تجمع امهات 2008 حياكم

[الاستاذة]

حسافه ام نيرمينا عاد شغلها حده يوايه ولذيذ يالله خيره انشالله شبتسوين عيل؟

 

[حمرة الورد]

بشد حيلي واطبخ شسوي الله يعيني وابطلب ورق عنب من ام نواره

 

[mrs_sugar]

شقور حسبي الله على بليسج من وين يبتي هالصوره :dddds:

اهو كان وده يسوي جذيه بس خاف على شعور اليهال لا يخترعون هههههه

لا مسكين سوالي الكرسي الحين انا قاعده عليه وحاطه طاولة الاب توب بحضني وقاعده اهز واكتب

حدييييييييييي رايئه وسوه التفلون وقال الباجي باجر الصبح بوديني اخلص كل الي ابيه :bbbiu:

عاد رضيت امري لله وعقب ما اخلص كل مشاويري بساحله على اليمعه شرايج فيني

بعد كل هذا و ما ترضين

يا ويلج

حرام مسكين كسر خاطري والله

الله يخليكم حق بعض

 

[mrs_sugar]

يختي عليها عاد تدرين ودي اييب قطوه بس انا حدي خواااااافه ما احبهم ولا خالي من فتره عنده قطوه تشوق تشوق لونها ابيض وتهبل جنها الي بالافلام وقالي ماتبينها لانه مايبيها بس قلت له لا وما ادري عطاها لمنو
والله يعينج على المعاش صاير جذي قبل لا ينزل يطير الله يزيد بركته يارب ويعوضج باكثر منه

القطاوة اموت عليهم

بس عيالي الكبار كلهم فيهم ربو و يتنكون من شعر القطوة

و ريلي نفس الكلام

فبطلت من يبت عيالي سالفة القطاوة

بس مي لي الحين تحب و تربي قطاوة و طيور


و المعاش ما عاش

الله يزيد بركته يا رب

 

[mrs_sugar]

خخخخخخخ

عجيبه الصوره ياشوقر

هذي صايره فيني انا من زوجي

هني عكس الديره اعتمد علي اعتماد كلي الله يهديه


وعلى طاري القطوه ودي اشتري قطوه بس اخاف يستاثمون فيها عيالي

لالا عيالج ينتفونها والله

انا عواشة تركض وراهم و تصيدهم من روسهم لا عصاعصهم مساكين

بس ما يسوون لها شي يدرون ياهل يلعبون معاها

يركضون و يطبون عليها و يتعلقون في تي شيرتها

تخيلوا شكلها تركض و القطوة الصغيرة متعلقة بهدومها

خخخخخخخخخخ

 

[mrs_sugar]

عاد انا اليوم فاجئني زوجي
العصاري قالي ماتطلعين قلت له لا اليوم مالي خلق احس مو على بعضي خلها باجر ولا يقول زين بروح انا حلاق وجمعيه وادفع فواتير وارد قلت اوكي لما طلع ولا يدز لي مسج ودي اشوف ويهج لما ارد :080402ask_prv:
دقيت قلت ليش يعني الحين انا مها لما ترد تلقى سهى خخخخخخخ ولا يقول لا مشغول شوي وادق وانا قلت ما ابي اتصل لما مسكت الابتوب ولا اشوفه ناسي مواقع مبطله منها سايت حجوزات فنادق ومبطل على فنادق بانكوك والمانيا ولندن ومنها سايت الكويتيه قلت شسالفته ولا يرد البيت يعطينا تذاكر لتايلند حاجز تاريخ 26-4 انا انصدمت حدي لاني كنت اقوله خل نسافر تركيا وهو يقولي لا علاجج وعندنا مصاريف ولويه
عاد قلت له متى حجزت ومتى قررت قالي انا من ثلاث ايام كنت قاعده اخطط ومستحمل ما اتكلم وكنت ناوي اخذج المانيا ومنها نطلع فرنسا وهالسوالف او نروح لندن مع رفيجي وزوجته بس لما سألت على الميزانيه الي عندنا تروحين بس ماتاخذين كل الي بخاطرج فقلت نروح تايلند ومنها تتسوقين
عاد قبل شوي قالي شوفي عن سنغافوره يمكن نمرها 3 ايام

بالعافية

تروحون و تردون بالسلامة

الله يونسكم بالعافية

 

[mrs_sugar]

[/QUOTE
شوغر ليش 250؟ أنا شاريتها ب 12 مادري 15؟

انا دافعة سنة مقدم

مالي خلق كل شهر ادوفع

 

[mrs_sugar]

شوغر عيل الهيس اللي عندي زااااايغ على القطاوة و العتاوية حماتي توها شارية قطوة حدها زوووغة ماشالله عليها و الأخ اللطيف زاغ لما شافها يلحقها و بااااع و بااااااااع :080402ask_prv:الحلو كل شي عنده باع مكوك عل خرفان ولدي خخخخخ بس من صجي قاعدة أفكر أييبلي قطوة بس أمي حالفة علي ان يبتلي وحدة ماهي داشة بيتي :bbbiu:و لا جان علووووووم الحين مربية عتاوية تحصلوني

انا عكسج امي و ابوي اللي يحبون القطاوة

 

[mrs_sugar]

أمهات في موضوع جدا خطير فبالي و ودي أسوي بس بعلي مو موافق بالمرة!!!
هاللي قلت خل أشوف شالأوضاع معاكم و هل عايشين نفس معاناتنا!
هل انتوا الى حد الآن حاشرين عييلكم معاكم بالدار و لا نقلتوهم؟
و اذا نقلتوهم من متى؟ و اذا للحين؟ فما عليه ماني شايفتكم الا بعد مادري اشكثر
اشلون تاخذون راحتكم مع بعولتكم؟ خاصة اللبس؟!!
أدري موضوع جريء و متوقعة بأنوه حيتم النقل أو التعديل من قبل مشرفتنا بس صج اشلوووووون؟؟؟ شنسوي؟ يعني مو معقولة نسافر بس عشان هذا بعد هم ما يصير؟؟؟؟؟
شاركونا بآرائكم الثمينة

اول شي ماكو شي ينحذف ولا يتعدل لا تخافين

كلامج محترم و مافيه جرأة بالطرح

:eh_s:

انا مطلعتها من زمان من غرفتي

و حاطتلها السبيكر

عاد تعلمت عليه لما تبجي ارح لها القاها مجابلته و تنادي

ماما ماما

انومها و اردها سريرها مرة ثانية

و اذا عاللبس البس اللي ابيه و فوقه روب

و متى ما صار الوقت مناسب قطيته

بس لا تاخذون راحتكم جدامهم ترى يفهمون

 

[mrs_sugar]

امس ذكرتوني بسالفه
امس حاطه فلم مال كيت ونسلت وطلعت لقطه شبه قليله ادب
وبناتي قاعدين يحوسون يمي وفجاه دانوه تبحلق بعيونها
وتاشر على ريال لابس نص
تقولي ئيب ئيب هههههههه
وانا مت من الضحك
غيرته بس من احط الفلم دانوه تبحلق وطالع
بطت جبدي جان اطفي الفلم وحطيت لهم توم وجيري ولا بحوله اصلا ههههه

حطوا بالكم ترى يعرفون انه عيب

 

[mrs_sugar]

انا علاوي ينام بغرفته اول الليل وباجي الليل ايي معانا بالفراش
وطبعا فضونه شريجتي ما تنام الا مع ابوها
عاد تخيلو بالفراش جنه مساطر نايمين اي حركه يا انا اطيح او ريلي يطيح

احنا كنا جذيه بس الحين الوضع احسن وايد

الحمدلله

الفراش كان جنة سفينة نوح كل الناس عليه و شوية ألعاب بعد

 

[mrs_sugar]

سلالام عليكم
شخباركم
بنات
مادري شسوي
واللهاكتب وانا ميته قهر
حسبي الله ونعم الوكيل
عندنا حصاله فخار من 2006
متروسه فلوس وكله تحط فيها فلوس ورق مو بس خرده
المهم اليوم الخدامه راوتني اياها
من تحت مبطله مثل دائره
واحاطين ورقه تحتها ومادري شنو الحل

انزين منو الفاعل ؟

ما شكيتي بأحد ؟

 

[mrs_sugar]

اوكي ماعندي مانع بس متى تبون رقي واي حدي اشتهيت ماكي اموت عليه وعليج بالعافيه اوباو

واي بطوطه واستبرق شوقتوني عالبحر

برووووووووووووووووووووووح

وياكم ماكي

شوقتوني

جني بروح اليوم عالعشا

حياكم !!!

 

[mrs_sugar]

الاستاذه
ياحلو الكلوتش
تعالي رحت يوم المذر داي
وشريت لي هديه ال في
خخخخ
شرايج فيني
وتوني شاريه مداليه جفنشي
عاد شفت ال في استخفيت

بالعافية عليج الــ ال في

تقطعينها بالعافية
​

 

[رقي]

يييييييييييييت

بنات ان شلله الاسبوع الياي يوم الثلوث

 

[كويتيه وافتخر]

السلام عليكم

اشلونكم كلكم
شو الاخبار اشلون الكتاكيت الصغار

ام وجيه وينها طمنونا عليها

 

[مهره شيوخ]

السلااااااااااااام عليكم شلونكم كلكم عساكم بخير ؟؟؟؟؟؟ ماقريت اللي طافني انشاالله اشوفه اذا عندي وقت الموهم شخباركم انتم والعيال ؟؟؟؟؟ اشتقت لكم حييييييييييييييييييييل ---كنت لاهيه مع رفيجتي يا عمري سافرت خلاص سبحان الله فجأه يت سفرتها عشان فيزتها خلصت اف بس عاد هي الوحيده اللي معاها حيييييييييل يالله الحمدالله على كل حال -- ثاني شي والمصيبه اهئ اهئ اهئ اهئ اهئ لاب توبي خرب خلاااااااااااااااااااااص الله يهديه ولدي كب عليه ماي عاد هذا ثاني لاب توب ياربي كلش ماكو حظ والحين احس بفراغ مووووووووووو طبيعي وملل صج يا عمري حتى وليدي كل يوم يقولي ميكي ويأشر عالاب ويدري انه خربه ويزعل خخخخخخخخ متعود يشوف اليوتيوب دايما واحط له كل شي -- قاعده احن على زوجي خخخخخخخ يشتريله واحد يديد وانا اخذ حقه لان حقه يديد بعد بس عزوزه كاسر الشاشه شوي عالجنب -- والحين زوجي بالجامعه ولطشت الاب توب حقه خخخخخخخخخخ --------اشوفكم على خير -- بااااااااااااااي

 

[كويتيه وافتخر]

هلا والله جهراويه
بعد عمري فقدتج
اشلون الجو عندكم اليوم احنا برد وشويه سنو على شويه مطر
بس حلو

 

[أم وجيه]

مساء الخير

اليوم سهاريه أكو أحد ولا ماكو سهرانين

مشكورين بنات كلكم وعلى سآلكم عني والله يسلمكم كلكم يا رب ويبعد عنكم الشر

رحت سويت سونار والحمد لله كل شي تمام وماكو شي يخرع

بروقة وبطوط عليكم بالعافيه السفر وان شاء الله تتهنون في

رقي والاستاذه عليكم بالعافيه ال ال في

بقولكم بنات على سالفة القطاوة آنا أحبهم وقبل أهلي دايم عندهم قطاوه شيرازيه يهبلون بس أخوي الصغير لما كان عمره سنة
طاح شعره مثل الثعلبه بقع فجأة ودته أمي على طول الطبيب قال لها عندكم قطاوة أو بغبغاء واحنا كان عندنا الاثنين
ردت من الطبيب وعطتهم حق يارتنا وحلفت ما يدشون البيت الحيوانات كلش والحمد لله عقبها طلع شعر أخوي
وآنا من وقتها أخاف على الصغار من الحيوانات
قبل فترة زوجي ياب كناريات فتحت لهم القفص وقلتله طاروا خخخخخخخخ

هلا جهرواية ان شاء الله يرضى زوجك ويعطيج اللاب توب ولهنا عليج

كويتية وافتخر شخبار راس البطل ان شاء الله راحت الورمه ؟؟ وشخبارك انتي مع الغربه

 

[رقي]

واي اانا بعد توه عمي ابو ريلي يايبلي جنطه ال في مع بوكها واي ماقصر كنت ابيها من زمان

توني اقرا الرد
بالمبارك ومبلوس العافيه