تجمع امهات 2008 حياكم

[احلى كويتيه]

شخباركم

ان شاء الله تمام

شلون البيبيات كبرواوالا ليما الحين صغار


واي على عوابة البنات صياح مو طبيعي وتعودت على الحظن لي حست انها بالفراش قامت تصارخ هالنتفه اسم الله عليها خواتي معودينها على الشيله


بقولكم شغله بنتي اسم الله عليها المفروض حالها حال اليهال اذا سمعت صراخ ولويه واغاني تبجي وبالصخه تنام بنتي خخخخخخخخخ اذا حست باهدوء تبجي وبالاغاني وبالصراخ لوووووووووووول احلى نومه فديت دلع البنات


على الغازات في دوا بالصيدليه اسمه غاز بالانجليزي لا يطكوفكم وايد حلو انا بنتي طخت غازاتها شوي واستخدمها 3 مرات وتحسن المغص معاها

 

[احلى كويتيه]

توما لا تسكتين على ولدج وديه الطبيب خل يفحص معدته والمرئ ويشوف وزنه اذا ما زاد لازم يشوفون له حل

 

[احلى كويتيه]

رقي الله يخليلج بناتج وتفرحين فيهم وتفرحين بكل عيالج يارب بس حسافه ماشفت صورهم

خلوني اتعلم احط صور وبحطلكم صور دلوعتي

 

[- ToTa-]

هلو رقي انا كان وضعي طبيعي و تخيلي قعدت أطلق من 11 بليل لين 4 العصر من اليوم الثاني بس ما كنت قاعدة أفتح بسرعة و لما وصلت لي 8 سم تقريبا البيبي تعب و فر راسه و قرروا لي قيصرية على طول و الحمدالله يبت أحلى ولد و بعد عمري كان كيلوين ونص و ألحين 3و200
واي اليوم جربت الحسو أستغفرالله حدي تأزمت

 

[- ToTa-]

أحلى والله وديته الطبيب بس ما أذكر انه علق على هالسالفة!
أبي دكتور أطفال زين من تنصحوني فيه؟ عشان مراجعة أول شهر ودي أشوفله دكتور ثاني بدال السلام

 

[al_gardenia]

احلى بنتج مثل بنتي متعلمه على الشيل مو من احد مني ومن ابوها والحين ما اقدر اسوي شي منها

تدرين ان اسم بنتج كان في القرعه الي سويناها حق اسم بنتي

الله يخلي لج بنتج ويبارك لج في اسمها

 

[mrs_sugar]

مس شوقر اذا رضعت من صدري اهيا توخر

توخر لأنها تعودت على الرضاعة أسهل من الرضاعة من الصدر تحتاج مجهود منها غير الممية سهلة وايد

اذا ودج تكملين طبيعي نصيحة وقفى الممية خليها للأعشاب أو بس مرة باليوم للطوارئ​

 

[mrs_sugar]

أحلى والله وديته الطبيب بس ما أذكر انه علق على هالسالفة!
أبي دكتور أطفال زين من تنصحوني فيه؟ عشان مراجعة أول شهر ودي أشوفله دكتور ثاني بدال السلام

شوفي توما

اول شي اذا وزنه يزيد يعني ماكو شي خطير أوكي ؟؟

ثاني شي الشرقة هذي ممكن يكون سببها شيين أول شي انها شوية حليب يرجع من المرئ و يشرق فيه الياهل أو في الحالات القوية تكون ارتجاع في المعدة و يكون سببها انه صمام المعدة مرتخي و الحليب يرجع بشكل كبير من المعدة لي برة و بهالحالات يكون مو بس شرقة بالياهل لأ يكون معاه ترجيع قوي

المهم بكل الأحوال الطبيب شنو راح يسوي ؟؟

راح يشوف وزنه الحين و يقارنه بوزن الولادة اذا الزيادة زينة معنى هذا انه ارتجاع و الدرجة تختلف من بسيط الى شديد مثل ما قلنا بالكلام اللي فوق

و راح ياخذ منج معلومات عن الولادة و الرضاعة و يفحص البيبي

اذا كل شي اوكي راح ينصحج بالتالي :

اذا الرضاعة طبيعية ما راح يغير لج الحليب و اذا صناعي راح يوصف حليب مضاد للإرتجاع AR formula
راح يقول لج جدي البيبي عدل بعد الرضعة و خله مرفوع راسه و صدره مو نايم منسدح يعني كثر ما تقدرين اقل شي ساعة بعد الرضعة
تقدرين ترفعينه بمخدة خاصة تحصلينها بمذركير شكلها مثلث ( صورت مالت بنتي و علق الموبايل ما قدرت انزلها ) احاول مرة ثانية بعدين

او

مثل هذي بعد هم زينة

و بأسوأ الحالات راح يوصف دوا مضاد للارتجاع اسمه موتيليوم

هذي كل السالفة

هذي كانت قصة ولدي من قبل ولدج

و الحمد لله صار زين و خف عنه الارتجاع لما بدى يقعد و ياكل

وان شاء الله ما يكون في صلوحي الا العافية

انتي الحين اخذي المخدة و شوفي شيصير معاج​

 

[- ToTa-]

خوش شوغر أنا عندي هالمخدة حق الرضاعة بجربها بالتشدي و أشوة بعد هو يحبها عشتو ساعات لما يبجي و أسدحه عليها يطخ مرة وحدة و المشكلة معاه انه لما أشديه على كتفي على قولتج ما يكون رافع راسه لا بالعكس يكون جنه نايم هااللي ساعات ما يطلع شي
بس ماشالله عليج ماما شوغر صج الله لا يحرمنا منج و من نصايحج العسل

 

[mrs_sugar]

حياج ربي يا توما العسل يتخليني اغير نك نيمي الى ماما شوقر ؟؟

مو مشكلة حاضرين

اذا تبين اي سؤال ترى بالخدمة

لا يردج الا الكيبورد خخخخ​

 

[الاستاذة]

اي والله ماما شوقر مادري بدونج شبنسوي عندي لج سؤال يوم ولدتي رحت عقب اسيبوعين يوم خدوا دم من بنتج شقالوا واطولين ولا عادي وافحصوا بنتج انا يوم الاحد موعدي

 

[mrs_sugar]

اي والله ماما شوقر مادري بدونج شبنسوي عندي لج سؤال يوم ولدتي رحت عقب اسيبوعين يوم خدوا دم من بنتج شقالوا واطولين ولا عادي وافحصوا بنتج انا يوم الاحد موعدي

حياكم حبايبي
انا بالخدمة

من عندي اغلى منكم
ابي منكم الدعاء بالخير و بالشفاء التام لواحد اسمه سعود

بالنسبة حق موعد بنتي راح يكون باجر ان شاء الله العصر
اول مرة رحنا ما فحصها الطبيب بس خذوا منها الدم و رحنا و عطونا موعد عقب 3 اسابيع النتيجة و الفحص عند الدكتور
انا اخترت د / سليمان السعد وايد ارتاح له و هو متخصص بالخدج و المواليد

توما

هذي المخدة الثانية

​

 

[احلى كويتيه]

ماصدقت خبر الاقيكم متجمعين مس شوقر والاستاذه شخباركم

 

[احلى كويتيه]

في دكتور بدار الشفا اسمه زياد نسيت اسم ابوه وايد زين للخدج وحديثي الولاده

مس شوقر يعطيج العافيه


ربي ارزق سعود الصحه والعافيه والشفاء التام يارب

ربي ارزق سعود الصحه والعافيه والشفاء التام يارب

ربي ارزق سعود الصحه والعافيه والشفاء التام يارب

 

[احلى كويتيه]

بعد عمري الجاردينا والحمد الله ان اسمها عاجبكم وكافي انج فكرتي فيه

 

[mrs_sugar]

هلا و الله احلى

ما صدقنا البنيات ينامون و نتفرغ حق عمرنا شوي

انا بنتي الحين بتقعد صار موعد رضعتها

مسكينة الغازات ذابحتها من المضاد اللي قاعدة اخذه حق صدري

ما قلت لكم

طلع العوار من قناة حليب متسكرة و ملتهبة و لو كنت ساكتة عنها كا يمكن صار خراج و احتاج عملية بس الحين الحمد لله احسن بس لازم اكمل المضاد اسبوع

المشكلة انه انا بطني معتفس بعد غازات و اسهال من المضاد و صاير فيها يا عمري نفس الشي تكسر الخاطر

الله يشافي مرضاكم و مرضى المسلمين أمين

حبيبتي يا احلى ما تقصرين على الدعاء​

 

[أم وجيه]

هاااي ينوتات شلونكم كلكم اليوم وبيبياتكم

رقي قالي والله دقت عليج رقي وقلت لها انج ولدتي ويبتي فطومة ما قصرتي راحت خلاص فطومه الحين

الجاردينيا الحمد لله فطومه بخير بس مو عارفه شسويلها بالالتهاب غيرت لها الحفاضات أكثر من مره واستعملت مثل ما قالو البنات بيبانثين و حفاضات ليبرو بس وا عليا الالتهاب يعور القلب وشكلي بوديها الطبيب بس خايفه يلعوزوني فيها ويصيرون يجربون هذا حال الدكاتره تعرفين الخاص قبل الحكومة

انتو شلون البيبيات ان شاء الله كلهم تمام

مس شوقر ماشاء الله خبرتج تمام ولازم نستفيد منها صج

 

[أم وجيه]

مس شوقر الحمد لله انها يت على جذي وان شاء الله يخف العوار وتصيرين زينه مع المضاد وما تشوفين شر ان شاء الله

 

[- ToTa-]

أم وجيه مادام ليبرو ما فاد جربي بيبي جوي أمس ريلي يسولفلي عن صاحبه بنته نفس حالة بنتج بالضبط ما ارتاحت الا على بيبي جوي تلاقينه بسلطان و بروي و بعدين لا تصير ساعتين و غيري لها البامبرز حتى لو ما فيه شي و حطي سودوكريم وايد
شوغر عندي اياها هالكوشية بعد بس اشلون أقدر أستعملها حقه؟ أنا هذي أتسند عليها لما أرضعه وايد مريحة

 

[- ToTa-]

أمهات جميلات أنا فاقدة استبرق و ملح الدنيا من زمان ما بينوا! عسى المانع خير انشالله
في وحدة منكم عندها خبر عنهم! خاصة استبرق مع لوية بنتها يا ربي انشالله تعافت ألأحين و تكون بخير يا رب