تجمع امهات مواليد شهر سبتمبر ( 9) 2011

[زينانه]

نور وضي
حبيبتي بعمر ولدج مفروض يشرب 4 ارقام ماي مع ملعقتين حليب سميلاك او على حسب مكيال الحليب
عموما تلقين عالعلبه جم ملعقه مفروض لرقم 4 ماي
وبين كل رضعه والثانيه 3 ساعات تقريبا
ممكن يحس بالجوع قبلها ... هذا اذا كان مرجع وايد حليبه اللي قبل
لاتحاتين حيل

 

[aseman]

يكيف احوالكم فردا فردا
ملووكه شلونج وشخبارج بعد طول غيبه
نور على حسب الحليب الي تستعملينه نان 5 مكاييل لي 150
سيميلاك 2 مكاييل لي 120
وكل حليب مكتوب على علبته

 

[aseman]

كوييين برنسس بتوتا وكلكم شلونكم
ملح طمنينا عليج حبيبتي

 

[بتبوتااا]

حياتي بخير عساج بخير

 

[yono]

مساء الخييييييييييير
اقرا اللي فاتني و باك

 

[نور وضي القمر]

صباااح الخير

شلونكم امهاااااات

 

[أم وليد الشمري]

فييييييييير الخيرررر
صديقاااااتي
مشتاقه لسوالفكممممم
ادري ما اشتقتوا لي عادي عادي

 

[om 7amoodi]

صباااااح الخير

بنات جم رقم يرضعون عيالكم ؟؟؟؟

وجم ساعه بين كل رضعه

عسي ربي يبلغنا فيهم ونفرح فيهم ياااارب

انا ولدي بيكمل 3 شهور و توه هاليومين قام يرضع 3 ارقام يعني 90 لا ومرات ما يكمله رضعته ، و ترا وديته دكتور و قالي مدام قاعد يزيد وزنه الزيادة الطبيعية يعني قاعد ياخذ حاجته، حليبه نوفولاك و مكتوب بالجدول لازم رقم 4 (120مل) 5 مرات باليوم بس اهو قاعد يرضع اقل و مرات اكثر تقريبا كل 3 ساعات

 

[om 7amoodi]

صباح الخير :eh_s(17):

بنات تمهدون عيالكم ؟ انا ولدي من النفاس ما يحب المهاد بس انا انطره يغفي وامهده عشان ما يشمخ روحه و يتفزز ما اربطه بس الفه

 

[حبيب قلبي]

السلام
اشلونكم
ام حمودي امهده بس بليل بدون مااربطه
من يومين طعمته وبعد عمري ارتفعت حرارته بليل وكسر خاطري والحين امبلشه معاه الكحه امس حطيتله برضعه حبتين حلبه جني سمعت انها زينه للكحه ماادري صح ولا لا ابي تجاربكم مع الكحه

 

[نور وضي القمر]

السلام عليكم

شلونكم امهااات

مشكورررة ام حمودي انا جذي بنتي نفس ولدج بالضبط ماترضع الا ٣ ارقام وماتكمل حليبتها

وبالنسبه حق المهاد انا بنتي بس الفها من جبتها. ماعمري ربطتها


جربت مرة بالنفاس واحس انها تتضايق ماتنام فخليها ماقعدت ازهملها بس الفها

 

[ست 666]

هلووووو

حدكم لاهين التجمع طاااخ

امس كتبت رد شطوله و الحين مالقيته المهم

ملح الدنيا
طمنينه عليج حبيبتي ان شاءالله الاوضاع هدت بينج و بين ريلج ؟؟؟
و شلون وليدج عساه بخير ؟؟

ملوكه
شخبارج حبوبه و شلونج مع شطانه الصباي اسملله عليهم للحين يبجون مع بعض و لا قاموا يتناوبون ؟؟ هههه
صاجه الوحده فينه تتذكر شنو ولا شنو لازم منبه حق كل شي ولا نضييع

كوين
ازيك يا جميييل و شلونج مع اامتحانات البنات انا هالسنه بدعت مع بناتي مو مجابلتهم مثل قبل احس كلش مالي مقاقه يمكن لاني ماتابعتهم من البدايه قبل اسوي معاهم ،اجباتهم و ااراجعلهم و ساعات اقرالهم الدرس الياي و غير التسطر و الصور كنت مبدعه بس هالسنه واجبات و امتحانات بس

شلونج مع ريلج الحين صرتوا عريس و عروسه و لا للحين اخوان


رنسيس

حبيبتي عظم الله اجركم الله يرحمها برحمته يا رب


ام وليد

افا عليج شلون ما نشتاقلج فديتج عزيزه و غاليه
شلون بنياتج و شلون وليدان ؟

ام حمووودي

بين فتره و الثانيه امهده على الخفيف يعني الفه و يقعد يحوس و يتعصر لين يطلع ايده لان مو متعود

زيناته
اشلونج الحين عساج احسن من قبل

حبيب قلبي

اهم شي تدفينه عدل و خصوصا صدره و قبل لا ينام ادول ... اول مره اسمع ان الحلبه زينه

 

[aseman]

هااي بسكوتات
بنات سؤال على السريع صج البيبي اذا ما مهدناه ما يقوى عظامه؟؟
بنتي ما تحب التمهد شلوون شالحل

 

[نور وضي القمر]

مساء الخير

شلونكم يا امهاااات

حبيب قلبي
اي الحلبه زينه حق الكحه

انا احط بالمطاره الماي ٣ حبات كل يوم

فوائد الحلبه وايد

حتي تقوي عضام البيبي

 

[نور وضي القمر]

هلااا اسيما

انا ما امهد بنتي عادي

بس الفها عن البرد وعلشان ما تفزز

شوفي عيال الاجانب ما فيهم الا العافيه وصحتهم احسن من عيالنا ومايعرفون المهاد


المهاد علشان البيبي ما يتفزز بنومته بس

 

[بتبوتااا]

انا ما احب امهد البيبي وايد وقطيت المهادات من زمان اصلاا

شلونكم وشخباركم

 

[النوالنو]

بنات فيه مهاد حلو بسنتر بوبينت لصق يهبل 3وربع جديد بسنتر بوينت ماخذته من البيرق ابشوف الري عندهم

 

[ست 666]

صباح العسل يا عسولات

تدرون ان الاجانب يمهدون انا مثلكم عبالي لا ...ولدي مهدوه اول ما ولدته و يت السستر علمتني شلون امهده
بس طبعا بدون تلفف بالحبل و هالسوالف لا اللف العادي بس يسكرون اللفه عدل الياهل ما يقدر يطلع ايده

 

[Winter Q8]

بنضم لكم بس انا ولدي من مواليد شهر 8 تاريخ 25 ما يفرق
و على طاري المهاد احنا بعد ما نمهد و الحمدلله عيالنا ما فيهم الا العافية يقلبون و يحبون و يمشون بالوقت الطبيعي ,, اصلا المهاد ممكن يخرب ما يعدل ..بس ولدي من عسارته كنت امهده وقت النوم مهاد اجانب علشان يطخ .. بس قطعته من قبل لايصير عمره شهرين علشان لا يتعود عليه و ابتلش ..

 

[Dancing^Queen]

حبيت امر واسلم عليكم يابنات احلا تجمع
اموري شوي تعبانه مع التدريس وحبوب منع حمل وحبسه بيت للتدريس وفي شي مخليني اكل بنفسي حيييييييييييل ادعولي يابنات يعديني الشر انشاءالله ويخليني حق بناتي حبيبات قلبي واشوفهم عرايس
الله يطوف اليومين اليايين علي خيريااااااااااااااااارب