تجمع امهات طلبة مدرسة الرؤية ثنائية اللغة

[الباحثة عن القناعة]

انا عيالي فيها من افتحت صراحة كانت قووووية والان مستواها نزل لدرجة قمت استعين باوراق عيال عمهم اللي في الحكومة ماكو اوراق عمل الدفتر ابي ارجع له وقت الامتحان ماكو عكس اول كان فيه اوراق عمل لكل درس الدفتر يغنيج عن الكتاب بصراحه من قاموا يدرسونهم ريايل ماكو ضمير الولد يقعد في الدرس اسبوع ايي اناقشه فيه يقول باقي ماعطانا المدرس ؟؟؟؟؟؟؟؟؟؟؟؟؟؟؟ ياليت تدلوني على مراجع غير الشامل وجمعية المعلمين للصف 11 و9

 

[آخر العنقود79]

الله يعينكم انتوا بأول المشوار ما شفتوا شي لووووووول

زاهبه حق التخرع

الله يوفقهم يارب .. وصدقوني يسوى التعب لي شفتيهم متفوقين وحافظين القرآن

هلا فيج رهوف انتي وينج عنا من زمان!!!!
احنا محتاجين ام مخضرمة عشان نستفيد من خبرتها....
اي والله لي شفتي الطفل يسمع هالايات من القرآن بصوت هادي تنسين التعب كله
وتحسين ان صج الله وفقج لأختيار المكان المناسب لتدريس عيالج شنونبي من عيالنا غير الهداية والشخصية المتوازنة
ولا اي شي ثاني مقدور عليه
عسى الله يهديهم ويصلحهم يا رب

انزين اشرايج بالناس اللي يقولون ان الرؤية تغيرت مو مثل قبل من ناحية التأسيس والمستوى الاكاديمي؟
فرقتي على عيالج بشي؟

 

[أم عبووووود]

ربي يوفق يعالي وعيالكم يارب

انا عندي ولد رفيجتي او بالاصح هي اكثر من اختي يدرس بالرؤية وهالسنه هو بخامس

بس ماشالله تمدح المدرسة بس في شوي ملاحضات لان ماكو شي كامل لازم فيه عيوب بس بشكل عام المدرسة وااايد زينه

 

[آخر العنقود79]

شلونكم مع اللقاء التنويري

انا حيل حبيت الابلات واستفدت منهم وايد

بنتي بقريد ون معاكم

صج الدوام طويل بس يسوى احس مناهجهم وايد مفيدة

هلا فيج وهج
شكلنا بنسوي قروب حق ((قريد ون)) الله يحفظهم
انا بعد وايد استفدت من اللقاء التنويري وارتحت نفسيا ولا قبل كنت احس اني ضايعه بالطوشة
خصوصا مع الهووم ووركات
بس الحين اتضحت الرؤية
وتوني اكتشف ان القرآن موداش من ضمن المجموع يعني مادة اختيارية
لأن ولدي كان بالغانم يوم الكيجي والحين مو حافظ عم مثل عيال الرؤية فشوي كمية الحفظ دسمة واحاتي هالشي !!!!

عاد توهم دازيلي مسج في لقاء تنويري يوم الاربعا الظاهر حق الكيجي 1
ما ادري اروح ولا لأ صاير تو الناس على دوامهم يالله عقب العيد عسى الله يحيينا

 

[آخر العنقود79]

واااي يحلوه يسلّم قلبه ... والله كفو ثقه ماشالله .. بعد خلاص الأبله تدري انها فراشه شحقه يحط المد .. :dddds:

اقوووووووولج شكلي بسوي له يوميات هالولد كل يوم طالعلي طلعه
تخيلي ذاك اليوم علبو بيحل الواجب ناسخ لي جملة الابله (اين الواجب يا حلو؟) ناسخها ست مرات حسباله هذاالهوم وورك مت عليه من الضحك ومو راضي امسحله اياه يقوللي تعبان عليه لا تمسحينه ل وووووووو ل

 

[آخر العنقود79]

انا عيالي فيها من افتحت صراحة كانت قووووية والان مستواها نزل لدرجة قمت استعين باوراق عيال عمهم اللي في الحكومة ماكو اوراق عمل الدفتر ابي ارجع له وقت الامتحان ماكو عكس اول كان فيه اوراق عمل لكل درس الدفتر يغنيج عن الكتاب بصراحه من قاموا يدرسونهم ريايل ماكو ضمير الولد يقعد في الدرس اسبوع ايي اناقشه فيه يقول باقي ماعطانا المدرس ؟؟؟؟؟؟؟؟؟؟؟؟؟؟؟ ياليت تدلوني على مراجع غير الشامل وجمعية المعلمين للصف 11 و9

افففففففف من صجج تاخذين اوراق عمل من التربية صج حبطتيني!!!
يعني من اي مرحلة يبدون يدرسونهم الرياييل؟
بعدين شنو (ماكو ضمير) المبلغ اللي انت قاطته موشويه بصراحه حرام شوفيلج حل مع الادارة مو معقول جذيه!!!!
وللأسف ماعندي خلفية عن موضوع المراجع اسأل واقولج
والله يعينكم ويسهل اموركم

 

[آخر العنقود79]

ربي يوفق يعالي وعيالكم يارب

انا عندي ولد رفيجتي او بالاصح هي اكثر من اختي يدرس بالرؤية وهالسنه هو بخامس

بس ماشالله تمدح المدرسة بس في شوي ملاحضات لان ماكو شي كامل لازم فيه عيوب بس بشكل عام المدرسة وااايد زينه

نورتي ام عبووووووود
اي سرسحي على قلبي بهالكلام الحلو بصراحه صار فيني احباط
العام كل ما سألت عن الرؤية كلمن يمدح وسمعتها للسما ومن يوم ما دخلت عيالي هالسنه قاموا يطلعون بلاويها والله ضاق خلقي!!!
بس انشالله مستخيره عليها وعسى الله ما يخيب ظني فيها
ام عبووود سولفيلنا اكثر شنو تقول صديقتج عن الميزات والعيوب خلينا نستفيد
وتشرفنا بمروووج يا الغالية

 

[اي اسم]

شخباركم امهات الرؤية ؟
بدت عندكم انشطة بعد الدوام والا بعد؟
السنه اللي طافت ولدي كان مشترك بنادي المستكشف الصغير مع استاذ احمد عبدالرحمن
كان روعة
وهو عبارة عن رحلة بعد الدوام كل يوم خميس

راحو الشاطئ وصادوا سمج وراحو المخيم وراحوا بولينج و.....

شخبار الصور مالت حفلة التفوق اللي صارت اخر السنه الماضية ؟ شريتوهم والا بعد
دزولكم رسالة بخصوص هالموضوع لان السنه اللي طافت عطلنا والصور مو خالصة ؟؟؟

 

[اي اسم]

وينج يا اخر العنقود وشخبار ولدج مع الرؤية ؟
اذا تبين الموضوع يستمروتزيد المشاركات فيه لازم على طول تتابعينه والا يروح الى اخر الصفحات

 

[Accepted]

السلام عليكم ..
ولدي البجر هالسنه kg1 الحمدلله متقبل المدرسة بس عنده مشكلة مع القرآن عسى الله يهديهم..
بس حبيت اسال امهات قريد 1 صج ان ضغط الواجبات لا يطاق؟
و الصراحة انا حالي حال اختي آخر العنقود اول شي شفت من يمدح و لما صار ولدي بالمدرسه ما قمت اسمع الا انتقادات؟

 

[اي اسم]

السلام عليكم ..
ولدي البجر هالسنه kg1 الحمدلله متقبل المدرسة بس عنده مشكلة مع القرآن عسى الله يهديهم..
بس حبيت اسال امهات قريد 1 صج ان ضغط الواجبات لا يطاق؟
و الصراحة انا حالي حال اختي آخر العنقود اول شي شفت من يمدح و لما صار ولدي بالمدرسه ما قمت اسمع الا انتقادات؟

اهلين accepted
شنو المشكلة بالضبط مع القران ؟ هل قصدج كمية الحفظ كبيرة؟
وشلون الروضة بالرؤية ؟ هل يعطونهم واجبات
وهل دوارفهم حلوة ؟ وشلون نفسية ابلاتهم وتعاملهم مع الاطفال ؟
هذه صفحة الروضة بمدرسة الرؤية في الفيس بوك
شوفيها فيها صور للروضة
http://www.facebook.com/#/group.php?gid=104798418372&ref=mf

وبالنسبة للمدح والذم
انا قبل لا ادخل ولدي الرؤية يا كثر المدح اللي اسمعه ونصه كان من ناس ملاقيف مالهم دخل بالرؤية بس بنت عمه خاله جيرانهم مدخلة ولدها
وبعدين يا عزيزتي معايير المدح والذم تختلف عند الناس حسب اهما شنو يبون وشنو تجاربهم السابقة
يعني اللي يقارن الرؤية بالحكومة اكيد بتعجبه الرؤية
بس اللي يقارن الرؤية بمدارس خاصة ثانيه اعلى مستوى اكيد في اشياء بيتضايق منها بالرؤية
بس بالنهاية ما في مدلرسة كاملة
وكل مدرسة فيها شي يميزها
وانا اقولج عن تجربة اظفري بالمدرسة ذات الدين تربت يداج ...مستوى الاخلاق ممتاز بالرؤية بسبب تدريس الدين ومنهج الرؤية ومحاولة تطبيق هالاشياء
فمثلا يسوون عندهم اسبوع الصلاة اللي ولدي برابعة ابتدائي يقولي قعديني على صلاة الفجر
مشكلة الرؤية الانجليزي وانهم يدرسون لكل مرحلة منهج المرحلة اللي اصغر منها بسنه مثلا يدرسون منهج ثالثة ابتدائي للصف الرابع وهذا بمادتي العلوم والانجليزي
بس اللغة العربية والقران والدين والتجويد وحتى الرياضيات قوية بالرؤية
يمكن كمية القران كبيرة ومو كل طفل عنده القدرة على الحفظ بس حلو ان الطالب يتخرج وهو قاري اكثر من نص القران مو شرط يكون حافظ لان اكيد بينسى جزء كبير من اللي حفظه بس حلو ان لما يقرا يكون فاهم لان هالايات مرت عليه وانشرحت معانيها له وكذلك يكون عارف لاحكام التجويد وبعدين من يرد الله به خيرا يفقهه بالدين وقارئ القران يقال له اقرأ وارتق
يعني انت ما تبين ولدج لما يوصل الثانوية يقرا روايات انجليزية طويلة جدا وما منها فايدة بدل انه تكون عنده القدرة على قراءة القران بالطريقه الصح واخذ الاجر عليه واذا ولدج حفظ القران ان شا الله تلبسين تاج من نور يوم القيامة
مشكلة الرؤية الثانية قلة الانشطة الترفيهية بالمدرسة وطول اليوم الدراسي بالنسبة للابتدائي والفرصة الاولى يا دوب ياكلون فيها الطلبه ما في مجال للعب لان مدتها قصيرة والفرصة الثانية يالله تمدي يصلون ( طبعا الصلاة من الصف الثالث الابتدائي) وبعدين على طول على صفوفهم
انا تجربتي فقط سنه وحدة مع الرؤية كان ولدي برابع ابتدائي والحين نقلته ...حاليا افتقد رقي الاخلاق في الرؤية
ايضا المدرسات حليوات بالرؤية ومتعاونات جدا
بس الادارة عندها بعض الاشياء اللي تبط الجبد واتوقع هذا بسبب العقلية العربية في طريقة ادارة المدارس وحب السيطرة وفرض القوانين اللا منطقية ...
الزبدة ما في مدرسة كاملة

 

[Accepted]

السلام عليكم
الله يجزيج خير احتي اي اسم جنج عرفتي بالضبط الي في بالي ..
الله سلمج انا اختياري لاي مدرسة تكون اولويتي فيه البيئه و الجو الاجتماعي .. مثل ما ذكرتي حضرتج و وايد خليتيني اتفائل رقي الاخلاق انا عندي هذا نبر ون .. لان الصراحة الزمن كل ماله و يصعب بس الي خوفني جملة وايد يرددونها عن المدرسة خصوصا المرحلة الابتدائية عن الواجبات الي ما تخلص و ان اول ما يرجع من المدرسة الى وقت النوم و هو بس يحل بالواجبات ؟؟
و القرآن ايضا شي وايد مهم بالنسبة لنا فالمدرسة جمعت بين الدين و الدراسة " ثنائية لغة " ما يهمني ولدي يصير فلته بالانجلش اهم شي عندي الاخلاق و الشخصية المتوازنة

و من ناحية الروضة لما رحت اللقاء التنويري واايد ارتحت حق طريقة تدريسهم و منهجهم المتبع و كلش ما يختلف عن باجي المدارس الخاصة .. يعني يكون صفه الاساسي عند الانجلش و اغلب يومه فيه و يروحون صف العربي بس مادري شلون الطريقة بالضبط ..
ما شاء الله عليه ولدي خواف و ما يحب اي مكان جديد و بالحضانه طلع روحي شهرين ياالا تاقلم .. هناك تبارك الرحمن من اول يومين متاقلم و يحب يروح من غير ما ياذينا .. و سالفة القرآن مادري شنو مشكلته بالضبط بس شكله خايف من المكان مقموت و بالسرداب اعرفة خواف و اليوم رحت بشوف المحفظة ما لحقت عليها بس الي عرفته ان مو محفظتهم الاساسية لانها باجازة وضع و بخصوص كمية الحفظ ليلحين ما بدينا بالمشاكل لان جزء عم و هو حافظ السور القصيرة من قبل بس مشكلته بالنطق يعني هني المفروض اشوف الفرق من عندهم..
و الدوارف الصراحة ما شفتهم .. تهقين لازم اجيك هالشغلة؟ و الي حبيته فيهم حرصهم على التغذيو و كذا مره يدزون لنا اوراق ان لا تييبون اي اكل مو صحي يعني وايد سهلوا على المهمة لان هذا نظامنا بالبيت الحمدلله .. بس ضاق خلقي اليوم الصبان الي بالابتدائي وايد منهم طايحينله بطاط هيهيهي مادري يبيعون بالكانتين؟
نفسية المدرسات بالنسبة حق ولدي فوق الممتازة و من حظنا مدرسته امريكية يعني لكنتها مضبوطة و الحمدلله بالها طويل و حبيتها من اول نظرة..:dddds:
مشكورة وايد على الموقع توني ادري ان عندهم بالفيس بوك مع اني مشتركة بقروب المدرسة :ggdw:
الي عندها عيال بالكيجي خل يفيدونا بتجربتهم .. انا خابرة كان في تجمع للمدرسة قبل جم شهر مادري وين اختفى؟؟

 

[آخر العنقود79]

وينج يا اخر العنقود وشخبار ولدج مع الرؤية ؟
اذا تبين الموضوع يستمروتزيد المشاركات فيه لازم على طول تتابعينه والا يروح الى اخر الصفحات

هلا وغلا اي اسم
والله ماكو وقت مشالله على ما اشبك وادوروين اختفى الموضوع وبأي صفحه صار الا راح الوقت كله
بالنسبه حق الانشطة صار لهم شهرمن بدوا شكلها اتشوق مرة حداق ومرة كرة قدم ومرة شاليه
بس احس تو الناس على ولدي قريد ون مومال شاليهات ونوم بره البيت اخاف عليه وهو من النوع اللي يحاتي وما يبي رحلات الا معاه مرافقين من العايله فما شركته ولا مره معاهم خليتها لي جدام شوي
اما الصور ما اعلنوا عنها للحين بس اعتقد موجودين بدون لا يبلغونكم دام صور العام
اي اسم الحين نقلتي ولدج حق اي مدرسة؟

 

[آخر العنقود79]

السلام عليكم ..
ولدي البجر هالسنه kg1 الحمدلله متقبل المدرسة بس عنده مشكلة مع القرآن عسى الله يهديهم..
بس حبيت اسال امهات قريد 1 صج ان ضغط الواجبات لا يطاق؟
و الصراحة انا حالي حال اختي آخر العنقود اول شي شفت من يمدح و لما صار ولدي بالمدرسه ما قمت اسمع الا انتقادات؟

عليكم السلام
هلا والله اختي حياج الله معانا
اكتشفت ان الناس يحبون يتكلمون وبس ومو شرط اللي يقولونه صح اوانه ينطبق عليج
فأخذي وخلي
دام عندنا هدف سامي كل شي عنده يهون
ابشرج الحمدلله بديت اشوف نتيجه طيبة على ولدي صارله شهر وشي تقريبا من داوم
عسى الله يحفظه يردد القرآن على كل حزة وكان قبل (دق ورقص) حتى ساعات بالحمام يردد القرآن استغفر الله واذا قتله ما يجوزقام يقوللي (رواه البخاري ومسلم) يعني مغير
ومرة سمعته يسولف مع اخوه الصغير ويقول مصطلحات يديده (الهدف والوسيلة) مال مادة رؤية ووايد استانست يقوله انا هدفي اوصل هالمكان شنو وسيلتنا؟ طبعا الصغير ما يدري شالسالفة جان يقوله وسيلتنا الركض يلااااااااا
وبعد فرقت عليه اذا قتله ما ارضى عليك ورضا الله من رضاي خلاص ينتهي عن الشغلة وقبل ما يهتم الا نادر الا بسالفة الستاروالمكافآت والا رضاي ما همه الا توه فشي طيب واناعندي هالامور على بساطتها الا انها تثلج الصدر
بالنسبة حق الواجبات لا تسمعين حجي الناس انا كنت حايسه اول الايام بس بعدين ضبطت اموري ولله الحمد....
انا وحده دوامي العصر تخيلي 3 ونص لازما لبس واطلع وولدي يوصل 3 الاعشر فركضه على ما يتغدا اشوف الاجندة الاسبوعيه واطلع واجبات اليوم منها واخليه يكتب اذا في واجب ماث او ساينس لأنه ماياخذ وقت اماالعربي اقوله ينسخ الجمل على ما ارد من دوامي اصلح اخطائه وطبعا لازم اخلي احد يتابع النسخ ابوه او عمته
والحمدلله اخليه يلعب ويشوف كرتون على راحته موكافي محكور للثنتين ونص فلازم يمارس طفولته فقير
انااقولج تعبت شوي بأسبوع الاختبارات مو لأن الجدول صعب لا بس لأن دوامي عصر وما عندي وقت كافي والا جريد ون سهالات الحمدلله
فاكتشفت ان الناس عندهم صيغة مبالغة شوي او انهم يقعدون من العصر لليل مو يحلون ا لواجبات وبس يمكن يدرسونهم اجتهاد شخصي او حرص مبالغ ،،،، وانا ما عندي هالشي طريقتي فهمت ولدي من اول شي انه لازم ينتبه للشرح لأن الابله اللي تفهمك الدرس مو آنا وآنا بس اتابع معاك واجباتك واسمعلك الحفظ وقصدي من هذا انه ما يعتمد على تدريسي عشان ينتبه بالحصة ويبطل قرقه
على طاري القرقه جني قرقت وايد!!!!!!!!!!!

 

[آخر العنقود79]

accepted
اناولدي الثاني كيجي ون بس حسافه ما حضرت اللقاء التنويري ياليت تقوليلي شنوفاتني ؟!!!!
واشوفه موزود يرددالقرآن واحاول اشغل الشريط مو وايد حريص بس اسمعه يردد اناشيد يمكن قدرته على الحفظ مولي هناك بس ساكته عنه بشوف ليمتى بيتهرب!!!!
بس الحمدلله مستانس من صفه ومن ربعه اللي وياهوهذا اهم شي في البداية وكل شي ثاني لاحقين عليه خير انشالله

 

[آخر العنقود79]

بنات بقولكم عن مجموعه قصصية تنباع بالرسبشن لا تطوفكم
اهي عبارة عن قصة حق الأحرف الهجائية كل حرف بقصة بروحها يسردونها بطريقة حلوة وفكاهية ويعطون وصف حق الحرف عشان يركز بعقل الطفل ما ينساه ابد
يعني مثلاحرف الألف مع قبعته الهمزة اللي يوم نسى يلبسها وراح البحر حرقته الشمس اوحرف الزاي اللي ينسى يغسل نقطته ليمن صارت ريحته موحلوه ويابوله اصدقائه صابون هدية ومن هالسوالف
عيالي وايد استانسوا عليها وهي تنفع من كيجي 1 الى قريد 2
يعني مرحلة التأسيس
لا تطوفكم ترى مسوين عليها خصم هاليومين

 

[Accepted]

اليسلام عليكم ..
آخر العنقود .. و الله واايد ريحتيني لاني احاتي سالفة التدريس انا ميييح ما اعرق اوصل معلومة .. ما شاء الله تيارك الرحمن .. كنت اقرا ردج على زوجي و استغرب من سالفة الغاية و الوسيلة عسى الله يحفظة و يطرح فيه البركه

ولدي الي بكيجي ون بجري على شان جذي احس اني ضايعة .. بخصوص القرآن اليوم دزوا اوراق من المحفظة اثاريهم باديين بسورة الاعلى و ولدي لما اقول اول كلمة من كل آية يكمل عليها الحمدلله .. بس عيبه ان ما يركز و هو عنده مشكلة بالنطق .. انا مو شاده عليه كلش بخليه على راحته بس مواعدته ان حفظ الي عليه راح اشتريله قاري في باله ف كل يوم ما سيرتنا الا هالقاري .. اما الاناشيد و الله ما سمعت منه شي ولا من ناحية الدراسة ما لاحظت عليه شي لاني كل ما سالته اشسويت اليوم يقول لعبت و كليت هيهيهيهي
في شغلة مضيقة خلقي بخصوص مادة الرؤية .. ما احس ان فاهم منها شي لان مالها ذكر عنده؟ مادري هم بهالعمر يفهمون؟
القصص احس نفسي فاشلة فيهم كل ما قريت له فصة يشت و يسولف بشي ثاني ولا اكملها لان اسلوبي ما يشد ابد ان شاء الله بشتريها و بحاول معاه يا ليتهم يسوون دورات حق اولياء الامور يعلمونا شلون نتعامل مع عيالنا و شلون ندرسهم
و حبيت استفسر عن يوم الحج اليوم الي بسوونه يوم 25/11 .. اولياء الامور يحضرون ولا بس الياهال؟ و الحرام الابيض وين القى حرام حق اطفال؟

 

[آخر العنقود79]

هلا والله accepted
ترى يوم الحج خاص بالاطفال مانحضر فيه هذا اللي فهمته من الورقة بس ضبطي ولدج حق التصويروراح يكون يوم دراسي قصير يمكن اشوفله احرام ب قسم الملابس اللي بالجمعية اذا لقيت اقولج
حبيبتي لا تحاتين مادة رؤية كيجي ون صغار وتوهم امداومين ماراح يمدينا نشوف النتيجة عليهم من الحين خلينا نعطيهم مدة شهر عالاقل عشان نبدي نفرق عليهم
كل اللي عليج تسوينه الحين انج تعززين مفهوم التقوى عنده والخوف من الله وانالله يراقبنا بكل مكان وبكل حزة يسمعنا ويشوفنا وان الله سبحانه وتعالى يحب الاطفال وايد واللي يحبه الله يوديه الجنه سولفيله عن الجنه بشكل مبسط وشوقيه فيها يعني كل الاشياء اللي تدرين ان ولدج يحبها قوليله تلقاها بالجنة عشان تصير الجنة اهي الهدف الأعلى عنده
انا شريت من الرسبشن كتاب منهج رؤية اسمه (التقوى) حق الكيجي وقريد ون وايد حبيته لدرجة اني افكراني انا ادرس منهج رؤية كله لأنه صج شي قيم ويغير اشياء وايد داخلنا
بالنسبه للقصص حبيبتي لازم ننزل لمستوى الطفل واحنا نسردها نغير من طبقة صوتنا حسب الموقف بالقصة عشان ينتبه ويندمج معانا يعني اذا شي حزين نقوله باسلوب حزين واذا شي فكاهي نقوله بطريقةاتضحك عشان نقدر نشدالياهل للقصة
وانشالله هالمجموعة راح اتشد ولدج لأنها صج اتونس

شخبار ولدج مع التكبير اليوم وانا البس ولدي قعد يكبر ضحكني طبعا قلب العبارة فوق تحت وانا قعدت اكبر معاه الظاهر طايحيله تكبير بالمدرسة ياحلووووووووووهم

 

[بيبي-الحلوه]

من اول يوم ذي الحجه ويبدأ التكبير وبعدين يوم الحج يعلمونهم مناسك الحج ويخلونهم يلبسون ملابس الحج.

الاخت الي تقول انها تطلب اوراق عمل من الحكومه ..شدي شوي على المدرسه وكلمي رئيسه القسم ترى كل رئيسات مرحله الابتدائي عسل والله .
موقع المدرسه وصفحه الواجبات
http://www.alruyaschool.net/Students/Homework/tabid/87/language/ar-KW/*******.aspx

واي شي انا بالخدمه

 

[بيبي-الحلوه]

خواتي الي يحاتون حفظ القران
شوفي دفتر المتابعه مال القران عشان تشوفين ان ولدج ماشاء الله حافظ..
وابله نسرين الناظره صدرها رحب ووسيع حق تلقي اي استفسارات
وترى الياهل ماشاء الله عنده قدرة حفظ عجيبه والميموري ماله فاضي ليلحين ..
والابلات ترى يحفظووونهم عدل ماشاء الله يعني لاتحاتين بس اكدي على الحفظ وانتي موديته البيت او يايبته المدرسه حطي السي دي بالسيااره .