تجمع امهات 2008 حياكم

[الاستاذة]

صباح الخير شلونكم بنات؟
انا كل يوم بدش اسلم عشان تجمعنا مايروح وؤى غميضه عليه

استبرق وعالم وكويتيه منا ومنكم صالح الاعمال ماقصرتو

كويتيه شلون ولدج الحين؟؟؟

ام وجيه شلونج ماقمتي ادشين وايد شلون دوامج؟؟؟

شوقر اللهه يسهل امورج يارب

داريني اموري الي بالرايه مسوي 30% عاد في ترنقات كانت بشي وخمسين صارت 35 اشوقون

 

[أم وجيه]

صباحووووو

هلا الاستاذه تدرين الدوام آخر السنة وبلاويها عاد أظل مشغولة من شهر 11 لين نهاية شهر 3 يكون صج كرف من قلب
جمعية عمومية وطلعة للسوق الرسمي وميزانية نهاية السنة واجتماعات مجلس الإدارة والبرزنتشين كله هذا عندي

انتي شخبارك وأخبار زيونه ان شاء الله تحملين وتيبين لها أخو عاد خلاص رحت الحج وخلصتي

بروقة ان شاء الله تولدين بسلامة وتيبين لبروقة يعقوب وعاد على الفطام ما أدري بس انتي يبيلها شغلات تغريها انها تشرب فيهم الحليب
مع اني بعد تجربه ما أنصحج تفطمينها آنا جوجو كان عمره ثلاث سنتين ونص لما حملت بطمطم وعلى طول فطمته عن المميه ومن يومها ما يشرب حليب الا بطلعت الروح تندمت قلت يا ريت ظل على الممية ولا قطع الحليب
وعلى الحمام تكرمين صعب تعلمينها بالبرد خلها شوي يدفى الجو ولا تجبرينها خلها براحتها علشان ما تكره الموضوع والله يحفظها ان شاء الله

علومه على خير ان شاء الله تقومين بالسلامة وتقر عينج بالولد اللي اتمنين بصحة وسلامة انتي والبيبي
وشخبار حوراء واستعدادها للبيبي

باقي البنات شخباركم

كويتية وافتخر والله انتي دايم بالبال والله يشفي المريض ويهون عليه ويأجره ان شاء الله ويأجرج
ويرد الغايب يا رب

 

[الاستاذة]

الله يعطيج العافيه ام وجيه اي الحين نهاية السنه يزيد الشغل والله انا ودي احمل ان شاء الله الله يكتب لي الذرية الصالحة

 

[كويتية1]

السلااااااااااام شلونكم نفر نفر
الظاهر موسم حمال الصبيان انه رحت الطبيب وقالي بوووووووووووي الحمد الله
انتوا شلونكم مس يو

 

[كويتية1]

الاستاذة الله يسهل عليج اخذي من الحين فولك اسد احسن لج اذا ناوية تحملين
ام جوجو الله يعينج

 

[رقي]

السلام عليكم شخباركم
شفت عبورة
علي فكره محلوة

 

[الاستاذة]

لوول رقي ماكو فايده فيج وين شوقر عنج لا حول الله ولا قوة الا بالله

كويتيه حبيبتي الله يتمم عليج ويقومج بالسلامه اي ان شاء الله ببدي آخذه

 

[كويتيه وافتخر]

الاستاذه زين تسوين خل تجمعنا يرجع مثل قبل

وانا باحاول امر كل يووووووم

 

[ملح الدنيا]

عاشوا عاااااشوا أي عفية عليج استاذتنا خل يرد ينتعش تجمعنا

أم جوجو : انا الحين الحمدلله بنص الثامن يالا هانت انشالله ، انتي شخبارج الحين عسى تحرصين عالحديد ؟

عيل الحين معاي علومة وبروقة و كويتية 1 احنا المنتفخين "ربي يهون علينا وعلى كل حامل يااارب" ؟ منو ويانا بعد ؟ والاستاذة ربي يكتب لج الحمل الميسر السهل والضنى الصالح اللهم آمين

 

[كويتيه وافتخر]

الله يهون عليكم

 

[إستبرق]

السلام عليكم

شخباركم

حبيت اسلم واطلع

 

[داريني]

سلاااااااام ديوانية شبه نشيطه

انا كنت مسافره وتوني رجعت
سافرت سفره عمل عشتو تكمله حق الدورة الي كنت ماخذتها
وامس يدتي ام امي توفت وما دريت الا اليوم لما وصلت

 

[ملح الدنيا]

وي لا حول و لا قوة الا بالله
عظم الله أجركم داريني، الله يرحمها ويسكنها فسيح جناته اللهم آمين

 

[كويتيه وافتخر]

حمدالله عسلامتج داريني

والله يرحمها

 

[الاستاذة]

الحمدالله على سلامتج داريني وعظم الله اجركم ان شاءالله

 

[love love]

الله يسهل عليج ان شاءالله وصااجه الشقه اريح
بس فكري فيها منو يمسك اليهال وانتي تدرسين لو بيت اهلج بيلهوون اهناك وانتي تجابلين دراستج



داريني عظم الله اجرج حبيبتي



ام وجيه حوراء هيئتها في بيبي واقعدها وياي وانا ارتب الاغراض بس مايندرى فاهمه ولالا
لانه صايره هالفتره اذا مسكت ياهل تبجيي جنه بيخطفني

شريت لها العااب والوان وبيبي مع كريماته وخشييته للاربعين قلت علشان لما الهى بالبيبي اهي تلهى بلعبتها يمكن تقلدني ويخف غيرتها

 

[داريني]

صباح الخير

التجمع خلاص صار عليه غبار

 

[ملح الدنيا]

صباااح الجو الحلو
كح كح كح صاجة يا وخيتي، داريني اشهالصورة البدعة ههههي .. البنية كشتها عجيييييبة

 

[رقي]

سلام
الاستاذه تدرين مت ضحك
اقول ليش تبي شوقر
قريت الاسم
ههههههههههههه

شخباركم كلكم
ولهنا عليكم والله

 

[داريني]

صباااح الجو الحلو
كح كح كح صاجة يا وخيتي، داريني اشهالصورة البدعة ههههي .. البنية كشتها عجيييييبة

لووول هذا نيو لوك 2010

سلام
الاستاذه تدرين مت ضحك
اقول ليش تبي شوقر
قريت الاسم
ههههههههههههه

شخباركم كلكم
ولهنا عليكم والله

شنو بضحك انا بعد

انا بعد ولهانه عليكم
نصنا حملو ولهوو
واحنا للحين صامدين:dddds: