**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[daloola]

هاي الحنونة
انتي شلونج وشلون عيالج؟

 

[al7noona]

هلا دلوله
واييي ضايق خلقي

امي توها ودت خدامتي الطبيب تقول بطنها يعورها
ولا ادق علي امي تقول خدامتج حامل لووووووووووووووووول اهيا توها يايتلي صارلها شهر تقول انها متزوجه صارلها 5 شهور ولما يت الكويت مايتلها الدوره
والحين بتوديها مستشفى طيبه تسوي تحليل

ضايق خلقي ياربي هالخدم بلوه من وين اييب الحين ولا المكتب اييب لنا وعلى حسابه؟؟؟؟ احنا من وين لنا فلوس علشان انييب خدامه يديده امي تقول لا المكتب يردها واييب لج يديده على حسابه؟؟؟!!!!

 

[استبرق أم علاوي]

قوة شلونكم

بنات ادعو حق علاوي انا الحين شابكه من مستشفى مبارك
بعد عمري الفير ارتفعت حرارته 40 ونوموه
بس الحمدلله انزلت ان شاء الله مايطول

 

[al7noona]

مايشوف شر علاوي ربي يشافيه انشالله

 

[om_3azoz]

ياحياتي يااا ام علاوي الله يشاافيه يارب انشاءالله
من شنو ارتفعت حرارته حبيبي
ديربالج عليه حبيبتي

 

[وجودي عسل]

اخباركم بنات

منو موجود

 

[بحر الغموض]

اسال الله العظيم رب العرش العظيم ان يشفي علي ولد استبرق شفاءا عاجلا يارب وكل اطفال المسلمين

 

[بحر الغموض]

وجودي عسل انا موجوده

اليوم رحت لستي سنتر يخرب بيتهم هالشباب المسخره يشوفوني مع خدامتي وولدي ويغازلون ويرقمون

واحد لحقني الين السياره وانا حاقرته
حطيت عربانه ولدي بالدبه بسرعه والا ايي يمي ويقط الرقم بالدبه ارتفع ضغطي من حركته وجراته وقله الحيا اللي فيه
ماحسيت الا وانا اشيل الورقه واحذفه واقوله عمى بعيييييييييينك بلى عمى
وادش سييارتي بسرعه وانا لايعه جبدي وودي لو ادعمه هالمسخره

 

[الشيخه فطامي]

سلام بنات شلوووووووووووونكم

امس مرتني رفيجتي نومت ولدي على بطنه قام تمسح على ظهره ولا تقولي ولدج متمصع
تضغط شوي على الخفيف على ظهري ينقز
طبعا انا ما اربطه الا بليل لمن بنام لانه ما يحب يعافر او يحقن ويه يصير احمر ما يبي فافاتحه
بس قالتلي مو زين جذي طبعا الكل يشيله وهو مفتوح مومربط اهو لين الحين بالاربعين او حدي حاتييت ؟ بس ما يحب اربطله شسوي
بعدين جسمه يحبب اذا لبسته وايد او قالتلي ديريبالج لا يمسك صدره لانه بعض المرات صدره يخشخش

 

[om_3adoOol]

هااااااااااااااااااااااااااااااااااااااااااااااااااااااي

شلونكم وشلون الكتاكيت ؟؟

مشتاقتلكم وااايد

وسوالفكم بعد :eh_s(6): :eh_s(6):



ام علاوي حبيبتي مايشوف شر وليدج اسال الله العظيم رب العرش العظيم ان يشفيه
واجر وعافيه



حنونه حبيبتي حاسه فيج ولله عاد انا خدامتي وصلت الاسبوع اللي طاف وتعالي ضحكي علينا ليما يتنا المترجمة خدامة اخوي
ولا عبالها ان خدااامة امي بنتها :krkrkr: :krkrkr: يعني اختي

بس اهيا شكثر صار لها عندج لان الخدم يكونون على الكفاله لمدة ست اشهر

الشيخة شلونج حبيبتي وشمسوية مع الأمومه ؟؟
حبيبتي خلي وليدج على طول بالمهاد احسن له وعشان جسمه يشد ويتقوى ميخالف اهم كله جذي ما يبونه يبجون اول شي بعدين يتعودون



ام عزوز شلونج وشلون المعرس؟؟
بحوره شلونج ياقلبي وشلون وليدج ؟؟
دلوله حبيبتي شلوون بنوتج ؟؟

وكلكم شلون كتاكيتكم الحلويين ؟؟

:eh_s(6):

 

[om_3azoz]

هلا حبيبتي ام عدول انا بخير وعزوز بخير الحمدالله والله انتي شلونج شلون عدولي ؟

الشيخه فطامي
حرام لازم تمهدينه دايماا عشان عظاامه تشد ويمد ريووله ,, وبعدين اهوو توه بالاربعين يعني لازم لازم والله تمهيده
خليه يتعود على المهاد انا عزوز تعود وكاان ماينام الا بالمهااد والحين 3 شهور و15 يوم عمره ليلحين بليل امهده
لان لمن يكون امهد ينام مده اطول بس طبعاا الاقي مطلع ريووله ولا ايدينه ,,

 

[om_3adoOol]

هلا ام اعزوز انا الحمدلله بخير وعدوولي تمام

صح كلامج حبيبتي حتى انا عدولي الحين خمس شهور وللحين بليل امهده وطبعا ريله طالعه ومرات ايده عيل امهدته ليش مادري :dddds:

 

[وجودي عسل]

بحوووره

اصلا مايحلالهم المغازل الا للمتزوجات

تخيلي مره معاي زوجي ويغازل وصارت طق ومطاقق من بعدها كرهت اروح لهالاماكن



فطامي بالاربعين اصلا ماتفتحين المهاد الا اذا بتغيرين البامبرز او تسبحينه وطووول الوقت بالمهاد


انا وليدي اللحين اسم الله عليه مايحب المهاد والمصيبه اهل زوجي شيلتهم للبيبي شينه احس يمصعونه بس شسوي مااقدر اقول شي

 

[al7noona]

وييي مساكين هاليهال ترفين وبسرعه يتمصعون ديربالكم عليهم لازم تلفونهم لو على الخفيف احسن حتى لما ينام يطول بالنومه لان ايده مربوطه بس لو مو مربوطه جان كل دقيقه يقعد يخترع لان يحرك ايده


خدامتي رديتها المكتب وعطانا بدالها سيلانيه الله يسخرها انشالله

 

[om_3adoOol]

هلين وجودي شلونج وشمسويه اي ولله صاجه حبيبتي بس هم ميخالف حاولي معاه خليه يتعود عاد خصوصا اهل الريل لان يكون ولدهم وطايرين فيه

حتى انا بزوارتنا اول ما دش بيت عمي الكل يي صوبي يبون ياخذونه ويصير مخامط فاخاف يعورنه فعشان جذي امهده معنه حر


الحمدلله حنونه الله يسخرها لج وكلا قولي اللهم اسالك من خيرها واعوذ بك من شرها

 

[الشيخه فطامي]

حبايبي
بحاول امهده كل يوم
بس المشكله مثل ما قلتو اهل الزوج خصوصا خالتي كنت اول الايام كله مهد اعطيها ياه او تحته الشياله كفر ثقيل شوي تقط الكفر تفتح المهاد تقول انا ما حب الياهل جذي خلي ياخذ راحته

ماقدر اكلم استغفر الله والله امس قلبي عورني طول الليل ضميري مأنبني احس انا السبب اللي ما دربت بالي اكثر او مهدته
بس شقولها مره كبيره المفروض اهي اللي تداري على هل الشي

 

[الشيخه فطامي]

بننات بسألكم متى عادي اطلع ولدي بعد الاربعين عادي ؟
اي او عادي انومه عندي لانه مايحب ينام بفراشه انومه عندي بالفراش ينام ؟ مادري ليش
قلت عل الاقل جم شهر انومه عندي عقب اخليه بفراشه ولا لأأ من اول شي اعوده
بعد سؤال<<< مصختها

متى انظم نومته يعني البيبي بعد الاربعين اسم الله عليه جم ساعه لازم ينام
اخليه يلعب شوي الظهاري
انا ولدي ما ينام كله ساعه ويقعد ساعه وسقعد ما يكمل ساعتين على بعض
بحاول انظ وقته شتنصحوني بأشياء حق بعد الاربعين ؟

 

[al7noona]

تقدرين تطلعينه عقب الاربعين بس الاحسن مو وايد لان يكوون توه صغير ومومال طلعه بس حق زيارات عادي
ولاتعودينه ينام بفراشج مو زين واصلا راح يتعود خليه لما ينام وعقب وديه فراشه

 

[ϲհҽɾɾվ87]

اب اب

 

[بحر الغموض]

هلا والله بنااااااااااااااااااااااااااااااتيت كلهم وكتاكييييييييييييييييتكم كلهم اتمنى يكونون انتو وياهو بخير

بالنسبه للمهاد خصوصا النومه احب امهده لانه يطول اذا مو مهد يتفزز من نومته لما يحرك ايده
ونومته بسريري صح ينام ويخدر واذا حطيته على سريره يقعد بسرعه
بس ما اخليه الا اذا تعبانه وماقدر اجابله كل اشوي اقوم له
تنظيم النوم تو الناس للي بالاربعين خلي يدخل الشهر الثالث اهني ابدي حاولي
الحين يبي ينمو ويكبر فلازم يرضع وبعدها ينام علشان ينمو العقل والجسم لما يخلص يقعد علشان يرضع ويكمل النمو

بالنسبه للطلعات ماراح ترتاحين بالطلعه وايد الا اذا زوارات خفيفه لان البيبي بتلاحظينه يتعب ويتعسر بالطلعه او بعد ماترجعون
ولدي الحين بالاربع اشهر اشوي بدا يتاقلم ولو انه ينزعج من الازعاج واللويه

انا يتلي الدوره وارضع ضاق خلقي صج