تجمع امهات 2008 حياكم

[HaPpY_SpiRiT]

يعني رسمي أنا اللي مقبسة عليكم عساني ادش المنتدى ما ألقى أحد
ربنا كريم

 

[mrs_sugar]

بنات بسألكم عن شغلة غريبة ملاحظتها بولدي ايده وريوله وايد تعرق خاصة ريوله هل هذا شي طبيعي و لا شنو اي و بعد حبييبي صاير بوسعبولة عادي بهالعمر هالوضع؟

هلا توما

طبيعي الريول اللي تعرق

و السعابيل حدث ولا حرج

عاااااااااااادي

 

[al_gardenia]

هلا الجاردينيا شلونج وين صايره تغطين ؟؟

تصدقين عورتي قلبي على عيالج مساكين عاد يا عالم يشوفون أصحابهم بعد ولا خلاص

يلا بس كل شي يهون عن الغربه

اهلين امو جوجو
انا والله موجوده بس الحين كله لاهيه بتلبق الاغراض وحوسة اليهال

اي والله المهم افتكينا وانشالله بعدين اذ ردينا لندن سياحه ايبهم يشوفون رفيجاتهم
يتذكرونهم

هلا القاردينا شخبارج والحمد الله افتكيتي من دوام المدارس مابقى شي على الرجعه والبنات عادي يهال شوي شوي وبينسون حبيباتي وقوليلهم ان شاء الله تلاقون صديقات يدد بالكويت وحببيهم بالديره والاستقرار

اي والله مابقى شي افتكيت والله اي واليهال
عاد انا اقول لهم لا تنسون رفيجاتكم ال ي هني عقب ما انروح الكويت لان حتى هذول كانو يحبونكم

وعللا طاري الديره اقول لهم اذا وصلنا المطار شنو بتسون يقولون بنصرخ هااااااااااااااااااااااااااااااااااااااي
وصلنا الكوييييييييييييييييييييييييييييييييييت بعد عمري ملو ولا يسالوني يقولون اشلون بعدين انكلم رفيجاتنا بالكويت مايعرفون يتكلمون اكليش

السلام عليهم
واي يالغاردينيا ضاق خلقي على عيالج مساكين بس انشالله لين يداومون هني يلقون ربع أحسن منهم و يستانسون
تصدقين عاد قاعدة أفكر بهالسفراء اللي كل جم سنة بديرة شحال عيالهم؟ أحس بس ما يعود فيهم أعصاب

اي والله توما انا شقول وايد ضايق خلقي عليهم اليوم قاعدين يطالعون كتبهم وبيتذكرون ويسولفون على الغدا عن والف رفيجاتهم
والله صج اشوه ان احنا مو سفراء ولا جان ضيقت خلق

 

[HaPpY_SpiRiT]

ثانكس ماما شوغر والله طمنتيني

أمهات جميلات من فيكم طعمت ولدها او بنتها التطعيم الثاني؟ حياتي أمس وديت بوصلوح و من رفعنا جمه قام يبجي خخخخ و أنا أقوله يالجبان و أبوه يزفني يقوللي لا لا شجاع لوووووول

 

[mrs_sugar]

الأحد بطعم بنتي التطعيم الثاني

توما

ما سخن ولدج ؟

 

[HaPpY_SpiRiT]

لا والله الحمدالله جت سليمة

 

[mrs_sugar]

الحمدلله

تمام عيل اطعمها و ما احاتي

 

[HaPpY_SpiRiT]

اي انشالله توكلي على الله ماكو الا الخير
و اللي صج ضيق خلقي ان هم الشهر الياي انشالله أكو تطعيم!
ما أدري لمتى و الله نفسيتي ما عادت تتحمل هالتطعيمات حبيبي وايد أشيل همه

 

[mrs_sugar]

توما التطاعيم لي الروضة

يعني تو الناس

و التطعيم الياي مال 4 شهور نفس بو شهرين صخونة و اذية

 

[احلى كويتيه]

جمعة مباركه على الكل يارب

شخباركم


اشوف اخباركم وارجع​

 

[احلى كويتيه]

اي انشالله توكلي على الله ماكو الا الخير
و اللي صج ضيق خلقي ان هم الشهر الياي انشالله أكو تطعيم!
ما أدري لمتى و الله نفسيتي ما عادت تتحمل هالتطعيمات حبيبي وايد أشيل همه

مايشوف شر صلوح ملوح اي عادي لا تشيلين هم التطعيمات مدامهم ي صالحهم واخر تطعيم ان شاء الله لي صار عمره 4ونص ان شاء الله

في بو 4 شور
و6 شهور
وسنه
وجذي مكتوب على شهادة التطعيمات

 

[احلى كويتيه]

يعني رسمي أنا اللي مقبسة عليكم عساني ادش المنتدى ما ألقى أحد
ربنا كريم

يوووووووووووووه توما سيم سيم كل ما ادش ما الاقي احد خاصه الصبح صخه وهههه لا ان شاء الله متفائلين منج ويبعد عنج التقبس خخخخخخخخخخ:ggdw:​

 

[احلى كويتيه]

الأحد بطعم بنتي التطعيم الثاني

توما

ما سخن ولدج ؟

هلا شوقر انا بعد تطعيم غلاوي الاحد الصبح والحمد الله ماكو حراره بس ما ادري نكمدها او لا​

 

[drsemsem79]

أنا كان المفروض اكون من امهات 2008 بس ولدي استعيل و نور حياتي في 21/12/2007 و ودي تقبلوني عضوه معاكم. انا سمسم او ام جسوم الله يخليه. عمره الحين 3 شهور. و صاير ايشوق و خاصه سعابيله

 

[احلى كويتيه]

ياحياتي ياسمسم الله يخليلج جسوم وحياج الله معانا والظاهر السعابيل منتشره ههههههههه

وعلى طاري الستعيال عادي الي تكسر خاطري مس شوقر عواشه بنتتها الا تيي بــ 2007 ماصبرت يوم الحلوه ولدت بتاريخ 31-12-2007 شرايج​

 

[HaPpY_SpiRiT]

هلا شوقر انا بعد تطعيم غلاوي الاحد الصبح والحمد الله ماكو حراره بس ما ادري نكمدها او لا​

هلو أحلى
والله شوفي النيرس قالتلي ماله داعي أسوي شي بس ما أحط عليها كريمات أو أي شي ثاني و ان لا سمح الله التهبت أحط عليها ماي عادي و جنها قالت و ملح بس مو متأكدة و بس

 

[HaPpY_SpiRiT]

أحلى و باقي البنات بليز راعوا شعوري لا تحطون سوالف الألوان و تنسقون كلامكم و تزينونه لأني مو قادرة فممنوع عليكم كلكم حالكم حالي ((( وحدة حاطه دوبها بدوبكم)))

 

[b6o6a]

اشلونكم بنااات

القاردينيا حرام عيالج تعودوا على هناك

شوقر احلى توما نحوله ام وجيه والباجي شلووونكم

انا تطعيم بنتي يوم الاثنين والله يعين

 

[HaPpY_SpiRiT]

هلو بطوط انا الحمدالله
انتي اشلونج مع لوية الكلية و الامتحانات؟ احنا انشالله هالأسبوع نبلش امتحانات الله يعننا

 

[al_gardenia]

حياج الله سمسم ولدج اكبر من بنتي يوم وعلى السعابيل حدث ولا حرج

توما حاضر عشانج ماني ملونه الكتابه عشان لا تحترين

بطوطه اي والله وايد تعودو اليوم اروايهم الصور ضاق خلقهم مع ان مستانسين ان بنرد الكويت

انا تطعين اروى تاريخ 22 من الشهر