تجمع امهات مواليد شهر سبتمبر ( 9) 2011

[Dancing^Queen]

فير الخير
نسيت اسلم

ماكو احد اليوم غيري؟

 

[pяiήcєşš]

لاااا اكووو ..

 

[Dancing^Queen]

ياحيا الله برنسس
حياج شلون البيبي؟



بنات بسال
الحين انا بصبغ وبسوي هايلايت
بخاطري يا اسوي ريلاكس حق شعري او شي جذي مجربه الكيراتين قبل بس ان صبغتي عقبه موشي يروح ويخف
شرايكم شتنصحوني؟؟

 

[pяiήcєşš]

الشر ماااييلج كوووين والله ماااعطوه دوا بس ادول تقول الدكتوره توه صغير ع الادويه بس رضعيه طبيعي ويصير زين ان شا الله
وللحين ماطلعت من الاربعين بااجي 5 مادري 6 ايااام والله نسيت مخ ماااااكووو ..

 

[April 29]

كوين قصه غاده تقريبا بووي طويل انا كلش مابي بوي ومابي قذله
خلاص بقص كاريه عادي شوي مدرج علشان حتى بدون ستريتنر يصير حلو
وانا استخدم ستريتنر مرات مو دايما بس تصدقين مادري شنو ماركته طالبته من النت بس حده عجيب بعد
هم بجرب ماركتج بعد
لاني احب الاستشوار اكثر من الستريت ماحبه يلزق وايد

سنتوشا اي عرفت قصدج انا مو حلو علي هالاستايل كلش اصير مهتوله
بروحي نتفه وقصيرونه وويهي ضعيف نوعا ما ابي شي كيوت هالسوالف كلش مو شي علي

 

[April 29]

اي روتين صاجه كوين جربي ميبو عجيييييييييييييييييب
حتى حق الجروح قاعده استخدمه وحده بوحده بليله يروح الجرح وينشف
مادري ويني عنه هالكريم من زمااان

 

[April 29]

نسيت اسلم

شلونكم الموجودين :*

 

[pяiήcєşš]

روتيين انصحج لبنتج كريم بيبااانثيين عجيييب للالتهاب مكان الحفااظ .. انا نفسج ولدي صارفيه وماانفع لا سودو ولااا غييره بس هالعصاااره نفعت معاااه ... وماتشششوف ششر



كوووين شوفي عندي لج نصيحه وشوفي الانسب اذا عمرج فوق الثلااثين اصبغي الوااان غواامج واذا تحت الثلاثين اصبغي فوااتح مثل الاشقر والهاي لايت وغيره ... وتراا في حريم مايبين فيهم العمر عاد هذول يصبغوون الي يبوونه

وحلات الوحده اذا طلعت من الاربعين تسوي تغييير جذري للوك تبعها <<<< جوويل ع غفله خخخخخخخخخخ 

اذاا ماقدرتي تغيرين بوزنج اشتغلي على شعرج .. من ناحيه الصبغ والقص

 

[pяiήcєşš]

اهلييين ابرريل .. رسيتي ع الكااريه ؟؟ هم الكاريه حلوووو

ان شاا الله تطلعيين احلى عرووس



اييي صج مافي اخبار عن ملح ؟؟

 

[Dancing^Queen]

والله كلنا نحاتي ملوحه وندعي لها الله يعدي المشكله علي خير وينصرها يارب


برنسس
تعالي بزفج
يوم انج مو طالعه من الاربعين ليش بتطلعين مطاعم وتخربطين بالاكل؟
ليش ماتنطرين هالجم يوووووووووووم نطري
يصير تطلعين تتمشين ماكسمم كافيه
بس مطعم وهالاشياءات نهي وكلا البته ونطري تطلعين من نفاسج حبيبتي
احنا اولد فاشن ماكو هالسوالف
لو امي اهني الله يرحمها جان خليتها تعطيج محاضره

وعلي الشعر
مادري بصراحه انا كل الالوااااااااااااان صبغتها
القوامج تكبرنييي
الفواتح اتصغرني

يمكن لان ملامحي مو كويتيه فمايمشي علي الغامج يبين ان مصبوغ اكلمج طبعا عن الاحمر الداكن ولو ان بطلت موضته
واكلمج عن الباذنجاني والبني الداكن حيل المسوود
يناسبني المهاوغني البنيات بدرجاتها والاشقرات طبعا مو الابيض
وهذي اكثر مده ماصبغت فيها ولو ان وحدت لون شعري قبل ولادتي بجم يوم بس صبغ عادي خلطت اشقر رمادي مع اشقر متوسط وصبغته بالبيت في صبغه متعوده عليها ايطاليه شزينها
صار لون شعري بني داكن بين الكستنائي والتشوكليت
يبله هاي لايت

وترا ناا ماتقيد بالعمر احب التريند واللي يناسبني ومرات يتني حالات اغلقه اعفس الاكو والماكو
الصيف اللي طاف يوم يينا نروح اسبانيا قلدت الاسبانيات قبل لانسافر سويت سبراي اون تان عند ليلي هارموني وخصلت شعري اشقرات
وقبل لا احمل وحدت لون شعري عشان ماتنزل الصبغه واتوهق
وشعري طال وايد متعوده علي فوق الجتف
وقصير ومقصقص
بس الحين شعري وصل لين حد الستيان فوقه شوي وهذا اكثثثثر طوووووووول يوصله شعري من ايام الجامعه

يعني انا وحده مجربه كللللللللللل شييييييي
اقترحو علي شو العمل


ابريل
اهي غيرت شعرها؟
كان كاريه مدرج! مو بوي
مادري يمكن غيرته

 

[April 29]

اهلا اهلا برنسس

اي رسيت على هالقصه



يارب يارب ما اغير رايي باجر واقصه <-- خايفه من عمرها
واي الحمدالله والشكر جني اول مره اقص بحياتي

حبيبتي عيونج الحلوه :*
والله لو اني عروس ماخفت هالكثر مادري شفيني :/

 

[April 29]

كوين اهو مو بوي بوي ولا كاريه كاريه
صاير كاريه جذاب خخخخ
انا ما احب هالطول مو حلو علي اذا خليته بدون استشوار اصير مأساه مع الكيرلي خخ

 

[Dancing^Queen]

april
خوش قصه بصراحه وايد حلوه عليج بالف عافيه ولاتغيرين رايج
ترا هذي اللي كنت اقصدها !
بس فيها قذله

 

[April 29]

اي طول هالقذله زين مع الكيرلي تصير حلوه

انا اقصد مابي القذله الصغيره يعني ابي اقصر خلصه بشعري تصير تحت اذوني

بس ترى هذي كلش مو نفس غاده روزقي يمكن انتي خبرج فيها من زمان الحين شعرها مشابهه للبوي

 

[April 29]

اي ونسيت اقولج الله يعافيج حبيبتي وخلاص انشالله ما اغير رايي

 

[April 29]

بنات متى ناوين تحملون انشالله مره ثانيه ؟ علشان نحمل كلنا مع بعض ونسوي تجمع نصير مع بعض بعد لوووووول
والله وناسه يصير تصدقون ههه
<--- بتنطقين الحين ماصدقوا ولدوووا

 

[Dancing^Queen]

ابريل علي موضوع الحمل اهلي (خواتي) يحنون علي لاتطولين عقب هالبنوته حملي بسرعه يعني ماكسمم سنه ونص
انا ناويه ان 35 اكون يايبه كل اليهال اللي ابيهم واجابل عمري بعدين
يعني جدام جم سنه ان شاءالله
ووجهه نظر خواتي لاتطولين احسن مايصير فجات بين عيالج لاني اخذ بين الياهل ووالثاني 4 سنين وفوق
مادري
اشوف ان اربع بنات الله يحفظهم ويخليهم نعمه من رب العباد الله يعيني علي تربيتهم ويصلحهم ويطرح فيهم البركه
وبهالدنيا يالله نقدر نعيشهم ونسفرهم ونونسهم ونخليهم يعيشون بمستوا مناسب وماندري علي وقتهم يمكن حتا الجامعات خاصه

اهلي يقونلولي لازم اخو لهم ريلي ملتزم الصمت ومايناقش هالموضوع
انا بعد احس مرات ابي اخو لهم
ومرات اقول يامره 4 كافين وماتضمنين ان الحمله اليايه ولد
يعني الاسئله كاالتالي:
هل بتحملين مره ثانيه بعد والا اكتفيتي؟
واذا اي متا ناويه وليش؟
يالله جاوبي

 

[Dancing^Queen]

شوفو القصصه هذي
او بالاحري طريقه الشعر هذي

 

[April 29]

القصه اي حلوه بس طريقه القذله ماتضبط على اي ويه

وعلى سالفه الحمل
هل بتحملين مره ثانيه بعد والا اكتفيتي؟
اي انشالله بحمل مره ثانيه لان هذا بجري وما ودي يكون بروحه ابي له اخت او اخو ماتفرق معاي
الخيره فيما اختاره الله
ريلي حاط ليمت بس 2 بيبي وهم انا ماتفرق معاي 2 او اكثر
<-- والله قنوعه اسمالله علي هههه
واذا اي متا ناويه وليش؟
مفكره لما يبدا يمشي علشان يشيل عمره شوي مايصير اهوا واللي ببطني كلهم مع بعض

 

[April 29]

وكوين اسمحيلي بتدخل شوي على حمالج
اذا انتي بتحملين بس علشان الولد وانتي اساسا مكتفيه ب 4 بنات
انا اقول لا تجازفين وتحملين
لعدة أسباب
اول سبب مثل ماقلتي تطلع بنت مو بالضروره ولد
ثاني سبب ان بهالزمن اللي احنا فيه البنت شايله البيت واهلها ومخلصه المشاوير اكثر من الولد
الولد بس اسم ان عندي اخو
فمابالج الزمن بعدين شبيكون ؟؟
والف الحمدالله 4 بنات نعمه وصاجه المعيشه الحين غاليه وماودج تبخلين عليهم بسفر وطلعه وسوق وكشخه تبينهم اكيد احسن واكشخ البنات
خصوصا انهم بنات مو صبيان يعني المصرف دبل مرتين من الولد

وسامحيني على التدخل