تجمع امهات 2008 حياكم

[mrs_sugar]

صباح الخير بنات شلونكم؟؟

شوقر والله ودي اعطيها اشياء دافيه بس ماتبي اذبحتني والدوا عذااااااب احس مشقه انه بعطيها ماتساعد كلش

الله يشافيها و يعافيها

كل اليهال جذي معاناة مع الدوا

 

[mrs_sugar]

شوقر شخبارج حبيبتي

الحمدلله بخير
انتي شلونج

 

[mrs_sugar]

انا اذا بيي اخلي شوقر الحلوة الحبوبه الاموره
اتمريني
يلله نتعنالها بالخير يارب

حبيبتي حياج الله

امرج افا عليج حاضرين

بس اذا صرنا مجموعة بنروح بسيارة وحدة افضل توقفون سياراتكم عند بيتي

الدائري السادس اقرب من بيتي

 

[mrs_sugar]

رقي شلونج

عشتو كله يمرونج برنسيستنا عين السيح وليش ماتمرونا اشوف رقي تمرونها وتقطونهاااااااا واحنا بنات العبده

هي هي اتغشمر تستاهل رقي الدلوعه

اوديج معاي ولا يهمج

بس عاد انتي و رقي تيوني البيت و تركبون سيارتي و اسوق فيكم

ما امركم وحدة وحدة

 

[mrs_sugar]

بنات توه يات وحده ضيقت خلقي
رافعه قضيه على مستشفى الولاده
مسكينه انفجر رحمها ومات البيبي وهذا بجرها
عورت قلبي تبجي بجي
هالسالفه من 2006 وللحين الحكن يستأنف
اقولها خلاص انشالله ربج ياخذ بحقج
وديه ما تعوضج بالي راح
بس مقهوره
اثاري لا المواطنين ولا المقيمين سالمين من مستشفى الولادة

والله هالمشاكل موجودة بكل مكان

لا خاص و لا حكومة

الله يستر علينا و يحفظنا

 

[إستبرق]

امبيه بروق توني ادري
شفيها بنتج
انا خبرتها مرضت بالولاده
وربج كريم ومايخيب تعبج

لا هي مريضه من قبل الولاده وانا ما ادري لان مابينت علي الاعراض وحبيبتي كانت تعبانه وايد والرئه مو كامله ولما رحت الولاده كانوا يبون يلحقون ان مايصير فيني تسمم واثنينا نروح ومحد حاط ان بروقه اسم الله عليها تعيش بس طبعا هالسوالف نصها مادريت عنها الى لما طلعت من المستشفى وكانوا اهلي شايلين هم شكبره ومحد يقولي لدرجه امي تقول قلت لا تتوفى بعيد الشر عنها ووقت العيد وشلون يقولون لي وبعدين لما ظلت بالمستشفى ورى الولاده شهر وزوجي كان مايخليني اروح على ابو لا اتعب بس رحت مرتين وهم طلعوا قاعدين يخشون علي السوالف كلها وطلعت تييها فتره خلاص ماتقدر تتنفس وسبحان الله بعدين تتشافى لدرجه ان اليوم الي رحنا نطلعها من المستشفى الدكتور سليمان السعد قالنا انا وزوجي ان حاله استبرق اخطر حاله مرت بسنتها على المستشفى بس الله كريم الف الحمدالله والشكر والله من الله ومن الي دعوا لها الكل كان يدعي لها ويتصل يسأل لدرجه ان امي تقول يمكن لو بوقتها يسوون احصائيه منو اكثر وحده حصلت دعاوي تطلع استبرق
الله يحفظ هالسهال من كل شر

 

[إستبرق]

واي استبرق عورتي قلبي

الحمدالله الله شفاها والله يخليكم لها ويخليها لكم ويبلغكم فيها يارب

سلامه قلبج
والف الحمدالله والشكر وامين يارب ويخلي لج العسوله بكل خير وعافيه

 

[إستبرق]

الحمدلله بخير
انتي شلونج

دوم الخير يارب وانا الحمدالله بخير وعافيه
واحسن تعالوا بسياره وحده سلوا بعض بالطريج :gathering:
بس ها لاتنسون صمون وعصير للطريج خخخخخخ تتسلون فيه :eh_s(3):

 

[كويتيه وافتخر]

استبرق الله يسامحج حق عوار القلب

غصب دموعي تنزل

الحمدلله اللي شافاها والله يخليها لج
ويشافي ولدي وكل مرضى المسلمين يارب

والاستاذه بعد عمري ماقصرتي الله يقبل دعوتج يارب
يبلغنا بعيالنا حفظه قران ويرزقج باخوان لزيونه الحلوه

 

[كويتيه وافتخر]

نسيت اسلم
من قريت الكلام عن استبرق ايام ولادتها
وتذكرت عيالي بالشيشه وحالتهم وانا متخزبقه

شوف رحمه ربي اشلون كبيره
النتفات اللي كانوا بالشييشه كانوا كبر الكف امس ياذنون يحلوهم

والله ابي انذر نذر لعيالي مرات بس ادري ان النذر مكرووه
بس الله يقدرنا على دوام الحمد والشكر لله


والحين باشيل سالفه التاثر

وباسلم عدل
اشلونكم امهات التجمع وحده وحده
واشلون عيالكم فديت قلوب الصغار

انا اموري تمام وبديت اتاقلم
وصار عندي تجمع هني بالفندق خليجي بس اغلبهم جايين بدون زوجاتهم بس انا ووحده
ونطلع مع بعض رحلات من الساعه 2 لي 4
وبعدها نرجع 00
نتسوق وجذيه وطلعات
حتى يبووون يطلعون نياجرا بس انا قلت مااقدر الا لمن يطلع ولدي من المستشفى فناطريني

انا قلت لكم عن كرسي الديرفه انا اللي متشققه عليه حدي اكثر من ولدي

وبعد شنو ؟؟
لي ذكرت كتبت

 

[HaPpY_SpiRiT]

هلوووووووووووو جميلات
الأستاذة سلامة زيونة حبيبتي والله عورت قلبي
و استبرق و كويتية بس الله يخليكم لا تكأبوووونه زيادة ربنا يخليكووووو و على قولتج كويتية هالنتف اللي كانوا بالشيشة قاموا يكبرون الله يحفظهم و يحرسهم يعني الله سهل و صارت سوالف الحين و المثل يقول تفاءلوا بالخير تجدوه و الحمدالله يا ربي

 

[al_gardenia]

السلام عليكم

شلونكم اليوم الصبح طلعت مع ريلي رحنا الافنيوز تريقنا وتمشينه ودشيت ايكيا خذيت لي جم شي

ومرينه ريانو خذيناها من الروضه ورحت البيت ما مداني اسوي غدا طلبنا من برا على ما راح ريلي ايب البنات من المدرسه

عقبها طيت راسي ونمت وقمت عدلت الاغراض الي شريتها وطلعت جم شي قدم كرسي الهزاز الي كنت شاريته بلندن حقي لمن كنت حامل

ولمن كنت ارضع اروى وانومها تونها انطلعه من الكرتون وانرد انركبها غسلت كوشياته وبس ماكملت باجي شغلي انا كله جذيه

لازم لي سويت شغله ماكملها خخخخخخخخ فيني طبع شيييييييييييييييييييييين

اروح اقرى الردود الي طافت

 

[al_gardenia]

القاردينيا + رقي ما رديتوا علي تقدروون تييون ولا لا ؟

سوريييييييييي استبرق ماشفت الرد الي كاتبه فيه اليمعه توني اشوفه مادري والله ماقلت حق ريلي توني اتفاجا

بس قولي التاريخ الي يصادف هاليوم لا يكون بنفس اليوم الي بيروح حق ولد خالته بالسعوديه

 

[al_gardenia]

رقي شلونج

عشتو كله يمرونج برنسيستنا عين السيح وليش ماتمرونا اشوف رقي تمرونها وتقطونهاااااااا واحنا بنات العبده

هي هي اتغشمر تستاهل رقي الدلوعه

:dddds: الله يغربل بليسج الاستاذه ياحلو سوالفج والله

 

[al_gardenia]

نونه حياج الله

كويتيه عليج بالعافيه الطلعات والوناسه انشالله دوم

توما شلونج شخبارج

 

[HaPpY_SpiRiT]

والله بخير حمدالله اليوم أحسن
انتي اشلونج مع العلاج؟

 

[إستبرق]

استبرق الله يسامحج حق عوار القلب

غصب دموعي تنزل

الحمدلله اللي شافاها والله يخليها لج
ويشافي ولدي وكل مرضى المسلمين يارب

والاستاذه بعد عمري ماقصرتي الله يقبل دعوتج يارب
يبلغنا بعيالنا حفظه قران ويرزقج باخوان لزيونه الحلوه

حبيبتي انتي بس ماراح اتكلم لاني انا لما كنت اكتب حتى دموعي نزلت الف الحمدالله والشكر على عافيته والله يشافي ولدج يارب ويلبسه ملبوس العافيه يارب هو ومرضى المسلمين

 

[إستبرق]

نسيت اسلم
من قريت الكلام عن استبرق ايام ولادتها
وتذكرت عيالي بالشيشه وحالتهم وانا متخزبقه

شوف رحمه ربي اشلون كبيره
النتفات اللي كانوا بالشييشه كانوا كبر الكف امس ياذنون يحلوهم

والله ابي انذر نذر لعيالي مرات بس ادري ان النذر مكرووه
بس الله يقدرنا على دوام الحمد والشكر لله


والحين باشيل سالفه التاثر

وباسلم عدل
اشلونكم امهات التجمع وحده وحده
واشلون عيالكم فديت قلوب الصغار

انا اموري تمام وبديت اتاقلم
وصار عندي تجمع هني بالفندق خليجي بس اغلبهم جايين بدون زوجاتهم بس انا ووحده
ونطلع مع بعض رحلات من الساعه 2 لي 4
وبعدها نرجع 00
نتسوق وجذيه وطلعات
حتى يبووون يطلعون نياجرا بس انا قلت مااقدر الا لمن يطلع ولدي من المستشفى فناطريني

انا قلت لكم عن كرسي الديرفه انا اللي متشققه عليه حدي اكثر من ولدي

وبعد شنو ؟؟
لي ذكرت كتبت

الحمدالله انج بديتي تتأقلمين واحسن لج عشان ماتظليت تفكرين وتحاتين والحين اكيد تردون باول ابريل ولا لا ؟ وشلون البطل ؟

 

[إستبرق]

هلوووووووووووو جميلات
الأستاذة سلامة زيونة حبيبتي والله عورت قلبي
و استبرق و كويتية بس الله يخليكم لا تكأبوووونه زيادة ربنا يخليكووووو و على قولتج كويتية هالنتف اللي كانوا بالشيشة قاموا يكبرون الله يحفظهم و يحرسهم يعني الله سهل و صارت سوالف الحين و المثل يقول تفاءلوا بالخير تجدوه و الحمدالله يا ربي

هلوات
وخلاص ماكووش كآبه انشاءالله :hjy5jewf:
الف الحمدالله والشكر على كل شي

 

[إستبرق]

السلام عليكم

شلونكم اليوم الصبح طلعت مع ريلي رحنا الافنيوز تريقنا وتمشينه ودشيت ايكيا خذيت لي جم شي

ومرينه ريانو خذيناها من الروضه ورحت البيت ما مداني اسوي غدا طلبنا من برا على ما راح ريلي ايب البنات من المدرسه

عقبها طيت راسي ونمت وقمت عدلت الاغراض الي شريتها وطلعت جم شي قدم كرسي الهزاز الي كنت شاريته بلندن حقي لمن كنت حامل

ولمن كنت ارضع اروى وانومها تونها انطلعه من الكرتون وانرد انركبها غسلت كوشياته وبس ماكملت باجي شغلي انا كله جذيه

لازم لي سويت شغله ماكملها خخخخخخخخ فيني طبع شيييييييييييييييييييييين

اروح اقرى الردود الي طافت

بالعافيه عليج وخلي عنج الرباده وخلصي شغلج
انا اليوم كنت ناويه اطلع اتمشى وبتسوق خو تعرفين نزل المعاش خخخخخخخ
بس اتصلت اختي قالت تعالي امي وخواتي بيروحون عندها عاد صج رحت وبعد يو خواني وقعدنا وبلعنا ههههههه وعلى الساعه 1 رديت قعدت ابشر صابونه غار ابي اسوي خلطه قريت عنها

سوريييييييييي استبرق ماشفت الرد الي كاتبه فيه اليمعه توني اشوفه مادري والله ماقلت حق ريلي توني اتفاجا

بس قولي التاريخ الي يصادف هاليوم لا يكون بنفس اليوم الي بيروح حق ولد خالته بالسعوديه

لا عادي حبيبتي ماصار شي
والتاريخ يصادف 3-4 انشاءالله ويالله انتي اقرب وحده على السادس والبيت مايضيع تواعدوا وتعالوا يميع