تجمع امهات مدرسة المستقبل ثنائية اللغةfbs

[توت عنكبوت]

هلا وافية صاجة

دايم ولدي يقول عن هذا غابرييل انه مزعج حيل

 

[أم جوري]

هههههههه انا قلت في شي غلط بالبترفلاي بس مادري شنو...
وترى انا سالت مس جنان عن كلمة whizوقالتلي معناها smartيعني ذكي بس الترجمة مايطلع هالمعنى مادري ليش؟؟؟
وبالنسبة للكي جي 2 انا ولدي فيها بعد بكي جي 2 ريد عند مس كاثرين واللة انا اشوف مستواة حلو يقر ا الحروف ويكتبها يكتب اسمة وحافظ اغاني بس مافي واجبات صح انا يحتر ولدي هذا من اخوة يبي كل يوم واجب نفس القريد 2
وبعدين الواجب موبيوم واحد ينحل انتي ليش تضغطين علية حرام المس تعطينا الواجب الخميس وتقول ردوة قبل الاربعا الجاي ومكتوب علية بس احنا نحلة ونردة الاحد انتي اي صف ولدج؟؟؟؟

انا ما اخليه يحله بيوم واحد .. المشكلة انها تاخذه ثاني يوم
هو بكي جي 2 قرين kg2 green احسه كلش ما يعرف شي لا حروف ولا اغاني ولا قرآن عكس النموذجية كان يحفظ .. عكس اخته ما شاء الله يوم بالروضة تعرف تتكلم ..

 

[وافية*]

انا ما اخليه يحله بيوم واحد .. المشكلة انها تاخذه ثاني يوم
هو بكي جي 2 قرين kg2 green احسه كلش ما يعرف شي لا حروف ولا اغاني ولا قرآن عكس النموذجية كان يحفظ .. عكس اخته ما شاء الله يوم بالروضة تعرف تتكلم ..

حسب المس مالتة منو...؟؟؟ لايكون مس كايت انا ماجربتها بس شكثر سمعت صراحة مايمدحونها كلش.. احنا واللة الواجب يجينا الخميس ولايطلبونة الا الاربعا اللي وراه يطول بس اقولج بس احنا نردة الاحد يمدي بالويك اند يخلصة

 

[توت عنكبوت]

يا هووووووووووه ويننكم

مختفين

 

[وافية*]

اي واللة طاخين البنات مادري وينهم...

 

[كويتيه مول]

انا ما اخليه يحله بيوم واحد .. المشكلة انها تاخذه ثاني يوم
هو بكي جي 2 قرين kg2 green احسه كلش ما يعرف شي لا حروف ولا اغاني ولا قرآن عكس النموذجية كان يحفظ .. عكس اخته ما شاء الله يوم بالروضة تعرف تتكلم ..

أنا ولدي كان العام بكي جي 2 قرين طلع من هالمدرسه مو عارف رأسه من كرياسه تخيلي الحين بحكومه :eh_s(1):وقاعده اسسه من الاول حتى الانجليزى جبتله مدرس خصوصي عشان يأسسه حسافه على السنه اللي طافت ما أحسنت الاختيار كلش :krkrkr:
بس الحين ودي بروضه سنعه تأسس بنتي موبس نقط فلوس على الفاضي تدرين اشوف صبيان بمدرستنا جايين من الباكستانيه والله مستواهم حلو عكس ولدي لو تشوفينه ماتقولين العام كان بروضه ثنائيه اللغه بس الباكستانيه صعبه ما قط بنتي فيها

 

[وافية*]

مرحبا بنات شخباركم ها وينكم بعد الشهادات مالكم حس كلش...
واللة انا انصدمت ن الشهادة بالرياضيات ماتوقعت كللللللللش ياخذ هالدرجة ولدي ولما رحت للمس جان تقول اول ماشافتني انا مااحتاج اني اشوفج على ابو انة ولدي شاطر واسم اللة علية درجاتة توب مادري ليش معطيتة هالدرجة
انتو شخباركم ويا الشهادات...

 

[وسومه الحلوة]

مرحبا بنات شخباركم

مادري شفيه منتدانا مايشبك معاي

شخبار الشهايد انا عن نفسي ماني راضيه عن درجة ولد بالماث والسينس ولما رحت الاجتماع تقول ايه الفتره الي غابت فيها ماتقيموا عدل بس هذا ظلم بصراحه

ومس شاديه سألتها عن الحفظ تقول معطينهم حصه وحده للحفظ فتقول مالحق عليهم مثل السنه الي فاتت لاني بصراحة جربتها بقريد ون كان يجي حافظ ماشالله فستغربت

 

[وسومه الحلوة]

بنات شفتو ورقه العمل للماث اليوم المسأله الي تحت فيها غلط بالاجابه صح؟ الايتي المفروض بالاختيارات حاطين بدالها ايت ساعدوني تكفون

 

[وافية*]

شفيها المسالة يبيج تختارين العدد اللي آحادة 8 وحاطلج ايتين(18) وايتي(80) وايتي سيكس (86) والاجابة الصح الاولى ايتين

 

[وسومه الحلوة]

اييي فهمت صح صح

ثانكس حياتي ماقصرتي يمكن لاني مشغوله بشغلي مال الدوام ماركزت

 

[وافية*]

انزين بنات المس تصلح الهومورك لعيالكم انا من الاسبوع اللي طاف ماصلحتلة مادري ليش؟؟؟

 

[وسومه الحلوة]

هلا وافيه


لأ مادري شفيها ماتصلح

طيب النشره الي حق العطله يدأ الدوام الاثنين مو المفروض الثلاثاء اول يوم دراسه؟

 

[وافية*]

الكويز مال السبيلينغ مو المفروض باجر...؟؟؟امس اتبة المس يوم الثلاثاء 24-11 واليوم كاتبة يوم الاربعاء 17-11 طبعا اكيد غلطانة المس لان التاريخ طاف بس الحين شلون الكويز يوم الثلاثاء ولا الاربعاء

 

[توت عنكبوت]

هلا فيكم شلونكم

كل اللي تشكون منه انا اشكي منه

المدرسة جدية حيل ومنزلة درجات عيالنا بالحضيض انا بصصراحة منصدمة من درجة الساينس والاجتماعيات باللغة الانجليزية وطبعا كلهم عند هالمس الغبرة اللي بس تلمح على الدروس الخصوصية .

والله لما درى زوجي انها ودها تعطيعم دروس خصوصية عصب وقال والله اطلعه من هالمدرسة بروجنا منحاشين من الحكومة الحين خاص ومن الابتدائي خصوصي !!!!!!!

لا حظتوا ان غابريل انتقل لصف ثاني بعد الشهايد (( طبعا امه مدرسه وتعرف المدرسات وانحاشت من جنان ))

الواجبات ما تصلحها كلش بس شاطرة انا نظامية ودقيقة ..

 

[وافية*]

مرحبا بنات شخباركم
اليوم رحت المدرسة اخذ ولدي وقالولي انة مس جنان طلعت من المدرسة مدري وين راحت وجابولهم مدرسة جديدة رحت كلمتها مادري شكلها باااااااردة اللة يستر ماحسيت انها لهلوبة وشاطرة مادري يمكن طبعها هادي...بس شلون تضبط الصبيان...واللة انا اقول لو يحطولهم مس مي ابرك صراحة الصبيان حابينها ومستانسين معاها عكس جنان وهذي الجديدة شكلها مدري شلون ماعجبتني اللة يستر يعني يبين على الوحدة اذا شاطرة ولا باردة ولدي يقول اسمها مس رولر:23_asmilies-com::

 

[وسومه الحلوة]

مرحبا بنات

شسالفة المس الجديده شكلها تعين جديد بعد مادري لان يقول ولدي ان مس مي قعدت معاهم وتعلمها ياربي شهالح على عيالنا فرقاها جنان انا انصدمت منها وخفت يوم الاجتماع جايه اسألها عن ولدي وتقولي قصتها يوم غابت وطلعت متعوره وشقالولها ورجلها سوالها مفاجأة وانا شكو وبعدها دخلت بسالفة الدروس الخصوصيه عشان جذي ماتعطي عيالنا من قلب انا بنطر على هذي اذا موسنعه الصراحة بخلي مس زينب تشوفلهم صرفه لان الظاهر يبون احد وراهم على طول ليش ندفع على عيالنا دم قلوبنا واي شي تعليمهم



بس بنات شفتوا الهوم وورك الماث شنو الورقه الاخيره مافهمتها شتقصد افيدونا

 

[المدرسه (مس)؟]

السلام عليكم جميعا وكل عام وانتم بخير ان شاء الله الاجازه كانت مريحه وستانستوا فيها
صحيح كلام الاولاد مس جنان طلعت من المدرسه وجابوا مدرسه جديده كانت بمدرسة الرؤيا امس داومت بس اليوم ما اجت بس كالوا باجر تجي والله كريم ان شاء الله تكون زينه وتعوض عيالكم عن الي فاتهم ما نكدر نحكم عليها الحين لان بعدها ما بدت التدريس .
homework الورقه الاخيره هي رياضيات تقريب الجواب او اختار الجواب الاكثر صحه يعني في ولد يرسم صوره يستخدم 10 الوان لو 100 لون طبعا الجواب يكون 10 وهكذا وانتوا حاولوا يا الامهات تقراوا السوال للولد وهو يحله لان حالين مثلهم بالمدرسه كثير فاعتقد الكل يعرف شلون يحله واي سوال انا حاضره

 

[وافية*]

مرحبا امهات شخباركم شخبارج مس مي
شرايكم بطريقة الهومورك الجديدة مواحسن من قبل؟؟؟انا احس جذية ارتب هومورك اسبوعي
وهم بعد عجبني طريقة الاسئلة اللي على القصة حلو جذية خل يتعلم الولد يحاور ويناقش ويجاوب عالاسئلة
وبالنسبة للصفحة الاخيرة من الماث نفس ماقالت مس مي خلى الولد يختار الاجابة المعقولة واحرصي ان ولدج يفسر ليش اختار هالاجابة انا جذية اسوي مع ولدي مابي بس الاجابة ابي يقولي ليش هذي الاجابة هي الاجابة الصحيحة واهو كلة يعتمد عالتقدير

 

[توت عنكبوت]

مرحبا

تبون الصج سالفة الواجب الاسبوعي حلوة بس انا ودي معاها نسخ كلمات السبلنق يوميا بدفت الواجب عشان الولد يحفظ الكلمة

انا انسخة بالبيت والواجب حليناه بيوم واحد .

مس مي مو مقصرة الله يعطيها العافية .