هلا والله accepted
ترى يوم الحج خاص بالاطفال مانحضر فيه هذا اللي فهمته من الورقة بس ضبطي ولدج حق التصويروراح يكون يوم دراسي قصير يمكن اشوفله احرام ب قسم الملابس اللي بالجمعية اذا لقيت اقولج
حبيبتي لا تحاتين مادة رؤية كيجي ون صغار وتوهم امداومين ماراح يمدينا نشوف النتيجة عليهم من الحين خلينا نعطيهم مدة شهر عالاقل عشان نبدي نفرق عليهم
كل اللي عليج تسوينه الحين انج تعززين مفهوم التقوى عنده والخوف من الله وانالله يراقبنا بكل مكان وبكل حزة يسمعنا ويشوفنا وان الله سبحانه وتعالى يحب الاطفال وايد واللي يحبه الله يوديه الجنه سولفيله عن الجنه بشكل مبسط وشوقيه فيها يعني كل الاشياء اللي تدرين ان ولدج يحبها قوليله تلقاها بالجنة عشان تصير الجنة اهي الهدف الأعلى عنده
انا شريت من الرسبشن كتاب منهج رؤية اسمه (التقوى) حق الكيجي وقريد ون وايد حبيته لدرجة اني افكراني انا ادرس منهج رؤية كله لأنه صج شي قيم ويغير اشياء وايد داخلنا
بالنسبه للقصص حبيبتي لازم ننزل لمستوى الطفل واحنا نسردها نغير من طبقة صوتنا حسب الموقف بالقصة عشان ينتبه ويندمج معانا يعني اذا شي حزين نقوله باسلوب حزين واذا شي فكاهي نقوله بطريقةاتضحك عشان نقدر نشدالياهل للقصة
وانشالله هالمجموعة راح اتشد ولدج لأنها صج اتونس
شخبار ولدج مع التكبير اليوم وانا البس ولدي قعد يكبر ضحكني طبعا قلب العبارة فوق تحت وانا قعدت اكبر معاه الظاهر طايحيله تكبير بالمدرسة ياحلووووووووووهم
مشكورة على النصايح ان شاء الله امرهم الاحد و اشتري القصص و مع كتاب الرؤية .. و بحاول معاه .. انا عندي مشكله مع هالولد .. يدته الله يهديها كل ما سوى شي غلط تقوله ترا الله يطقك .. لدرجة ان كل ما تكلمنا عن الله يخاف .. انا الصراحة ما سويت شي غير ان قلت له بالعكس الله يحينا و بس ما عطيت الموضوع اهمية غير ان نيهت خالتي على هالشغلة .. فانا عندي مشكله من هالحوار معاه احس يبيله شوي يكبر على شان يستوعبني .. بس الشي الزين ان كل شوي يقول انا ابي اكبر بسرعة اقوله ادعي الله قول يا رب كبرني هني شوي حس ان شي ايجابي
و التكبير كلش ما لاحظت عليه .. انا ولدي من النوع الي ما يتكلم الا عن مصلحته يعني لو اقوله يلا نسمع هالآيه او نكتب هالشغله يشت عن الهدف و بس يتكلم عن القاري الي بيشتريه و نطلع عن موضوعنا الاساسي ينني الله يهديه بس ليلحين متفائله ان بيتعدل :dddds: يمكن لما اقرا كتاب الرؤيه اعرف المدخل حق عقلية الطفل
و الحرام ان شاء الله القى مقاسه لان مو حلو لما اقصص بالكبير
