تجمع امهات مدرسة المستقبل ثنائية اللغةfbs

[توت عنكبوت]

توتا وحب الكويت شلونج حبيبتي

عرفت ولدج منهو وعلى فكرة ان كان ولدج اللي قي بالي ع احنا تلاقينا بداية السنة وسولفنا ....

اعزفي معانا في صفحتنا ولا تحرمينا من نغماتج

 

[Danat al kuwait]

السلام عليكم

شلونكم ؟ أنا بصراحة هذه أول مشاركة لي و شاركت بالمنتدى علشان موضوعكم .. أنا ولدي كان بمدرسة المستقبل قبل سنة و ألحين ودبته الرسالة .. و الله يا خوات معاملة مدرسة الرسالة حلوة مع أولياء الأمور .. بس تدريسهم ولا ببيزة ما ينبغى شكلي برده المستقبل مرة ثانية حبيبي لعوزته من مدرسة لي مدرسة ههههه

 

[توتا وحب الكويت]

توتا وحب الكويت شلونج حبيبتي

عرفت ولدج منهو وعلى فكرة ان كان ولدج اللي قي بالي ع احنا تلاقينا بداية السنة وسولفنا ....

اعزفي معانا في صفحتنا ولا تحرمينا من نغماتج

هلا بالغالية الحلوه توت
اشلونج يالغالية

تدرين لو انا فكرت لو بس 1 % اني اخلي وليدي راح اخليه بس علشان ما انحرم منج يالغالية

مشكوره لسؤالج
فديتج توتتتتتتتتتتتت

 

[توتا وحب الكويت]

حياج الله بينا مجنونة نت

صراحة صاجة اذا كانت المدرسة مو شي تكرهين المدرسة باللي فيها

احنا بداية السنة عانينا مع مس جنان والحمد لله طست وعوضنا الله خير بمس رولا ممتازة حيل وقلبها نقي وصافي عالعيال تدرس بضمير وان دقيت قلت لها مو فاهم عادت له الدرس ما عندها مشكلة و

الحمد لله ارتفع مستوى ولدي معاها حيل عكس مس مجنونة عفوا مس جنان استغلالية ومتخذة سياسة المصريين درس خصوصي ..

ههههههههههه اشفيج حطيتي على المره

مجنونه :dddds:


تدرين كانت تعلني
كل ما اروح اكلمها تقولي زوج مال أنا كويتي
ودي اقوللها وبعدين بس شنو تقولين

 

[مجنونة نت]

آلله يحييكم إن شآء آلله..

أنآ كلمت مس زينب قآلت لين 3 / 6 آلآختبآرآت.. بس آخر يوم دوام للمدرسة كلهآ 10 / 6

وقآلت لي أتأكد أكثر من مس آسرآء بخصوص جدول آختبآرآت قريد 2 لآن يمكن يخلصون آخر 5

بس كل مآ أدق تلفونهم يآ مشغول يآ مآ يردوون وإن ردوآ ردت آلمسعدة وقآلت آتصلي بعد شووي

إلآ على طآري شرآيكم نحن عليهم يخلصون آخر 5 ترى آلحنة شي مع هآلمدررسة

 

[توت عنكبوت]

الله كان زين يخلصون مبجر

عالعموم هم حفلتهم 20/5 بعد الحفلة اكيد بتبدا الامتحانات وبعدها العطلة والنوم للقوايل ..

 

[توت عنكبوت]

السلام عليكم

شلونكم ؟ أنا بصراحة هذه أول مشاركة لي و شاركت بالمنتدى علشان موضوعكم .. أنا ولدي كان بمدرسة المستقبل قبل سنة و ألحين ودبته الرسالة .. و الله يا خوات معاملة مدرسة الرسالة حلوة مع أولياء الأمور .. بس تدريسهم ولا ببيزة ما ينبغى شكلي برده المستقبل مرة ثانية حبيبي لعوزته من مدرسة لي مدرسة ههههه

أكبر غلط انج تنقلين الطالب من مدرسة لي الثانية ..

انا بالنسبة لي مرتاحة بالمستقبل وولدي مستانس وشاطر ياربي لك الحمد

 

[توت عنكبوت]

هلا بالغالية الحلوه توت
اشلونج يالغالية

تدرين لو انا فكرت لو بس 1 % اني اخلي وليدي راح اخليه بس علشان ما انحرم منج يالغالية

مشكوره لسؤالج
فديتج توتتتتتتتتتتتت

حياج الله توتا

 

[وافية*]

السلام
شخباركم ان شاء اللة مرتاحين
باجر عندهم حفلة بتسويها مس رولا عشان الولد اللي مسوي عملية يقول ولدي مس رولا تقول باجر بجيب بوب كورن ونحتفل بهادي...واللة ماعرف الولد ولا ادري امة معانا ولا لا بس الف الحمدللة على سلامته وعسى اللة يخلية لاهلة ويصلحة
بنات اللبس بتودونة للمس ولا عندكم مادري انا مرتين وديتة خذت الاغراض وردت اللبس وكاتبة بالورقة جيبو اللبس مال المسرحية بالدايري الازرق؟؟؟متى بتودون لبس عيالكم؟؟؟

 

[بنتي بنت ابوها]

بناااااااااااااااااااااات الحفله 20 مايو هذا حسب كلام مس نادين لي اليوم

واحنا طالبين عليه بدي ولغينز اخضر ساده مادري من وين اييبه

وشغله ثانيه واهيا الاهم بتجيبون كاكاو معاكم بلحفله والا لأ

ما ودي اكسر بولدي واقصر فيه واحسسه انه اقل من غيره لوووووووووووول<<<<<<<< انا الحساسه مو اهو

المستقبل والله تعامل مدرسينها حلو بس الريسبشن ولا شي وليش ما يسوون حفله للمتفوقين حرام يتساوى التاعب واللاعب مع بعض

لازم نقترح عليهم اقتراح حفله المتفوقين وخو كلا على حسابنا والا شرايكم

 

[مجنونة نت]

آللبس يآخذوونه يشوفونه ويردوونه عشآن تلبسينه إيآه يوم آلحفلة مآ عدآ لبس آلحيوآنآت تقول يلبسه عندهم عشآن حرر

بنآت بسألكم حنآ نرووح وآلآ لآ؟؟ ولآزم نودي معآه كآكآو وهآلسوآلف؟

 

[وسومه الحلوة]

مرحبا بنات شلونكم

حبايبي الحفله راح يكون فيها تكريمهم يعني نسويلهم ككاو ؟

لان السنه الي طافت خذينا لهم وماعتقد راح يسون حفله ثانيه

 

[توت عنكبوت]

شلونكم بنات

يا حلوكم نسيتو التدريس والدراسة والسوالف كلها صارت بس عن الحفلة ...

اللبس اللي طلبته المس بس تشوفه وترجعه عشان يلبسه يوم الحفلة ..

 

[وافية*]

مرحبا
بنات اكيد تودون كاكاو هذي حفلتهم مادري انا السنة اللي طافت خذيتله وكانو كل الامهات تقريبا مسويين يستانسون ويوزعون على مدرساتهم
وبالنسبة لحفلة التفوق انا تعبت وانا اكلمهم ماكو فايدة يقولون في طلبة متفوقين بالعربي عكس الانجليش وفية العكس فحرام نظلمهم ونعدهم مومتفوقين؟؟؟باللة هذا عذر؟؟؟؟مالهم خلق عوار راس وعلى قولتج كلة من جيبنا شدعوة بيدفعون شي...
وبالنسبة للي بالريسبشن صج صج غثيثات ومن عمر اصلا ماعمرهم حطو وحدة سنعة اللي العام الكويتية هم كانت نفيسة بعد اللة يعين

 

[وافية*]

ههههههههههه وانا لوعت جبد المس كل يوم مطرشة اللبس ليما اخر شي قالت لولدي خلاص لاتجيبة خخخخخخخخخخخخخخخ شدراني كل يوم يرد يقول المس تبي اللبس باجر


بنتي بنت ابوها
شلون لقينز اخضر؟؟؟صبيان يلبسونهم ليقنز؟؟؟شفيها ابلتهم دايخة؟؟؟

 

[توتاتوتا]

سجلت عيالي و امس سوا لهم مقابله لkg1 و الله يعين شكلكم ما تشجعون الواحد يكمل فيها بس مجبر اخاك لا بطل ما لقينا تسجيل الا عندهم بس على الويتنق في الرساله ان شاء الله يقبلونهم قبل ما ندفع الرسوم و اما الابتدائي اذا بتقعد المدرسة كذا مالي نيه اكمل معهم

الله يعين و موب مضايقني الا سالفة الفلوس الي كل شوي يطلبونها منكم و ان فيه مدرسات مو على المستوى

و بصراحه لما دخلت فصل kg1 كان عندهم درس انجليزي مبين ان الاطفال شاطرين و فاهمين مادري هو من تدريس الابله ولا من البيت لان عيالي ما يعرون شي بالانجليزي و قابلت بقسم الاولاد ابله امريكيه هذي شلون يتفاهمون معها عيالي ؟

و زوجي دخل عن مدرسة عربي و عرضت عليها امتحانات الروضه و جابت الطلاب يقرون قدامه ! ويقول مبين شاطره

فالي في الروضه تفيدني بليز هم قد كلامهم ان التاسيس قوي

بليز ترا انا عيالي 3 يعني المبلغ موب شوي مره وحده

 

[توتاتوتا]

السلام عليكم

اختى توت اشلونج واشلون البيبيه

توت بالنسبه لعنكبوتج حرام انج تفكرين تودينه الوطنية
لا يا اختى لا تفكرين بهالمدارس
اذا انتي مقرره بمدارس عربية وديه نموذجي على الاقل ما يتغير عليه شي

الحين مدرستنا المقوره والمحترمه 1- مدرسينها ومدرستاها عرب ( فلسطينيات - لبنانيات قليل - مصريات اللهم فكثر - كويتيات غير متوفر - هنديات هاف هاف )
2- حمام سباحه جميل وعميق ( المهمه الاساسيه ( التبليل ) طمس الطالب بالحمام ويطلعونه ) :eh_s(14):
3- مدرسة نظيفه واستقبال اللهم يا كافي وعدم احترام
4- حراس :nocommint:
5- خدم ودادات على قولت ولدي نيوفورم شئ مطقمين ( الـــــــــــــــه ) روعه الصراحه
6- ملعب للكره جميل
7- مناوبات اي شي اثناء الفرص - مناوبه أخر الدوام معدومه :cxxxp:
8- الرسوم من الي يا سبحان الله من 900 الي 1750 خلال سنتين او ثلاث عين العقل اكيد هذي الزياده مقابل الخدمات الفندقية اللي قاعدين يقدمون لعيالنا الصراحه يستاهلون يمكن بعد شوي عليهم . :eh_s(4)::eh_s(13):


والمدارس العربية النموذجية
نفس هالخدمات بس على اصوله ومستوى راقي
المعلمات عربيات ومسنوى النظافه واشراف 100% عدل مناوبات الي نهايه اخر طالب - اهتمام بولي الامر - حفلات على مستوي - ترفيه وزرحلات - حمام سباحه مع مدربه - في كل الحمامات فراشات ما تتحرك منه - الفصول شرحه والاعداد قليله
التعليم والتدريس في بشكل ممتاز مكثثف عربي ومكثف انجليزي - باصات كل المناطق ومعاهم مشرفات في مدارس معلمه او معلم وفي مدارس فراشات - في اي وقت تقدرين تستفسرين عن ولدج ويهتمون بولي الامر ويسمعونج عدل ويحلون مشكلتج - ولا كل هذا نظام ثابت ومعروف - والا حفلات التفوق في قاعات فخمه وحفلات اكثر من رائعه - وفيها تكريم الطالب الممتاز ويحس انه الطالب ما تعب على الفاضي .
كل هذا ب 600 في مدارس و750 مدارس اخري وغي 725 ولا واللبس والكتب مع الرسوم
واذا تبين احصرلج المدارس الزينه بمنطقتنا راسليني على الخاص



بس توت لا تفكرين بالاهلي مو ليه راح تعقدين الولد المدارس الاهلية جنها الباكستانية واسوء
عموما الله يسترها مع عيالنا ويوفقهم

اختي ياليت تفيديني باسامي المدارس العربيه النموذجيه في المنطقه العاشره و اماكنها و شكرا

 

[وافية*]

حبيبتي توتاتوتا انا اقولج مستوى التدريس الحمدللة عندهم ممتاز بالنسبة للمدارس الموجودة حوالينا ومنهم الرسالة الكل يشتكي من المستوى المتدني لعيالهم بس العيب في مدرسة المستقبل الاستغلال وحب الفلوس بس كمستوى لاواللة ليش مانقول الصج حتى البنات اللي موعاجبتهم كلهم يشتكون من الاسلوب او الاستغلال بس كمستوى طلبة لاواللة يهبل يقرون ويناقشون ويكتبون اسم اللة عليهم انا صراحة كنت هالسنة بادية اكون فكرة سلبية عن المدرسة وبغيت انقل عيالي بسبب الرسوم العالية يعني قلت مدام بزيد ادخلهم مدرسة اقوى بس بصراحة شفت حالتين واحد طالع من الرؤية من سااااااااااادس ابتدائي مايعرف كوعة من بوعة وواحد طالع من كيمبردج بعد حدث ولا حرج ف الحمدللة مستواهم زين
وعموما على حسب المس اللي تطيحين فيها في بعضهم ماعندهم ذمة ولاضمير واللة يعين

 

[بنتي بنت ابوها]

هلا حبيبتي وافيه
اي ابله ولدي طلبت لغينز عليه لانها تبي اللبس اللي داخل يكون ضيق وبعدين يلبسون ملابس الفقره فوق على اساس ما يكون شكلهم مبهذل

زين اذا فيه تكريم بالحفله راح يكون لمنو مو للمتفوقين؟؟؟؟؟؟؟؟؟؟؟؟؟؟

 

[توتا وحب الكويت]

اختي ياليت تفيديني باسامي المدارس العربيه النموذجيه في المنطقه العاشره و اماكنها و شكرا

هلا اختى

شوفي الخاص عندج كل شي بالتفصيل

الله يوفقج