تجمع امهات مدرسة المستقبل ثنائية اللغةfbs

[توت عنكبوت]

انا ولدي ابتدت عطلته من يوم الاربعا بعد ما شفت انهم بس يقعدون من الصبح ويروحون وماكو شي بس العربي تدرسهم

وحتى سالت مس هدى عن الاملاء قالت اذا العدد قليل مش حمليهم

يعني غيبوا عيالكم

واجازة سعيدة لكم

ونشوفكم بعد 17 يووووووووووووم

باي

 

[وافية*]

هابشرو شلون الشهادات انشاللة زينة؟؟؟

 

[السوري 2008]

هلا والله وافيه الحمدالله زينه درجاته مع اني توقعت اكثر بس الحمدالله
بس بغيت اسالج شنو الفرق بين a اللي حاطين يمها رقم 1 وبين aاللي حاطين يمها رقم 2
والله يجزااج خير اذا رديتي علي

 

[توت عنكبوت]

انا ما رحت استلم الشهادة

تعاجزت من الطريق

بعد الاجازة ان شاء الله

 

[وصايف الزين 2]

بنات ولي يعافيكم ابي اسجل ولدي في هالمدرسة بس ماعرف متى التسجيل ولا الرسوم ابي وحدة دمها خفيف تفيديني ولها دعوة في ظهر الغيب انطركم

 

[وافية*]

هذا موقعهم دشي وانشاللة تلقين الاجابة عن اسالتج مع انة اظن ماسوولة تحديث من زمان بس جربي
http://www.fbskuwait.com/

 

[وافية*]

السوري حبيبتي مبروك عالشهادة بالنسبة لرقم واحد واثنين كاتبلج تحت انة واحد اكسلنت يعني ماخذ الa بتميز اما 2 يعني خذا a بس بمستوى جيد مومتميز

 

[وسومه الحلوة]

مرحبا بنات

الحمدلله شهادة ولدي زينه ومبـــــــــروك لكم على نجاحهم

والله كل بمجهودنا ومجهودهم مساكين بس يستاهلون حبايبي النجاح

 

[وافية*]

اي واللة يستاهلون وياللة اللة يعينا مابقى الا اسبوع ونرد للدراسة اوووووووف مالي خلق كللللللش

 

[توتا وحب الكويت]

بنات ولي يعافيكم ابي اسجل ولدي في هالمدرسة بس ماعرف متى التسجيل ولا الرسوم ابي وحدة دمها خفيف تفيديني ولها دعوة في ظهر الغيب انطركم

هلا أختى

أنا ما أنصحج أبدا ابدا بهالمدرسة ، المدرسة تجارية 100%

عفوا بالكويتي

فلوسج زايده موعارفه وين تودينها دخليه هالمدرسة


ا

 

[وافية*]

هههههههههههههههه واللة ضحكتيني توتا محترة منهم حييييييييييل واللة ماالومج بس شنو البديل؟؟؟

 

[أم الفهد]

السلام عليكم ورحمة الله وبركاته
شلونكم بنات حبيباتى بغيت اسأل عن مدرسه المستقبل اللى بالفحيحيل ما ادرى هذى اللى تقصدونها بكلامكم او لا شلون مستوى الانقليزى عندهم قوى والعربى بس اهم شى عندى الانقليزى لام ولدى بمدرسة كمبريج ومتعقده من هالمدرسه وبغير المدرسه مع العلم ان ولدى بسنه ثالثه ياريت تفيدونى و شاكره لكم

 

[وافية*]

ام الفهد اي هذي المدرسة اللي بالفحيحيل انا بالنسبة لي المدرسة زينة بس مستواهم هالسنة حيييييييييل تغير كمدرسين يعني كل مدرسينهم من اصول عربية وعايشين برة وهذا الشي اللي موعاجبني مع انة مومقصرين ترى بس اكيد غير لمايكون اللي يدرسون اجانب لان عندهم انضباط موطبيعي بس انتي ليش بتشيلينة من كمبردج شنو اللي موعاجبج فيها؟؟؟

 

[أم الفهد]

مشكوره أختى وافيه على ردج تعليقى على المدرسه انها صحيح انها كل مدرسين لانقليزى اجانب بس ما فيه تاسيس انقليزى هذى المشكله ولدى من اولى روضه عندهم يعنى كى جى بس ما شفت اى شى باللغه الانقليزيه ضعيف تدريسم بتقولين ليش ما طلعتيه من قبل ى يوصل ثالثه ن انا سالت وحده من اطالبات كنت برابعه ابتدائى عندهم وقلت لها تعرفين تتكلمين انقليزى عدل شلون دراسهم زينه ولبنه تقول ايه اثاريها لسالفه حظك نصيبك اذا طحت الاستاذ الزين تسس الولد واذا لا عليج العوض والا باطين جبدى كل يوم غايبه ابلتهم يعنى اذا كانت المدرسه قبل زينه الحين ما انصح احد فيها اعتقد السبب نهم يغيرون الاساتذه بستمرار بس بسالج مدرست ولدج زينه بالانقليزى ولا اى شى

 

[متنقله]

السلام عليكم
حبيباتي حبيت اسأل عن المدرسة ويين مكانها
والفصول البنات والاولاد مفصولين ولا لا
وجم الرسوم
واذا في تلفون ابى جزاكم الله خير

 

[وافية*]

مشكوره أختى وافيه على ردج تعليقى على المدرسه انها صحيح انها كل مدرسين لانقليزى اجانب بس ما فيه تاسيس انقليزى هذى المشكله ولدى من اولى روضه عندهم يعنى كى جى بس ما شفت اى شى باللغه الانقليزيه ضعيف تدريسم بتقولين ليش ما طلعتيه من قبل ى يوصل ثالثه ن انا سالت وحده من اطالبات كنت برابعه ابتدائى عندهم وقلت لها تعرفين تتكلمين انقليزى عدل شلون دراسهم زينه ولبنه تقول ايه اثاريها لسالفه حظك نصيبك اذا طحت الاستاذ الزين تسس الولد واذا لا عليج العوض والا باطين جبدى كل يوم غايبه ابلتهم يعنى اذا كانت المدرسه قبل زينه الحين ما انصح احد فيها اعتقد السبب نهم يغيرون الاساتذه بستمرار بس بسالج مدرست ولدج زينه بالانقليزى ولا اى شى

للة يعينا واللة الفلوس اللي نقطها عالمدارس الخاصة حساااااااافة فيهم بس انا مااقدر اودي عيالي حكومة من هالبلاوي وبالنسبة لمدرسة ولدي واللة زينة بس اكيد مونفس لما تكون المدرسة او المدرس اجبي اكيد راح تفرق س واللة بشل عام مس رولا احسن من غيرها بواااااااااجد مع انها جديدة

 

[وافية*]

السلام عليكم
حبيباتي حبيت اسأل عن المدرسة ويين مكانها
والفصول البنات والاولاد مفصولين ولا لا
وجم الرسوم
واذا في تلفون ابى جزاكم الله خير

مكان المدرسة بالفحيحل يم المنطقة التعليمية والبنات مبناهم منفصل عن الاولاد يعني مدرسة البنات مستقلة بروحها ماكو اختلاط

 

[توت عنكبوت]

ما شاء الله كثرانين اللي يسألون عن مدرسة المستقبل


انا عن نفسي حابه هالمدرسة حيل مستواها حلو

تربية وتعليم وعقاب انا احب الانضباط وادري لو ان ولدي بالحكومة كان انا من زمان مشيب راسي منه

بس المدرسة حيل حلوة ونظامية

 

[وافية*]

يابنات ترى مافي مدرسة توب وكاملة اكيد كل مدرسة عندها سلبيات وايجابيات بس بشكل عام المدرسة زينة وانا سمعت ناس واجد طلعو عيالهم من كمبردج بدون مايستفيدون شي عالاقل احنا عيالنا اسم اللة عليهم يقرون ويكتبون ويتكلمون وحتى بالعربي زينين يعني مستواهم حلو
حتى الكي جي الاحرف يعرفها يكتب اسمة مع انة حبيبي طوييييييييل الاسم وصعب علية بالانجليزي يتكلم حافظ قران
بس طبعا مايمنع انا نسعى للافضل لعيالنا انا اللي ابية من المدرسة الانضباط للصبيان زيادة وانهم يشدون شوي عليهم بس

 

[وسومه الحلوة]

مرحبا بنات

شخباركم مع العطله ؟

بنات شفتوا الهوم وورك السؤال الي رايت ريسبونس بالله شلون حله الي تعرف تعطينا الطريقه ويلي عافيكم حبايبي