**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[حنتوشه]

هلا ام عدول


هلا بالطش والرش وماي الورد المرشرش


شخبارج حبيبتي وشلون عدولي سلم قلبه

 

[om_3adoOol]

هلا فيج حنتوووشة احنا الحمدلله بخير

يحليله حمودي سمالله عليه الله يخليه لج

اي عدول جذي اول ماحطينا طاقته البوهه وبعدين لعب واستانس ولمه مل شلناه :dddds: :dddds:

 

[وجودي عسل]

وجودي انا ضد اني اعطي البيبي ادول قبل لا تصير فيه الحراره
لو ارتفت حرارته اشوي اعطيه بس مو قبل جذي علشان تكون عنده مقاومه ومناعه
ولما قلت للطبيب قالي احسن لاتعطينه واهو ماعنده حراره تضرينه

بالعكس لان لو مسكته الحراره صعبه تفج عنه بسهوووله

وبيتعب اكثر

عاد انتي وراحتج

 

[وجودي عسل]

حنتوشه وام عدووول

اخباركم

واخبار البيبيات


انا وليدي صار عدوه الحليب

مدري شسوي فيه


وقت الرضعه وقت الحرب عندنا

 

[بحر الغموض]

هلا والله ام عدول وحنتوشه ووجودي

جنتوشه من وين شريتي الدراي؟
وجودي انا اكون متابعه الحراره كل نص ساعه اشوفها ومن اشوف بدت ترفع اعطيه على طول فماتمر ربع ساعه بالكثير نص ساعه الا نزلت

 

[om_3azoz]

السلام عليكم حبايبي شخبااركم وشخباار الكتاكيت الحلوين ؟؟

مشكورين حق كل اللي دعى حق أمي ان الله يشفيها يارب



وعلى الخيران مادويت عزوز الا اول يوم بعدين رديته البيت عند امي ويوم الثاني عند خالتي
بس الجوو كان روعه وايد حلو الجوو بس امس الظهر كاان رطوبه بس غاابت الشمس تعدل الجوو صار براد وونااسه

امبين بس جسمي يعورني طحت طييحه بالقاري حمدالله وشكر يااهل لووووووول ,, طرت من مكاني لي مكان ثاني لوول وطاح القاري علي
ايدي انشقت وظهري يعورني وخصري وارم لوووووول

ايدي مااقدر احركهااا على اخر يوم طحت لووول مادري منو داعي علي بس حده ونااسه كاااان


انتوو شلونكم شمسوين ؟؟؟
محد يدري عن ام الصبيااااااان من زمان موشاابكه بيصيرلهاا اسبوع كااااااااااامل تقريباا مادري عنهااا
انشاءالله خير يااارب

 

[al7noona]

شلونكم بنوتات

اليوم وديت بناتي صورتهم عند وحده معانا بالمنتدى
بنتي الصغيره قامت تصارخ تبي تنام ولما نحطها بنقعدها علشان نصورها ماترضى تبجي ههههه مالها خلق حسافه والله ماصورت عدل بعد بالقصب لقطت لهم جم لطقه معنى انا كان في بالي اني اصورهم مع بعض لقطات بس ماخلتنا بنتي من صراخها صورت بس بنتي الكبيره
انشالله اذا اكبرت عقب شهرين بوديها تصور مع اختها







ام عزوز هلا والله شلونج فقدناج انتي وام الصبيان ؟؟؟!!

 

[om_3azoz]

هلا حبيبتي الحنونه
بخير الحمدالله حتى انا فقدتكم واشتقتلكم واااايد
وام الصبياان مادري شفيهاا انشاءالله خير ياااارب فقدتهاا وايد

 

[تمر حنا]

مرحباا
شلونكم
شخبار عيالكم
كنت مسافره وتوني رديت من يومين
اشتقت لكم

 

[al7noona]

حمدالله على سلامتج تمور
وين رحتي

 

[بحر الغموض]

سلامات ام عزوز ماتشوفين شر

تمر حنا الحمدلله على السلامه وين كنت مسافره؟

الحنونه عند منو وديتيهم يصورون؟
انا ودي اصور ولدي بس وايد اتعييز وكل يوم يمر اقول حسافه

 

[حنتوشه]

هلا والله ام عدول وحنتوشه ووجودي

جنتوشه من وين شريتي الدراي؟
وجودي انا اكون متابعه الحراره كل نص ساعه اشوفها ومن اشوف بدت ترفع اعطيه على طول فماتمر ربع ساعه بالكثير نص ساعه الا نزلت

هلا حبيبتي بحورة


والله شريته من سنتربويت يهبل يهبل وايد حلو


ماركة شيكو وجنه سعرة بعد الخصم 18 ونص ...



لا يطوفج العابه تونس فيها اصوات حيوانات انا استانست عليه والله


وهذي صورته لقيتها لج

على فكرة هاللون لقيته بس بالفحيحيل


اللي بالري فيه نفس موديله بس لون ثاني ..

 

[حنتوشه]

وهذا الموديل الثاني واللون الثاني منه

بس العابه بايخه ولا فيه اصوات كثر ذاك هذا فيه سكان وبريك يعني مليق

وبالنهاية يرجع لذوقج


لحقي على السيييييييييييل

 

[هــلا الكويت]

مرحباااااااااا شلووووووووونكم و شخبااااااااركم و شلون كتكوتاتكم ..

 

[daloola]

حنتوشة
شلونج وشلون حمادة؟
مو جنه تو الناس عالدراي؟

ام عزوز
شلون الشاليه شلون عزيزان؟
حمدلله على سلامة الوالدة

الحنونة
شلون تصويرها؟ وبجم؟
يسوى والا اروح مصور احسن

بحر
انا جني انتي ...كل يوم بصور بنتي واتعييز وما اروح

كلكم شلونكم؟
بسئلكم عيالك قلبوا؟
انا بنتي بتكمل 5 شهور وماقلبت!!! رخووووووووة حدها

 

[بحر الغموض]

حنتوشه
مادري ليش صايره اكره ماركه شيكو من عقب ما شتريت كرسي السياره ورديته
حتى للحين عندي فاتوره سنتربوينت بقيمه 66 دينار
احس تو الناس على ولدي بالنسبه للدراي يمكن انطر عليه شهر

هلا الكويت كلنا بخير الحمدلله

دلوله
انا ولدي له اربع اشهر وللحين ماقلب

 

[هــلا الكويت]

من اي شهر تحطونهم بالدراجة .. احس مبجر صح كلامج غموض ..

:s

 

[++MesK++]

السلام عليكم ,,,,, ممكن انضم حق تجمعكم؟؟

 

[حنتوشه]

هلا حبايبي


شخباركم وشلونج دلوله ما نصادفج وقتج غير عن وقتنا


وعلى الدراي اي تو الناس عليه يالله اذا صار 5 ونص او 6 بس يوم شفته استانست عليه


وعليه خصم قلت يالله زلقه بطيحه شيردني مره ثانيه


وشريتله قبل اسبوع كرسي طعام وايد حلو عجبني هم من سنتربوينت ماركة بيج بريقو


وايد حلو ايطالي

 

[حنتوشه]

السلام عليكم ,,,,, ممكن انضم حق تجمعكم؟؟

هلا حبيبتي


حياج الله ومبروك ما يبتي


يالله هالله هالله بالسهر _03ba: الله يعينج