تجمع امهات 2008 حياكم

[أم وجيه]

صباح الخير بنات

شلونكم وشخبار بيبياتكم ان شاء الله الكل بخير

مشكورين والله يسلمكم كلكم اذني قالت لي الدكتوره لازم أكمل المضاد والله يستر وما ينشف الحليب

الأستاذه آنا كل يوم قاعده من الساعه 5 أقوم أصلي وأرضع وألبس حق الدوام ويا دوب الوقت وبالليل ما أنام قبل 1.30 إلى 2 وخلص على قولة المصريين جتتي نحست تعودت

شقورة اللع يعينج أولها صعب صراحه بس خلاص باجر تكونين تعودتي

أحلى شخبارك اليوم وأخبار غلاوي شنو صار معاها طمنينا

منو بدت توكل البيبي ؟؟؟ ​

 

[أم وجيه]

صباح الخير كنكونه احنا بعد قاعدين من الصبح انتي ليش قاعد استغلي الوقت بالنوم باجر يجي وقت تقولين وينك يا نوم

 

[كنكونه]

خطاج السوء يا ام وجيه.. يعطيج العافيه

 

[الاستاذة]

الله يعينج ام وجيه ليش نومتها متعفسه جذي؟انتي بس تعطينها طبيعي؟ليش ماطول بالنومه؟

 

[كنكونه]

والله سهرانه من امس حمني الله يهداه يقعد يبي رضعته شسوي ارضعه وتروح النومه وعلى هالحال

 

[احلى كويتيه]

هلاااااااااااا الاستاذه شخبارج وشلون زيونه

ام وجيه ميخالف جان شفطتي قبل لاتاخذين المضاد وخزنتيه بالفريزر بس اهم شي الصحه وان شاء الله ماينشف

كنونه اي الحين ماتبين النوم وباجر بدورين دواره شبعي نوم والله يعينج على حمني ​

 

[أم وجيه]

الله يسلمج كنكونه تسلمييييين

الله يعينج بس ترى استغلي كل نومه له لا تحرمين نفسج الله يخليه لج

الأستاذه لا فطومه تنام مبجر يعني 11 تكون نايمه بس آنا أبي أتنفس يعني عقب ما ينامون عيالي أبدي أتنفس وأشوف حالي وزوجي وتروح للساعه 2 وبعدين أقعد للصلاة ما يمديني أنام عقبها علشان ترضع فطوم
أعطيها صناعي بس وآنا بالدوام بس من أرد البيت على صدري يعني تاخذ 2 صناعي وآنا مو بالبيت بس

 

[كنكونه]

الله يعين الجميع

 

[كنكونه]

تعالو الشفاط ما يؤثر على الصدر انا سمعت يسبب تشققات؟؟

 

[الاستاذة]

انا كنت اشفط اي يسوى تشققات

 

[احلى كويتيه]

عااااااادي لازم تغسلين صدرج عشان يترطب وشفطي وغسلي ودهني وخلاااااص

 

[كنكونه]

اهااا يعني لازم اعتني

 

[أم وجيه]

اي مع الشفاط لازم العناية تكون دبل لأنه إذا ما رطبتي صدرج راح يتشقق آنا أحط زين لوز بس طبعا لما أرضع فطوم أمسحه قبل لا ترضع أحسه أحسن من كل الكريمات

 

[أم وجيه]

بنات منو حاطه عيالها بحضانه انجليزية أبي أدخل جوجو الحضانة قبل المدرسة علشان ايهيئونه للكتابة بس ترى آنا ساكنه بالفروانية يعني أبي حضانه مجربه قريبه يعني الفروانية جنوب الشرة اليرموك قرطبة أو اي حضانه بطريقي للدوام

 

[al_gardenia]

سلام امهات شلونكم

ام وجيه حبيبتي الف سلامه عليج ماتشوفين شر شلونج اليوم انشالله احسن
وبالنسبه للحضانه انا سمعت البنات يتكلمون عن حضانه وايد زينه باليرموك ادور ل الرابط واحطه
انها انجليزيه ومدرساتها اجانب وعندهم مدرسه عربيه حق القران مادري هذا الي قريته

 

[أم وجيه]

سلام امهات شلونكم

ام وجيه حبيبتي الف سلامه عليج ماتشوفين شر شلونج اليوم انشالله احسن
وبالنسبه للحضانه انا سمعت البنات يتكلمون عن حضانه وايد زينه باليرموك ادور ل الرابط واحطه
انها انجليزيه ومدرساتها اجانب وعندهم مدرسه عربيه حق القران مادري هذا الي قريته

الله يسلمك الغالية الشر ما يجيج
الحمد لله اليوم أحسن ان شاء الله
تسلميييين وبالنسبة للرابط آنا قريت الموضوع مال الحضانه بس ما تشجعت أكثر من وحده قالت يطقون خفت آنا نوعي ما أطق جوجو ولا أبوه نربيه بالاقناع وإذا حده حده أقوله زعلانه منك يذبح نفسه بجي ومراضاة عقب يطقونه يخربون التربية ويصير ما يطيع إلا بالطق ​

 

[mrs_sugar]

بنات منو حاطه عيالها بحضانه انجليزية أبي أدخل جوجو الحضانة قبل المدرسة علشان ايهيئونه للكتابة بس ترى آنا ساكنه بالفروانية يعني أبي حضانه مجربه قريبه يعني الفروانية جنوب الشرة اليرموك قرطبة أو اي حضانه بطريقي للدوام

والله مادري ام جوجو عم هالمناطق

انا بنتي بصباح السالم حضانتها تهبل

بجنوب السرة اختي تودي ولدها حضانة بيبي جاردن بقطعة 2 تمدحهم والله

تبين اييب لج الرقم

 

[mrs_sugar]

شقورة اللع يعينج أولها صعب صراحه بس خلاص باجر تكونين تعودتي

منو بدت توكل البيبي ؟؟؟ ​

اييي والله ام جوجو

اول شي ما اقدر اقوم من الفراش الا بالغصب

بس من اروح الدوام و ادش بالشغل خلاص اصحصح غصبن على طبعا بس من ارد البيت خلاص ما فيني

روح اسوي اي شي ولا اطلع ولا اروح مكان



و بالنسبة للأكل

انا اليوم ذوقتها بسكوت خالي من الغلوتين ماركة ميلوبا

صغار يحليلهم الوحدة كبر الصبع الصغير ذوبت وحدة مع ماي و عطيتها منه 3 -4 قفاش مالوت الجاي الصغار

كلش عرفتوهم ؟ بس

لانه بنتي بعد اسبوع تكمل اربع شهور

راح ابتدي معاها بالعيش اول شي و عقب البطاطا و الجزر و باقي الخضار و بخلي الفواكه اخر الشهر يمكن مو الحين

حتى البسكوت ما راح اعطيها الا بعدين علشان لا تتعود عالحلا و ترفض الخضار

 

[HaPpY_SpiRiT]

سلااااام
اشلونكم و شخباركم
شوغر الله يعينج على الدوام والله احسج راح تولهين على النوم
بس ما عليه عشان بس تحسين فينا هههه
و اشلون الدايت معاج؟ انا وحدة بوقف و بحول اكلي على ريلي ماني قادرة التزم و بعدين صارلي جم يوم من آكل منهم بطني يعورني والله اقولهم جنه عوار طاق و فوق كل هذا ما نزلت الا نص كيلو يعني صج حسافة على الفلوس اللي راحتلهم

 

[كنكونه]

صباح الخير بنات .. شلونكم شخباركم؟؟

انا صراحه ما احب الديت عندي الرياضه احسن :weight_lift:

بس الرجيم اذا كانت باستشارة طبيب ممكن..:wqedqw: