تجمع امهات مدرسة المستقبل ثنائية اللغةfbs

[وافية*]

18 طلب بالصف على خبري ماادري اذا زادو؟؟؟
واللة توت حتى انا كنت قبل كل يوم اشوف الابلت واسالهم واشو ربعة بس بعدين مليت وشركتة بالباص وماعاد اروح الا قليل
وبالنسبة للسنة الجاية واللة ماتدرين يمكن تلقينا هني ومانروح انا ولدي اذا موبالانجليزية ماراح اطلعة وين اودية يعني؟؟؟مابي اجرب بولدي بعد خلاص

 

[توت عنكبوت]

هلا وافية

انا قلت ولدج ناصر مو عشان اول اسم لا انا ادري ان وافية هي ام ناصر العصفورة قالت لي

18 طالب عدد معقول .

بس انا ادري ان ولدي اكثر طالب بالصف يحب اللعب وينحاش عن الدرس باي شي حتى لو يلعب بالقلم وهذي هي مشكلتي مع انه اسم الله عليه ذكي وشاطر بالعربي والماث والانجليزي عقب ما فارقتنا مس جنان .

 

[وسومه الحلوة]

مرحب بنات

تدرون ان باجر عليهم امتحان بالساينس بس بالدرس الاخير الستيت ماتر ولا من الاول الكتاب البني ضروري بنات تكفون

 

[وافية*]

لا بس بآخر درس (حالات المادة) بس شنو هذا اليوم يطرشون الكتاب ويقولون باجر امتحان؟؟؟
مادري شلون بتكون طريقتة بس اتوقع تحويط على انواع المواد او توصيل ويكمل تعريف؟؟؟

 

[وافية*]

بنات مس مي ماشفتها من زمان ومالها حس كلش ولدي يقول ماتداوم عندنا
عسى ماشر محد يدري عنها؟؟؟

 

[توت عنكبوت]

كم مرة أسأل عنها يقولون غايبة ؟؟

صاجة وافية طريقتهم مو حلوة يطرشون كتاب العلوم ويقولون باجر امتحان ما حبيت هالطريقة كلش ..

مسكين امس درسته الكتاب كله مادريت ان بس بالدرس الأخير بس احسن خليه يفهم .

باجر قرآن بس سورة التين وبعدها خلاص بس الاملاء يوم الخميس

 

[وافية*]

باجر اختبار الماث وقرآن
وسبلنغ تست الخميس

 

[توتا وحب الكويت]

لاعادي ولايهمج انا قلت انة ماعندي مشكلة مع اي وحدة منكم واحنا هني نستفيد من بعض ونتناقش بالمستوى واللي عندها شي بالعكس يمكن هالملاحظات تفيدنا ونكون غافلين صج عنها يعني ان قلت كلامج عنهم كلة صح بس مايمنع ان عيالنا استفادو منها بس على قولتج احنا نتعب عليهم ونبيلهم الافضل
ولما اقولج انة ليش اقط 800 على منهج حكومة انا قصدي انة حرام عليهم هالمبالغ يعني ممكن تزيدينه شوي وتدخلينة مدرسة تكون معتمدة لمنهج الامريكي او الانجليزي ابرك من هالمناهج اللي مادري شلون صايرة
وعموما حصل خير سوء تفاهم واحنا كلنا خوات انشاللة ومابينا اي شي:gathering:

صاجه كلنا خوات انشاء الله ولج منى :hjy5jewf::eh_s(7)::aha:
لا تزعلين يالغالية

 

[توتا وحب الكويت]

الحمد لله تصافت القلوب

انا اقول توتا وحب الكويت سنعه ولا قصدها شي ههههه حبيبتي والله توتا

ووافية هم ما عليها قصور

كلنا خوات

المهم ::: مرة كنت عند مس زينب وجاء مدرس يوريها امتحانات اعتقد انا قايلة لكم الموقف من قبل

وراها ورقة طالب اجاباته نموذجية مية بالمية كان منتقل لهم من مدرسة الغانم وكانت تقولها للأستاذ اي هذا جاي من الغانم اكيد مستواه عال .

ما ادري وين هالمدرسة ...

بعدين بنات ترى موزين اولد ينتقل من مدرسة لي ثانية بيأثر عليه ..

انا ولدي عنكبوتي اهدده دايم بالباكستانية هههه اقول ترى ارجعك لها

والله انتي السنه وكلج عدل في عدل ماشاء الله عليج ووافية وكل البنات ماعليهم قصور ، يحليلج والله دافعين عني بغيابي :sfg:
الله يوفقج ويعطيج على قد نيتج ووفق ولدج عنكبوتج والله يجعله من الصالحين البارين يا رب

 

[وافية*]

سوري اختبار الماث يوم الاربعاء

 

[وافية*]

بنات القرآتن باجر بشنو بالضبط؟؟؟ردو علي بليز

 

[توت عنكبوت]

سورة التين كاملة بس

مكتوب بورقة المراجعه الدين

 

[توت عنكبوت]

وافية بشري ان شاء الله قريتي ردي عن سورة التين

انا ما شبكت الا الساعه 2 وبط\ كبدي المنتدى ما يشبك غثيث


باجر الماث اف مليت مربوطة مع ولدي بالدروس ما اروح لا سوق ولا شي ..

مس مي داومت سألت ولدي يقول بس غابت فترة وردت .

 

[وافية*]

اي داومت بس واللة شكلها تعبانة حيل انا اليوم كنت اكلم مس كاثرين مدرسة ولدي اللي بkg وشفتها مارة وعلى ماخلصت مس كاثرين الاهي رايحة مامداني اسلم عليها او اسال شفيها بس صج شكلها تعبانة اللة يعينها ويشفيها انشاللة
لا توت بعدين نبشت الورقة عدل يوم شفتكم مارديتو ولقيت مكتوب بسورة التين والحمدللة حافظها

 

[توت عنكبوت]

سمعتو القرار الجديد

مدارس الحكومة

اطالة اليوم الدرسي وبيجربون آخر السنة هذي اسبوع كامل بيمددون اليوم الدراسي على شان الوجبات الغذائية بالمدارس

الله يعين والله ضاق صدري حيل
مانبي وجبات غذائية خل يخلون ادوام على ما هو عليه احنا بيئتنا غير ونظام معيشتنا غير شكو يقلدون الدول الأجنبية يبون الدوام لي 3 العصر

الظاهر نسو قوايل الصيف عندنا

والله الخوف لا مدرستنا تطول اليوم الدراسي بعد موناقصين

 

[وافية*]

اللة يستر المستقبل السنة هذي قللو ساعات الدوام ماظن يزيدونها السنة الجاية

 

[وافية*]

اليوم رحت المدرسة الانجليزية موعدنا للمقابلة وانا داشة الا وحدة طالعة ولدها بالمستقبل الظاهر اللي بيطلعون من هالمدرسة واجد
المهم دشينا وخلتة يقرا قصة وسالته عنها شنو فهم وخلته يكتب ملخص للقصة ب3 سطور وبعدين اختبرتة بكلمات واصوات الحروف ومسالة جمع والحمدللة كان مستواة عاجبها وتقولي الولد فيري قود واستيعابة حلو بس احنا عندنا هني الصف الثالث هذا موابتدائي هذا متوسط :gr4uu: يعني الابتدائي عندهم بس اولى وثانية وتقول عشان مايتعثر بالمتوسط انا راح احطة السنة الجاية بثانية ابتدائي عشان يتمكن عدل من المهارات وبعدها يكمل بوضع جيد :s141: واللة ضاق خلقي شنو تردة سنة ورا هذا وهي تقول عنة ممتاز اجل اللي ميح شيسوون فية باللة​

 

[وسومه الحلوة]

مرحبا بنات شخباركم

وااي الحمدلله تم بحمده لوعت جبدنا هالامتحانات مابغينا نخلص

توت من صجج بطولون اليوم الدراسي حرام عليهم اصلا حتى المدرسات الله يعينهم متى يردون بيوتهم وبعدين جونا مايسمح بس ماعليج ماراح يقدرون يطبقونه اذا الناس عارضة ان شالله مايتطبق

وافيه الله يوفق ولدج ان شالله شوفي اذا ولدج داخل المدرسه صغير بعد شتسوين اذا اهي عاجبتج خلي يسجل فيها انت اي مدرسه تبين انجلش سكول ؟

 

[وافية*]

اي انا ولدي مواليد 19 ييناير داش مبجر يعني عادي لويردونة سنة بس يتأ سس عدل بس ابوة موراضي
المدرسة اللي ابيها مدرسة الفحيحيل الانجليزية efs
واللة مادري اذا عند ومارضى ابوة ماكو الا اخلية بالمستقبل بعد وين اروح؟؟؟
انتي شصار عليج وسومة بتخلينة بالفيوتشر

 

[وافية*]

حليتو واجب العربي الاسئلة اللي يطلعها من القطعة مالت الواجب؟؟؟
ضد بناء حطينا هدم صح ولا لا؟؟؟
وشنو ضد تعمير؟؟؟عليهم كلمات تغث...