تجمع امهات طلبة مدرسة الرؤية ثنائية اللغة

[آخر العنقود79]

آخر العنقووود .. وينج مختفية ؟ عسى المانع خيير؟:eh_s(1):
حبيت استفسر عن ولدج الي بقريد 1 طبقوا عليه الرياضيات بالانجلش ولا ليلحين منهج الحكومة؟

هلا والله يالغالية
غاطسه والله ماعندي وقت اشبك
مشكورة حبيبتي على سؤالج
بالنسبة للرياضيات مطبقين على ولدي المنهج الامريكي بالانجلش طبعا والحمدلله صار حظه ان من البداية انجلش عشان لا يتوهق بعدين
ونعمه من الله انه يوم كان العام بالغانم بكيجي2 مدرسينهم الماث بالانجلش بعد فما فرق عليه بالعكس صار احسن من اللي دارسين العام بالرؤية لانهم دارسينه بالعربي
هذا بالبداية بس كان صعب شوي عليهم على ما حفظوا المصطلحات الحين الحمدلله كل شي واضح

 

[آخر العنقود79]

لي عودة
حدي ولهانه عليكم عندي وايد حجي بس ماعندي وقت

 

[زيزو]

انا وياكم ولدي ب كي جي 2

 

[اي اسم]

انا وياكم ولدي ب كي جي 2

حياج الله

 

[Accepted]

هلا والله يالغالية
غاطسه والله ماعندي وقت اشبك
مشكورة حبيبتي على سؤالج
بالنسبة للرياضيات مطبقين على ولدي المنهج الامريكي بالانجلش طبعا والحمدلله صار حظه ان من البداية انجلش عشان لا يتوهق بعدين
ونعمه من الله انه يوم كان العام بالغانم بكيجي2 مدرسينهم الماث بالانجلش بعد فما فرق عليه بالعكس صار احسن من اللي دارسين العام بالرؤية لانهم دارسينه بالعربي
هذا بالبداية بس كان صعب شوي عليهم على ما حفظوا المصطلحات الحين الحمدلله كل شي واضح

يا هلا و يا مرحبا :ggdw:
الحمدلله على السلامه و الله فقدناج و الموضوع نااام هههه
الحمدلله هالشي الي كنت اخاتيه بالرياضيات لان صج ما له معني اول شي عربي و بعدين فجاة انجلش؟
شلونج اليوم مع يوم قوس المطر؟ ولدي مكيف و ان شاء الله بودونهم المركز العلمي يوم 29/12 احس بدت المدرسة تبين نشاطاتها الحمدلله
و قاعدين يجهزون حق الانترناشونال داي قالتلي مدرستهم انهم بسوون عن ايطاليا

 

[Accepted]

انا وياكم ولدي ب كي جي 2

حياج الله .. اول سنه له بالمدرسة؟

 

[بيبي-الحلوه]

باك
يوم قوس المطر حده كان روعه ..الوان بألواااان
صج صج صج تمنيت اولياء الامور يكونون موجودين.
اليهال لابسين كل الالوان وبعدين طافو المدرسه وهم يغنون عن الرنبوووو وبعدين نشاطهم كان بالساحه ورسمو على الطوفه والساحه صارت كلها الواااااااان .

ودي احط صور بس مادري اخاف قوانين المنتدى ماتسمح .

 

[آخر العنقود79]

انا وياكم ولدي ب كي جي 2

هلا فيج زيزو
حياج الله

 

[آخر العنقود79]

يا هلا و يا مرحبا :ggdw:
الحمدلله على السلامه و الله فقدناج و الموضوع نااام هههه
الحمدلله هالشي الي كنت اخاتيه بالرياضيات لان صج ما له معني اول شي عربي و بعدين فجاة انجلش؟
شلونج اليوم مع يوم قوس المطر؟ ولدي مكيف و ان شاء الله بودونهم المركز العلمي يوم 29/12 احس بدت المدرسة تبين نشاطاتها الحمدلله
و قاعدين يجهزون حق الانترناشونال داي قالتلي مدرستهم انهم بسوون عن ايطاليا

ما تفقدين غالي حبيبتي
اووووووووه عجيب الرينمبو دي حده مستانس يوم خذيته ويغني على الرينمبو حبيبي:eh_s(6): ويسولف عن المسرحية مالت ابله فرح مستانس عليها:eh_s(6):
بس يقوللي المس اليوم وزعت هدايا على كل الاطفال بس انا وصديقي ما عطتنا قتله ليش يمكن مسوي شي غلط فقاللي بس سويت جذيه(وانسدح على بطنه على الارض) اللي يسوي جذيه هذا غلط عاد كسر خاطري حبيبي شلون افهمه ان كل شي له وقته !!!!!!!!!!!!
قتله ميخالف المس تحبك يمكنانت انسدحت وهي تبي تقول شي مهم لازم تسمعه جان يقول عادي يعني انا منسدح بس اذوني مفتوحه؛؛ شكله الاخ امبدع بالصف:dddds:
:dddds:اي
اكسبت صف ولدج ايطاليا احنا ماليزيا عاد ولدي راكب عليه يصير ماليزي ههههههههاي
سكتي انا على الرحلة كله قلبي متى نروح بالباص ومتى نروح بالباص من اسبوعين يلبح قبل لايوزعون الاوراق الظاهر سامع طشار حجي عن الرحلة وقاعد يتحلم فيها فقير!!!!!!!!
تعالي للحين ما صار ولدج (ستار اوف ذ وييييييييك) وايدالفكرة حلوه تحسس الطفل بأهميته ووجوده بالصف يا حلوهم والله

 

[آخر العنقود79]

باك
يوم قوس المطر حده كان روعه ..الوان بألواااان
صج صج صج تمنيت اولياء الامور يكونون موجودين.
اليهال لابسين كل الالوان وبعدين طافو المدرسه وهم يغنون عن الرنبوووو وبعدين نشاطهم كان بالساحه ورسمو على الطوفه والساحه صارت كلها الواااااااان .

ودي احط صور بس مادري اخاف قوانين المنتدى ماتسمح .

الله شوقتينا بيبي ياليتكم عازمينا:eh_s(6):
ياحلوهم اليهال شكلهم بدعوا وناسه
خلينا نشوف الصور ما اعتقد مخالفه وايد بنات يحطون صور !!!
اي اسم مشرفتنا شقرديه تضبطنا افا عليج :eh_s(15):

 

[اي اسم]

باك
يوم قوس المطر حده كان روعه ..الوان بألواااان
صج صج صج تمنيت اولياء الامور يكونون موجودين.
اليهال لابسين كل الالوان وبعدين طافو المدرسه وهم يغنون عن الرنبوووو وبعدين نشاطهم كان بالساحه ورسمو على الطوفه والساحه صارت كلها الواااااااان .

ودي احط صور بس مادري اخاف قوانين المنتدى ماتسمح .

عادي حطي صور قوانين المنتدى تسمح
انا حطيت كذا مرة بتجمع اولياء امور مدرسة الحياة

بانتظار الصور

 

[رهوف]

ماشاء الله زين قاموا يبدون الرياضيات بالانجلش لان صج ما كان له داعي بس تبهدلوا عيالنا عالفاضي انا بنتي للحين تخربط بعلامات اكبر واصغر من الانجلش للعربي ... والمدرسه هالسنه وااااااااايد شادين عالانجلش لان ياهم انتقادات ان مدرسة الرؤية ضعيفه بالانجلش

 

[Accepted]

ما تفقدين غالي حبيبتي
اووووووووه عجيب الرينمبو دي حده مستانس يوم خذيته ويغني على الرينمبو حبيبي:eh_s(6): ويسولف عن المسرحية مالت ابله فرح مستانس عليها:eh_s(6):
بس يقوللي المس اليوم وزعت هدايا على كل الاطفال بس انا وصديقي ما عطتنا قتله ليش يمكن مسوي شي غلط فقاللي بس سويت جذيه(وانسدح على بطنه على الارض) اللي يسوي جذيه هذا غلط عاد كسر خاطري حبيبي شلون افهمه ان كل شي له وقته !!!!!!!!!!!!
قتله ميخالف المس تحبك يمكنانت انسدحت وهي تبي تقول شي مهم لازم تسمعه جان يقول عادي يعني انا منسدح بس اذوني مفتوحه؛؛ شكله الاخ امبدع بالصف:dddds:
:dddds:اي
اكسبت صف ولدج ايطاليا احنا ماليزيا عاد ولدي راكب عليه يصير ماليزي ههههههههاي
سكتي انا على الرحلة كله قلبي متى نروح بالباص ومتى نروح بالباص من اسبوعين يلبح قبل لايوزعون الاوراق الظاهر سامع طشار حجي عن الرحلة وقاعد يتحلم فيها فقير!!!!!!!!
تعالي للحين ما صار ولدج (ستار اوف ذ وييييييييك) وايدالفكرة حلوه تحسس الطفل بأهميته ووجوده بالصف يا حلوهم والله

لوووول آخر العنقود تصدقين شكلي باخذ الاخبار منج .. لان ولدي ما يتكلم كلش .. اقوله اشسويت اليوم يقول كليت او لعبت اسحب الحجي غصب.. بس الحمدلله وقت الهووم رووك اشوف ان زين ما شاء الله يعني معاهم على الخط .. بس هو طبيعته مثلي ما نعرف نعبر و نموت على البلعة:eshrab:
حتى ولدي ما عطوه شي لا يكون متشيطن؟ او يمكن كل مدرسة مسؤوله عن صفها و تجيب هدايا؟
و الرحله عرفت من الورقة هو ما يدري عن شي كلش .. و زين الحمدلله عندهم سوالف ستار اوف ذ وييك؟ ان شاء الله يتلحلح و مشاعر الغيره عنده تتحرك على شي يسوى :dddds:
بس تصدقين احس الولد من دش المدرسة صاير وايد شيطان بالبيت عندنا و بس شغال عناد ؟ .. مستغربة من هالنقطه تعتقدين يستدعي الموضوع ان اروح المدرسة على شان استفسر عن هالتغيير ؟ و شي ثاني بعد مضايقني .. ما احس ان منهج الرؤية مأثر على الولد ولا اييب له ذكر

 

[Accepted]

باك
يوم قوس المطر حده كان روعه ..الوان بألواااان
صج صج صج تمنيت اولياء الامور يكونون موجودين.
اليهال لابسين كل الالوان وبعدين طافو المدرسه وهم يغنون عن الرنبوووو وبعدين نشاطهم كان بالساحه ورسمو على الطوفه والساحه صارت كلها الواااااااان .

ودي احط صور بس مادري اخاف قوانين المنتدى ماتسمح .

و الله يا ليت تحطين لنا الصور .. انا شفتهم على الفيس بوك جزاها الله خير اختنا اي اسم دلتنا عليه .. وااايد حلوه

 

[Accepted]

ماشاء الله زين قاموا يبدون الرياضيات بالانجلش لان صج ما كان له داعي بس تبهدلوا عيالنا عالفاضي انا بنتي للحين تخربط بعلامات اكبر واصغر من الانجلش للعربي ... والمدرسه هالسنه وااااااااايد شادين عالانجلش لان ياهم انتقادات ان مدرسة الرؤية ضعيفه بالانجلش

الحمدلله ان شاء الله مستوى المدرسة يضير افضل لان فعلا الانتقادات وايد بس كل وحده مدخله عيالها الرؤية هدفها الاول الاخلاق و الشخصية السوية و على قولتهم الزين ما يكمل .. بنتج باي صف؟ عطينا تجربتج مع المدرسة ما عليج امر

 

[زيزو]

مشكورين بنات
ولدي صارله سنتين بالمدرسه وان شاء الله بدخل ولدي الثاني الحين
بنات المدرسه اوكي وومدرسه ولدي لما كان بالكي جي 1 كانت تهبل اسمها مس هدى
بس ابلته الحين اجنبيه والصراحه ماتبرد القلب وماتدري عن اليهال

 

[Accepted]

مشكورين بنات
ولدي صارله سنتين بالمدرسه وان شاء الله بدخل ولدي الثاني الحين
بنات المدرسه اوكي وومدرسه ولدي لما كان بالكي جي 1 كانت تهبل اسمها مس هدى
بس ابلته الحين اجنبيه والصراحه ماتبرد القلب وماتدري عن اليهال

ما شاء الله الله يخليهم لج .. انا بعد مدرسته اجنبية بس الحمدلله زينه و بالاجتماع قالتلي كل نقاط ضعفه
بس من اي ناحية مضايقتج قصدج تحصيل ولدج صار اقل من العام؟

 

[زيزو]

ما شاء الله الله يخليهم لج .. انا بعد مدرسته اجنبية بس الحمدلله زينه و بالاجتماع قالتلي كل نقاط ضعفه
بس من اي ناحية مضايقتج قصدج تحصيل ولدج صار اقل من العام؟

يعني تحسين مومهتمه عمرها مادقت علي عكس مس هدى كل اسبوع تدق علي تقولي شسوا ولدي
وتصلح الهووم وورك بالغصب

 

[Accepted]

يعني تحسين مومهتمه عمرها مادقت علي عكس مس هدى كل اسبوع تدق علي تقولي شسوا ولدي
وتصلح الهووم وورك بالغصب

مادري يمكن انت حاسه بالفرق لان مس هدى مهتمه بزياده .. لان مو من عادة المدرسات يتصلون .. و انت لاحظي ولدج اذا مو عاجبج مستواه لا تسكتين

 

[بيبي-الحلوه]

كلمو مس نسرين بخصوص اي شي بالروضه والله انها تبرد القلب
و اليوم قاعده تسولف انها مسويه قروب فيس بوك حق اولياء الامور
يابختكم