مع بعض

 

[ورد وردي]

عسى ماشر يا بنات ؟ والله ان تجمعكم يونس

 

[ريوف2]

شلونكم بنات

ماشاء الله تجمعكم حلو وبس جذي داشة ان شاء الله اكون وحدة منكم بالمستقبل لاني ناوية ادخل ولدي فيها من الروضة ......... بس ج بنات ممكن يقبلون واحد من عيالج ومايقبلون الثاني ؟؟؟؟ انا عندي 2 وقايلة اذا بدخلهم بدخلهم مع بعض

اذا دخلتي ولدج راح تصير حق الثاني اولوية بالقبول
لأن اللي عندهم اخوان بالمدرسة تصير لهم الاولوية

 

[ورد وردي]

مشكووووووووووووووورة ريوف حبيبتي ماقصرتي

 

[ورد وردي]

مشكووووووووووووووورة ريوف حبيبتي ماقصرتي

 

[ورد وردي]

مشكووووووووووووووورة ريوف حبيبتي ماقصرتي

 

[om_maria05]

مرحباااا بنات خوش تجمع الله يهنيكم
بغيت احد يفيدني عن التسجيل حق كي جي 2
متى يبدي تسجيلهم و جم رسومهم بالسنه ؟

 

[أم برووووك]

بسم الله الرحمن الرحيم .. بصراحة السنة أنا فقدت أعصابي من الوضع الأكاديمي المتدهور من المدرسة السنة ... لا من المدرسات اللغة العربية شي موطبيعي تدهور في مستوى عيالي لا والمدرسة ترد بكل استهتار لما كان ولدي العود في أولى كان متميز من قوة المدرسة .. طبعا السنو انصدمت من طريقة رد أبلت العربي .. والعلوم كانوا عيالي أقوياء والله ما أدرسهم وايد ..أما السنة لا كبيرهم ولا صغيرهم ييني فاهم من المدرسة .. تعبت معاهم وايد السنة.. هذا غير الواجبات الي ياحرام يقعدوون طول الويك اند يحلونها وبعضهم ما يستلم شي .. وأدق عليهم وأترك نوت في الرسبشن أطلب الأبلة تستلم الهوم وورك علشان ما ينقص درجة التأخير .. والله القلب السنة انترس من الرؤية .. على فكرة عيالي الحمد لله معدلاتهم فوق ال 90% لكن السنة الرؤية وايد انحدر مستواها لدرجة اني بس ناطرة السنة تخلص لأني قدمت لهم في مدرسة ثانية .. والله أول كانوا بلإنجليزية بسلوى وكان للأسف اللآكسنت مالهم انجليزي الحين نسوه وصاروا يتكلمون فرانكوا أرب للأسف ... الحمد لله على كل حال .. والله المستعان

 

[أم برووووك]

السلام عليكم و رحمة الله و بركاته ... ليش محد رد .. أتمنى المشاركة من الجميع و شكرا

 

[اي اسم]

بسم الله الرحمن الرحيم .. بصراحة السنة أنا فقدت أعصابي من الوضع الأكاديمي المتدهور من المدرسة السنة ... لا من المدرسات اللغة العربية شي موطبيعي تدهور في مستوى عيالي لا والمدرسة ترد بكل استهتار لما كان ولدي العود في أولى كان متميز من قوة المدرسة .. طبعا السنو انصدمت من طريقة رد أبلت العربي .. والعلوم كانوا عيالي أقوياء والله ما أدرسهم وايد ..أما السنة لا كبيرهم ولا صغيرهم ييني فاهم من المدرسة .. تعبت معاهم وايد السنة.. هذا غير الواجبات الي ياحرام يقعدوون طول الويك اند يحلونها وبعضهم ما يستلم شي .. وأدق عليهم وأترك نوت في الرسبشن أطلب الأبلة تستلم الهوم وورك علشان ما ينقص درجة التأخير .. والله القلب السنة انترس من الرؤية .. على فكرة عيالي الحمد لله معدلاتهم فوق ال 90% لكن السنة الرؤية وايد انحدر مستواها لدرجة اني بس ناطرة السنة تخلص لأني قدمت لهم في مدرسة ثانية .. والله أول كانوا بلإنجليزية بسلوى وكان للأسف اللآكسنت مالهم انجليزي الحين نسوه وصاروا يتكلمون فرانكوا أرب للأسف ... الحمد لله على كل حال .. والله المستعان

هلا ام بروك
الله يكتب لعيالج الخيرة ان شا الله
بس ما قلتي لنا عيالج باي صف؟

 

[fatomd]

يشرفني الانضمام لكم
بس ولدي pre-k
يعني ما اظن مشاركاتي لها فايدة وايد بس انا عندي وايد ملاحظات ياريت احد يرد علي
طبعا انا دخلت ولدي بناء على سمعة المدرسة من الاهل و الاحباب و انا :tongue22:
اهم شي عندي كان الدين و القران
و هذا الشي و الحمد لله موجود بالمدرسة بس للاسف وايد اشياء الحن مخليتني اعيد النظر
1-يوم الحج صادف وفاة جدتي و ما دريت عن ولدي و زوجي كلم الابلات و قالوا ما عليك احنا نصوره و كل شي حق امه تفاجئت انا مو مصورينا لا فوتوغرافي و لا فيديو
بصراحة رجعت السي دي و كلمت ابلة احلام ابلته قالتلي الصف كلا ما صورناه لأن بعض الاولاد خافوا
يعني هذا عذر
2-نفس القصة مع اليوم الاصفر و يوم قوس الالوان و اليوم العالمي ما عندي ولا صورة حق ولدي و انا ادري ولدي يموت عالتصوير ما اقتنع لما تقوللي الاطفال ما يرضون يصورون
بصراحة فقدت اعصابي و ابوه عصب علي انا شكو ما ادري:krkrkr:
بعدين راح كلم المديرة و اخيرا حصلتله صورة بالعيد الوطني:q8:
و الله حسافة اليوم العالمي ملبسته ذاك اللبس المغربي اللي يهبل بس ماكو فايدة
3- القشة التي قصمت ظهر البعير
اليوم الابلة تقوللي ولدك حركي وايد و اولياء الامور مفتحين عيونهم عليه و يعرفونه بالاسم
انا بغيت ابكي جدامها مسكت نفسي لما رديت البيت و بطيتها جدام ريلي كان يعصب و يقوللي والله لو مو دافعين الرسوم ما ارده السنة الياية
و قاعد يسأل عن مدارس ثانية مثل الحياة و اجيال
و انا بصراحة ما ادري شسوي اصبر و لا اكلم الابلة ولا انقله الحياة و الله محتارة

 

[fatomd]

مرحباااا بنات خوش تجمع الله يهنيكم
بغيت احد يفيدني عن التسجيل حق كي جي 2
متى يبدي تسجيلهم و جم رسومهم بالسنه ؟

التسجيل بدا من زمان
تلاحقي على نفسك رفيجتي ما حصلت حق بنتها اولى روضة
بس يمكن تحصلين حق ثانية دقي من باكر
الرسوم يمكن 1500 مو متاكدة عدل بس بها الحدود اقل او اكثر شوي

 

[أم برووووك]

هلا ام بروك
الله يكتب لعيالج الخيرة ان شا الله
بس ما قلتي لنا عيالج باي صف؟

هلا فيج أي أسم .. عيالي في جريد 1 و 2 و 4
وأبشرج الحمد لله قبلوهم في مدرسة ثانية و انشاء الله الله يوفقهم .. السنة هذي كانت عندي مأساة من جميع الجوانب مع المدرسة و المدرسات.
تخيلي مدرسة اللغة العربية في جريد 1 بنتي الصغيرة يايبة في الإملاء علامة كلملة و بالأختبار الأسبوع الي طاف يايبة نفس الشي .. يعني كلة درجات نهائية من قهري قلت ليش الأبلة ما تشجع الياهل و تكتب له ممتازة أؤ "بارك الله فيج" أو إلى الأمام .. يعني كلمة تشجيعية . دقيت على الرسبشن وقلت أبي أبلة "فلان" تكلمني نتليفون.. و فعلا دقت على و بعد السلام و الترحيب قلت لها ملاحظتي .. وفلت إن من باب رفع الروح المعنوية للبنت و لكل طالب متميز .. تتوقعون شنو ردت و قالت... قالت " متيجي تشتغلي مدرسة مكاني " طبعا أنا لمصلحة بنتي قمتت الكلمة بقلبي و سكتت.. و قلت لها الحمد لله اني نقلت بنتي السنة الياية .. فقامت تتعذر و تقول أنا مش قصدي وسكرت أنا الخط.. الحمد لله 1000 مرة أني نقلت عيالي

 

[القرآن ربيع قلبي]

بنات عطوني افكاركم لليوم ستار اوف ذا ويك؟؟

ابي افكار عمليه غير مكلفه افكاري مكلفه كلها

ويعطيكم العافيه على هالتجمع الحلو

 

[آخر العنقود79]

هلا اختي كلش ما يسوا تكلفين على نفسج
عندج سوق بو ميه عنده سوالف تونس
اشتري لليهال اكياس البنات لون والصبيان لون ثاني اوعلى كرتون يحبونه
وحطيلهم هالكراسات- الوان - رمل ملونه - لوحه مع قلم - لعبة الحية - اقلام تشب ليت - ستيكرزات - وشكثرشغلات حلوة عند بومية
يعني اذا حطيتي 4 اشياءمع الجيس ما تكلفج هدية الطفل اكثر من نص د ك
وتقدرين تسويله بوستركبيرعليه صوره من وهو بيبي لي عمره الحالي وتزينيين البوستر بطباعاتج وابداعج من الكمبيوتر
تقدرين تشترين كيكه وسط وتحطين عليها صورة ولدج او بنتج وتقصصونها مع الاطفال وتزهبينلج جم مسابقة لو بسيطة تلعبين فيها اليهال وااااااااااااااااايد راح يستانسون وتاخذين معاج البوم ولدج وتسولفين عن طفولته ومميزاته وصفاته الحلوة وشوفي تعابير ولدجاشكثر راح يكون مستانس ومعتز بنفسه
وبس
اهم شي لاتكلفين على نفسج ترى الشغلةتشجيعيةوكلهم يهال فما يسواالتكلفة

 

[آخر العنقود79]

امبيييييييييييييييييييييييييييييييييييييييييييييييييييييه
صخه
وينكم بناااااااااااااااااااااااااااااااااااااااااااااااااات

 

[fatomd]

اي و الله هدوء
شخبار السوق الخيري؟
يا ريت اللي راحوا يقولو شصار؟
انا و الله بس دزيت فطاير مع ولدي الصبح بس العصر كنت تعبانة و ما رحنا

 

[ذكريات الرؤية]

هلا فيكم كلكم

عندي لكم اخبار طازجة

هالسنة في حفل تفوق لقريد1و2و3 في19و20ابريل

أما قريد 4 لاول مرة الرؤية تسوي لهم حفل تخرج
في بعد حفلات تفوق للمتوسط والثانوي في نص شهر 4
fatomdشلونج.؟
ولدج بالقلوب المطمئنة ولا سويت هارت
انا بنتي بالسويت هارت
واطلع صورها من فيس بوك الروضة اقعد احوس وادور لين ما القاها
لا اشتري لا اشرطة ولا صور منهم
تراوالي هذب احسن طريقة لج
وبعدين يعني شنو اولياء الامور مبطلين عينهم عالياهل؟؟؟
شنو هالحجي...
لا يضيق خلقج ........عادي طوفي المهم ولدج يحب المدرسة وتحسينه فاهم ولا لا؟؟
هذا اهم شيء

 

[اي اسم]

هلا فيكم كلكم

عندي لكم اخبار طازجة

هالسنة في حفل تفوق لقريد1و2و3 في19و20ابريل

أما قريد 4 لاول مرة الرؤية تسوي لهم حفل تخرج
في بعد حفلات تفوق للمتوسط والثانوي في نص شهر 4
fatomdشلونج.؟
ولدج بالقلوب المطمئنة ولا سويت هارت
انا بنتي بالسويت هارت
واطلع صورها من فيس بوك الروضة اقعد احوس وادور لين ما القاها
لا اشتري لا اشرطة ولا صور منهم
تراوالي هذب احسن طريقة لج
وبعدين يعني شنو اولياء الامور مبطلين عينهم عالياهل؟؟؟
شنو هالحجي...
لا يضيق خلقج ........عادي طوفي المهم ولدج يحب المدرسة وتحسينه فاهم ولا لا؟؟
هذا اهم شيء

الله يسامحهم
السنة اللي طافت ولدي كان بجريد 4 وما سوولهم حفلة تخرج ولا شي
بس اخر يوم دراسي وزعوا على كل مراحل الابتدائي شهادات تقدير كل شوي صف بس بدون حضور اولياء الامور وصوروا الطلبة
بس على قولة ولدي كان اليوم حده مليق

 

[ذكريات الرؤية]

السلام عليكم
عزيزتي اي اسم
السنة اللي طافت
انا كنت من أشد المعارضين لعدم وجود حفل تفوق للطلاب
شنو الياهل يتعب طول السنة وبعدين مالهم خلق يسون حفلة تونسهم
اشوة هالسنة طلعوا فكرة يديدة تخرج

بس ودي تكون الحفلة بدون اولياء امور رياييل مثل بنات المتوسط والثانوي
حفلاتهم منتهى الراحة
المدرسات واولياء الامور كلهم ماخذين راحتهم
ما اعتقد يوافقون
تقبلي مروري