تجمع امهات 2008 حياكم

[- ToTa-]

انشالله يالغاردينيا ما بقى شي كلها بو سنة سنتين و تعدل نومتهم انشالله و نريح معاهم خخخخ
الا صج اشكثر اشلون بنيتج ألحين الله يحفظها؟ و قطعتي عنها الطبيعي و لا اشلون؟​

 

[بنت بنوت]

بنت بنوت سألتلج عن خلطة القهوة يا طويلة العمر تييبين 4 قفاش قهوة تركية و قفشتين خل و نص عصير ليمونة تخلطينهم مع بعض و تفركين جسمج فيها عدل مدل صوب الستريتج ماركس و راح تشوفين بعينج الدهن اللي راح يطلع من جسمج
أنا اانشالله باجر بجربها بروح اليوم السوق و بييب القهوة و نشوف انشالله عاد عسى صج تفيد معانا​

هلا والله توما

يعني هذي الخلطه تصلح حق اللي فتح بطن ؟؟

وشلون افرك فيها بطني يعني وقت السبوح ؟؟ وبايدي ولا بالليفه ؟؟

 

[mrs_sugar]

توما

الله يهنيج و عينا عليج باردة

شبعي نوم كثر ما تقدرين ترى نومة الليل ما تتعوض

بغيت اسألج عن خلطة القهوة اللي قلتي عنها حق بس الستريتش ماركس ولا حق الكرش بصورة عامة و شلون الدهن راح يطلع من الجسم ؟؟؟؟؟؟؟؟؟؟؟

ما فهمت

انا بطني ما فيه ستريتش ماركس وايد .. بس الكرشة اذا تصلح هالخلطة بسويها

بنات اللي سألوا عن رقم كاريزما ..

2611166

و مكانهم بالشعب شارع الكندي

بس اليوم الظاهر مو مداومين من الصبح وانا اتصل محد يرد

بجرب مرة ثانية باجر​

 

[mrs_sugar]

وينكم اليوم ؟؟؟؟؟؟؟؟؟؟؟؟؟؟؟؟؟

 

[al_gardenia]

توما الحمدالله بنتي بدى البوصفار ينزل امبين من عينها
والرضاعه الطبيعيه لا ماقطعتها بس اعطعيها باليوم مره صناعي ومرات ما اعطيها يمر جم يوم ما اعطيها صناعي ولا بالطلعه اذا مالقيت مكان ارضعها اعطيها صناعي

 

[mrs_sugar]

السلام

اخيرا اكو احد

اليوم ضايق خلقي ما عندي الا المنتدى

كان ودي اطلع بس ما قدرت بنتي متعسرة وايد اليوم و خفت اخليها عند الشغالة ما تعرف لها توها نامت

القاردينيا شخبارج

شلون عيالج ؟؟

و الصغيرة الحمدلله ان نزل صفارها

و زين سويتي ما قطعتي الطبيعي .. ونستيني

الله يتمم عليج و على كل اللي يرضعون و يسهل على اللي ما يرضعون علشان يرضعون خخخخخخخخخ

صارت حزاية​

 

[أم وجيه]

شلونك شوقر اليوم

آنا بنتي اليوم كله ترجيع ما أدري شفيها
شكلها بردانه

 

[al_gardenia]

شقوره امين
اليهال بخير ودهم الايام اتمر بسرعه عشان بردون الكويت بسرعه كل يوم يسالوني اشكثر انام ونقعد انروح الكويت ملو مساكين من الغربه مع ان انا ماودي ارجع احس تعودت على جو الهدوء وان محد يزورني ولا ازور احد لما رحت الكويت اخر مره شهر 8 وايد تعسرت ضاق خلقي كنت اقول متى ارد لندن حق الهدوء وامي تقولي حرام عليج انا ابيج بعد شسوي مردي برد لازم بتاقلم مع الاجواء اليديده

 

[mrs_sugar]

وييييييييه بعد قلبي حطي بالج عليها

يمكن حايشها برد و لا مكثرتلها الحليب

 

[mrs_sugar]

شقوره امين
اليهال بخير ودهم الايام اتمر بسرعه عشان بردون الكويت بسرعه كل يوم يسالوني اشكثر انام ونقعد انروح الكويت ملو مساكين من الغربه مع ان انا ماودي ارجع احس تعودت على جو الهدوء وان محد يزورني ولا ازور احد لما رحت الكويت اخر مره شهر 8 وايد تعسرت ضاق خلقي كنت اقول متى ارد لندن حق الهدوء وامي تقولي حرام عليج انا ابيج بعد شسوي مردي برد لازم بتاقلم مع الاجواء اليديده

الله يعينكم عالغربة خصوصا اذا اليهال يفهمون

يتمللون حبايبي

شكثر باقي لكم و ترجعون ؟؟​

 

[أم وجيه]

الجاردينيا الهدوء مرات يكون حلو ومرات يضيق الخلق يعني مرات تموتين بس ودك بأحد يونسك

شوقر لا الظاهر بردانه حبيبتي لأنه ترجيعها مو عادي وتبجي مو عارفه شسويلها مسكينه تكسر الخاطر

 

[al_gardenia]

ام وجيه سلامتها فطومه وديها الطبيب احسن تطمنين عليها
انشالله ماعليها شر

 

[أم وجيه]

و آنا ما صدقت تخف الالفلونزا ولا هي راده يعني ما لحق أرتاح منها يومين ولا هي راده والمشكله اللي ذابحني الحرارة وما أبي آخذ دوا مره ثانيه قبل أمس خلص المضاد مالي وما أبي أكثر بالأدوية علشان فطوم
والليمون والبابونج والزعتر كله مو فايد وياي

 

[أم وجيه]

والله أخاف أوديها الطبيب الجاردينيا أخاف يلعبون فيها لعب ولا يعطونها دوا ما يناسبها


بلاعيمي اذبحتني والكحه ما تخليني أنام

 

[al_gardenia]

الجاردينيا الهدوء مرات يكون حلو ومرات يضيق الخلق يعني مرات تموتين بس ودك بأحد يونسك

اي والله ام وجيه ساعات اموت من البجي بس ابي اشوف امي وابوي وساعات ودي احد ايني بس من عقب الماكل الي يت من الحريم الي ريايلهم بالبعثه ماقمت افتح بيتي حف اي احد الوحده وايد ارحم من المساكل والفتنه انا مو مال هالسوالف انا حتى مااعرف ادافع عن نفسي
على قولت اخوانا السورين خليها بالقلب توجع ولا تطلع لبرى وتفضح

 

[al_gardenia]

ام وجيه اليمون موزين حق الكحه يزيدها بس زين حق الفلونزا
انتي وديها اذا الدوه ماعجبج لا تعطينها يمكن يشور عليج بنصيحه زينه

 

[أم وجيه]

اكيد طبعا إذا فيها عوار راس الباب اللي يجيلك منه الريح سدو واستريح

آنا بروح أشوفلي حل ببلاعيمي وفطومتي

 

[al_gardenia]

ام وجيه في بالصيدليه حبوب مص اسمهم هيربل على اعشاب وايد زينين حق البلاعيم

 

[احلى كويتيه]

شفيكم محد فقدني

كلكم غالين والا كان زعلت عليكم

 

[MaYoOoma]

انا موجوده على طول وما اسكر هالموضوع شغال عندي على طول اليوم و اسوي ري فرش كل شوي .. بس اتعييز اكتب مادري ليش هههههه