تجمع امهات مواليد شهر سبتمبر ( 9) 2011

[aseman]

صباح الخير
هذي طريقتي في عمل البان كيك. او تسمونها قروص خبز. او جباتي خفيف كيفكم
لكن اهم شي تستخدمين طحين بر مو عادي
لان العادي يطلع كرش اما البر يخفيها
ولذيذ حتي لليهال. يحبونه. حطي لهم داخله جبن او بيض ولفيه مثل الجباتي


بان كيك :
======
2 كوب طحين.3 بيض.1 كوب حليب بودر.بيالة زيت. م ك بيكن بودر.بيالة سكر.ذرة ملح.2كوب ماء.
يوضع نص بياله مِنْ الخليط بمقلاة تيفال بدون دهن وتترك قليلا ثم تقلب.

تسلم ايدج حبيبتي بجربها انا عادتا استخدم مال علالي بس بجرب طريقتج

 

[aseman]

ست666 حمدلله على سلامتج ونورتي الديرة وحليتي الجو بعد

 

[رووتين]

ابي اناااااام وبنوتي ملعوزتها الغازاااات شسوي

 

[زينانه]

ام كشه ميخالف جابلي بنتج والله شوي شوي تتعوديت عليها

واذا تبجي من الغازات عطيها ماي غريب. او نقط بالصيدليه اسمها قاز
تهبلللل تريح البيبي

ملح الدنيا. بسألج هذا البيبي الثاني والا الاول لج؟؟
واشفيه ريلج جذي عليج. تو دايم جذي والا اول مره

 

[مطرها يسبق رعدها]

٦٦٦ ستات الحمدلله على السلامه فديييييييتش

روتين حليب ابتاميل كامفورت للي فيهم غازات انا ماستخدمته بس كل اللي جربوه يمدحونه

انا كنت استخدم ابتاميل العادي وبعدين غيرته لابتاميل للارجاع لاني ولدي يرجع على طول ةالحمدلله ناسبه

وكل الدكاتره مدحو لي ابتاميل

وفيه قطره زينه للغازات وترييييح نقاط بالفم معطيني اياها صيدلي بس رحت لطواري السد خفت لايكون فيها شي صرفولي نفس القطره

وامي راحت لدكتور خاص كتب لها نفس القطره اسمها Disflatyl سويسريه جربيها اربع مرات في اليوم تنقطين خمس نقاط

واذا بنتش كبيره اسئلي دكتور او صيدلي كم نقطه لان الكبار اعتقد عشر نقاط*

 

[HaMboOoSha]

ست ستات

حياااااااااااتي والله دمعو عيوني
الحمدالله على سلامتج
ونورت الكويت فيج يابنت ديرتي
وعسى الله يخليلج زوجج وعيالج واهلج كلهم ولا يحرمج منهم
ولا تشكرينا حبيبتي ولو ما سوينا شي كلنا خوات ونساعد بعض
وقضينا ايام حلوه مع بعض وذكريات احلى


ام قدور

شريت حلمات صناعيه واشوا قام يرضع


ملح الدنيا

الله يهديلج ريلج والله مادري شقولج أطباعه غريبه
يعني هذا اول بيبي وجذي!!
الله يهديه والله ما عنده سالفه يضايقج


بنات نصييييحه

طلعو بيبياتكم بالشمس اللي تكون من الساعه ٧ لي ٩
وايد زينه تعوض فيتامين دال
و زينه للي فيهم بو صفار
والتعرض للشمس بهالحزه مفيده حيل
هذي نصيحة دكتور
يقول مهم جداً ان البيبي وامه تحوشهم الشمس وخاصه بفترة النفاس

والطريقه

انج تكشفين ظهر البيبي للشمس مو ويهه بو ربع او عشر دقايق

 

[شقى عمري]

صباح السهر والتعب:eh_s(11):

شلونكم ياحلوين
طبعا أنا توه خلصت حفلتي
حفلة ولدي
حفلة بنتي
خخخخخ

طبعا هونت مابي اروح اكمل أوراق التوظيف اجلت الموضوع لي يوم الأحد

لان مو قادره أنام شلون اروح مواصله مااقدر

كلش مالي خلق اهتم بنفسي

لان أنا اللي قاعده تحوي بالبيت واعدل واشيل

الله كريم

 

[pяiήcєşš]

بناااااااااااااااااااااات وحشتووووووووووووني :$


شلوونكم شخبااركم

ادري محد فقدني



ست 666 فدييييييييييييييتج نووورتي الديييره يااقلبي ماا تتصورين اشكثر فرحتلج




حمبوووشه شخبارج مع النونو ؟؟ تصدقين ذكرتيني بالشمس ودي اطلعه باجر خل يتشمس شووي



ملح الدنيااا حيااتي انتي لا تضاايقين هوونيهااا ... بسس عندي احساس انج مدلعه ريلج زياده عن اللزوم ؟؟؟

 

[aseman]

افا برنسس ليش محد فقدج بالعكس

 

[pяiήcєşš]

شقى عمري الله يعييينج انا بولدي الرابع كنت نفسج توها طالعتلي الوظيفه وعندي ثلاث عيال وكلهم صغااار بس اذكر اني كملت اورااقي قبل الولاده بسس بقى اخر ورقه الي اهياا فحص الاشعه الصدري وقالولي بعد الولاده جيبيهاا ,, قلتلهم متى يعني ..؟؟ قالوو متى ماصار لج خلق اداومين !!! وبس طلعت من الاربعيين ركضت ع الدوام من خبالي لوو مرتااحه شهرين ما درو عني ... لانه حمااتي نفس طريقتي وسكبتلهم عدل وعاادي اقبلو اوراقها وداومت



يعني ارتاااحي الحين ولا تفكرين بالوظيفه اهم شي صحتج ...

 

[pяiήcєşš]

افا برنسس ليش محد فقدج بالعكس

فدييتوووج اسسسيما اتغششمر معاااكم :d

 

[pяiήcєşš]

بناااااااااات بالنسبه للغاازات حق البيبي والله مااالكم الاا الكموووووووون

لا تقولون صغير وماا ادري شنوووو الكموون ماايضير ابد لووو بالليل تحطيله بالمميه رقم واحد ويشربه موووو طبيعي ويررريحه وينظف بطنه وتحلينه بسكر نباااات ويشربه

صدقووني لو يبي يضر جان ضر عيالي واخواني وعيال خوااتي لانه من عمر واحنا نشربه لليهااال الي توه مولود لانه على طوول فيه غااازات

 

[شقى عمري]

برنسس
أنا فكرت جذي بعد


لان واااااايد هلكااانه وماعندي خدامه

 

[aseman]

برنسس احط كمون مقدار قفشه الشاي ؟؟ واغليه ولا لا

 

[Om_Ksha]

وااااي بنات الله يستر انا بالعياده بيشيلون الخياط :/

 

[pяiήcєşš]

ام كشه عاااادي ماايعوور لا تحاااتييين



اسيماا

اغلي الماي اول وبعدين حطي قفشه صغيره كمون وغطيه وبعد ربع سااعه ذوبي السكر نبااات فيه وحطيه بالمميه مو لازم يشرب واايد لوو رقم وااحد بسس يريحه حيييل وبتشوفين الفرق بأذن الله بيرتااح من المغص والغازات كلهااااا واذا انتي ترضعينه وتحسين فيج مغص او غازاات اغليلج كموون واشربيه واااايد زييين

 

[zntoosha]

بنات اول ماولدت ماكان فيني شي ،، الحين احس انه مافيني حيل مافيني طاقه كليت ماكليت احس بتعب ,, مع. انه مو قاعده ابذل مجهود بس نايمه ،، كنت اتحرك بس الحين احس بهبوط وادوخ !!

والسستر بنت للذين بدال لا انام وارتاح اقعد اسهر معاها اجابلها الاخت تييي مقفله منهارره تبي تنام ،، بشوفهل هاليومين اذا تمت علا هالحال بمشيها دافعتاها فلوس عشان اجابلها ولا ارتاح !!!!



ام وليييد
والله البنات حليوين ليلحين ماجابلتهم عدل عشان اعرف .. يارب تردلي عافيتي وصحتي وتقدرتي على تربيتهم انا مستغربه من نفسي موقاعده ابذل اي مجهوووود وحيلي منهد !!! بس هاليومين !! حتا الكل لاحظ ..

وبعد يومين موعدي للدكتوره تشيل الخياط واشوفها شتقول عن القرحه ،،
مادري شرايكم شنو الاحسن اكويها الحين ولا بعدين ،،

اذا الحين اصير ٧٠ يوم نفاس

اذا بعدين بعدها بفتره وجذي :/

مادري احترت ،، يااااارب تروح مني وماحتاج اكويها ،، مابي اطلع من الاربعين وفيني افرازات .، لاعت جبدي بالحمال

حياتي ماتشوفيين شر
وعالسستر ليش ساكته عنها دقي عالمكان الي طلبتيها منهم وسفلي فيهم انتي يايبتها عشان ترتاحيين ولا تجابلينها
انا عكسج السستر تقعد تجابلني واجابلها ماتسوي شي عزوز ينام بس تيي ويقووم بس ترووح ههههههههههههههههههههههههه مجرد انها تغيرله الجرح مره وحده وبس يرد يناام

بناااااااااات بالنسبه للغاازات حق البيبي والله مااالكم الاا الكموووووووون

لا تقولون صغير وماا ادري شنوووو الكموون ماايضير ابد لووو بالليل تحطيله بالمميه رقم واحد ويشربه موووو طبيعي ويررريحه وينظف بطنه وتحلينه بسكر نباااات ويشربه

صدقووني لو يبي يضر جان ضر عيالي واخواني وعيال خوااتي لانه من عمر واحنا نشربه لليهااال الي توه مولود لانه على طوول فيه غااازات

صاجه امي تسوي خلطه اعشاب رووعه حق البيبي ومن ضمنها كمون حب وسكر نبات وجم شي وااايد تريح الياهل حتى الام تقدر تشرب منه يريحها وحليبها يصير بدون غازات



ست 666 الف الحمدلله عالسلامه حبي والله يخليلج اهلج يااارب

 

[zntoosha]

بنااات انا يبت رداده ما شاءالله رووعه شااطره اهيا فلبينيه وتيي 10 ايام قالتلي اشياء اول مره ادري فيها منهم
لازم النافس ما تشرب عصير ولا فواكه فتره النفاس وحتى بعد 3 شهوور
وماتدش نادي ولاتسوي اي علاج بالليزر الا بعد 3 شهوور
والسباحه اول 10 ايام من الولاده ممنوعه
وفتره مساجها 10 ايام السباحه ممنوعه انا تسبحت ويتلي زفتني قالتلي انتي اذا تسبحتي تخربين شغلي الحين ماسكه نفسي مابي اتسبح ولااايعه جبدي مو متعوده ما اتسبح فترره طويله هههههههههههههههه
وتربط بطني بشماغ مره عالبطن ومره تحت البطن
اسلوبها فلبيني على كويتي قديم واهيا حبووبه تنصح واايد

 

[pяiήcєşš]

ماشااا الله زنتووشه علييج بالعااافيه
جم خدت منج على 10 ايااام ؟؟

والفواكه مفيده للجسم !! استغربت منها


وع طااري السبااحه انااا من هالاسبوع صرت اتسبح يومين وترك عشان يروح هالسواد كله >>> ملوووع جبدي

 

[ست 666]

الله يسلمكم حبايبي كلكم و يخليلكم راييلكم و عيالكم يا رب


الحمدلله واايد مرتاحه الحين قاعده عند امي و اول ما اخلص الاربعين برجع بيتي

بنات ابي اطلب خدامه تخيلوا خدامتي انحاشت الله لا يبارج فيها خسبقتني

محتاره شنو اطلب شرايكم بالهنديه ترا انا بس ابيها حق شغل البيت الياهل ماراح تجيسه

و سؤال ثاني ادري انكم بتقولون توج بتجهزين بس شسوي انا اعتبر نفسي جني توني والده

ابي توزيعات كشخه حيل وين الاقيها امي شاريتلي توزيعات حلوه بس لبي جم حبه يكونون جاهزين و ذربين حق دوام ريلي