انا عيالي كانوا بمدرسة روض الصالحين بس طلعتهم هذة السنة انا دخلت لان العنوان شدني
اول شى المدرسة من حيث النظافة ممتازة الحمامات على طول نظيفة ومن ناحية التدريس وهو الاهم موقوية كانوا زينين بس كذا مدرسة اطلعوا منها
انا ولدي 7 سنين فيها صج موشوية بس انا اللي ادرسه ومتابعته امتحانات اسبوعية وتسمى paper sheet وكل عطلة اسبوعية وراها امتحان لازم زالادارة وايد ضعيفة الناظرة لا تحل ولا تربط اللي يتحكم بالمدرسة صاحبه العليان وياريت ماتطرين انج تعاملين معاه اسلوب مومحترم يشخط بالمدرسة جدام ولي الامر بدون اي احترام وياريت الموضوع يسوا
ولدي الثاني كان ثالثة ابتدائي ضعيف جدا باللغة العربية وكانت ابلة تقول ممتاز وشاطر وانصدم لما اشوف الشهادة مقبول وين الحجي وديروا بالكم منها اسمها نسيت بس ابوها اسمها افندي ما ينسي كنت اشتكي عند الادارة ويقولون اهنا عارفين كل من يشتكي منها وبعدين شنو الحل انا اللي كليتها رحت دخلته تقوية قط فلوس مني ومناك .
طلعتهم منو عشان هذة الاسباب لأن ولدي العود متعلق بالمدرسة وايد ويقارنها بمدارس الحكومة.السبب اني ولدي لما داوم وقفه العليان وخلاه عند مكتب التسجيل لأن يقول مادفع فلوس التسجيل وهي 100 دينار مع العلم ان احنا ندفع اول باول مانتاخر شنو 100 دينار بالنسبة 1350 دينار تندفعلك كل سنة وياريت احد دق ولدي ياعمري دق يبجي ليش ما دفعتوا انا واقف بره زوجي موعصب ما دري اشلون وصل المدرسة يعني شنو راح تكون نفسيت ولدي اول يوم دراسي وجدام ربعه والمشكلة ان ريلي ضيع الوصل واضطرينه ندفع مرة ثانية المبلغ. وغير ان العيان تهاوش مع زوجي وصوتهم كان وايد عالي جدام الأادارة واولياء الأمور واخر شي يقول حة زوجي موعاجبك طلع اعيالك والله ما خلصت السنة واحنا كارهين المدرسة نبي انطلع العيال يعنى هذا مواسلوب تعامل . انا ادري طولت عليكم بس حبيت اوضح لكم نقاط علشان اتعرفوا اتعاملون معا هالمدرسة واحفظوا على الوصل لا تقطون علشان يثبت انكم دفعتوا. والمدرسة يقول حق ولدي بالصف ما اعطيك كتب لأنك ما دفعت خوش تربية.
انتوا جيزان تجمعنا اقصد جيران مدرسة ولدى
